| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੧. ਪਠਮਸੁਤ੍ਤਨ੍ਤਨਿਦ੍ਦੇਸੋ
1. Paṭhamasuttantaniddeso
ਕਥਂ ਦੁਕ੍ਖਂ ਤਥਟ੍ਠੇਨ ਸਚ੍ਚਂ? ਚਤ੍ਤਾਰੋ ਦੁਕ੍ਖਸ੍ਸ ਦੁਕ੍ਖਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਦੁਕ੍ਖਸ੍ਸ ਪੀਲ਼ਨਟ੍ਠੋ, ਸਙ੍ਖਤਟ੍ਠੋ, ਸਨ੍ਤਾਪਟ੍ਠੋ, વਿਪਰਿਣਾਮਟ੍ਠੋ – ਇਮੇ ਚਤ੍ਤਾਰੋ ਦੁਕ੍ਖਸ੍ਸ ਦੁਕ੍ਖਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਏવਂ ਦੁਕ੍ਖਂ ਤਥਟ੍ਠੇਨ ਸਚ੍ਚਂ।
Kathaṃ dukkhaṃ tathaṭṭhena saccaṃ? Cattāro dukkhassa dukkhaṭṭhā tathā avitathā anaññathā. Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho – ime cattāro dukkhassa dukkhaṭṭhā tathā avitathā anaññathā. Evaṃ dukkhaṃ tathaṭṭhena saccaṃ.
ਕਥਂ ਸਮੁਦਯੋ ਤਥਟ੍ਠੇਨ ਸਚ੍ਚਂ? ਚਤ੍ਤਾਰੋ ਸਮੁਦਯਸ੍ਸ ਸਮੁਦਯਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਸਮੁਦਯਸ੍ਸ ਆਯੂਹਨਟ੍ਠੋ, ਨਿਦਾਨਟ੍ਠੋ, ਸਂਯੋਗਟ੍ਠੋ ਪਲਿਬੋਧਟ੍ਠੋ – ਇਮੇ ਚਤ੍ਤਾਰੋ ਸਮੁਦਯਸ੍ਸ ਸਮੁਦਯਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਏવਂ ਸਮੁਦਯੋ ਤਥਟ੍ਠੇਨ ਸਚ੍ਚਂ।
Kathaṃ samudayo tathaṭṭhena saccaṃ? Cattāro samudayassa samudayaṭṭhā tathā avitathā anaññathā. Samudayassa āyūhanaṭṭho, nidānaṭṭho, saṃyogaṭṭho palibodhaṭṭho – ime cattāro samudayassa samudayaṭṭhā tathā avitathā anaññathā. Evaṃ samudayo tathaṭṭhena saccaṃ.
ਕਥਂ ਨਿਰੋਧੋ ਤਥਟ੍ਠੇਨ ਸਚ੍ਚਂ? ਚਤ੍ਤਾਰੋ ਨਿਰੋਧਸ੍ਸ ਨਿਰੋਧਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਨਿਰੋਧਸ੍ਸ ਨਿਸ੍ਸਰਣਟ੍ਠੋ, વਿવੇਕਟ੍ਠੋ, ਅਸਙ੍ਖਤਟ੍ਠੋ, ਅਮਤਟ੍ਠੋ – ਇਮੇ ਚਤ੍ਤਾਰੋ ਨਿਰੋਧਸ੍ਸ ਨਿਰੋਧਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਏવਂ ਨਿਰੋਧੋ ਤਥਟ੍ਠੇਨ ਸਚ੍ਚਂ।
Kathaṃ nirodho tathaṭṭhena saccaṃ? Cattāro nirodhassa nirodhaṭṭhā tathā avitathā anaññathā. Nirodhassa nissaraṇaṭṭho, vivekaṭṭho, asaṅkhataṭṭho, amataṭṭho – ime cattāro nirodhassa nirodhaṭṭhā tathā avitathā anaññathā. Evaṃ nirodho tathaṭṭhena saccaṃ.
ਕਥਂ ਮਗ੍ਗੋ ਤਥਟ੍ਠੇਨ ਸਚ੍ਚਂ? ਚਤ੍ਤਾਰੋ ਮਗ੍ਗਸ੍ਸ ਮਗ੍ਗਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਮਗ੍ਗਸ੍ਸ ਨਿਯ੍ਯਾਨਟ੍ਠੋ, ਹੇਤੁਟ੍ਠੋ, ਦਸ੍ਸਨਟ੍ਠੋ, ਆਧਿਪਤੇਯ੍ਯਟ੍ਠੋ – ਇਮੇ ਚਤ੍ਤਾਰੋ ਮਗ੍ਗਸ੍ਸ ਮਗ੍ਗਟ੍ਠਾ ਤਥਾ ਅવਿਤਥਾ ਅਨਞ੍ਞਥਾ। ਏવਂ ਮਗ੍ਗੋ ਤਥਟ੍ਠੇਨ ਸਚ੍ਚਂ।
Kathaṃ maggo tathaṭṭhena saccaṃ? Cattāro maggassa maggaṭṭhā tathā avitathā anaññathā. Maggassa niyyānaṭṭho, hetuṭṭho, dassanaṭṭho, ādhipateyyaṭṭho – ime cattāro maggassa maggaṭṭhā tathā avitathā anaññathā. Evaṃ maggo tathaṭṭhena saccaṃ.
੯. ਕਤਿਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਚਤੂਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਤਥਟ੍ਠੇਨ, ਅਨਤ੍ਤਟ੍ਠੇਨ, ਸਚ੍ਚਟ੍ਠੇਨ, ਪਟਿવੇਧਟ੍ਠੇਨ – ਇਮੇਹਿ ਚਤੂਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
9. Katihākārehi cattāri saccāni ekappaṭivedhāni? Catūhākārehi cattāri saccāni ekappaṭivedhāni. Tathaṭṭhena, anattaṭṭhena, saccaṭṭhena, paṭivedhaṭṭhena – imehi catūhākārehi cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਚਤੂਹਾਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਤਥਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਤਥਟ੍ਠੋ, ਨਿਰੋਧਸ੍ਸ ਨਿਰੋਧਟ੍ਠੋ ਤਥਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਤਥਟ੍ਠੋ – ਇਮੇਹਿ ਚਤੂਹਾਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ tathaṭṭhena cattāri saccāni ekappaṭivedhāni? Catūhākārehi tathaṭṭhena cattāri saccāni ekappaṭivedhāni. Dukkhassa dukkhaṭṭho tathaṭṭho, samudayassa samudayaṭṭho tathaṭṭho, nirodhassa nirodhaṭṭho tathaṭṭho, maggassa maggaṭṭho tathaṭṭho – imehi catūhākārehi tathaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਅਨਤ੍ਤਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਚਤੂਹਾਕਾਰੇਹਿ ਅਨਤ੍ਤਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਅਨਤ੍ਤਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਅਨਤ੍ਤਟ੍ਠੋ, ਨਿਰੋਧਸ੍ਸ ਨਿਰੋਧਟ੍ਠੋ ਅਨਤ੍ਤਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਅਨਤ੍ਤਟ੍ਠੋ – ਇਮੇਹਿ ਚਤੂਹਾਕਾਰੇਹਿ ਅਨਤ੍ਤਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ anattaṭṭhena cattāri saccāni ekappaṭivedhāni? Catūhākārehi anattaṭṭhena cattāri saccāni ekappaṭivedhāni. Dukkhassa dukkhaṭṭho anattaṭṭho, samudayassa samudayaṭṭho anattaṭṭho, nirodhassa nirodhaṭṭho anattaṭṭho, maggassa maggaṭṭho anattaṭṭho – imehi catūhākārehi anattaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਸਚ੍ਚਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਚਤੂਹਾਕਾਰੇਹਿ ਸਚ੍ਚਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਸਚ੍ਚਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਸਚ੍ਚਟ੍ਠੋ, ਨਿਰੋਧਸ੍ਸ ਨਿਰੋਧਟ੍ਠੋ ਸਚ੍ਚਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਸਚ੍ਚਟ੍ਠੋ – ਇਮੇਹਿ ਚਤੂਹਾਕਾਰੇਹਿ ਸਚ੍ਚਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ saccaṭṭhena cattāri saccāni ekappaṭivedhāni? Catūhākārehi saccaṭṭhena cattāri saccāni ekappaṭivedhāni. Dukkhassa dukkhaṭṭho saccaṭṭho, samudayassa samudayaṭṭho saccaṭṭho, nirodhassa nirodhaṭṭho saccaṭṭho, maggassa maggaṭṭho saccaṭṭho – imehi catūhākārehi saccaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਚਤੂਹਾਕਾਰੇਹਿ ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਪਟਿવੇਧਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਪਟਿવੇਧਟ੍ਠੋ ਨਿਰੋਧਸ੍ਸ ਨਿਰੋਧਟ੍ਠੋ ਪਟਿવੇਧਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਪਟਿવੇਧਟ੍ਠੋ – ਇਮੇਹਿ ਚਤੂਹਾਕਾਰੇਹਿ ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ paṭivedhaṭṭhena cattāri saccāni ekappaṭivedhāni? Catūhākārehi paṭivedhaṭṭhena cattāri saccāni ekappaṭivedhāni. Dukkhassa dukkhaṭṭho paṭivedhaṭṭho, samudayassa samudayaṭṭho paṭivedhaṭṭho nirodhassa nirodhaṭṭho paṭivedhaṭṭho, maggassa maggaṭṭho paṭivedhaṭṭho – imehi catūhākārehi paṭivedhaṭṭhena cattāri saccāni ekasaṅgahitāni yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
੧੦. ਕਤਿਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਯਂ ਅਨਿਚ੍ਚਂ ਤਂ ਦੁਕ੍ਖਂ, ਯਂ ਦੁਕ੍ਖਂ ਤਂ ਅਨਿਚ੍ਚਂ, ਯਂ ਅਨਿਚ੍ਚਞ੍ਚ ਦੁਕ੍ਖਞ੍ਚ ਤਂ ਅਨਤ੍ਤਾ। ਯਂ ਅਨਿਚ੍ਚਞ੍ਚ ਦੁਕ੍ਖਞ੍ਚ ਅਨਤ੍ਤਾ ਚ ਤਂ ਤਥਂ। ਯਂ ਅਨਿਚ੍ਚਂ ਚ ਦੁਕ੍ਖਞ੍ਚ ਅਨਤ੍ਤਾ ਚ ਤਥਞ੍ਚ ਤਂ ਸਚ੍ਚਂ। ਯਂ ਅਨਿਚ੍ਚਞ੍ਚ ਦੁਕ੍ਖਞ੍ਚ ਅਨਤ੍ਤਾ ਚ ਤਥਞ੍ਚ ਸਚ੍ਚਞ੍ਚ ਤਂ ਏਕਸਙ੍ਗਹਿਤਂ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
10. Katihākārehi cattāri saccāni ekappaṭivedhāni? Yaṃ aniccaṃ taṃ dukkhaṃ, yaṃ dukkhaṃ taṃ aniccaṃ, yaṃ aniccañca dukkhañca taṃ anattā. Yaṃ aniccañca dukkhañca anattā ca taṃ tathaṃ. Yaṃ aniccaṃ ca dukkhañca anattā ca tathañca taṃ saccaṃ. Yaṃ aniccañca dukkhañca anattā ca tathañca saccañca taṃ ekasaṅgahitaṃ. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਤਿਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਨવਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਤਥਟ੍ਠੇਨ, ਅਨਤ੍ਤਟ੍ਠੇਨ, ਸਚ੍ਚਟ੍ਠੇਨ, ਪਟਿવੇਧਟ੍ਠੇਨ, ਅਭਿਞ੍ਞਟ੍ਠੇਨ, ਪਰਿਞ੍ਞਟ੍ਠੇਨ, ਪਹਾਨਟ੍ਠੇਨ, ਭਾવਨਟ੍ਠੇਨ, ਸਚ੍ਛਿਕਿਰਿਯਟ੍ਠੇਨ – ਇਮੇਹਿ ਨવਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Katihākārehi cattāri saccāni ekappaṭivedhāni? Navahākārehi cattāri saccāni ekappaṭivedhāni. Tathaṭṭhena, anattaṭṭhena, saccaṭṭhena, paṭivedhaṭṭhena, abhiññaṭṭhena, pariññaṭṭhena, pahānaṭṭhena, bhāvanaṭṭhena, sacchikiriyaṭṭhena – imehi navahākārehi cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਨવਹਾਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਤਥਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਤਥਟ੍ਠੋ, ਨਿਰੋਧਸ੍ਸ ਨਿਰੋਧਟ੍ਠੋ ਤਥਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਤਥਟ੍ਠੋ, ਅਭਿਞ੍ਞਾਯ ਅਭਿਞ੍ਞਟ੍ਠੋ ਤਥਟ੍ਠੋ, ਪਰਿਞ੍ਞਾਯ ਪਰਿਞ੍ਞਟ੍ਠੋ ਤਥਟ੍ਠੋ, ਪਹਾਨਸ੍ਸ ਪਹਾਨਟ੍ਠੋ ਤਥਟ੍ਠੋ, ਭਾવਨਾਯ ਭਾવਨਟ੍ਠੋ ਤਥਟ੍ਠੋ, ਸਚ੍ਛਿਕਿਰਿਯਾਯ ਸਚ੍ਛਿਕਿਰਿਯਟ੍ਠੋ ਤਥਟ੍ਠੋ – ਇਮੇਹਿ ਨવਹਾਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ tathaṭṭhena cattāri saccāni ekappaṭivedhāni? Navahākārehi tathaṭṭhena cattāri saccāni ekappaṭivedhāni. Dukkhassa dukkhaṭṭho tathaṭṭho, samudayassa samudayaṭṭho tathaṭṭho, nirodhassa nirodhaṭṭho tathaṭṭho, maggassa maggaṭṭho tathaṭṭho, abhiññāya abhiññaṭṭho tathaṭṭho, pariññāya pariññaṭṭho tathaṭṭho, pahānassa pahānaṭṭho tathaṭṭho, bhāvanāya bhāvanaṭṭho tathaṭṭho, sacchikiriyāya sacchikiriyaṭṭho tathaṭṭho – imehi navahākārehi tathaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਅਨਤ੍ਤਟ੍ਠੇਨ… ਸਚ੍ਚਟ੍ਠੇਨ… ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਨવਹਾਕਾਰੇਹਿ ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਦੁਕ੍ਖਟ੍ਠੋ ਪਟਿવੇਧਟ੍ਠੋ, ਸਮੁਦਯਸ੍ਸ ਸਮੁਦਯਟ੍ਠੋ ਪਟਿવੇਧਟ੍ਠੋ, ਨਿਰੋਧਸ੍ਸ ਨਿਰੋਧਟ੍ਠੋ ਪਟਿવੇਧਟ੍ਠੋ, ਮਗ੍ਗਸ੍ਸ ਮਗ੍ਗਟ੍ਠੋ ਪਟਿવੇਧਟ੍ਠੋ, ਅਭਿਞ੍ਞਾਯ ਅਭਿਞ੍ਞਟ੍ਠੋ ਪਟਿવੇਧਟ੍ਠੋ, ਪਰਿਞ੍ਞਾਯ ਪਰਿਞ੍ਞਟ੍ਠੋ ਪਟਿવੇਧਟ੍ਠੋ, ਪਹਾਨਸ੍ਸ ਪਹਾਨਟ੍ਠੋ ਪਟਿવੇਧਟ੍ਠੋ, ਭਾવਨਾਯ ਭਾવਨਟ੍ਠੋ ਪਟਿવੇਧਟ੍ਠੋ, ਸਚ੍ਛਿਕਿਰਿਯਾਯ ਸਚ੍ਛਿਕਿਰਿਯਟ੍ਠੋ ਪਟਿવੇਧਟ੍ਠੋ – ਇਮੇਹਿ ਨવਹਾਕਾਰੇਹਿ ਪਟਿવੇਧਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ anattaṭṭhena… saccaṭṭhena… paṭivedhaṭṭhena cattāri saccāni ekappaṭivedhāni? Navahākārehi paṭivedhaṭṭhena cattāri saccāni ekappaṭivedhāni. Dukkhassa dukkhaṭṭho paṭivedhaṭṭho, samudayassa samudayaṭṭho paṭivedhaṭṭho, nirodhassa nirodhaṭṭho paṭivedhaṭṭho, maggassa maggaṭṭho paṭivedhaṭṭho, abhiññāya abhiññaṭṭho paṭivedhaṭṭho, pariññāya pariññaṭṭho paṭivedhaṭṭho, pahānassa pahānaṭṭho paṭivedhaṭṭho, bhāvanāya bhāvanaṭṭho paṭivedhaṭṭho, sacchikiriyāya sacchikiriyaṭṭho paṭivedhaṭṭho – imehi navahākārehi paṭivedhaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
੧੧. ਕਤਿਹਾਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਦ੍વਾਦਸਹਿ ਆਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਤਥਟ੍ਠੇਨ, ਅਨਤ੍ਤਟ੍ਠੇਨ, ਸਚ੍ਚਟ੍ਠੇਨ, ਪਟਿવੇਧਟ੍ਠੇਨ, ਅਭਿਜਾਨਨਟ੍ਠੇਨ, ਪਰਿਜਾਨਨਟ੍ਠੇਨ, ਧਮ੍ਮਟ੍ਠੇਨ, ਤਥਟ੍ਠੇਨ, ਞਾਤਟ੍ਠੇਨ, ਸਚ੍ਛਿਕਿਰਿਯਟ੍ਠੇਨ, ਫਸ੍ਸਨਟ੍ਠੇਨ, ਅਭਿਸਮਯਟ੍ਠੇਨ – ਇਮੇਹਿ ਦ੍વਾਦਸਹਿ ਆਕਾਰੇਹਿ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
11. Katihākārehi cattāri saccāni ekappaṭivedhāni? Dvādasahi ākārehi cattāri saccāni ekappaṭivedhāni. Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, tathaṭṭhena, ñātaṭṭhena, sacchikiriyaṭṭhena, phassanaṭṭhena, abhisamayaṭṭhena – imehi dvādasahi ākārehi cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਸੋਲ਼ਸਹਿ ਆਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਪੀਲ਼ਨਟ੍ਠੋ, ਸਙ੍ਖਤਟ੍ਠੋ, ਸਨ੍ਤਾਪਟ੍ਠੋ, વਿਪਰਿਣਾਮਟ੍ਠੋ, ਤਥਟ੍ਠੋ; ਸਮੁਦਯਸ੍ਸ ਆਯੂਹਨਟ੍ਠੋ, ਨਿਦਾਨਟ੍ਠੋ, ਸਂਯੋਗਟ੍ਠੋ, ਪਲਿਬੋਧਟ੍ਠੋ ਤਥਟ੍ਠੋ; ਨਿਰੋਧਸ੍ਸ ਨਿਸ੍ਸਰਣਟ੍ਠੋ, વਿવੇਕਟ੍ਠੋ, ਅਸਙ੍ਖਤਟ੍ਠੋ, ਅਮਤਟ੍ਠੋ ਤਥਟ੍ਠੋ; ਮਗ੍ਗਸ੍ਸ ਨਿਯ੍ਯਾਨਟ੍ਠੋ, ਹੇਤੁਟ੍ਠੋ, ਦਸ੍ਸਨਟ੍ਠੋ, ਆਧਿਪਤੇਯ੍ਯਟ੍ਠੋ ਤਥਟ੍ਠੋ – ਇਮੇਹਿ ਸੋਲ਼ਸਹਿ ਆਕਾਰੇਹਿ ਤਥਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ tathaṭṭhena cattāri saccāni ekappaṭivedhāni? Soḷasahi ākārehi tathaṭṭhena cattāri saccāni ekappaṭivedhāni. Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho, tathaṭṭho; samudayassa āyūhanaṭṭho, nidānaṭṭho, saṃyogaṭṭho, palibodhaṭṭho tathaṭṭho; nirodhassa nissaraṇaṭṭho, vivekaṭṭho, asaṅkhataṭṭho, amataṭṭho tathaṭṭho; maggassa niyyānaṭṭho, hetuṭṭho, dassanaṭṭho, ādhipateyyaṭṭho tathaṭṭho – imehi soḷasahi ākārehi tathaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
ਕਥਂ ਅਨਤ੍ਤਟ੍ਠੇਨ…ਪੇ॰… ਸਚ੍ਚਟ੍ਠੇਨ… ਪਟਿવੇਧਟ੍ਠੇਨ… ਅਭਿਜਾਨਨਟ੍ਠੇਨ… ਪਰਿਜਾਨਨਟ੍ਠੇਨ… ਧਮ੍ਮਟ੍ਠੇਨ… ਤਥਟ੍ਠੇਨ… ਞਾਤਟ੍ਠੇਨ… ਸਚ੍ਛਿਕਿਰਿਯਟ੍ਠੇਨ… ਫਸ੍ਸਨਟ੍ਠੇਨ… ਅਭਿਸਮਯਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ? ਸੋਲ਼ਸਹਿ ਆਕਾਰੇਹਿ ਅਭਿਸਮਯਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ। ਦੁਕ੍ਖਸ੍ਸ ਪੀਲ਼ਨਟ੍ਠੋ, ਸਙ੍ਖਤਟ੍ਠੋ, ਸਨ੍ਤਾਪਟ੍ਠੋ, વਿਪਰਿਣਾਮਟ੍ਠੋ, ਅਭਿਸਮਯਟ੍ਠੋ; ਸਮੁਦਯਸ੍ਸ ਆਯੂਹਨਟ੍ਠੋ, ਨਿਦਾਨਟ੍ਠੋ, ਸਂਯੋਗਟ੍ਠੋ, ਪਲਿਬੋਧਟ੍ਠੋ, ਅਭਿਸਮਯਟ੍ਠੋ; ਨਿਰੋਧਸ੍ਸ ਨਿਸ੍ਸਰਣਟ੍ਠੋ , વਿવੇਕਟ੍ਠੋ, ਅਸਙ੍ਖਤਟ੍ਠੋ, ਅਮਤਟ੍ਠੋ, ਅਭਿਸਮਯਟ੍ਠੋ; ਮਗ੍ਗਸ੍ਸ ਨਿਯ੍ਯਾਨਟ੍ਠੋ, ਹੇਤੁਟ੍ਠੋ, ਦਸ੍ਸਨਟ੍ਠੋ, ਆਧਿਪਤੇਯ੍ਯਟ੍ਠੋ, ਅਭਿਸਮਯਟ੍ਠੋ – ਇਮੇਹਿ ਸੋਲ਼ਸਹਿ ਆਕਾਰੇਹਿ ਅਭਿਸਮਯਟ੍ਠੇਨ ਚਤ੍ਤਾਰਿ ਸਚ੍ਚਾਨਿ ਏਕਸਙ੍ਗਹਿਤਾਨਿ। ਯਂ ਏਕਸਙ੍ਗਹਿਤਂ ਤਂ ਏਕਤ੍ਤਂ। ਏਕਤ੍ਤਂ ਏਕੇਨ ਞਾਣੇਨ ਪਟਿવਿਜ੍ਝਤੀਤਿ – ਚਤ੍ਤਾਰਿ ਸਚ੍ਚਾਨਿ ਏਕਪ੍ਪਟਿવੇਧਾਨਿ।
Kathaṃ anattaṭṭhena…pe… saccaṭṭhena… paṭivedhaṭṭhena… abhijānanaṭṭhena… parijānanaṭṭhena… dhammaṭṭhena… tathaṭṭhena… ñātaṭṭhena… sacchikiriyaṭṭhena… phassanaṭṭhena… abhisamayaṭṭhena cattāri saccāni ekappaṭivedhāni? Soḷasahi ākārehi abhisamayaṭṭhena cattāri saccāni ekappaṭivedhāni. Dukkhassa pīḷanaṭṭho, saṅkhataṭṭho, santāpaṭṭho, vipariṇāmaṭṭho, abhisamayaṭṭho; samudayassa āyūhanaṭṭho, nidānaṭṭho, saṃyogaṭṭho, palibodhaṭṭho, abhisamayaṭṭho; nirodhassa nissaraṇaṭṭho , vivekaṭṭho, asaṅkhataṭṭho, amataṭṭho, abhisamayaṭṭho; maggassa niyyānaṭṭho, hetuṭṭho, dassanaṭṭho, ādhipateyyaṭṭho, abhisamayaṭṭho – imehi soḷasahi ākārehi abhisamayaṭṭhena cattāri saccāni ekasaṅgahitāni. Yaṃ ekasaṅgahitaṃ taṃ ekattaṃ. Ekattaṃ ekena ñāṇena paṭivijjhatīti – cattāri saccāni ekappaṭivedhāni.
੧੨. ਸਚ੍ਚਾਨਂ ਕਤਿ ਲਕ੍ਖਣਾਨਿ? ਸਚ੍ਚਾਨਂ ਦ੍વੇ ਲਕ੍ਖਣਾਨਿ। ਸਙ੍ਖਤਲਕ੍ਖਣਞ੍ਚ, ਅਸਙ੍ਖਤਲਕ੍ਖਣਞ੍ਚ – ਸਚ੍ਚਾਨਂ ਇਮਾਨਿ ਦ੍વੇ ਲਕ੍ਖਣਾਨਿ।
12. Saccānaṃ kati lakkhaṇāni? Saccānaṃ dve lakkhaṇāni. Saṅkhatalakkhaṇañca, asaṅkhatalakkhaṇañca – saccānaṃ imāni dve lakkhaṇāni.
ਸਚ੍ਚਾਨਂ ਕਤਿ ਲਕ੍ਖਣਾਨਿ? ਸਚ੍ਚਾਨਂ ਛ ਲਕ੍ਖਣਾਨਿ। ਸਙ੍ਖਤਾਨਂ ਸਚ੍ਚਾਨਂ ਉਪ੍ਪਾਦੋ ਪਞ੍ਞਾਯਤਿ, વਯੋ ਪਞ੍ਞਾਯਤਿ, ਠਿਤਾਨਂ ਅਞ੍ਞਥਤ੍ਤਂ ਪਞ੍ਞਾਯਤਿ ਅਸਙ੍ਖਤਸ੍ਸ ਸਚ੍ਚਸ੍ਸ ਨ ਉਪ੍ਪਾਦੋ ਪਞ੍ਞਾਯਤਿ , ਨ વਯੋ ਪਞ੍ਞਾਯਤਿ, ਨ ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ – ਸਚ੍ਚਾਨਂ ਇਮਾਨਿ ਛ ਲਕ੍ਖਣਾਨਿ।
Saccānaṃ kati lakkhaṇāni? Saccānaṃ cha lakkhaṇāni. Saṅkhatānaṃ saccānaṃ uppādo paññāyati, vayo paññāyati, ṭhitānaṃ aññathattaṃ paññāyati asaṅkhatassa saccassa na uppādo paññāyati , na vayo paññāyati, na ṭhitassa aññathattaṃ paññāyati – saccānaṃ imāni cha lakkhaṇāni.
ਸਚ੍ਚਾਨਂ ਕਤਿ ਲਕ੍ਖਣਾਨਿ? ਸਚ੍ਚਾਨਂ ਦ੍વਾਦਸ ਲਕ੍ਖਣਾਨਿ। ਦੁਕ੍ਖਸਚ੍ਚਸ੍ਸ ਉਪ੍ਪਾਦੋ ਪਞ੍ਞਾਯਤਿ, વਯੋ ਪਞ੍ਞਾਯਤਿ, ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ; ਸਮੁਦਯਸਚ੍ਚਸ੍ਸ ਉਪ੍ਪਾਦੋ ਪਞ੍ਞਾਯਤਿ, વਯੋ ਪਞ੍ਞਾਯਤਿ, ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ; ਮਗ੍ਗਸਚ੍ਚਸ੍ਸ ਉਪ੍ਪਾਦੋ ਪਞ੍ਞਾਯਤਿ, વਯੋ ਪਞ੍ਞਾਯਤਿ, ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ; ਨਿਰੋਧਸਚ੍ਚਸ੍ਸ ਨ ਉਪ੍ਪਾਦੋ ਪਞ੍ਞਾਯਤਿ, ਨ વਯੋ ਪਞ੍ਞਾਯਤਿ, ਨ ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ – ਸਚ੍ਚਾਨਂ ਇਮਾਨਿ ਦ੍વਾਦਸ ਲਕ੍ਖਣਾਨਿ।
Saccānaṃ kati lakkhaṇāni? Saccānaṃ dvādasa lakkhaṇāni. Dukkhasaccassa uppādo paññāyati, vayo paññāyati, ṭhitassa aññathattaṃ paññāyati; samudayasaccassa uppādo paññāyati, vayo paññāyati, ṭhitassa aññathattaṃ paññāyati; maggasaccassa uppādo paññāyati, vayo paññāyati, ṭhitassa aññathattaṃ paññāyati; nirodhasaccassa na uppādo paññāyati, na vayo paññāyati, na ṭhitassa aññathattaṃ paññāyati – saccānaṃ imāni dvādasa lakkhaṇāni.
ਚਤੁਨ੍ਨਂ ਸਚ੍ਚਾਨਂ ਕਤਿ ਕੁਸਲਾ, ਕਤਿ ਅਕੁਸਲਾ, ਕਤਿ ਅਬ੍ਯਾਕਤਾ? ਸਮੁਦਯਸਚ੍ਚਂ ਅਕੁਸਲਂ, ਮਗ੍ਗਸਚ੍ਚਂ ਕੁਸਲਂ , ਨਿਰੋਧਸਚ੍ਚਂ ਅਬ੍ਯਾਕਤਂ। ਦੁਕ੍ਖਸਚ੍ਚਂ ਸਿਯਾ ਕੁਸਲਂ, ਸਿਯਾ ਅਕੁਸਲਂ, ਸਿਯਾ ਅਬ੍ਯਾਕਤਂ।
Catunnaṃ saccānaṃ kati kusalā, kati akusalā, kati abyākatā? Samudayasaccaṃ akusalaṃ, maggasaccaṃ kusalaṃ , nirodhasaccaṃ abyākataṃ. Dukkhasaccaṃ siyā kusalaṃ, siyā akusalaṃ, siyā abyākataṃ.
ਸਿਯਾ ਤੀਣਿ ਸਚ੍ਚਾਨਿ ਏਕਸਚ੍ਚੇਨ ਸਙ੍ਗਹਿਤਾਨਿ, ਏਕਸਚ੍ਚਂ ਤੀਹਿ ਸਚ੍ਚੇਹਿ ਸਙ੍ਗਹਿਤਂ? વਤ੍ਥੁવਸੇਨ ਪਰਿਯਾਯੇਨ ਸਿਯਾਤਿ। ਕਥਞ੍ਚ ਸਿਯਾ? ਯਂ ਦੁਕ੍ਖਸਚ੍ਚਂ ਅਕੁਸਲਂ, ਸਮੁਦਯਸਚ੍ਚਂ ਅਕੁਸਲਂ – ਏવਂ ਅਕੁਸਲਟ੍ਠੇਨ ਦ੍વੇ ਸਚ੍ਚਾਨਿ ਏਕਸਚ੍ਚੇਨ ਸਙ੍ਗਹਿਤਾਨਿ, ਏਕਸਚ੍ਚਂ ਦ੍વੀਹਿ ਸਚ੍ਚੇਹਿ ਸਙ੍ਗਹਿਤਂ। ਯਂ ਦੁਕ੍ਖਸਚ੍ਚਂ ਕੁਸਲਂ, ਮਗ੍ਗਸਚ੍ਚਂ ਕੁਸਲਂ – ਏવਂ ਕੁਸਲਟ੍ਠੇਨ ਦ੍વੇ ਸਚ੍ਚਾਨਿ ਏਕਸਚ੍ਚੇਨ ਸਙ੍ਗਹਿਤਾਨਿ , ਏਕਸਚ੍ਚਂ ਦ੍વੀਹਿ ਸਚ੍ਚੇਹਿ ਸਙ੍ਗਹਿਤਂ। ਯਂ ਦੁਕ੍ਖਸਚ੍ਚਂ ਅਬ੍ਯਾਕਤਂ, ਨਿਰੋਧਸਚ੍ਚਂ ਅਬ੍ਯਾਕਤਂ – ਏવਂ ਅਬ੍ਯਾਕਤਟ੍ਠੇਨ ਦ੍વੇ ਸਚ੍ਚਾਨਿ ਏਕਸਚ੍ਚੇਨ ਸਙ੍ਗਹਿਤਾਨਿ, ਏਕਸਚ੍ਚਂ ਦ੍વੀਹਿ ਸਚ੍ਚੇਹਿ ਸਙ੍ਗਹਿਤਂ। ਏવਂ ਸਿਯਾ ਤੀਣਿ ਸਚ੍ਚਾਨਿ ਏਕਸਚ੍ਚੇਨ ਸਙ੍ਗਹਿਤਾਨਿ, ਏਕਸਚ੍ਚਂ ਤੀਹਿ ਸਚ੍ਚੇਹਿ ਸਙ੍ਗਹਿਤਂ વਤ੍ਥੁવਸੇਨ ਪਰਿਯਾਯੇਨਾਤਿ।
Siyā tīṇi saccāni ekasaccena saṅgahitāni, ekasaccaṃ tīhi saccehi saṅgahitaṃ? Vatthuvasena pariyāyena siyāti. Kathañca siyā? Yaṃ dukkhasaccaṃ akusalaṃ, samudayasaccaṃ akusalaṃ – evaṃ akusalaṭṭhena dve saccāni ekasaccena saṅgahitāni, ekasaccaṃ dvīhi saccehi saṅgahitaṃ. Yaṃ dukkhasaccaṃ kusalaṃ, maggasaccaṃ kusalaṃ – evaṃ kusalaṭṭhena dve saccāni ekasaccena saṅgahitāni , ekasaccaṃ dvīhi saccehi saṅgahitaṃ. Yaṃ dukkhasaccaṃ abyākataṃ, nirodhasaccaṃ abyākataṃ – evaṃ abyākataṭṭhena dve saccāni ekasaccena saṅgahitāni, ekasaccaṃ dvīhi saccehi saṅgahitaṃ. Evaṃ siyā tīṇi saccāni ekasaccena saṅgahitāni, ekasaccaṃ tīhi saccehi saṅgahitaṃ vatthuvasena pariyāyenāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੧. ਪਠਮਸੁਤ੍ਤਨ੍ਤਨਿਦ੍ਦੇਸવਣ੍ਣਨਾ • 1. Paṭhamasuttantaniddesavaṇṇanā
