| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. батамад̇ат̇ааг̇ад̇аажчарияасуд̇д̇ам̣
7. Paṭhamatathāgataacchariyasuttaṃ
127. ‘‘д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа жад̇д̇ааро ажчарияаа аб̣бхуд̇аа д̇хаммаа 1 баад̇убхаванд̇и. гад̇амз жад̇д̇ааро? яад̣̇аа, бхигкавз, б̣од̇хисад̇д̇о д̇усид̇аа гааяаа жавид̇ваа сад̇о самбаж̇аано маад̇угужчим̣ оггамад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ 2 жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа аяам̣ батамо ажчарияо аб̣бхуд̇о д̇хаммо 3 баад̇убхавад̇и.
127. ‘‘Tathāgatassa , bhikkhave, arahato sammāsambuddhassa pātubhāvā cattāro acchariyā abbhutā dhammā 4 pātubhavanti. Katame cattāro? Yadā, bhikkhave, bodhisatto tusitā kāyā cavitvā sato sampajāno mātukucchiṃ okkamati, atha sadevake loke samārake sabrahmake sassamaṇabrāhmaṇiyā pajāya sadevamanussāya appamāṇo uḷāro obhāso pātubhavati atikkammeva devānaṃ devānubhāvaṃ. Yāpi tā lokantarikā aghā asaṃvutā andhakārā andhakāratimisā yatthapimesaṃ 5 candimasūriyānaṃ evaṃmahiddhikānaṃ evaṃmahānubhāvānaṃ ābhā nānubhonti, tatthapi appamāṇo uḷāro obhāso pātubhavati atikkammeva devānaṃ devānubhāvaṃ. Yepi tattha sattā upapannā tepi tenobhāsena aññamaññaṃ sañjānanti – ‘aññepi kira, bho, santi sattā idhūpapannā’ti. Tathāgatassa , bhikkhave, arahato sammāsambuddhassa pātubhāvā ayaṃ paṭhamo acchariyo abbhuto dhammo 6 pātubhavati.
‘‘буна жабарам̣, бхигкавз, яад̣̇аа б̣од̇хисад̇д̇о сад̇о самбаж̇аано маад̇угужчимхаа нигкамад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̣̇уд̇ияо ажчарияо аб̣бхуд̇о д̇хаммо баад̇убхавад̇и.
‘‘Puna caparaṃ, bhikkhave, yadā bodhisatto sato sampajāno mātukucchimhā nikkhamati, atha sadevake loke samārake sabrahmake sassamaṇabrāhmaṇiyā pajāya sadevamanussāya appamāṇo uḷāro obhāso pātubhavati atikkammeva devānaṃ devānubhāvaṃ. Yāpi tā lokantarikā aghā asaṃvutā andhakārā andhakāratimisā yatthapimesaṃ candimasūriyānaṃ evaṃmahiddhikānaṃ evaṃmahānubhāvānaṃ ābhā nānubhonti, tatthapi appamāṇo uḷāro obhāso pātubhavati atikkammeva devānaṃ devānubhāvaṃ. Yepi tattha sattā upapannā tepi tenobhāsena aññamaññaṃ sañjānanti – ‘aññepi kira, bho, santi sattā idhūpapannā’ti. Tathāgatassa, bhikkhave, arahato sammāsambuddhassa pātubhāvā ayaṃ dutiyo acchariyo abbhuto dhammo pātubhavati.
‘‘буна жабарам̣, бхигкавз, яад̣̇аа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̇ад̇ияо ажчарияо аб̣бхуд̇о д̇хаммо баад̇убхавад̇и.
‘‘Puna caparaṃ, bhikkhave, yadā tathāgato anuttaraṃ sammāsambodhiṃ abhisambujjhati, atha sadevake loke samārake sabrahmake sassamaṇabrāhmaṇiyā pajāya sadevamanussāya appamāṇo uḷāro obhāso pātubhavati atikkammeva devānaṃ devānubhāvaṃ. Yāpi tā lokantarikā aghā asaṃvutā andhakārā andhakāratimisā yatthapimesaṃ candimasūriyānaṃ evaṃmahiddhikānaṃ evaṃmahānubhāvānaṃ ābhā nānubhonti, tatthapi appamāṇo uḷāro obhāso pātubhavati atikkammeva devānaṃ devānubhāvaṃ. Yepi tattha sattā upapannā tepi tenobhāsena aññamaññaṃ sañjānanti – ‘aññepi kira, bho, santi sattā idhūpapannā’ti. Tathāgatassa, bhikkhave, arahato sammāsambuddhassa pātubhāvā ayaṃ tatiyo acchariyo abbhuto dhammo pātubhavati.
‘‘буна жабарам̣, бхигкавз, яад̣̇аа д̇ат̇ааг̇ад̇о ануд̇д̇арам̣ д̇хаммажаггам̣ бавад̇д̇зд̇и, ат̇а сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. яааби д̇аа логанд̇аригаа агхаа асам̣вуд̇аа анд̇хагаараа анд̇хагаарад̇имисаа яад̇т̇абимзсам̣ жанд̣̇имасуурияаанам̣ звам̣махид̣̇д̇хигаанам̣ звам̣махаанубхааваанам̣ аабхаа наанубхонд̇и, д̇ад̇т̇аби аббамаан̣о ул̣ааро обхаасо баад̇убхавад̇и ад̇иггаммзва д̣̇зваанам̣ д̣̇зваанубхаавам̣. язби д̇ад̇т̇а сад̇д̇аа убабаннаа д̇зби д̇знобхаасзна ан̃н̃аман̃н̃ам̣ сан̃ж̇аананд̇и – ‘ан̃н̃зби гира, бхо, санд̇и сад̇д̇аа ид̇хуубабаннаа’д̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ жад̇уд̇т̇о ажчарияо аб̣бхуд̇о д̇хаммо баад̇убхавад̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа имз жад̇д̇ааро ажчарияаа аб̣бхуд̇аа д̇хаммаа баад̇убхаванд̇ий’’д̇и. сад̇д̇амам̣.
‘‘Puna caparaṃ, bhikkhave, yadā tathāgato anuttaraṃ dhammacakkaṃ pavatteti, atha sadevake loke samārake sabrahmake sassamaṇabrāhmaṇiyā pajāya sadevamanussāya appamāṇo uḷāro obhāso pātubhavati atikkammeva devānaṃ devānubhāvaṃ. Yāpi tā lokantarikā aghā asaṃvutā andhakārā andhakāratimisā yatthapimesaṃ candimasūriyānaṃ evaṃmahiddhikānaṃ evaṃmahānubhāvānaṃ ābhā nānubhonti, tatthapi appamāṇo uḷāro obhāso pātubhavati atikkammeva devānaṃ devānubhāvaṃ. Yepi tattha sattā upapannā tepi tenobhāsena aññamaññaṃ sañjānanti – ‘aññepi kira, bho, santi sattā idhūpapannā’ti. Tathāgatassa, bhikkhave, arahato sammāsambuddhassa pātubhāvā ayaṃ catuttho acchariyo abbhuto dhammo pātubhavati. Tathāgatassa, bhikkhave, arahato sammāsambuddhassa pātubhāvā ime cattāro acchariyā abbhutā dhammā pātubhavantī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. батамад̇ат̇ааг̇ад̇аажчарияасуд̇д̇аван̣н̣анаа • 7. Paṭhamatathāgataacchariyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. батамад̇ат̇ааг̇ад̇аажчарияасуд̇д̇аван̣н̣анаа • 7. Paṭhamatathāgataacchariyasuttavaṇṇanā
