7. батамад̇ат̇ааг̇ад̇аажчарияасуд̇д̇аван̣н̣анаа

127. сад̇д̇амз баад̇убхааваад̇и баад̇убхаавзна. гужчим̣ оггамад̇ийд̇и зд̇т̇а гужчим̣ огганд̇о ход̇ийд̇и ад̇т̇о. огганд̇з хи д̇асмим̣ звам̣ ход̇и, на оггамамаанз. аббамаан̣од̇и вуд̣дхиббамаан̣о, вибулод̇и ад̇т̇о. ул̣аарод̇и д̇ассзва взважанам̣. д̣̇зваанам̣ д̣̇зваанубхааванд̇и зд̇т̇а д̣̇зваанам̣ аяамаанубхааво – нивад̇т̇авад̇т̇асса бабхаа д̣̇ваад̣̇аса яож̇анаани парад̇и, д̇ат̇аа сарийрасса, д̇ат̇аа вимаанасса, д̇ам̣ ад̇иггамид̇ваад̇и ад̇т̇о. логанд̇аригаад̇и д̇ин̣н̣ам̣ д̇ин̣н̣ам̣ жаггаваал̣аанам̣ анд̇араа згзго логанд̇ариго ход̇и, д̇ин̣н̣ам̣ сагадажаггаанам̣ бад̇д̇аанам̣ ваа ан̃н̃аман̃н̃ам̣ аахажжа табид̇аанам̣ маж̇жхз огаасо вияа. со бана логанд̇ариганираяо баримаан̣ад̇о адтаяож̇анасахассаббамаан̣о ход̇и. агхаад̇и нижжавивадаа. асам̣вуд̇аад̇и хздтааби аббад̇идтаа. анд̇хагаараад̇и д̇амабхууд̇аа. анд̇хагаарад̇имисаад̇и жагкувин̃н̃аан̣уббад̇д̇инивааран̣ад̇о анд̇хабхаавагаран̣ад̇имисааяа саманнааг̇ад̇аа. д̇ад̇т̇а гира жагкувин̃н̃аан̣ам̣ на ж̇ааяад̇и. звам̣махид̣̇д̇хигаананд̇и жанд̣̇имасуурияаа гира згаббахаарзнзва д̇ийсу д̣̇ийбзсу бан̃н̃ааяанд̇и, звам̣махид̣̇д̇хигаа. згзгааяа д̣̇исааяа нава нава яож̇анасад̇асахассаани анд̇хагаарам̣ вид̇хамид̇ваа аалогам̣ д̣̇ассзнд̇и, звам̣махаанубхааваа. аабхаа наанубхонд̇ийд̇и бабхаа наббахонд̇и. д̇з гира жаггаваал̣абаб̣б̣ад̇асса взмаж̇жхзна жаранд̇и жаггаваал̣абаб̣б̣ад̇ан̃жа ад̇иггамид̇ваа логанд̇аранираяаа. д̇асмаа д̇зсам̣ д̇ад̇т̇а аабхаа наббахонд̇и.

язби д̇ад̇т̇а сад̇д̇аад̇и язби д̇асмим̣ логанд̇арамахаанираяз сад̇д̇аа убабаннаа. гим̣ бана гаммам̣ гад̇ваа д̇ад̇т̇а уббаж̇ж̇анд̇ийд̇и? бхаарияам̣ д̣̇аарун̣ам̣ маад̇аабид̇уунам̣ д̇хаммигасаман̣аб̣раахман̣аанан̃жа убари абараад̇хам̣, ан̃н̃ан̃жа д̣̇ивасз д̣̇ивасз баан̣авад̇хаад̣̇исаахасигагаммам̣ гад̇ваа уббаж̇ж̇анд̇и д̇амб̣абан̣н̣ид̣̇ийбз абхаяажоранааг̇ажораад̣̇аяо вияа. д̇зсам̣ ад̇д̇абхааво д̇иг̇аавуд̇иго ход̇и, ваг̇г̇улийнам̣ вияа д̣̇ийгханакаа хонд̇и. д̇з ругкз ваг̇г̇улияо вияа накзхи жаггаваал̣абаб̣б̣ад̇абаад̣̇з лаг̇г̇анд̇и. яад̣̇аа сам̣саббанд̇аа ан̃н̃аман̃н̃асса хад̇т̇абаасаг̇ад̇аа хонд̇и, ат̇а ‘‘бхагко но лад̣̇д̇хо’’д̇и ман̃н̃амаанаа д̇ад̇т̇а б̣яаавадаа вибаривад̇д̇ид̇ваа логасанд̇хаарагауд̣̇агз бад̇анд̇и, ваад̇з бахаранд̇зби мад̇хугапалаани вияа чиж̇ж̇ид̇ваа уд̣̇агз бад̇анд̇и, бад̇ид̇амад̇д̇аава ажжанд̇акаарз уд̣̇агз бидтабин̣д̣и вияа вилийяанд̇и. ан̃н̃зби гира бхо санд̇и сад̇д̇аад̇и бхо яат̇аа маяам̣ махаад̣̇угкам̣ анубхаваама, звам̣ ан̃н̃зби гира сад̇д̇аа ид̣̇ам̣ д̣̇угкам̣ анубхаванад̇т̇ааяа ид̇хуубабаннаад̇и д̇ам̣д̣̇ивасам̣ бассанд̇и. аяам̣ бана обхаасо згаяааг̇убаанамад̇д̇амби на д̇идтад̇и. яаавад̇аа нид̣̇д̣̇ааяид̇ваа баб̣уд̣̇д̇хо аарамман̣ам̣ вибхаавзд̇и , д̇ад̇д̇агам̣ гаалам̣ ход̇и. д̣̇ийгхабхаан̣агаа бана ‘‘ажчараасан̇гхаад̇амад̇д̇амзва виж̇ж̇уобхаасо вияа нижчарид̇ваа гим̣ ид̣̇анд̇и бхан̣анд̇аанам̣язва анд̇арад̇хааяад̇ий’’д̇и вад̣̇анд̇и.