| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. батамад̇ат̇ааг̇ад̇аажчарияасуд̇д̇аван̣н̣анаа
7. Paṭhamatathāgataacchariyasuttavaṇṇanā
127. сад̇д̇амз вад̇д̇амаанасамийбз вад̇д̇амаанз вияа вохарид̇аб̣б̣анд̇и ‘‘оггамад̇ий’’д̇и ааха ‘‘огганд̇о ход̇ийд̇и ад̇т̇о’’д̇и. д̣̇асасахассажаггаваал̣абад̇т̇аран̣о самуж̇ж̇алабхаавзна ул̣ааро. д̣̇зваанубхааванд̇и д̣̇зваанам̣ бабхаанубхаавам̣. д̣̇зваанан̃хи бабхам̣ со обхаасо ад̇хибхавад̇и, на д̣̇звз. д̇знааха ‘‘д̣̇зваана’’нд̇иаад̣̇и. ругкаг̇ажчаад̣̇инаа гзнажи на хан̃н̃ад̇ийд̇и агхаа, асамб̣аад̇хаа. д̇знааха ‘‘нижжавивараа’’д̇и. асам̣вуд̇аад̇и хздтаа убари гзнажи абихид̇аа. д̇знааха ‘‘хздтааби аббад̇идтаа’’д̇и. д̇ад̇т̇а би-сад̣̇д̣̇зна яат̇аа хздтаа уд̣̇агасса бид̇хааяигаа санд̇хааригаа бат̇авий над̇т̇и асам̣вуд̇аа логанд̇аригаа, звам̣ убариби жаггаваал̣зсу д̣̇звавимаанаанам̣ абхаавад̇о асам̣вуд̇аа аббад̇идтаад̇и д̣̇ассзд̇и. анд̇хагааро зд̇т̇а ад̇т̇ийд̇и анд̇хагаараа. жагкувин̃н̃аан̣ам̣ на ж̇ааяад̇и аалогасса абхаавад̇о, на жагкуно. д̇ат̇аа хи ‘‘д̇знобхаасзна ан̃н̃аман̃н̃ам̣ сан̃ж̇аананд̇ий’’д̇и вуд̇д̇ам̣. ж̇амб̣уд̣̇ийбз тид̇амаж̇жханхигавзлааяа буб̣б̣авид̣̇зхаваасийнам̣ ад̇т̇ан̇г̇амавасзна убад̣дхам̣ суурияаман̣д̣алам̣ бан̃н̃ааяад̇и, абараг̇ояаанаваасийнам̣ уг̇г̇аманавасзна. звам̣ сзсад̣̇ийбзсубийд̇и ааха ‘‘згаббахаарзнзва д̇ийсу д̣̇ийбзсу бан̃н̃ааяанд̇ий’’д̇и. ид̇о ан̃н̃ат̇аа д̣̇вийсу зва д̣̇ийбзсу бан̃н̃ааяанд̇и. згзгааяа д̣̇исааяа наванаваяож̇анасад̇асахассаани анд̇хагааравид̇хаманамби иминаава наязна д̣̇адтаб̣б̣ам̣. бабхааяа наббахонд̇ийд̇и ад̇д̇ано бабхааяа обхаасид̇ум̣ наабхисамбхун̣анд̇и. яуг̇анд̇харабаб̣б̣ад̇амад̇т̇агасамаббамаан̣з аагаасз вижаран̣ад̇о ‘‘жаггаваал̣абаб̣б̣ад̇асса взмаж̇жхзна жаранд̇ий’’д̇и вуд̇д̇ам̣.
127. Sattame vattamānasamīpe vattamāne viya voharitabbanti ‘‘okkamatī’’ti āha ‘‘okkanto hotīti attho’’ti. Dasasahassacakkavāḷapattharaṇo samujjalabhāvena uḷāro. Devānubhāvanti devānaṃ pabhānubhāvaṃ. Devānañhi pabhaṃ so obhāso adhibhavati, na deve. Tenāha ‘‘devāna’’ntiādi. Rukkhagacchādinā kenaci na haññatīti aghā, asambādhā. Tenāha ‘‘niccavivarā’’ti. Asaṃvutāti heṭṭhā upari kenaci apihitā. Tenāha ‘‘heṭṭhāpi appatiṭṭhā’’ti. Tattha pi-saddena yathā heṭṭhā udakassa pidhāyikā sandhārikā pathavī natthi asaṃvutā lokantarikā, evaṃ uparipi cakkavāḷesu devavimānānaṃ abhāvato asaṃvutā appatiṭṭhāti dasseti. Andhakāro ettha atthīti andhakārā. Cakkhuviññāṇaṃ na jāyati ālokassa abhāvato, na cakkhuno. Tathā hi ‘‘tenobhāsenaaññamaññaṃ sañjānantī’’ti vuttaṃ. Jambudīpe ṭhitamajjhanhikavelāya pubbavidehavāsīnaṃ atthaṅgamavasena upaḍḍhaṃ sūriyamaṇḍalaṃ paññāyati, aparagoyānavāsīnaṃ uggamanavasena. Evaṃ sesadīpesupīti āha ‘‘ekappahāreneva tīsu dīpesu paññāyantī’’ti. Ito aññathā dvīsu eva dīpesu paññāyanti. Ekekāya disāya navanavayojanasatasahassāni andhakāravidhamanampi imināva nayena daṭṭhabbaṃ. Pabhāya nappahontīti attano pabhāya obhāsituṃ nābhisambhuṇanti. Yugandharapabbatamatthakasamappamāṇe ākāse vicaraṇato ‘‘cakkavāḷapabbatassa vemajjhena carantī’’ti vuttaṃ.
б̣яаавадаад̇и каад̣̇анад̇т̇ам̣ г̇ан̣хид̇ум̣ убаггаманд̇аа. вибаривад̇д̇ид̇ваад̇и виваддид̇ваа. чиж̇ж̇ид̇ваад̇и мужчаабавад̇д̇ияаа тид̇адтаанад̇о мужжид̇ваа, ан̇г̇абажжан̇г̇ачзд̣̇анавасзна ваа чиж̇ж̇ид̇ваа. ажжанд̇акаарзд̇и аад̇абасанд̇абаабхаавзна ад̇исийд̇абхаавам̣ санд̇хааяа ажжанд̇акаарад̇аа вуд̇д̇аа сияаа. на хи д̇ам̣ габбасан̣таанауд̣̇агам̣ самбад̇д̇игарамахаамзгхавудтам̣ бат̇ависанд̇хаарагам̣ габбавинаасагауд̣̇агам̣ вияа каарам̣ бхавид̇умарахад̇и, д̇ат̇аа сад̇и бат̇авийби вилийязяяа, д̇зсам̣ ваа баабагаммапалзна бзд̇аанам̣ багад̇иуд̣̇агасса буб̣б̣акзл̣абхааваабад̇д̇и вияа д̇асса уд̣̇агасса каарабхааваабад̇д̇и ход̇ийд̇и вуд̇д̇ам̣ ‘‘ажжанд̇акаарз уд̣̇агз’’д̇и.
Byāvaṭāti khādanatthaṃ gaṇhituṃ upakkamantā. Viparivattitvāti vivaṭṭitvā. Chijjitvāti mucchāpavattiyā ṭhitaṭṭhānato muccitvā, aṅgapaccaṅgachedanavasena vā chijjitvā. Accantakhāreti ātapasantapābhāvena atisītabhāvaṃ sandhāya accantakhāratā vuttā siyā. Na hi taṃ kappasaṇṭhānaudakaṃ sampattikaramahāmeghavuṭṭhaṃ pathavisandhārakaṃ kappavināsakaudakaṃ viya khāraṃ bhavitumarahati, tathā sati pathavīpi vilīyeyya, tesaṃ vā pāpakammaphalena petānaṃ pakatiudakassa pubbakheḷabhāvāpatti viya tassa udakassa khārabhāvāpatti hotīti vuttaṃ ‘‘accantakhāre udake’’ti.
батамад̇ат̇ааг̇ад̇аажчарияасуд̇д̇аван̣н̣анаа нидтид̇аа.
Paṭhamatathāgataacchariyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. батамад̇ат̇ааг̇ад̇аажчарияасуд̇д̇ам̣ • 7. Paṭhamatathāgataacchariyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. батамад̇ат̇ааг̇ад̇аажчарияасуд̇д̇аван̣н̣анаа • 7. Paṭhamatathāgataacchariyasuttavaṇṇanā
