| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৮. পঠমউচ্চারছড্ডনসিক্খাপদৰণ্ণনা
8. Paṭhamauccārachaḍḍanasikkhāpadavaṇṇanā
তিরোকুট্টেতি ঘরকুট্টস্স পরভাগে। তিরোপাকারেতি পরিক্খেপপাকারস্স তিরোভাগে, তে চ খো কুট্টপাকারা ইট্ঠকসিলদারূনং ৰসেন তিপ্পকারাতি আহ ‘‘যস্স কস্সচি কুট্টস্স ৰা পাকারস্স ৰা পরতো’’তি। সব্বানিপেতানি একতো ছড্ডেন্তিযাতি এতানি চত্তারিপি ৰত্থূনি একতো ছড্ডেন্তিযা। পাটেক্কং পন ছড্ডেন্তিযা ৰত্থুগণনায আপত্তিযো। আণত্তিযম্পি এসেৰ নযো।
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
ভিক্খুস্স দুক্কটন্তি ভিক্খুস্স সব্বত্থ দুক্কটং।
Bhikkhussa dukkaṭanti bhikkhussa sabbattha dukkaṭaṃ.
পঠমউচ্চারছড্ডনসিক্খাপদৰণ্ণনা নিট্ঠিতা।
Paṭhamauccārachaḍḍanasikkhāpadavaṇṇanā niṭṭhitā.
