| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
८. पठमउच्चारछड्डनसिक्खापदवण्णना
8. Paṭhamauccārachaḍḍanasikkhāpadavaṇṇanā
तिरोकुट्टेति घरकुट्टस्स परभागे। तिरोपाकारेति परिक्खेपपाकारस्स तिरोभागे, ते च खो कुट्टपाकारा इट्ठकसिलदारूनं वसेन तिप्पकाराति आह ‘‘यस्स कस्सचि कुट्टस्स वा पाकारस्स वा परतो’’ति। सब्बानिपेतानि एकतो छड्डेन्तियाति एतानि चत्तारिपि वत्थूनि एकतो छड्डेन्तिया। पाटेक्कं पन छड्डेन्तिया वत्थुगणनाय आपत्तियो। आणत्तियम्पि एसेव नयो।
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
भिक्खुस्स दुक्कटन्ति भिक्खुस्स सब्बत्थ दुक्कटं।
Bhikkhussa dukkaṭanti bhikkhussa sabbattha dukkaṭaṃ.
पठमउच्चारछड्डनसिक्खापदवण्णना निट्ठिता।
Paṭhamauccārachaḍḍanasikkhāpadavaṇṇanā niṭṭhitā.
