| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๘. ปฐมอุจฺจารฉฑฺฑนสิกฺขาปทวณฺณนา
8. Paṭhamauccārachaḍḍanasikkhāpadavaṇṇanā
ติโรกุเฎฺฎติ ฆรกุฎฺฎสฺส ปรภาเคฯ ติโรปากาเรติ ปริเกฺขปปาการสฺส ติโรภาเค, เต จ โข กุฎฺฎปาการา อิฎฺฐกสิลทารูนํ วเสน ติปฺปการาติ อาห ‘‘ยสฺส กสฺสจิ กุฎฺฎสฺส วา ปาการสฺส วา ปรโต’’ติฯ สพฺพานิเปตานิ เอกโต ฉเฑฺฑนฺติยาติ เอตานิ จตฺตาริปิ วตฺถูนิ เอกโต ฉเฑฺฑนฺติยาฯ ปาเฎกฺกํ ปน ฉเฑฺฑนฺติยา วตฺถุคณนาย อาปตฺติโยฯ อาณตฺติยมฺปิ เอเสว นโยฯ
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
ภิกฺขุสฺส ทุกฺกฎนฺติ ภิกฺขุสฺส สพฺพตฺถ ทุกฺกฎํฯ
Bhikkhussa dukkaṭanti bhikkhussa sabbattha dukkaṭaṃ.
ปฐมอุจฺจารฉฑฺฑนสิกฺขาปทวณฺณนา นิฎฺฐิตาฯ
Paṭhamauccārachaḍḍanasikkhāpadavaṇṇanā niṭṭhitā.
