| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៨. បឋមឧច្ចារឆឌ្ឌនសិក្ខាបទវណ្ណនា
8. Paṭhamauccārachaḍḍanasikkhāpadavaṇṇanā
តិរោកុដ្ដេតិ ឃរកុដ្ដស្ស បរភាគេ។ តិរោបាការេតិ បរិក្ខេបបាការស្ស តិរោភាគេ, តេ ច ខោ កុដ្ដបាការា ឥដ្ឋកសិលទារូនំ វសេន តិប្បការាតិ អាហ ‘‘យស្ស កស្សចិ កុដ្ដស្ស វា បាការស្ស វា បរតោ’’តិ។ សព្ពានិបេតានិ ឯកតោ ឆឌ្ឌេន្តិយាតិ ឯតានិ ចត្តារិបិ វត្ថូនិ ឯកតោ ឆឌ្ឌេន្តិយា។ បាដេក្កំ បន ឆឌ្ឌេន្តិយា វត្ថុគណនាយ អាបត្តិយោ។ អាណត្តិយម្បិ ឯសេវ នយោ។
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
ភិក្ខុស្ស ទុក្កដន្តិ ភិក្ខុស្ស សព្ពត្ថ ទុក្កដំ។
Bhikkhussa dukkaṭanti bhikkhussa sabbattha dukkaṭaṃ.
បឋមឧច្ចារឆឌ្ឌនសិក្ខាបទវណ្ណនា និដ្ឋិតា។
Paṭhamauccārachaḍḍanasikkhāpadavaṇṇanā niṭṭhitā.
