| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೮. ಪಠಮಉಚ್ಚಾರಛಡ್ಡನಸಿಕ್ಖಾಪದವಣ್ಣನಾ
8. Paṭhamauccārachaḍḍanasikkhāpadavaṇṇanā
ತಿರೋಕುಟ್ಟೇತಿ ಘರಕುಟ್ಟಸ್ಸ ಪರಭಾಗೇ। ತಿರೋಪಾಕಾರೇತಿ ಪರಿಕ್ಖೇಪಪಾಕಾರಸ್ಸ ತಿರೋಭಾಗೇ, ತೇ ಚ ಖೋ ಕುಟ್ಟಪಾಕಾರಾ ಇಟ್ಠಕಸಿಲದಾರೂನಂ ವಸೇನ ತಿಪ್ಪಕಾರಾತಿ ಆಹ ‘‘ಯಸ್ಸ ಕಸ್ಸಚಿ ಕುಟ್ಟಸ್ಸ ವಾ ಪಾಕಾರಸ್ಸ ವಾ ಪರತೋ’’ತಿ। ಸಬ್ಬಾನಿಪೇತಾನಿ ಏಕತೋ ಛಡ್ಡೇನ್ತಿಯಾತಿ ಏತಾನಿ ಚತ್ತಾರಿಪಿ ವತ್ಥೂನಿ ಏಕತೋ ಛಡ್ಡೇನ್ತಿಯಾ। ಪಾಟೇಕ್ಕಂ ಪನ ಛಡ್ಡೇನ್ತಿಯಾ ವತ್ಥುಗಣನಾಯ ಆಪತ್ತಿಯೋ। ಆಣತ್ತಿಯಮ್ಪಿ ಏಸೇವ ನಯೋ।
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
ಭಿಕ್ಖುಸ್ಸ ದುಕ್ಕಟನ್ತಿ ಭಿಕ್ಖುಸ್ಸ ಸಬ್ಬತ್ಥ ದುಕ್ಕಟಂ।
Bhikkhussa dukkaṭanti bhikkhussa sabbattha dukkaṭaṃ.
ಪಠಮಉಚ್ಚಾರಛಡ್ಡನಸಿಕ್ಖಾಪದವಣ್ಣನಾ ನಿಟ್ಠಿತಾ।
Paṭhamauccārachaḍḍanasikkhāpadavaṇṇanā niṭṭhitā.
