| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
8. පඨමඋච්‌චාරඡඩ්‌ඩනසික්‌ඛාපදවණ්‌ණනා
8. Paṭhamauccārachaḍḍanasikkhāpadavaṇṇanā
තිරොකුට්‌ටෙති ඝරකුට්‌ටස්‌ස පරභාගෙ. තිරොපාකාරෙති පරික්‌ඛෙපපාකාරස්‌ස තිරොභාගෙ, තෙ ච ඛො කුට්‌ටපාකාරා ඉට්‌ඨකසිලදාරූනං වසෙන තිප්‌පකාරාති ආහ ‘‘යස්‌ස කස්‌සචි කුට්‌ටස්‌ස වා පාකාරස්‌ස වා පරතො’’ති. සබ්‌බානිපෙතානි එකතො ඡඩ්‌ඩෙන්‌තියාති එතානි චත්‌තාරිපි වත්‌ථූනි එකතො ඡඩ්‌ඩෙන්‌තියා. පාටෙක්‌කං පන ඡඩ්‌ඩෙන්‌තියා වත්‌ථුගණනාය ආපත්‌තියො. ආණත්‌තියම්‌පි එසෙව නයො.
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
භික්‌ඛුස්‌ස දුක්‌කටන්‌ති භික්‌ඛුස්‌ස සබ්‌බත්‌ථ දුක්‌කටං.
Bhikkhussa dukkaṭanti bhikkhussa sabbattha dukkaṭaṃ.
පඨමඋච්‌චාරඡඩ්‌ඩනසික්‌ඛාපදවණ්‌ණනා නිට්‌ඨිතා.
Paṭhamauccārachaḍḍanasikkhāpadavaṇṇanā niṭṭhitā.
