| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༨. པཋམཨུཙྩཱརཚཌྜནསིཀྑཱཔདཝཎྞནཱ
8. Paṭhamauccārachaḍḍanasikkhāpadavaṇṇanā
ཏིརོཀུཊྚེཏི གྷརཀུཊྚསྶ པརབྷཱགེ། ཏིརོཔཱཀཱརེཏི པརིཀྑེཔཔཱཀཱརསྶ ཏིརོབྷཱགེ, ཏེ ཙ ཁོ ཀུཊྚཔཱཀཱརཱ ཨིཊྛཀསིལདཱརཱུནཾ ཝསེན ཏིཔྤཀཱརཱཏི ཨཱཧ ‘‘ཡསྶ ཀསྶཙི ཀུཊྚསྶ ཝཱ པཱཀཱརསྶ ཝཱ པརཏོ’’ཏི། སབྦཱནིཔེཏཱནི ཨེཀཏོ ཚཌྜེནྟིཡཱཏི ཨེཏཱནི ཙཏྟཱརིཔི ཝཏྠཱུནི ཨེཀཏོ ཚཌྜེནྟིཡཱ། པཱཊེཀྐཾ པན ཚཌྜེནྟིཡཱ ཝཏྠུགཎནཱཡ ཨཱཔཏྟིཡོ། ཨཱཎཏྟིཡམྤི ཨེསེཝ ནཡོ།
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
བྷིཀྑུསྶ དུཀྐཊནྟི བྷིཀྑུསྶ སབྦཏྠ དུཀྐཊཾ།
Bhikkhussa dukkaṭanti bhikkhussa sabbattha dukkaṭaṃ.
པཋམཨུཙྩཱརཚཌྜནསིཀྑཱཔདཝཎྞནཱ ནིཊྛིཏཱ།
Paṭhamauccārachaḍḍanasikkhāpadavaṇṇanā niṭṭhitā.
