| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൮. പഠമഉച്ചാരഛഡ്ഡനസിക്ഖാപദവണ്ണനാ
8. Paṭhamauccārachaḍḍanasikkhāpadavaṇṇanā
തിരോകുട്ടേതി ഘരകുട്ടസ്സ പരഭാഗേ. തിരോപാകാരേതി പരിക്ഖേപപാകാരസ്സ തിരോഭാഗേ, തേ ച ഖോ കുട്ടപാകാരാ ഇട്ഠകസിലദാരൂനം വസേന തിപ്പകാരാതി ആഹ ‘‘യസ്സ കസ്സചി കുട്ടസ്സ വാ പാകാരസ്സ വാ പരതോ’’തി. സബ്ബാനിപേതാനി ഏകതോ ഛഡ്ഡേന്തിയാതി ഏതാനി ചത്താരിപി വത്ഥൂനി ഏകതോ ഛഡ്ഡേന്തിയാ. പാടേക്കം പന ഛഡ്ഡേന്തിയാ വത്ഥുഗണനായ ആപത്തിയോ. ആണത്തിയമ്പി ഏസേവ നയോ.
Tirokuṭṭeti gharakuṭṭassa parabhāge. Tiropākāreti parikkhepapākārassa tirobhāge, te ca kho kuṭṭapākārā iṭṭhakasiladārūnaṃ vasena tippakārāti āha ‘‘yassa kassaci kuṭṭassa vā pākārassa vā parato’’ti. Sabbānipetāni ekato chaḍḍentiyāti etāni cattāripi vatthūni ekato chaḍḍentiyā. Pāṭekkaṃ pana chaḍḍentiyā vatthugaṇanāya āpattiyo. Āṇattiyampi eseva nayo.
ഭിക്ഖുസ്സ ദുക്കടന്തി ഭിക്ഖുസ്സ സബ്ബത്ഥ ദുക്കടം.
Bhikkhussa dukkaṭanti bhikkhussa sabbattha dukkaṭaṃ.
പഠമഉച്ചാരഛഡ്ഡനസിക്ഖാപദവണ്ണനാ നിട്ഠിതാ.
Paṭhamauccārachaḍḍanasikkhāpadavaṇṇanā niṭṭhitā.
