| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. க³ஹபதிவக்³கோ³
3. Gahapativaggo
1. பட²மஉக்³க³ஸுத்தவண்ணனா
1. Paṭhamauggasuttavaṇṇanā
21. ததியஸ்ஸ பட²மே பஞ்ஞத்தே ஆஸனே நிஸீதீ³தி தஸ்ஸ கிர க⁴ரே பஞ்சன்னங் பி⁴க்கு²ஸதானங் பஞ்ச ஆஸனஸதானி நிச்சங் பஞ்ஞத்தானேவ ஹொந்தி, தேஸு அஞ்ஞதரஸ்மிங் ஆஸனே நிஸீதி³. தங் ஸுணாஹீதி தே ஸுணாஹி, தங் வா அட்ட²வித⁴ங் அச்ச²ரியத⁴ம்மங் ஸுணாஹி. சித்தங் பஸீதீ³தி ‘‘பு³த்³தோ⁴ நு கோ² ந பு³த்³தோ⁴ நு கோ²’’தி விதக்கமத்தம்பி ந உப்பஜ்ஜி, அயமேவ பு³த்³தோ⁴தி சித்துப்பாதோ³ பஸன்னோ அனாவிலோ அஹோஸி. ஸகானி வா ஞாதிகுலானீதி அத்தனோ யாபனமத்தங் த⁴னங் க³ஹெத்வா ஞாதிக⁴ரானி க³ச்ச²து. கஸ்ஸ வோ த³ம்மீதி கதரபுரிஸஸ்ஸ தும்ஹே த³தா³மி, ஆரோசேத² மே அத்தனோ அதி⁴ப்பாயங். அப்படிவிப⁴த்தாதி ‘‘எத்தகங் த³ஸ்ஸாமி எத்தகங் ந த³ஸ்ஸாமி, இத³ங் த³ஸ்ஸாமி இத³ங் ந த³ஸ்ஸாமீ’’தி சித்தங் உப்பாதெ³ந்தேன ஹி படிவிப⁴த்தா நாம ஹோதி, மய்ஹங் பன ந ஏவங். அத² கோ² ஸங்கி⁴கா விய க³ணஸந்தகா விய ச ஸீலவந்தேஹி ஸத்³தி⁴ங் ஸாதா⁴ரணாயேவ. ஸக்கச்சங்யேவ பயிருபாஸாமீதி ஸஹத்தா² உபட்ட²ஹாமி, சித்தீகாரேன உபஸங்கமாமி.
21. Tatiyassa paṭhame paññatte āsane nisīdīti tassa kira ghare pañcannaṃ bhikkhusatānaṃ pañca āsanasatāni niccaṃ paññattāneva honti, tesu aññatarasmiṃ āsane nisīdi. Taṃ suṇāhīti te suṇāhi, taṃ vā aṭṭhavidhaṃ acchariyadhammaṃ suṇāhi. Cittaṃ pasīdīti ‘‘buddho nu kho na buddho nu kho’’ti vitakkamattampi na uppajji, ayameva buddhoti cittuppādo pasanno anāvilo ahosi. Sakāni vā ñātikulānīti attano yāpanamattaṃ dhanaṃ gahetvā ñātigharāni gacchatu. Kassa vo dammīti katarapurisassa tumhe dadāmi, ārocetha me attano adhippāyaṃ. Appaṭivibhattāti ‘‘ettakaṃ dassāmi ettakaṃ na dassāmi, idaṃ dassāmi idaṃ na dassāmī’’ti cittaṃ uppādentena hi paṭivibhattā nāma hoti, mayhaṃ pana na evaṃ. Atha kho saṅghikā viya gaṇasantakā viya ca sīlavantehi saddhiṃ sādhāraṇāyeva. Sakkaccaṃyeva payirupāsāmīti sahatthā upaṭṭhahāmi, cittīkārena upasaṅkamāmi.
அனச்ச²ரியங் கோ² பன மங், ப⁴ந்தேதி, ப⁴ந்தே, யங் மங் தே³வதா உபஸங்கமித்வா ஏவங் ஆரோசெந்தி, இத³ங் ந அச்ச²ரியங். யங் பனாஹங் ததோனிதா³னங் சித்தஸ்ஸ உண்ணதிங் நாபி⁴ஜானாமி, தங் ஏவ அச்ச²ரியந்தி வத³தி. ஸாது⁴ ஸாது⁴, பி⁴க்கூ²தி எத்த² கிஞ்சாபி பி⁴க்கு²ங் ஆமந்தேதி, உபாஸகஸ்ஸேவ பன வெய்யாகரணஸம்பஹங்ஸனே ஏஸ ஸாது⁴காரோதி வேதி³தப்³போ³.
Anacchariyaṃ kho pana maṃ, bhanteti, bhante, yaṃ maṃ devatā upasaṅkamitvā evaṃ ārocenti, idaṃ na acchariyaṃ. Yaṃ panāhaṃ tatonidānaṃ cittassa uṇṇatiṃ nābhijānāmi, taṃ eva acchariyanti vadati. Sādhu sādhu, bhikkhūti ettha kiñcāpi bhikkhuṃ āmanteti, upāsakasseva pana veyyākaraṇasampahaṃsane esa sādhukāroti veditabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. பட²மஉக்³க³ஸுத்தங் • 1. Paṭhamauggasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-7. பட²மஉக்³க³ஸுத்தாதி³வண்ணனா • 1-7. Paṭhamauggasuttādivaṇṇanā
