| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. གཧཔཏིཝགྒོ
3. Gahapativaggo
༡. པཋམཨུགྒསུཏྟཝཎྞནཱ
1. Paṭhamauggasuttavaṇṇanā
༢༡. ཏཏིཡསྶ པཋམེ པཉྙཏྟེ ཨཱསནེ ནིསཱིདཱིཏི ཏསྶ ཀིར གྷརེ པཉྩནྣཾ བྷིཀྑུསཏཱནཾ པཉྩ ཨཱསནསཏཱནི ནིཙྩཾ པཉྙཏྟཱནེཝ ཧོནྟི, ཏེསུ ཨཉྙཏརསྨིཾ ཨཱསནེ ནིསཱིདི། ཏཾ སུཎཱཧཱིཏི ཏེ སུཎཱཧི, ཏཾ ཝཱ ཨཊྛཝིདྷཾ ཨཙྪརིཡདྷམྨཾ སུཎཱཧི། ཙིཏྟཾ པསཱིདཱིཏི ‘‘བུདྡྷོ ནུ ཁོ ན བུདྡྷོ ནུ ཁོ’’ཏི ཝིཏཀྐམཏྟམྤི ན ཨུཔྤཛྫི, ཨཡམེཝ བུདྡྷོཏི ཙིཏྟུཔྤཱདོ པསནྣོ ཨནཱཝིལོ ཨཧོསི། སཀཱནི ཝཱ ཉཱཏིཀུལཱནཱིཏི ཨཏྟནོ ཡཱཔནམཏྟཾ དྷནཾ གཧེཏྭཱ ཉཱཏིགྷརཱནི གཙྪཏུ། ཀསྶ ཝོ དམྨཱིཏི ཀཏརཔུརིསསྶ ཏུམྷེ དདཱམི, ཨཱརོཙེཐ མེ ཨཏྟནོ ཨདྷིཔྤཱཡཾ། ཨཔྤཊིཝིབྷཏྟཱཏི ‘‘ཨེཏྟཀཾ དསྶཱམི ཨེཏྟཀཾ ན དསྶཱམི, ཨིདཾ དསྶཱམི ཨིདཾ ན དསྶཱམཱི’’ཏི ཙིཏྟཾ ཨུཔྤཱདེནྟེན ཧི པཊིཝིབྷཏྟཱ ནཱམ ཧོཏི, མཡ྄ཧཾ པན ན ཨེཝཾ། ཨཐ ཁོ སངྒྷིཀཱ ཝིཡ གཎསནྟཀཱ ཝིཡ ཙ སཱིལཝནྟེཧི སདྡྷིཾ སཱདྷཱརཎཱཡེཝ། སཀྐཙྩཾཡེཝ པཡིརུཔཱསཱམཱིཏི སཧཏྠཱ ཨུཔཊྛཧཱམི, ཙིཏྟཱིཀཱརེན ཨུཔསངྐམཱམི།
21. Tatiyassa paṭhame paññatte āsane nisīdīti tassa kira ghare pañcannaṃ bhikkhusatānaṃ pañca āsanasatāni niccaṃ paññattāneva honti, tesu aññatarasmiṃ āsane nisīdi. Taṃ suṇāhīti te suṇāhi, taṃ vā aṭṭhavidhaṃ acchariyadhammaṃ suṇāhi. Cittaṃ pasīdīti ‘‘buddho nu kho na buddho nu kho’’ti vitakkamattampi na uppajji, ayameva buddhoti cittuppādo pasanno anāvilo ahosi. Sakāni vā ñātikulānīti attano yāpanamattaṃ dhanaṃ gahetvā ñātigharāni gacchatu. Kassa vo dammīti katarapurisassa tumhe dadāmi, ārocetha me attano adhippāyaṃ. Appaṭivibhattāti ‘‘ettakaṃ dassāmi ettakaṃ na dassāmi, idaṃ dassāmi idaṃ na dassāmī’’ti cittaṃ uppādentena hi paṭivibhattā nāma hoti, mayhaṃ pana na evaṃ. Atha kho saṅghikā viya gaṇasantakā viya ca sīlavantehi saddhiṃ sādhāraṇāyeva. Sakkaccaṃyeva payirupāsāmīti sahatthā upaṭṭhahāmi, cittīkārena upasaṅkamāmi.
ཨནཙྪརིཡཾ ཁོ པན མཾ, བྷནྟེཏི, བྷནྟེ, ཡཾ མཾ དེཝཏཱ ཨུཔསངྐམིཏྭཱ ཨེཝཾ ཨཱརོཙེནྟི, ཨིདཾ ན ཨཙྪརིཡཾ། ཡཾ པནཱཧཾ ཏཏོནིདཱནཾ ཙིཏྟསྶ ཨུཎྞཏིཾ ནཱབྷིཛཱནཱམི, ཏཾ ཨེཝ ཨཙྪརིཡནྟི ཝདཏི། སཱདྷུ སཱདྷུ, བྷིཀྑཱུཏི ཨེཏྠ ཀིཉྩཱཔི བྷིཀྑུཾ ཨཱམནྟེཏི, ཨུཔཱསཀསྶེཝ པན ཝེཡྻཱཀརཎསམྤཧཾསནེ ཨེས སཱདྷུཀཱརོཏི ཝེདིཏབྦོ།
Anacchariyaṃ kho pana maṃ, bhanteti, bhante, yaṃ maṃ devatā upasaṅkamitvā evaṃ ārocenti, idaṃ na acchariyaṃ. Yaṃ panāhaṃ tatonidānaṃ cittassa uṇṇatiṃ nābhijānāmi, taṃ eva acchariyanti vadati. Sādhu sādhu, bhikkhūti ettha kiñcāpi bhikkhuṃ āmanteti, upāsakasseva pana veyyākaraṇasampahaṃsane esa sādhukāroti veditabbo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. པཋམཨུགྒསུཏྟཾ • 1. Paṭhamauggasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. པཋམཨུགྒསུཏྟཱདིཝཎྞནཱ • 1-7. Paṭhamauggasuttādivaṇṇanā
