| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਗਹਪਤਿવਗ੍ਗੋ
3. Gahapativaggo
੧. ਪਠਮਉਗ੍ਗਸੁਤ੍ਤવਣ੍ਣਨਾ
1. Paṭhamauggasuttavaṇṇanā
੨੧. ਤਤਿਯਸ੍ਸ ਪਠਮੇ ਪਞ੍ਞਤ੍ਤੇ ਆਸਨੇ ਨਿਸੀਦੀਤਿ ਤਸ੍ਸ ਕਿਰ ਘਰੇ ਪਞ੍ਚਨ੍ਨਂ ਭਿਕ੍ਖੁਸਤਾਨਂ ਪਞ੍ਚ ਆਸਨਸਤਾਨਿ ਨਿਚ੍ਚਂ ਪਞ੍ਞਤ੍ਤਾਨੇવ ਹੋਨ੍ਤਿ, ਤੇਸੁ ਅਞ੍ਞਤਰਸ੍ਮਿਂ ਆਸਨੇ ਨਿਸੀਦਿ। ਤਂ ਸੁਣਾਹੀਤਿ ਤੇ ਸੁਣਾਹਿ, ਤਂ વਾ ਅਟ੍ਠવਿਧਂ ਅਚ੍ਛਰਿਯਧਮ੍ਮਂ ਸੁਣਾਹਿ। ਚਿਤ੍ਤਂ ਪਸੀਦੀਤਿ ‘‘ਬੁਦ੍ਧੋ ਨੁ ਖੋ ਨ ਬੁਦ੍ਧੋ ਨੁ ਖੋ’’ਤਿ વਿਤਕ੍ਕਮਤ੍ਤਮ੍ਪਿ ਨ ਉਪ੍ਪਜ੍ਜਿ, ਅਯਮੇવ ਬੁਦ੍ਧੋਤਿ ਚਿਤ੍ਤੁਪ੍ਪਾਦੋ ਪਸਨ੍ਨੋ ਅਨਾવਿਲੋ ਅਹੋਸਿ। ਸਕਾਨਿ વਾ ਞਾਤਿਕੁਲਾਨੀਤਿ ਅਤ੍ਤਨੋ ਯਾਪਨਮਤ੍ਤਂ ਧਨਂ ਗਹੇਤ੍વਾ ਞਾਤਿਘਰਾਨਿ ਗਚ੍ਛਤੁ। ਕਸ੍ਸ વੋ ਦਮ੍ਮੀਤਿ ਕਤਰਪੁਰਿਸਸ੍ਸ ਤੁਮ੍ਹੇ ਦਦਾਮਿ, ਆਰੋਚੇਥ ਮੇ ਅਤ੍ਤਨੋ ਅਧਿਪ੍ਪਾਯਂ। ਅਪ੍ਪਟਿવਿਭਤ੍ਤਾਤਿ ‘‘ਏਤ੍ਤਕਂ ਦਸ੍ਸਾਮਿ ਏਤ੍ਤਕਂ ਨ ਦਸ੍ਸਾਮਿ, ਇਦਂ ਦਸ੍ਸਾਮਿ ਇਦਂ ਨ ਦਸ੍ਸਾਮੀ’’ਤਿ ਚਿਤ੍ਤਂ ਉਪ੍ਪਾਦੇਨ੍ਤੇਨ ਹਿ ਪਟਿવਿਭਤ੍ਤਾ ਨਾਮ ਹੋਤਿ, ਮਯ੍ਹਂ ਪਨ ਨ ਏવਂ। ਅਥ ਖੋ ਸਙ੍ਘਿਕਾ વਿਯ ਗਣਸਨ੍ਤਕਾ વਿਯ ਚ ਸੀਲવਨ੍ਤੇਹਿ ਸਦ੍ਧਿਂ ਸਾਧਾਰਣਾਯੇવ। ਸਕ੍ਕਚ੍ਚਂਯੇવ ਪਯਿਰੁਪਾਸਾਮੀਤਿ ਸਹਤ੍ਥਾ ਉਪਟ੍ਠਹਾਮਿ, ਚਿਤ੍ਤੀਕਾਰੇਨ ਉਪਸਙ੍ਕਮਾਮਿ।
21. Tatiyassa paṭhame paññatte āsane nisīdīti tassa kira ghare pañcannaṃ bhikkhusatānaṃ pañca āsanasatāni niccaṃ paññattāneva honti, tesu aññatarasmiṃ āsane nisīdi. Taṃ suṇāhīti te suṇāhi, taṃ vā aṭṭhavidhaṃ acchariyadhammaṃ suṇāhi. Cittaṃ pasīdīti ‘‘buddho nu kho na buddho nu kho’’ti vitakkamattampi na uppajji, ayameva buddhoti cittuppādo pasanno anāvilo ahosi. Sakāni vā ñātikulānīti attano yāpanamattaṃ dhanaṃ gahetvā ñātigharāni gacchatu. Kassa vo dammīti katarapurisassa tumhe dadāmi, ārocetha me attano adhippāyaṃ. Appaṭivibhattāti ‘‘ettakaṃ dassāmi ettakaṃ na dassāmi, idaṃ dassāmi idaṃ na dassāmī’’ti cittaṃ uppādentena hi paṭivibhattā nāma hoti, mayhaṃ pana na evaṃ. Atha kho saṅghikā viya gaṇasantakā viya ca sīlavantehi saddhiṃ sādhāraṇāyeva. Sakkaccaṃyeva payirupāsāmīti sahatthā upaṭṭhahāmi, cittīkārena upasaṅkamāmi.
ਅਨਚ੍ਛਰਿਯਂ ਖੋ ਪਨ ਮਂ, ਭਨ੍ਤੇਤਿ, ਭਨ੍ਤੇ, ਯਂ ਮਂ ਦੇવਤਾ ਉਪਸਙ੍ਕਮਿਤ੍વਾ ਏવਂ ਆਰੋਚੇਨ੍ਤਿ, ਇਦਂ ਨ ਅਚ੍ਛਰਿਯਂ। ਯਂ ਪਨਾਹਂ ਤਤੋਨਿਦਾਨਂ ਚਿਤ੍ਤਸ੍ਸ ਉਣ੍ਣਤਿਂ ਨਾਭਿਜਾਨਾਮਿ, ਤਂ ਏવ ਅਚ੍ਛਰਿਯਨ੍ਤਿ વਦਤਿ। ਸਾਧੁ ਸਾਧੁ, ਭਿਕ੍ਖੂਤਿ ਏਤ੍ਥ ਕਿਞ੍ਚਾਪਿ ਭਿਕ੍ਖੁਂ ਆਮਨ੍ਤੇਤਿ, ਉਪਾਸਕਸ੍ਸੇવ ਪਨ વੇਯ੍ਯਾਕਰਣਸਮ੍ਪਹਂਸਨੇ ਏਸ ਸਾਧੁਕਾਰੋਤਿ વੇਦਿਤਬ੍ਬੋ।
Anacchariyaṃ kho pana maṃ, bhanteti, bhante, yaṃ maṃ devatā upasaṅkamitvā evaṃ ārocenti, idaṃ na acchariyaṃ. Yaṃ panāhaṃ tatonidānaṃ cittassa uṇṇatiṃ nābhijānāmi, taṃ eva acchariyanti vadati. Sādhu sādhu, bhikkhūti ettha kiñcāpi bhikkhuṃ āmanteti, upāsakasseva pana veyyākaraṇasampahaṃsane esa sādhukāroti veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਪਠਮਉਗ੍ਗਸੁਤ੍ਤਂ • 1. Paṭhamauggasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਪਠਮਉਗ੍ਗਸੁਤ੍ਤਾਦਿવਣ੍ਣਨਾ • 1-7. Paṭhamauggasuttādivaṇṇanā
