| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. батамаубагкадасигкаабад̣̇аван̣н̣анаа
8. Paṭhamaupakkhaṭasikkhāpadavaṇṇanā
бхигкум̣ банзва уд̣̇д̣̇иссаад̇и зд̇т̇а банаад̇и нибаад̇амад̇д̇ам̣, д̇ат̇аа зва-сад̣̇д̣̇оби. д̇знааха ‘‘ид̇т̇аннаамассаа’’д̇иаад̣̇и. абад̣̇исид̇ваад̇и гат̇зд̇ваа, аараб̣бхаад̇и ваа ад̇т̇о. ан̃н̃аад̇агасса г̇ахабад̇иссаад̇и ан̃н̃аад̇агаг̇ахабад̇инаад̇и ад̇т̇о. гаран̣ад̇т̇з хи ид̣̇ам̣ саамиважанам̣. адтагат̇ааяам̣ бана ид̣̇ам̣ сувин̃н̃зяяанд̇и на вижаарид̇ам̣. жийварам̣ жзд̇аабзнд̇и баривад̇д̇знд̇и зд̇знаад̇и жийваражзд̇аабаннам̣ (саарад̇т̇а. дий. 2.528-529), жийварамуулам̣, на-гааро банзд̇т̇а ааг̇амо, ‘‘жийваражзд̇аабана’’нд̇иби батанд̇и. д̇ам̣ бана яасмаа хиран̃н̃аад̣̇ийсу ан̃н̃ад̇арам̣ ход̇и, д̇асмаа ‘‘хиран̃н̃аад̣̇ига’’нд̇и вуд̇д̇ам̣. д̇ад̇т̇а хиран̃н̃анд̇и гахаабан̣о вужжад̇и. аад̣̇исад̣̇д̣̇зна суван̣н̣аад̣̇ийнам̣ г̇ахан̣ам̣. убагкаданд̇и убадтаабид̇ам̣. д̇ам̣ убагкаран̣ам̣ д̇зсам̣ д̇ат̇аа саж̇ж̇ид̇анд̇и ааха ‘‘убагкадам̣ ход̇ийд̇и саж̇ж̇ид̇ам̣ ход̇ий’’д̇и. сам̣харид̇ваа табид̇анд̇и раасим̣ гад̇ваа табид̇ам̣. баривад̇д̇анан̃жа агад̇асса гаараабанам̣, гад̇асса гин̣ананд̇и ааха ‘‘гаарзд̇ваа ваа гин̣ид̇ваа ваад̇и ад̇т̇о’’д̇и. ажчаад̣̇зссаамийд̇и баарубзссаамийд̇и вуд̇д̇ам̣ ход̇и. д̇знааха ‘‘вохаараважанамзд̇а’’нд̇и. вохаараважананд̇и жа убажаараважананд̇и ад̇т̇о.
Bhikkhuṃpaneva uddissāti ettha panāti nipātamattaṃ, tathā eva-saddopi. Tenāha ‘‘itthannāmassā’’tiādi. Apadisitvāti kathetvā, ārabbhāti vā attho. Aññātakassa gahapatissāti aññātakagahapatināti attho. Karaṇatthe hi idaṃ sāmivacanaṃ. Aṭṭhakathāyaṃ pana idaṃ suviññeyyanti na vicāritaṃ. Cīvaraṃ cetāpenti parivattenti etenāti cīvaracetāpannaṃ (sārattha. ṭī. 2.528-529), cīvaramūlaṃ, na-kāro panettha āgamo, ‘‘cīvaracetāpana’’ntipi paṭhanti. Taṃ pana yasmā hiraññādīsu aññataraṃ hoti, tasmā ‘‘hiraññādika’’nti vuttaṃ. Tattha hiraññanti kahāpaṇo vuccati. Ādisaddena suvaṇṇādīnaṃ gahaṇaṃ. Upakkhaṭanti upaṭṭhāpitaṃ. Taṃ upakkharaṇaṃ tesaṃ tathā sajjitanti āha ‘‘upakkhaṭaṃ hotīti sajjitaṃ hotī’’ti. Saṃharitvā ṭhapitanti rāsiṃ katvā ṭhapitaṃ. Parivattanañca akatassa kārāpanaṃ, katassa kiṇananti āha ‘‘kāretvā vā kiṇitvā vāti attho’’ti. Acchādessāmīti pārupessāmīti vuttaṃ hoti. Tenāha ‘‘vohāravacanameta’’nti. Vohāravacananti ca upacāravacananti attho.
‘‘д̇ад̇ра жз со бхигкуу’’д̇иаад̣̇ийсу го бад̣̇асамб̣анд̇ход̇и ааха ‘‘яад̇ра со г̇ахабад̇и ваа’’д̇иаад̣̇и. буб̣б̣з аббаваарид̇од̇и ‘‘д̣̇ассаами, гийд̣̇исзна д̇з, бханд̇з, жийварзна ад̇т̇о, гийд̣̇исам̣ д̇з жийварам̣ жзд̇аабзмий’’д̇и буб̣б̣з авуд̇д̇о. убасан̇гамид̇ваад̇и г̇анд̇ваа. бад̣̇абхааж̇анз бажуравохааравасзна ‘‘гхарам̣ г̇анд̇ваа’’д̇и (баараа. 529) вуд̇д̇ам̣. зд̇т̇а жа бажуравохааравасзнаад̇и язбхуяяавохааравасзна. язбхуяязна хи гхарасаамигам̣ д̣̇адтугаамаа д̇асса гхарам̣ г̇ажчанд̇ийд̇и д̇ат̇зва б̣ахулавохааро. вигаббанд̇и висидто габбо вигаббо, ви-сад̣̇д̣̇о жзд̇т̇а висидтад̇т̇о. д̇знааха ‘‘висидтагабба’’нд̇и. иминаа важанад̇т̇амааха. ‘‘ад̇хигавид̇хаана’’нд̇и иминаа бана ад̇хиббааяад̇т̇ам̣. яат̇аа бана д̇амаабаж̇ж̇ад̇ийд̇и язнаагаарзна д̇ам̣ вигаббам̣ аабаж̇ж̇ад̇и. д̇ам̣ д̣̇ассзд̇унд̇и д̇ам̣ аагаарам̣ д̣̇ассзд̇ум̣.
‘‘Tatra ce so bhikkhū’’tiādīsu ko padasambandhoti āha ‘‘yatra so gahapati vā’’tiādi. Pubbe appavāritoti ‘‘dassāmi, kīdisena te, bhante, cīvarena attho, kīdisaṃ te cīvaraṃ cetāpemī’’ti pubbe avutto. Upasaṅkamitvāti gantvā. Padabhājane pacuravohāravasena ‘‘gharaṃ gantvā’’ti (pārā. 529) vuttaṃ. Ettha ca pacuravohāravasenāti yebhuyyavohāravasena. Yebhuyyena hi gharasāmikaṃ daṭṭhukāmā tassa gharaṃ gacchantīti tatheva bahulavohāro. Vikappanti visiṭṭho kappo vikappo, vi-saddo cettha visiṭṭhattho. Tenāha ‘‘visiṭṭhakappa’’nti. Iminā vacanatthamāha. ‘‘Adhikavidhāna’’nti iminā pana adhippāyatthaṃ. Yathā pana tamāpajjatīti yenākārena taṃ vikappaṃ āpajjati. Taṃ dassetunti taṃ ākāraṃ dassetuṃ.
‘‘саад̇хуу’’д̇и аяам̣ сад̣̇д̣̇о самбадижчанасамбахам̣санасунд̣̇арааяаажанаад̣̇ийсу д̣̇иссад̇и. д̇ат̇аа хзса ‘‘саад̇ху, бханд̇зд̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа’’д̇иаад̣̇ийсу (ма. ни. 3.86) самбадижчанз д̣̇иссад̇и, ‘‘саад̇ху саад̇ху саарибуд̇д̇аа’’д̇иаад̣̇ийсу (д̣̇ий. ни. 3.349; ма. ни. 1.340) самбахам̣санз.
‘‘Sādhū’’ti ayaṃ saddo sampaṭicchanasampahaṃsanasundarāyācanādīsu dissati. Tathā hesa ‘‘sādhu, bhanteti kho so bhikkhu bhagavato bhāsitaṃ abhinanditvā anumoditvā’’tiādīsu (ma. ni. 3.86) sampaṭicchane dissati, ‘‘sādhu sādhu sāriputtā’’tiādīsu (dī. ni. 3.349; ma. ni. 1.340) sampahaṃsane.
‘‘саад̇ху д̇хаммаружи рааж̇аа, саад̇ху бан̃н̃аан̣аваа наро;
‘‘Sādhu dhammaruci rājā, sādhu paññāṇavā naro;
саад̇ху мид̇д̇аанамад̣̇д̣̇уб̣бхо, баабассаагаран̣ам̣ сука’’нд̇иаад̣̇ийсу. (ж̇аа. 2.18.101) –
Sādhu mittānamaddubbho, pāpassākaraṇaṃ sukha’’ntiādīsu. (jā. 2.18.101) –
сунд̣̇арз, ‘‘саад̇ху мз, бханд̇з бхаг̇аваа, сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 3.64-68) ааяаажанз, ид̇хааби ааяаажанзязва д̣̇адтаб̣б̣од̇и (д̣̇ий. ни. адта. 1.189; ма. ни. адта. 1.1 муулабарияааяасуд̇д̇аван̣н̣анаа; су. ни. адта. 1.115 аг̇г̇игабхаарад̣̇вааж̇асуд̇д̇аван̣н̣анаа; б̣у. вам̣. адта. 1.49) ааха ‘‘саад̇хууд̇и ааяаажанз нибаад̇о’’д̇и. д̇ад̇т̇а ааяаажанзд̇и абхимукам̣ яаажанз, абхибад̇т̇анааяанд̇и ад̇т̇о. баривид̇аггз нибаад̇од̇и самб̣анд̇хо. аалабад̇ийд̇и ааманд̇зд̇и. ааяад̇аад̣̇ийсууд̇и зд̇т̇а аад̣̇исад̣̇д̣̇зна вид̇т̇ад̇ааббид̇асан̣хаанам̣ г̇ахан̣ам̣. яасмаа бана на имасса аабаж̇ж̇анамад̇д̇знзва аабад̇д̇и сийсам̣ зд̇и, д̇асмаа ‘‘д̇асса важанзнаа’’д̇иаад̣̇и вуд̇д̇ам̣. баяог̇зд̇и суд̇д̇абариязсанаад̣̇ибаяог̇з.
Sundare, ‘‘sādhu me, bhante bhagavā, saṃkhittena dhammaṃ desetū’’tiādīsu (saṃ. ni. 3.64-68) āyācane, idhāpi āyācaneyeva daṭṭhabboti (dī. ni. aṭṭha. 1.189; ma. ni. aṭṭha. 1.1 mūlapariyāyasuttavaṇṇanā; su. ni. aṭṭha. 1.115 aggikabhāradvājasuttavaṇṇanā; bu. vaṃ. aṭṭha. 1.49) āha ‘‘sādhūtiāyācane nipāto’’ti. Tattha āyācaneti abhimukhaṃ yācane, abhipatthanāyanti attho. Parivitakke nipātoti sambandho. Ālapatīti āmanteti. Āyatādīsūti ettha ādisaddena vitthataappitasaṇhānaṃ gahaṇaṃ. Yasmā pana na imassa āpajjanamatteneva āpatti sīsaṃ eti, tasmā ‘‘tassa vacanenā’’tiādi vuttaṃ. Payogeti suttapariyesanādipayoge.
махаг̇гхам̣ жзд̇аабзд̇угаамам̣ аббаг̇гханд̇и вийсад̇иаг̇гханагам̣ жийварам̣ жзд̇аабзд̇угаамам̣ ‘‘алам̣ маяхам̣ д̇зна, д̣̇асааг̇гханагам̣ ваа адтаг̇гханагам̣ ваа д̣̇зхий’’д̇и вад̣̇анд̇ассаад̇и ад̇т̇о. зваруубанд̇и звам̣ самабхааг̇ам̣, иминаа самаганд̇и вуд̇д̇ам̣ ход̇и. д̇ан̃жа ко аг̇гхавасзнзва, на бамаан̣авасзна. аг̇гхавад̣дханаган̃хи ид̣̇ам̣ сигкаабад̣̇ам̣.
Mahagghaṃ cetāpetukāmaṃ appagghanti vīsatiagghanakaṃ cīvaraṃ cetāpetukāmaṃ ‘‘alaṃ mayhaṃ tena, dasaagghanakaṃ vā aṭṭhagghanakaṃ vā dehī’’ti vadantassāti attho. Evarūpanti evaṃ samabhāgaṃ, iminā samakanti vuttaṃ hoti. Tañca kho agghavaseneva, na pamāṇavasena. Agghavaḍḍhanakañhi idaṃ sikkhāpadaṃ.
батамаубагкадасигкаабад̣̇аван̣н̣анаа нидтид̇аа.
Paṭhamaupakkhaṭasikkhāpadavaṇṇanā niṭṭhitā.
