| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. батамаубагкадасигкаабад̣̇аван̣н̣анаа
8. Paṭhamaupakkhaṭasikkhāpadavaṇṇanā
528-531. адтамз яо гад̇д̇аад̇и д̣̇ааяагам̣ санд̇хааяа вуд̇д̇ам̣. бадо зва бадаго. ‘‘аббаг̇гхам̣ жзд̇аабзд̇ий’’д̇и ид̣̇ам̣ ниссаг̇г̇ияабаажид̇д̇ияаа анаабад̇д̇им̣ санд̇хааяа вуд̇д̇ам̣, вин̃н̃ад̇д̇ибажжаяаа бана д̣̇уггадамзва. ‘‘буб̣б̣з аббаваарид̇о’’д̇и хи суд̇д̇з вин̃н̃ад̇д̇игааран̣ам̣ вуд̇д̇ам̣. маад̇игаадтагат̇ааяамби ‘‘жийварз бхияяогамяад̇аа, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а д̇ийн̣и ан̇г̇ааний’’д̇и (ган̇каа. адта. убагкадасигкаабад̣̇а) ан̃н̃аад̇агавин̃н̃ад̇д̇ид̇аа багаасид̇аа, гзжи бана ‘‘д̣̇ааяагзна д̣̇аад̇угаамомхийд̇и ад̇д̇ано санд̇игз авуд̇д̇зби яад̣̇аг̇гханагам̣ со д̣̇аад̇угаамо, д̇ад̣̇аг̇гханагам̣ аахараабзд̇ум̣ ваддад̇и зваа’’д̇и вад̣̇анд̇и, д̇ам̣ рааж̇асигкаабад̣̇адтагат̇ааяаби на самзд̇и, д̣̇ууд̇зна ваа д̣̇ааяагзна ваа ‘‘ааяасманд̇ам̣ уд̣̇д̣̇исса жийваражзд̇аабаннам̣ аабхад̇а’’нд̇и аарожид̇зби мукавзвадияагаббияагаарагаад̣̇ийнам̣ санд̇игаа аахараабанасса д̇ад̇т̇а бадигкид̇д̇ад̇д̇аа. вуд̇д̇ан̃хи д̇ад̇т̇а ‘‘имз д̣̇вз анид̣̇д̣̇идтагаббияагаарагаа наама, зд̇зсу ан̃н̃аад̇агааббаваарид̇зсу вияа бадибаж̇ж̇ид̇аб̣б̣ам̣…бз… на гин̃жи вад̇д̇аб̣б̣аа. д̣̇зсанаамад̇д̇амзва жзд̇ам̣ ‘д̣̇ууд̇зна жийваражзд̇аабаннам̣ бахин̣зяяаа’д̇и саяам̣ аахарид̇вааби бин̣д̣абаад̇аад̣̇ийнам̣ ад̇т̇ааяа д̣̇ад̣̇анд̇зсуби зсзва наяо’’д̇и. мукавзвадияагаббияагаарагаад̣̇аяо хи д̣̇ааяагзна барижжад̇д̇зби вад̇т̇умхи ‘‘асугасса санд̇игз жийварабин̣д̣абаад̇аад̣̇им̣ г̇ан̣хат̇аа’’д̇и анид̣̇д̣̇идтад̇д̇аа зва ‘‘на гин̃жи вад̇д̇аб̣б̣аа’’д̇и вуд̇д̇ам̣, на бана д̇асса вад̇т̇уно мукавзвадияаад̣̇ийнам̣ санд̇агад̇д̇аа, д̇асмаа ид̇хааби д̣̇ааяагзна ваа д̣̇ууд̇зна ваа ‘‘яам̣ ижчат̇а, д̇ам̣ вад̣̇ат̇аа’’д̇и аббаваарид̇асса вад̣̇ад̇о д̣̇уггадамзва. аг̇гхавад̣дханаганд̇и жийварз аг̇гхавад̣дханагам̣ ниссааяа бавад̇д̇ам̣ ид̣̇ам̣ сигкаабад̣̇ам̣, на бин̣д̣абаад̇аад̣̇ийсу д̇зсу аг̇гхавад̣дханасса д̣̇уггадамад̇д̇ад̇д̇аа, бан̣ийд̇абин̣д̣абаад̇з суд̣̇д̇хигабаажид̇д̇ияад̇д̇аа жаад̇и г̇ахзд̇аб̣б̣ам̣. д̇знзва ‘‘жийварз бхияяогамяад̇аа’’д̇и ан̇г̇ам̣ вуд̇д̇ам̣.
528-531. Aṭṭhame yo kattāti dāyakaṃ sandhāya vuttaṃ. Paṭo eva paṭako. ‘‘Appagghaṃ cetāpetī’’ti idaṃ nissaggiyapācittiyā anāpattiṃ sandhāya vuttaṃ, viññattipaccayā pana dukkaṭameva. ‘‘Pubbe appavārito’’ti hi sutte viññattikāraṇaṃ vuttaṃ. Mātikāṭṭhakathāyampi ‘‘cīvare bhiyyokamyatā, aññātakaviññatti, tāya ca paṭilābhoti imānettha tīṇi aṅgānī’’ti (kaṅkhā. aṭṭha. upakkhaṭasikkhāpada) aññātakaviññattitā pakāsitā, keci pana ‘‘dāyakena dātukāmomhīti attano santike avuttepi yadagghanakaṃ so dātukāmo, tadagghanakaṃ āharāpetuṃ vaṭṭati evā’’ti vadanti, taṃ rājasikkhāpadaṭṭhakathāyapi na sameti, dūtena vā dāyakena vā ‘‘āyasmantaṃ uddissa cīvaracetāpannaṃ ābhata’’nti ārocitepi mukhavevaṭiyakappiyakārakādīnaṃ santikā āharāpanassa tattha paṭikkhittattā. Vuttañhi tattha ‘‘ime dve aniddiṭṭhakappiyakārakā nāma, etesu aññātakaappavāritesu viya paṭipajjitabbaṃ…pe… na kiñci vattabbā. Desanāmattameva cetaṃ ‘dūtena cīvaracetāpannaṃ pahiṇeyyā’ti sayaṃ āharitvāpi piṇḍapātādīnaṃ atthāya dadantesupi eseva nayo’’ti. Mukhavevaṭiyakappiyakārakādayo hi dāyakena pariccattepi vatthumhi ‘‘asukassa santike cīvarapiṇḍapātādiṃ gaṇhathā’’ti aniddiṭṭhattā eva ‘‘na kiñci vattabbā’’ti vuttaṃ, na pana tassa vatthuno mukhavevaṭiyādīnaṃ santakattā, tasmā idhāpi dāyakena vā dūtena vā ‘‘yaṃ icchatha, taṃ vadathā’’ti appavāritassa vadato dukkaṭameva. Agghavaḍḍhanakanti cīvare agghavaḍḍhanakaṃ nissāya pavattaṃ idaṃ sikkhāpadaṃ, na piṇḍapātādīsu tesu agghavaḍḍhanassa dukkaṭamattattā, paṇītapiṇḍapāte suddhikapācittiyattā cāti gahetabbaṃ. Teneva ‘‘cīvare bhiyyokamyatā’’ti aṅgaṃ vuttaṃ.
батамаубагкадасигкаабад̣̇аван̣н̣анаа нидтид̇аа.
Paṭhamaupakkhaṭasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. убагкадасигкаабад̣̇ам̣ • 8. Upakkhaṭasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
