| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
8. පඨමඋපක්‌ඛටසික්‌ඛාපදවණ්‌ණනා
8. Paṭhamaupakkhaṭasikkhāpadavaṇṇanā
527. අට්‌ඨමෙ අපි මය්‍යාති පාඨෙපි සොයෙවත්‌ථො. අය්‍යාති පන බහුවචනෙන ආමන්‌තනං කතං.
527. Aṭṭhame api mayyāti pāṭhepi soyevattho. Ayyāti pana bahuvacanena āmantanaṃ kataṃ.
528-529. අපදිස්‌සාති ‘‘ඉත්‌ථන්‌නාමස්‌ස භික්‌ඛුනො දස්‌සාමී’’ති එවං අපදිසිත්‌වා. පච්‌චයං කත්‌වාති කාරණං කත්‌වා. උද්‌දිස්‌සාති එත්‌ථ යො කත්‌තාති ‘‘උද්‌දිස්‌සා’’ති ඉමිනා වුත්‌තඋද්‌දිසනකිරියාය යො කත්‌තා. චීවරං චෙතාපෙන්‌ති පරිවත්‌තෙන්‌ති එතෙනාති චීවරචෙතාපන්‌නං. න-කාරාගමං කත්‌වා චීවරචෙතාපන්‌නන්‌ති වුත්‌තං, ‘‘චීවරචෙතාපන’’න්‌තිපි පඨන්‌ති. පචුරවොහාරවසෙනාති යෙභුය්‍යවොහාරවසෙන. යෙභුය්‍යවසෙන හි ඝරසාමිකං දට්‌ඨුකාමා තස්‌ස ඝරං ගච්‌ඡන්‌තීති තථෙව බහුලං වොහාරො. බ්‍යඤ්‌ජනමත්‌තමෙවාති අත්‌ථො නෙතබ්‌බො නත්‌ථීති අධිප්‌පායො.
528-529.Apadissāti ‘‘itthannāmassa bhikkhuno dassāmī’’ti evaṃ apadisitvā. Paccayaṃ katvāti kāraṇaṃ katvā. Uddissāti ettha yo kattāti ‘‘uddissā’’ti iminā vuttauddisanakiriyāya yo kattā. Cīvaraṃ cetāpenti parivattenti etenāti cīvaracetāpannaṃ. Na-kārāgamaṃ katvā cīvaracetāpannanti vuttaṃ, ‘‘cīvaracetāpana’’ntipi paṭhanti. Pacuravohāravasenāti yebhuyyavohāravasena. Yebhuyyavasena hi gharasāmikaṃ daṭṭhukāmā tassa gharaṃ gacchantīti tatheva bahulaṃ vohāro. Byañjanamattamevāti attho netabbo natthīti adhippāyo.
531. සමකෙපි පන අනාපත්‌තීති යදග්‌ඝනකං සො දාතුකාමො හොති, තදග්‌ඝනකෙ අනාපත්‌ති මූලං වඩ්‌ඪෙත්‌වා අධිකවිධානං අනාපන්‌නත්‌තා. එත්‌ථ ච ‘‘දාතුකාමොම්‌හී’’ති අත්‌තනො සන්‌තිකෙ අවුත්‌තෙපි දාතුකාමතං සුත්‌වා යදග්‌ඝනකං සො දාතුකාමො හොති, තදග්‌ඝනකං ආහරාපෙතුං වට්‌ටති. අග්‌ඝවඩ්‌ඪනකඤ්‌හි ඉදං සික්‌ඛාපදන්‌ති එත්‌ථ අග්‌ඝවඩ්‌ඪනං එතස්‌ස අත්‌ථීති අග්‌ඝවඩ්‌ඪනකං, අග්‌ඝවඩ්‌ඪනං සන්‌ධාය ඉදං සික්‌ඛාපදං පඤ්‌ඤත්‌තන්‌ති අධිප්‌පායො. චීවරං දෙහීති සඞ්‌ඝාටිආදීසු යංකිඤ්‌චි චීවරං සන්‌ධාය වදති. චීවරෙ භිය්‍යොකම්‍යතා, අඤ්‌ඤාතකවිඤ්‌ඤත්‌ති, තාය ච පටිලාභොති ඉමානෙත්‌ථ තීණි අඞ්‌ගානි.
531.Samakepi pana anāpattīti yadagghanakaṃ so dātukāmo hoti, tadagghanake anāpatti mūlaṃ vaḍḍhetvā adhikavidhānaṃ anāpannattā. Ettha ca ‘‘dātukāmomhī’’ti attano santike avuttepi dātukāmataṃ sutvā yadagghanakaṃ so dātukāmo hoti, tadagghanakaṃ āharāpetuṃ vaṭṭati. Agghavaḍḍhanakañhi idaṃ sikkhāpadanti ettha agghavaḍḍhanaṃ etassa atthīti agghavaḍḍhanakaṃ, agghavaḍḍhanaṃ sandhāya idaṃ sikkhāpadaṃ paññattanti adhippāyo. Cīvaraṃ dehīti saṅghāṭiādīsu yaṃkiñci cīvaraṃ sandhāya vadati. Cīvare bhiyyokamyatā, aññātakaviññatti, tāya ca paṭilābhoti imānettha tīṇi aṅgāni.
පඨමඋපක්‌ඛටසික්‌ඛාපදවණ්‌ණනා නිට්‌ඨිතා.
Paṭhamaupakkhaṭasikkhāpadavaṇṇanā niṭṭhitā.
532. දුතියඋපක්‌ඛටෙ වත්‌තබ්‌බං නත්‌ථි.
532. Dutiyaupakkhaṭe vattabbaṃ natthi.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga
8. උපක්‌ඛටසික්‌ඛාපදං • 8. Upakkhaṭasikkhāpadaṃ
9. දුතියඋපක්‌ඛටසික්‌ඛාපදං • 9. Dutiyaupakkhaṭasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā
8. පඨමඋපක්‌ඛටසික්‌ඛාපදවණ්‌ණනා • 8. Paṭhamaupakkhaṭasikkhāpadavaṇṇanā
9. දුතියඋපක්‌ඛටසික්‌ඛාපදවණ්‌ණනා • 9. Dutiyaupakkhaṭasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
8. පඨමඋපක්‌ඛටසික්‌ඛාපදවණ්‌ණනා • 8. Paṭhamaupakkhaṭasikkhāpadavaṇṇanā
9. දුතියඋපක්‌ඛටසික්‌ඛාපදවණ්‌ණනා • 9. Dutiyaupakkhaṭasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 8. පඨමඋපක්‌ඛටසික්‌ඛාපදවණ්‌ණනා • 8. Paṭhamaupakkhaṭasikkhāpadavaṇṇanā
