| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. батамаубанисаасуд̇д̇ам̣
3. Paṭhamaupanisāsuttaṃ
3. 1 ‘‘д̣̇уссийласса, бхигкавз, сийлавибаннасса хад̇уубанисо ход̇и авиббадисааро. авиббадисаарз асад̇и авиббадисааравибаннасса хад̇уубанисам̣ ход̇и баамож̇ж̇ам̣. баамож̇ж̇з асад̇и баамож̇ж̇авибаннасса хад̇уубанисаа ход̇и бийд̇и. бийд̇ияаа асад̇и бийд̇ивибаннасса хад̇уубанисаа ход̇и бассад̣̇д̇хи. бассад̣̇д̇хияаа асад̇и бассад̣̇д̇хивибаннасса хад̇уубанисам̣ ход̇и сукам̣. сукз асад̇и сукавибаннасса хад̇уубанисо ход̇и саммаасамаад̇хи. саммаасамаад̇химхи асад̇и саммаасамаад̇хивибаннасса хад̇уубанисам̣ ход̇и яат̇аабхууд̇ан̃аан̣ад̣̇ассанам̣. яат̇аабхууд̇ан̃аан̣ад̣̇ассанз асад̇и яат̇аабхууд̇ан̃аан̣ад̣̇ассанавибаннасса хад̇уубанисаа ход̇и ниб̣б̣ид̣̇аа. ниб̣б̣ид̣̇ааяа асад̇и ниб̣б̣ид̣̇аавибаннасса хад̇уубанисо ход̇и вирааг̇о. вирааг̇з асад̇и вирааг̇авибаннасса хад̇уубанисам̣ ход̇и вимуд̇д̇ин̃аан̣ад̣̇ассанам̣.
3.2 ‘‘Dussīlassa, bhikkhave, sīlavipannassa hatūpaniso hoti avippaṭisāro. Avippaṭisāre asati avippaṭisāravipannassa hatūpanisaṃ hoti pāmojjaṃ. Pāmojje asati pāmojjavipannassa hatūpanisā hoti pīti. Pītiyā asati pītivipannassa hatūpanisā hoti passaddhi. Passaddhiyā asati passaddhivipannassa hatūpanisaṃ hoti sukhaṃ. Sukhe asati sukhavipannassa hatūpaniso hoti sammāsamādhi. Sammāsamādhimhi asati sammāsamādhivipannassa hatūpanisaṃ hoti yathābhūtañāṇadassanaṃ. Yathābhūtañāṇadassane asati yathābhūtañāṇadassanavipannassa hatūpanisā hoti nibbidā. Nibbidāya asati nibbidāvipannassa hatūpaniso hoti virāgo. Virāge asati virāgavipannassa hatūpanisaṃ hoti vimuttiñāṇadassanaṃ.
‘‘сзяяат̇ааби, бхигкавз, ругко саакаабалаасавибанно. д̇асса бабадигааби на баарибуурим̣ г̇ажчад̇и, д̇ажоби… пзг̇г̇уби… саароби на баарибуурим̣ г̇ажчад̇и. звамзвам̣ ко, бхигкавз, д̣̇уссийласса сийлавибаннасса хад̇уубанисо ход̇и авиббадисааро, авиббадисаарз асад̇и авиббадисааравибаннасса хад̇уубанисам̣ ход̇и баамож̇ж̇ам̣…бз… вимуд̇д̇ин̃аан̣ад̣̇ассанам̣.
‘‘Seyyathāpi, bhikkhave, rukkho sākhāpalāsavipanno. Tassa papaṭikāpi na pāripūriṃ gacchati, tacopi… pheggupi… sāropi na pāripūriṃ gacchati. Evamevaṃ kho, bhikkhave, dussīlassa sīlavipannassa hatūpaniso hoti avippaṭisāro, avippaṭisāre asati avippaṭisāravipannassa hatūpanisaṃ hoti pāmojjaṃ…pe… vimuttiñāṇadassanaṃ.
‘‘сийлавад̇о, бхигкавз, сийласамбаннасса убанисасамбанно ход̇и авиббадисааро, авиббадисаарз сад̇и авиббадисаарасамбаннасса убанисасамбаннам̣ ход̇и баамож̇ж̇ам̣, баамож̇ж̇з сад̇и баамож̇ж̇асамбаннасса убанисасамбаннаа ход̇и бийд̇и, бийд̇ияаа сад̇и бийд̇исамбаннасса убанисасамбаннаа ход̇и бассад̣̇д̇хи, бассад̣̇д̇хияаа сад̇и бассад̣̇д̇хисамбаннасса убанисасамбаннам̣ ход̇и сукам̣, сукз сад̇и сукасамбаннасса убанисасамбанно ход̇и саммаасамаад̇хи, саммаасамаад̇химхи сад̇и саммаасамаад̇хисамбаннасса убанисасамбаннам̣ ход̇и яат̇аабхууд̇ан̃аан̣ад̣̇ассанам̣, яат̇аабхууд̇ан̃аан̣ад̣̇ассанз сад̇и яат̇аабхууд̇ан̃аан̣ад̣̇ассанасамбаннасса убанисасамбаннаа ход̇и ниб̣б̣ид̣̇аа, ниб̣б̣ид̣̇ааяа сад̇и ниб̣б̣ид̣̇аасамбаннасса убанисасамбанно ход̇и вирааг̇о, вирааг̇з сад̇и вирааг̇асамбаннасса убанисасамбаннам̣ ход̇и вимуд̇д̇ин̃аан̣ад̣̇ассанам̣.
‘‘Sīlavato, bhikkhave, sīlasampannassa upanisasampanno hoti avippaṭisāro, avippaṭisāre sati avippaṭisārasampannassa upanisasampannaṃ hoti pāmojjaṃ, pāmojje sati pāmojjasampannassa upanisasampannā hoti pīti, pītiyā sati pītisampannassa upanisasampannā hoti passaddhi, passaddhiyā sati passaddhisampannassa upanisasampannaṃ hoti sukhaṃ, sukhe sati sukhasampannassa upanisasampanno hoti sammāsamādhi, sammāsamādhimhi sati sammāsamādhisampannassa upanisasampannaṃ hoti yathābhūtañāṇadassanaṃ, yathābhūtañāṇadassane sati yathābhūtañāṇadassanasampannassa upanisasampannā hoti nibbidā, nibbidāya sati nibbidāsampannassa upanisasampanno hoti virāgo, virāge sati virāgasampannassa upanisasampannaṃ hoti vimuttiñāṇadassanaṃ.
‘‘сзяяат̇ааби, бхигкавз, ругко саакаабалаасасамбанно. д̇асса бабадигааби баарибуурим̣ г̇ажчад̇и, д̇ажоби… пзг̇г̇уби… саароби баарибуурим̣ г̇ажчад̇и. звамзвам̣ ко, бхигкавз, сийлавад̇о сийласамбаннасса убанисасамбанно ход̇и авиббадисааро, авиббадисаарз сад̇и авиббадисаарасамбаннасса убанисасамбаннам̣ ход̇и…бз… вимуд̇д̇ин̃аан̣ад̣̇ассана’’нд̇и. д̇ад̇ияам̣.
‘‘Seyyathāpi, bhikkhave, rukkho sākhāpalāsasampanno. Tassa papaṭikāpi pāripūriṃ gacchati, tacopi… pheggupi… sāropi pāripūriṃ gacchati. Evamevaṃ kho, bhikkhave, sīlavato sīlasampannassa upanisasampanno hoti avippaṭisāro, avippaṭisāre sati avippaṭisārasampannassa upanisasampannaṃ hoti…pe… vimuttiñāṇadassana’’nti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-6. гимад̇т̇ияасуд̇д̇аад̣̇иван̣н̣анаа • 1-6. Kimatthiyasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. гимад̇т̇ияасуд̇д̇аад̣̇иван̣н̣анаа • 1-10. Kimatthiyasuttādivaṇṇanā
