| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. урувзлаваг̇г̇о
3. Uruvelavaggo
1. батамаурувзласуд̇д̇аван̣н̣анаа
1. Paṭhamauruvelasuttavaṇṇanā
21. д̇ад̇ияасса батамз урувзлааяанд̇и зд̇т̇а урувзлаад̇и махаавзлаа, махааваалигараасийд̇и ад̇т̇о. ат̇а ваа урууд̇и ваалугаа вужжад̇и, взлаад̇и марияаад̣̇аа. взлаад̇иггаманахзд̇у аахадаа уру урувзлаад̇и звамзд̇т̇а ад̇т̇о д̣̇адтаб̣б̣о. ад̇ийд̇з гира ануббаннз б̣уд̣̇д̇хз д̣̇асасахассаа гулабуд̇д̇аа д̇аабасабаб̣б̣аж̇ж̇ам̣ баб̣б̣аж̇ид̇ваа д̇асмим̣ бад̣̇зсз вихаранд̇аа згад̣̇ивасам̣ саннибад̇ид̇ваа гад̇игавад̇д̇ам̣ агам̣су – ‘‘гааяагаммаважийгаммаани наама барзсамби баагадаани хонд̇и, маногаммам̣ бана абаагадам̣. д̇асмаа яо гаамавид̇аггам̣ ваа б̣яаабаад̣̇авид̇аггам̣ ваа вихим̣саавид̇аггам̣ ваа вид̇аггзд̇и, д̇асса ан̃н̃о жод̣̇аго наама над̇т̇и. со ад̇д̇анаава ад̇д̇аанам̣ жод̣̇зд̇ваа бад̇д̇абудзна ваалугам̣ аахарид̇ваа имасмим̣ таанз аагирад̇у, ид̣̇амасса д̣̇ан̣д̣агамма’’нд̇и. д̇ад̇о бадтааяа яо д̇аад̣̇исам̣ вид̇аггам̣ вид̇аггзд̇и, со д̇ад̇т̇а бад̇д̇абудзна ваалугам̣ аагирад̇и, звам̣ д̇ад̇т̇а ануггамзна махааваалугарааси ж̇аад̇о. д̇ад̇о нам̣ бажчимаа ж̇анад̇аа баригкибид̇ваа жзд̇ияадтаанамагааси, д̇ам̣ санд̇хааяа вуд̇д̇ам̣ – ‘‘урувзлаад̇и махаавзлаа, махааваалигараасийд̇и ад̇т̇о’’д̇и. д̇амзва санд̇хааяа вуд̇д̇ам̣ – ‘‘ат̇а ваа урууд̇и ваалугаа вужжад̇и, взлаад̇и марияаад̣̇аа, взлаад̇иггаманахзд̇у аахадаа уру урувзлаад̇и звамзд̇т̇а ад̇т̇о д̣̇адтаб̣б̣о’’д̇и.
21. Tatiyassa paṭhame uruvelāyanti ettha uruvelāti mahāvelā, mahāvālikarāsīti attho. Atha vā urūti vālukā vuccati, velāti mariyādā. Velātikkamanahetu āhaṭā uru uruvelāti evamettha attho daṭṭhabbo. Atīte kira anuppanne buddhe dasasahassā kulaputtā tāpasapabbajjaṃ pabbajitvā tasmiṃ padese viharantā ekadivasaṃ sannipatitvā katikavattaṃ akaṃsu – ‘‘kāyakammavacīkammāni nāma paresampi pākaṭāni honti, manokammaṃ pana apākaṭaṃ. Tasmā yo kāmavitakkaṃ vā byāpādavitakkaṃ vā vihiṃsāvitakkaṃ vā vitakketi, tassa añño codako nāma natthi. So attanāva attānaṃ codetvā pattapuṭena vālukaṃ āharitvā imasmiṃ ṭhāne ākiratu, idamassa daṇḍakamma’’nti. Tato paṭṭhāya yo tādisaṃ vitakkaṃ vitakketi, so tattha pattapuṭena vālukaṃ ākirati, evaṃ tattha anukkamena mahāvālukarāsi jāto. Tato naṃ pacchimā janatā parikkhipitvā cetiyaṭṭhānamakāsi, taṃ sandhāya vuttaṃ – ‘‘uruvelāti mahāvelā, mahāvālikarāsīti attho’’ti. Tameva sandhāya vuttaṃ – ‘‘atha vā urūti vālukā vuccati, velāti mariyādā, velātikkamanahetu āhaṭā uru uruvelāti evamettha attho daṭṭhabbo’’ti.
наж̇ж̇аа нзран̃ж̇арааяа д̇ийрзд̇и урувзлаг̇аамам̣ ниссааяа нзран̃ж̇араанад̣̇ийд̇ийрз вихараамийд̇и д̣̇ассзд̇и. аж̇абааланиг̇род̇хзд̇и аж̇абаалагаа д̇асса ниг̇род̇хасса чааяааяа нисийд̣̇анд̇иби д̇идтанд̇иби, д̇асмаа со аж̇абааланиг̇род̇ход̇взва сан̇кам̣ г̇ад̇о, д̇асса хздтаад̇и ад̇т̇о. батамаабхисамб̣уд̣̇д̇ход̇и самб̣уд̣̇д̇хо худ̇ваа батамамзва. уд̣̇абаад̣̇ийд̇и аяам̣ вид̇агго бан̃жамз сад̇д̇аахз уд̣̇абаад̣̇и. гасмаа уд̣̇абаад̣̇ийд̇и? саб̣б̣аб̣уд̣̇д̇хаанам̣ аажин̣н̣ад̇д̇аа жзва буб̣б̣аасзванад̇ааяа жа. д̇ад̇т̇а буб̣б̣аасзванааяа багаасанад̇т̇ам̣ д̇ид̇д̇ираж̇аад̇агам̣ аахарид̇аб̣б̣ам̣. хад̇т̇иваанарад̇ид̇д̇ираа гира згасмим̣ бад̣̇зсз вихаранд̇аа ‘‘яо амхаагам̣ махаллаго, д̇асмим̣ саг̇аараваа вихариссаамаа’’д̇и ниг̇род̇хам̣ д̣̇ассзд̇ваа ‘‘го ну ко амхаагам̣ махаллаго’’д̇и виймам̣санд̇аа д̇ид̇д̇ирасса махаллагабхаавам̣ н̃ад̇ваа д̇асса ж̇здтаабажааяанагаммам̣ гад̇ваа ан̃н̃аман̃н̃ам̣ самаг̇г̇аа саммод̣̇амаанаа вихарид̇ваа саг̇г̇абарааяан̣аа ахзсум̣. д̇ам̣ гааран̣ам̣ н̃ад̇ваа ругкз ад̇хивад̇т̇аа д̣̇звад̇аа имам̣ г̇аат̇амааха –
Najjā nerañjarāya tīreti uruvelagāmaṃ nissāya nerañjarānadītīre viharāmīti dasseti. Ajapālanigrodheti ajapālakā tassa nigrodhassa chāyāya nisīdantipi tiṭṭhantipi, tasmā so ajapālanigrodhotveva saṅkhaṃ gato, tassa heṭṭhāti attho. Paṭhamābhisambuddhoti sambuddho hutvā paṭhamameva. Udapādīti ayaṃ vitakko pañcame sattāhe udapādi. Kasmā udapādīti? Sabbabuddhānaṃ āciṇṇattā ceva pubbāsevanatāya ca. Tattha pubbāsevanāya pakāsanatthaṃ tittirajātakaṃ āharitabbaṃ. Hatthivānaratittirā kira ekasmiṃ padese viharantā ‘‘yo amhākaṃ mahallako, tasmiṃ sagāravā viharissāmā’’ti nigrodhaṃ dassetvā ‘‘ko nu kho amhākaṃ mahallako’’ti vīmaṃsantā tittirassa mahallakabhāvaṃ ñatvā tassa jeṭṭhāpacāyanakammaṃ katvā aññamaññaṃ samaggā sammodamānā viharitvā saggaparāyaṇā ahesuṃ. Taṃ kāraṇaṃ ñatvā rukkhe adhivatthā devatā imaṃ gāthamāha –
‘‘яз вуд̣дхамабажааяанд̇и, нараа д̇хаммасса говид̣̇аа;
‘‘Ye vuḍḍhamapacāyanti, narā dhammassa kovidā;
д̣̇идтзва д̇хаммз баасам̣саа, самбарааяз жа суг̇г̇ад̇ий’’д̇и. (ж̇аа. 1.1.37);
Diṭṭheva dhamme pāsaṃsā, samparāye ca suggatī’’ti. (jā. 1.1.37);
звам̣ ахзд̇угад̇иражчаанаяонияам̣ ниб̣б̣ад̇д̇оби д̇ат̇ааг̇ад̇о саг̇аарававаасам̣ рожзси, ид̣̇аани гасмаа на рожзссад̇ийд̇и. аг̇ааравод̇и ан̃н̃асмим̣ г̇аараварахид̇о, ган̃жи г̇арудтаанз адтабзд̇ваад̇и ад̇т̇о. аббад̇иссод̇и бад̇иссаяарахид̇о, ган̃жи ж̇здтагадтаанз адтабзд̇ваад̇и ад̇т̇о. саман̣ам̣ ваа б̣раахман̣ам̣ ваад̇и зд̇т̇а самид̇абаабаб̣аахид̇абаабааязва саман̣аб̣раахман̣аа ад̇хиббзд̇аа. саггад̇ваа г̇арум̣ гад̇ваад̇и саггааран̃жзва гад̇ваа г̇аругааран̃жа убадтабзд̇ваа.
Evaṃ ahetukatiracchānayoniyaṃ nibbattopi tathāgato sagāravavāsaṃ rocesi, idāni kasmā na rocessatīti. Agāravoti aññasmiṃ gāravarahito, kañci garuṭṭhāne aṭṭhapetvāti attho. Appatissoti patissayarahito, kañci jeṭṭhakaṭṭhāne aṭṭhapetvāti attho. Samaṇaṃvā brāhmaṇaṃ vāti ettha samitapāpabāhitapāpāyeva samaṇabrāhmaṇā adhippetā. Sakkatvā garuṃ katvāti sakkārañceva katvā garukārañca upaṭṭhapetvā.
сад̣̇звагз логзд̇иаад̣̇ийсу сад̣̇д̇хим̣ д̣̇звзхи сад̣̇звагз. д̣̇зваг̇г̇ахан̣зна жзд̇т̇а маараб̣рахмзсу г̇ахид̇зсуби мааро наама васавад̇д̇ий саб̣б̣зсам̣ убари васам̣ вад̇д̇зд̇и, б̣рахмаа наама махаанубхааво, зган̇г̇улияаа згасмим̣ жаггаваал̣асахассз аалогам̣ парад̇и, д̣̇вийхи д̣̇вийсу, д̣̇асахи ан̇г̇улийхи д̣̇асасу жаггаваал̣асахассзсу аалогам̣ парад̇и. со иминаа сийласамбаннад̇арод̇и вад̇д̇ум̣ маа лабханд̇ууд̇и самаарагз саб̣рахмагзд̇и висум̣ вуд̇д̇ам̣. д̇ат̇аа саман̣аа наама зганигааяаад̣̇ивасзна б̣ахуссуд̇аа сийлаванд̇о бан̣д̣ид̇аа, б̣раахман̣ааби вад̇т̇увиж̇ж̇аад̣̇ивасзна б̣ахуссуд̇аа бан̣д̣ид̇аа. д̇з иминаа самбаннад̇араад̇и вад̇д̇ум̣ маа лабханд̇ууд̇и сассаман̣аб̣раахман̣ияаа баж̇ааяаад̇и вуд̇д̇ам̣. сад̣̇звамануссааяаад̇и ид̣̇ам̣ бана ниббад̣̇зсад̇о д̣̇ассанад̇т̇ам̣ г̇ахид̇амзва г̇ахзд̇ваа вуд̇д̇ам̣. абижзд̇т̇а буримаани д̇ийн̣и бад̣̇аани логавасзна вуд̇д̇аани, бажчимаани д̣̇вз баж̇аавасзна. сийласамбаннад̇аранд̇и сийлзна самбаннад̇арам̣, ад̇хигад̇аранд̇и ад̇т̇о. зд̇т̇а жа сийлаад̣̇аяо жад̇д̇ааро д̇хаммаа логияалогуд̇д̇араа гат̇ид̇аа, вимуд̇д̇ин̃аан̣ад̣̇ассанам̣ логияамзва. бажжавзгкан̣ан̃аан̣амзва хзд̇ам̣. баад̇урахосийд̇и ‘‘аяам̣ сад̇т̇аа авийжид̇о яаава бхаваг̇г̇аа сийлаад̣̇ийхи ад̇д̇анаа ад̇хигад̇арам̣ абассанд̇о ‘маяаа бадивид̣̇д̇ханавалогуд̇д̇арад̇хаммамзва саггад̇ваа убаниссааяа вихариссаамий’д̇и жинд̇зд̇и, гааран̣ам̣ бхаг̇аваа жинд̇зд̇и, ад̇т̇ам̣ вуд̣дхим̣ висзсам̣ жинд̇зд̇и, г̇ажчаамисса уссаахам̣ ж̇анзссаамий’’д̇и жинд̇зд̇ваа бурад̇о баагадо ахоси, абхимукз адтаасийд̇и ад̇т̇о.
Sadevake loketiādīsu saddhiṃ devehi sadevake. Devaggahaṇena cettha mārabrahmesu gahitesupi māro nāma vasavattī sabbesaṃ upari vasaṃ vatteti, brahmā nāma mahānubhāvo, ekaṅguliyā ekasmiṃ cakkavāḷasahasse ālokaṃ pharati, dvīhi dvīsu, dasahi aṅgulīhi dasasu cakkavāḷasahassesu ālokaṃ pharati. So iminā sīlasampannataroti vattuṃ mā labhantūti samārake sabrahmaketi visuṃ vuttaṃ. Tathā samaṇā nāma ekanikāyādivasena bahussutā sīlavanto paṇḍitā, brāhmaṇāpi vatthuvijjādivasena bahussutā paṇḍitā. Te iminā sampannatarāti vattuṃ mā labhantūti sassamaṇabrāhmaṇiyā pajāyāti vuttaṃ. Sadevamanussāyāti idaṃ pana nippadesato dassanatthaṃ gahitameva gahetvā vuttaṃ. Apicettha purimāni tīṇi padāni lokavasena vuttāni, pacchimāni dve pajāvasena. Sīlasampannataranti sīlena sampannataraṃ, adhikataranti attho. Ettha ca sīlādayo cattāro dhammā lokiyalokuttarā kathitā, vimuttiñāṇadassanaṃ lokiyameva. Paccavekkhaṇañāṇameva hetaṃ. Pāturahosīti ‘‘ayaṃ satthā avīcito yāva bhavaggā sīlādīhi attanā adhikataraṃ apassanto ‘mayā paṭividdhanavalokuttaradhammameva sakkatvā upanissāya viharissāmī’ti cinteti, kāraṇaṃ bhagavā cinteti, atthaṃ vuḍḍhiṃ visesaṃ cinteti, gacchāmissa ussāhaṃ janessāmī’’ti cintetvā purato pākaṭo ahosi, abhimukhe aṭṭhāsīti attho.
вихам̣су вихаранд̇и жаад̇и зд̇т̇а яо вад̣̇зяяа – ‘‘вихаранд̇ийд̇и важанад̇о бажжуббаннзби б̣ахуу б̣уд̣̇д̇хаа’’д̇и, со ‘‘бхаг̇авааби бханд̇з зд̇арахи арахам̣ саммаасамб̣уд̣̇д̇хо’’д̇и иминаа важанзна бадиб̣аахид̇аб̣б̣о.
Vihaṃsuviharanti cāti ettha yo vadeyya – ‘‘viharantīti vacanato paccuppannepi bahū buddhā’’ti, so ‘‘bhagavāpi bhante etarahi arahaṃ sammāsambuddho’’ti iminā vacanena paṭibāhitabbo.
‘‘на мз аажарияо ад̇т̇и, сад̣̇исо мз на виж̇ж̇ад̇и;
‘‘Na me ācariyo atthi, sadiso me na vijjati;
сад̣̇звагасмим̣ логасмим̣, над̇т̇и мз бадибуг̇г̇ало’’д̇и. (махаава. 11; ма. ни. 2.341) –
Sadevakasmiṃ lokasmiṃ, natthi me paṭipuggalo’’ti. (mahāva. 11; ma. ni. 2.341) –
аад̣̇ийхи жасса суд̇д̇зхи ан̃н̃зсам̣ б̣уд̣̇д̇хаанам̣ абхааво д̣̇ийбзд̇аб̣б̣о. д̇асмаад̇и яасмаа саб̣б̣зби б̣уд̣̇д̇хаа сад̣̇д̇хаммаг̇аруно, д̇асмаа. махад̇д̇амабхиган̇кад̇аад̇и маханд̇абхаавам̣ бад̇т̇аяамаанзна. сарам̣ б̣уд̣̇д̇хаана саасананд̇и б̣уд̣̇д̇хаанам̣ саасанам̣ саранд̇зна.
Ādīhi cassa suttehi aññesaṃ buddhānaṃ abhāvo dīpetabbo. Tasmāti yasmā sabbepi buddhā saddhammagaruno, tasmā. Mahattamabhikaṅkhatāti mahantabhāvaṃ patthayamānena. Saraṃ buddhāna sāsananti buddhānaṃ sāsanaṃ sarantena.
яад̇од̇и яасмим̣ гаалз. махад̇д̇зна саманнааг̇ад̇од̇и рад̇д̇ан̃н̃умахад̇д̇ам̣ взбулламахад̇д̇ам̣ б̣рахмажарияамахад̇д̇ам̣ лаабхаг̇г̇амахад̇д̇анд̇и иминаа жад̇уб̣б̣ид̇хзна махад̇д̇зна саманнааг̇ад̇о. ат̇а мз сан̇гхзби г̇ааравод̇и ат̇а маяхам̣ сан̇гхзби г̇аараво ж̇аад̇о. гисмим̣ бана гаалз бхаг̇авад̇аа сан̇гхз г̇аараво гад̇од̇и? махаабаж̇аабад̇ияаа д̣̇уссаяуг̇ад̣̇аанагаалз. д̇ад̣̇аа хи бхаг̇аваа ад̇д̇ано убанийд̇ам̣ д̣̇уссаяуг̇ам̣ ‘‘сан̇гхз, г̇од̇ами, д̣̇зхи, сан̇гхз д̇з д̣̇иннз ахан̃жзва бууж̇ид̇о бхависсаами сан̇гхо жаа’’д̇и вад̣̇анд̇о сан̇гхз г̇ааравам̣ агааси наама.
Yatoti yasmiṃ kāle. Mahattena samannāgatoti rattaññumahattaṃ vepullamahattaṃ brahmacariyamahattaṃ lābhaggamahattanti iminā catubbidhena mahattena samannāgato. Atha me saṅghepi gāravoti atha mayhaṃ saṅghepi gāravo jāto. Kismiṃ pana kāle bhagavatā saṅghe gāravo katoti? Mahāpajāpatiyā dussayugadānakāle. Tadā hi bhagavā attano upanītaṃ dussayugaṃ ‘‘saṅghe, gotami, dehi, saṅghe te dinne ahañceva pūjito bhavissāmi saṅgho cā’’ti vadanto saṅghe gāravaṃ akāsi nāma.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. батамаурувзласуд̇д̇ам̣ • 1. Paṭhamauruvelasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. батамаурувзласуд̇д̇аван̣н̣анаа • 1. Paṭhamauruvelasuttavaṇṇanā
