Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā

    каг̇г̇ависаан̣асуд̇д̇анид̣̇д̣̇зсо

    Khaggavisāṇasuttaniddeso

    каг̇г̇ависаан̣асуд̇д̇анид̣̇д̣̇зсаван̣н̣анаа

    Khaggavisāṇasuttaniddesavaṇṇanā

    1. батамаваг̇г̇аван̣н̣анаа

    1. Paṭhamavaggavaṇṇanā

    121. ид̇о барам̣ каг̇г̇ависаан̣асуд̇д̇анид̣̇д̣̇зсаван̣н̣анааяа огаасо ануббад̇д̇о. д̇ад̇т̇а ‘‘саб̣б̣зсу бхууд̇зсу нид̇хааяа д̣̇ан̣д̣а’’нд̇и ид̇о барам̣ ад̇ирзгабад̣̇амад̇д̇амзва ван̣н̣аяиссаама. д̇ад̇т̇а саб̣б̣зсууд̇и анавасзсзсу. бхууд̇зсууд̇и сад̇д̇зсу. зд̇т̇а бхууд̇зсууд̇и гин̃жааби бхууд̇асад̣̇д̣̇о ‘‘бхууд̇асмим̣ баажид̇д̇ияа’’нд̇и звамаад̣̇ийсу (баажи. 69) виж̇ж̇амаанз, ‘‘бхууд̇амид̣̇ам̣, саарибуд̇д̇а, саманубассасий’’д̇и звамаад̣̇ийсу канд̇хабан̃жагз, ‘‘жад̇д̇ааро ко, бхигку, махаабхууд̇аа хзд̇уу’’д̇и звамаад̣̇ийсу (ма. ни. 3.86) жад̇уб̣б̣ид̇хз бат̇авийд̇хаад̇ваад̣̇ируубз, ‘‘яо жа гаалагхасо бхууд̇о’’д̇и звамаад̣̇ийсу (ж̇аа. 1.2.190) кийн̣аасавз, ‘‘саб̣б̣зва нигкибиссанд̇и, бхууд̇аа логз самуссаяа’’нд̇и звамаад̣̇ийсу (д̣̇ий. ни. 2.220) саб̣б̣асад̇д̇з, ‘‘бхууд̇аг̇аамабаад̇аб̣яад̇ааяаа’’д̇и звамаад̣̇ийсу (баажи. 90) ругкаад̣̇игз, ‘‘бхууд̇ам̣ бхууд̇ад̇о баж̇аанаад̇ий’’д̇и звамаад̣̇ийсу (ма. ни. 1.3) жаад̇умахаарааж̇игаанам̣ хздтаа сад̇д̇анигааяам̣ убаад̣̇ааяа вад̇д̇ад̇и. ид̇ха бана ависзсад̇о бат̇авийбаб̣б̣ад̇аад̣̇ийсу ж̇аад̇аа сад̇д̇аа бхууд̇аад̇и взд̣̇ид̇аб̣б̣аа. д̇зсу бхууд̇зсу. нид̇хааяаад̇и нигкибид̇ваа.

    121. Ito paraṃ khaggavisāṇasuttaniddesavaṇṇanāya okāso anuppatto. Tattha ‘‘sabbesu bhūtesu nidhāya daṇḍa’’nti ito paraṃ atirekapadamattameva vaṇṇayissāma. Tattha sabbesūti anavasesesu. Bhūtesūti sattesu. Ettha bhūtesūti kiñcāpi bhūtasaddo ‘‘bhūtasmiṃ pācittiya’’nti evamādīsu (pāci. 69) vijjamāne, ‘‘bhūtamidaṃ, sāriputta, samanupassasī’’ti evamādīsu khandhapañcake, ‘‘cattāro kho, bhikkhu, mahābhūtā hetū’’ti evamādīsu (ma. ni. 3.86) catubbidhe pathavīdhātvādirūpe, ‘‘yo ca kālaghaso bhūto’’ti evamādīsu (jā. 1.2.190) khīṇāsave, ‘‘sabbeva nikkhipissanti, bhūtā loke samussaya’’nti evamādīsu (dī. ni. 2.220) sabbasatte, ‘‘bhūtagāmapātabyatāyā’’ti evamādīsu (pāci. 90) rukkhādike, ‘‘bhūtaṃ bhūtato pajānātī’’ti evamādīsu (ma. ni. 1.3) cātumahārājikānaṃ heṭṭhā sattanikāyaṃ upādāya vattati. Idha pana avisesato pathavīpabbatādīsu jātā sattā bhūtāti veditabbā. Tesu bhūtesu. Nidhāyāti nikkhipitvā.

    д̣̇ан̣д̣анд̇и гааяаважийманод̣̇ан̣д̣ам̣, гааяад̣̇ужжарид̇аад̣̇ийнамзд̇ам̣ ад̇хиважанам̣. гааяад̣̇ужжарид̇ан̃хи д̣̇ан̣д̣аяад̇ийд̇и д̣̇ан̣д̣о, б̣аад̇хзд̇и анаяаб̣яасанам̣ баабзд̇ийд̇и вуд̇д̇ам̣ ход̇и. звам̣ важийд̣̇ужжарид̇ан̃жа манод̣̇ужжарид̇ан̃жа. бахаран̣ад̣̇ан̣д̣о зва ваа д̣̇ан̣д̣о, д̇ам̣ нид̇хааяаад̇иби вуд̇д̇ам̣ ход̇и. авихзтаяанд̇и авихзтаяанд̇о. ан̃н̃ад̇арамбийд̇и яам̣ гин̃жи згамби. д̇зсамбийд̇и д̇зсам̣ саб̣б̣абхууд̇аанам̣. на буд̇д̇амижчзяяаад̇и ад̇раж̇о кзд̇д̇аж̇о д̣̇иннаго анд̇зваасигод̇и имзсу жад̇уусу буд̇д̇зсу яам̣ гин̃жи буд̇д̇ам̣ на ижчзяяа. гуд̇о сахааяанд̇и сахааяам̣ бана ижчзяяаад̇и гуд̇о зва зд̇ам̣.

    Daṇḍanti kāyavacīmanodaṇḍaṃ, kāyaduccaritādīnametaṃ adhivacanaṃ. Kāyaduccaritañhi daṇḍayatīti daṇḍo, bādheti anayabyasanaṃ pāpetīti vuttaṃ hoti. Evaṃ vacīduccaritañca manoduccaritañca. Paharaṇadaṇḍo eva vā daṇḍo, taṃ nidhāyātipi vuttaṃ hoti. Aviheṭhayanti aviheṭhayanto. Aññatarampīti yaṃ kiñci ekampi. Tesampīti tesaṃ sabbabhūtānaṃ. Na puttamiccheyyāti atrajo khettajo dinnako antevāsikoti imesu catūsu puttesu yaṃ kiñci puttaṃ na iccheyya. Kuto sahāyanti sahāyaṃ pana iccheyyāti kuto eva etaṃ.

    згод̇и баб̣б̣аж̇ж̇аасан̇каад̇зна зго, ад̣̇уд̇ияадтзна зго, д̇ан̣хаабахаанадтзна зго, зганд̇авиг̇ад̇агилзсод̇и зго, зго бажжзгасамб̣од̇хим̣ абхисамб̣уд̣̇д̇ход̇и зго. саман̣асахассассаби хи маж̇жхз вад̇д̇амаано г̇ихисан̃н̃ож̇анасса чиннад̇д̇аа зго, звам̣ баб̣б̣аж̇ж̇аасан̇каад̇зна зго . зго д̇идтад̇и, зго г̇ажчад̇и, зго нисийд̣̇ад̇и, зго сзяяам̣ габбзд̇и, зго ирияад̇и вад̇д̇ад̇ийд̇и зго. звам̣ ад̣̇уд̇ияадтзна зго.

    Ekoti pabbajjāsaṅkhātena eko, adutiyaṭṭhena eko, taṇhāpahānaṭṭhena eko, ekantavigatakilesoti eko, eko paccekasambodhiṃ abhisambuddhoti eko. Samaṇasahassassapi hi majjhe vattamāno gihisaññojanassa chinnattā eko, evaṃ pabbajjāsaṅkhātena eko . Eko tiṭṭhati, eko gacchati, eko nisīdati, eko seyyaṃ kappeti, eko iriyati vattatīti eko. Evaṃ adutiyaṭṭhena eko.

    ‘‘д̇ан̣хаад̣̇уд̇ияо бурисо, д̣̇ийгхамад̣̇д̇хаана сам̣сарам̣;

    ‘‘Taṇhādutiyo puriso, dīghamaddhāna saṃsaraṃ;

    ид̇т̇абхааван̃н̃ат̇аабхаавам̣, сам̣саарам̣ наад̇ивад̇д̇ад̇и.

    Itthabhāvaññathābhāvaṃ, saṃsāraṃ nātivattati.

    ‘‘звамаад̣̇ийнавам̣ н̃ад̇ваа, д̇ан̣хам̣ д̣̇угкасса самбхавам̣;

    ‘‘Evamādīnavaṃ ñatvā, taṇhaṃ dukkhassa sambhavaṃ;

    вийд̇ад̇ан̣хо анаад̣̇аано, сад̇о бхигку бариб̣б̣аж̇з’’д̇и. (ид̇иву. 15, 105; махаани. 191; жуул̣ани. баарааяанаануг̇ийд̇иг̇аат̇аанид̣̇д̣̇зса 107) –

    Vītataṇho anādāno, sato bhikkhu paribbaje’’ti. (itivu. 15, 105; mahāni. 191; cūḷani. pārāyanānugītigāthāniddesa 107) –

    звам̣ д̇ан̣хаабахаанадтзна зго. саб̣б̣агилзсаасса бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаад̇и звам̣ зганд̇авиг̇ад̇агилзсод̇и зго. анаажарияаго худ̇ваа саяамбхуу сааман̃н̃зва бажжзгасамб̣од̇хим̣ абхисамб̣уд̣̇д̇ход̇и звам̣ зго бажжзгасамб̣од̇хим̣ абхисамб̣уд̣̇д̇ход̇и зго.

    Evaṃ taṇhāpahānaṭṭhena eko. Sabbakilesāssa pahīnā ucchinnamūlā tālāvatthukatā anabhāvaṃkatā āyatiṃ anuppādadhammāti evaṃ ekantavigatakilesoti eko. Anācariyako hutvā sayambhū sāmaññeva paccekasambodhiṃ abhisambuddhoti evaṃ eko paccekasambodhiṃ abhisambuddhoti eko.

    жарзд̇и яаа имаа адта жарияааяо. сзяяат̇ид̣̇ам̣ – яаа бан̣ид̇хисамбаннаанам̣ жад̇уусу ирияаабат̇зсу ирияаабат̇ажарияаа, инд̣̇риязсу г̇уд̇д̇ад̣̇ваараанам̣ аж̇жхад̇д̇игааяад̇анзсу ааяад̇анажарияаа, аббамаад̣̇авихаарийнам̣ жад̇уусу сад̇ибадтаанзсу сад̇ижарияаа, ад̇хижид̇д̇амануяуд̇д̇аанам̣ жад̇уусу жхаанзсу самаад̇хижарияаа, б̣уд̣̇д̇хисамбаннаанам̣ жад̇уусу арияасажжзсу н̃аан̣ажарияаа, саммаа бадибаннаанам̣ жад̇уусу арияамаг̇г̇зсу маг̇г̇ажарияаа, ад̇хиг̇ад̇апалаанам̣ жад̇уусу сааман̃н̃апалзсу бадибад̇д̇ижарияаа, д̇ин̣н̣ам̣ б̣уд̣̇д̇хаанам̣ саб̣б̣асад̇д̇зсу логад̇т̇ажарияаа, д̇ад̇т̇а бад̣̇зсад̇о бажжзгаб̣уд̣̇д̇хасаавагаананд̇и. яат̇ааха – ‘‘жарияаад̇и адта жарияааяо яаа ирияаабат̇ажарияаа’’д̇и (жуул̣ани. каг̇г̇ависаан̣асуд̇д̇анид̣̇д̣̇зса 121; бади. ма. 1.197; 3.28) вид̇т̇ааро. д̇аахи жарияаахи саманнааг̇ад̇о бхавзяяаад̇и ад̇т̇о. ат̇а ваа яаа имаа ‘‘ад̇химужжанд̇о сад̣̇д̇хааяа жарад̇и, баг̇г̇ан̣ханд̇о вийриязна жарад̇и, убадтаханд̇о сад̇ияаа жарад̇и, авигкид̇д̇о самаад̇хинаа жарад̇и, баж̇аананд̇о бан̃н̃ааяа жарад̇и, виж̇аананд̇о вин̃н̃аан̣зна жарад̇и, звам̣ бадибаннасса гусалаа д̇хаммаа ааяаабзнд̇ийд̇и ааяад̇анажарияааяа жарад̇и, звам̣ бадибанно висзсамад̇хиг̇ажчад̇ийд̇и висзсажарияааяа жарад̇ий’’д̇и (жуул̣ани. каг̇г̇ависаан̣асуд̇д̇анид̣̇д̣̇зса 121; бади. ма. 1.197; 3.29) звам̣ абарааби адта жарияаа вуд̇д̇аа. д̇аахи саманнааг̇ад̇о бхавзяяаад̇и ад̇т̇о. каг̇г̇ависаан̣агаббод̇и каг̇г̇ависаан̣о наама каг̇г̇амиг̇асин̇г̇ам̣.

    Careti yā imā aṭṭha cariyāyo. Seyyathidaṃ – yā paṇidhisampannānaṃ catūsu iriyāpathesu iriyāpathacariyā, indriyesu guttadvārānaṃ ajjhattikāyatanesu āyatanacariyā, appamādavihārīnaṃ catūsu satipaṭṭhānesu saticariyā, adhicittamanuyuttānaṃ catūsu jhānesu samādhicariyā, buddhisampannānaṃ catūsu ariyasaccesu ñāṇacariyā, sammā paṭipannānaṃ catūsu ariyamaggesu maggacariyā, adhigataphalānaṃ catūsu sāmaññaphalesu paṭipatticariyā, tiṇṇaṃ buddhānaṃ sabbasattesu lokatthacariyā, tattha padesato paccekabuddhasāvakānanti. Yathāha – ‘‘cariyāti aṭṭha cariyāyo yā iriyāpathacariyā’’ti (cūḷani. khaggavisāṇasuttaniddesa 121; paṭi. ma. 1.197; 3.28) vitthāro. Tāhi cariyāhi samannāgato bhaveyyāti attho. Atha vā yā imā ‘‘adhimuccanto saddhāya carati, paggaṇhanto vīriyena carati, upaṭṭhahanto satiyā carati, avikkhitto samādhinā carati, pajānanto paññāya carati, vijānanto viññāṇena carati, evaṃ paṭipannassa kusalā dhammā āyāpentīti āyatanacariyāya carati, evaṃ paṭipanno visesamadhigacchatīti visesacariyāya caratī’’ti (cūḷani. khaggavisāṇasuttaniddesa 121; paṭi. ma. 1.197; 3.29) evaṃ aparāpi aṭṭha cariyā vuttā. Tāhi samannāgato bhaveyyāti attho. Khaggavisāṇakappoti khaggavisāṇo nāma khaggamigasiṅgaṃ.

    габба -сад̣̇д̣̇о банааяам̣ абхисад̣̇д̣̇аханавохаарагаалабан̃н̃ад̇д̇ижчзд̣̇авигаббалзсасаманд̇абхаавасад̣̇исаад̣̇ианзгад̇т̇о. д̇ат̇аа хисса ‘‘огаббанийяамзд̇ам̣ бход̇о г̇од̇амасса. яат̇аа д̇ам̣ арахад̇о саммаасамб̣уд̣̇д̇хассаа’’д̇и звамаад̣̇ийсу (ма. ни. 1.387) абхисад̣̇д̣̇аханад̇т̇о. ‘‘ануж̇аанаами, бхигкавз, бан̃жахи саман̣агаббзхи палам̣ барибхун̃ж̇ид̇у’’нд̇и звамаад̣̇ийсу (жуул̣ава. 250) вохааро. ‘‘язна суд̣̇ам̣ нижжагаббам̣ вихараамий’’д̇и звамаад̣̇ийсу (ма. ни. 1.387) гаало. ‘‘ижжааяасмаа габбо’’д̇и звамаад̣̇ийсу (су. ни. 1098; жуул̣ани. габбамаан̣авабужчаа 117, габбамаан̣авабужчаанид̣̇д̣̇зса 61) бан̃н̃ад̇д̇и. ‘‘алан̇гад̇о габбид̇агзсамассуу’’д̇и звамаад̣̇ийсу (ж̇аа. 2.22.1368) чзд̣̇анам̣. ‘‘габбад̇и д̣̇ван̇г̇улагаббо’’д̇и звамаад̣̇ийсу (жуул̣ава. 446) вигаббо. ‘‘ад̇т̇и габбо нибаж̇ж̇ид̇у’’нд̇и звамаад̣̇ийсу (а. ни. 8.80) лзсо. ‘‘гзвалагаббам̣ взл̣уванам̣ обхаасзд̇ваа’’д̇и звамаад̣̇ийсу (сам̣. ни. 1.94) саманд̇абхааво. ‘‘сад̇т̇угаббзна вад̇а гира, бхо, саавагзна сад̣̇д̇хим̣ манд̇аяамаанаа на ж̇аанимхаа’’д̇и звамаад̣̇ийсу (ма. ни. 1.260) сад̣̇исо, бадибхааг̇од̇и ад̇т̇о. ид̇ха банасса сад̣̇исо бадибхааг̇од̇и ад̇т̇о взд̣̇ид̇аб̣б̣о, каг̇г̇ависаан̣асад̣̇исод̇и вуд̇д̇ам̣ ход̇и. аяам̣ д̇аавзд̇т̇а бад̣̇ад̇о ад̇т̇аван̣н̣анаа.

    Kappa -saddo panāyaṃ abhisaddahanavohārakālapaññatticchedavikappalesasamantabhāvasadisādianekattho. Tathā hissa ‘‘okappanīyametaṃ bhoto gotamassa. Yathā taṃ arahato sammāsambuddhassā’’ti evamādīsu (ma. ni. 1.387) abhisaddahanattho. ‘‘Anujānāmi, bhikkhave, pañcahi samaṇakappehi phalaṃ paribhuñjitu’’nti evamādīsu (cūḷava. 250) vohāro. ‘‘Yena sudaṃ niccakappaṃ viharāmī’’ti evamādīsu (ma. ni. 1.387) kālo. ‘‘Iccāyasmā kappo’’ti evamādīsu (su. ni. 1098; cūḷani. kappamāṇavapucchā 117, kappamāṇavapucchāniddesa 61) paññatti. ‘‘Alaṅkato kappitakesamassū’’ti evamādīsu (jā. 2.22.1368) chedanaṃ. ‘‘Kappati dvaṅgulakappo’’ti evamādīsu (cūḷava. 446) vikappo. ‘‘Atthi kappo nipajjitu’’nti evamādīsu (a. ni. 8.80) leso. ‘‘Kevalakappaṃ veḷuvanaṃ obhāsetvā’’ti evamādīsu (saṃ. ni. 1.94) samantabhāvo. ‘‘Satthukappena vata kira, bho, sāvakena saddhiṃ mantayamānā na jānimhā’’ti evamādīsu (ma. ni. 1.260) sadiso, paṭibhāgoti attho. Idha panassa sadiso paṭibhāgoti attho veditabbo, khaggavisāṇasadisoti vuttaṃ hoti. Ayaṃ tāvettha padato atthavaṇṇanā.

    ад̇хиббааяаанусанд̇хид̇о бана звам̣ взд̣̇ид̇аб̣б̣о – явааяам̣ вуд̇д̇аббагааро д̣̇ан̣д̣о бхууд̇зсу бавад̇д̇ияамаано ахид̇о ход̇и, д̇ам̣ д̇зсу аббавад̇д̇ияамаанзсу д̇аббадибагкабхууд̇ааяа мзд̇д̇ааяа хид̇уубасам̣хаарзна жа саб̣б̣зсу бхууд̇зсу нид̇хааяа д̣̇ан̣д̣ам̣, нихид̇ад̣̇ан̣д̣ад̇д̇аа зва жа яат̇аа анихид̇ад̣̇ан̣д̣аа сад̇д̇аа бхууд̇аани д̣̇ан̣д̣зна ваа сад̇т̇зна ваа баан̣инаа ваа лзд̣д̣унаа ваа вихзтзнд̇и, д̇ат̇аа авихзтаяам̣, ан̃н̃ад̇арамби д̇зсам̣ имам̣ мзд̇д̇аагаммадтаанамааг̇амма яад̣̇зва д̇ад̇т̇а взд̣̇анааг̇ад̇ам̣ сан̃н̃аасан̇кааравин̃н̃аан̣аг̇ад̇ам̣ д̇ан̃жа д̇ад̣̇анусаарзнзва д̇ад̣̇ан̃н̃ан̃жа сан̇каараг̇ад̇ам̣ вибассид̇ваа имам̣ бажжзгаб̣од̇хим̣ ад̇хиг̇ад̇омхий’’д̇и аяам̣ д̇аава ад̇хиббааяо.

    Adhippāyānusandhito pana evaṃ veditabbo – yvāyaṃ vuttappakāro daṇḍo bhūtesu pavattiyamāno ahito hoti, taṃ tesu appavattiyamānesu tappaṭipakkhabhūtāya mettāya hitūpasaṃhārena ca sabbesu bhūtesu nidhāya daṇḍaṃ, nihitadaṇḍattā eva ca yathā anihitadaṇḍā sattā bhūtāni daṇḍena vā satthena vā pāṇinā vā leḍḍunā vā viheṭhenti, tathā aviheṭhayaṃ, aññatarampi tesaṃ imaṃ mettākammaṭṭhānamāgamma yadeva tattha vedanāgataṃ saññāsaṅkhāraviññāṇagataṃ tañca tadanusāreneva tadaññañca saṅkhāragataṃ vipassitvā imaṃ paccekabodhiṃ adhigatomhī’’ti ayaṃ tāva adhippāyo.

    аяам̣ бана анусанд̇хи – звам̣ вуд̇д̇з д̇з амажжаа аахам̣су – ‘‘ид̣̇аани, бханд̇з, гухим̣ г̇ажчат̇аа’’д̇и? д̇ад̇о д̇зна ‘‘буб̣б̣абажжзгасамб̣уд̣̇д̇хаа гад̇т̇а васанд̇ий’’д̇и ааваж̇ж̇зд̇ваа н̃ад̇ваа ‘‘г̇анд̇хамаад̣̇анабаб̣б̣ад̇з’’д̇и вуд̇д̇з бунаахам̣су – ‘‘амхз д̣̇аани, бханд̇з, баж̇ахат̇а, на ижчат̇аа’’д̇и. ат̇а бажжзгаб̣уд̣̇д̇хо ааха – ‘‘на буд̇д̇амижчзяяаа’’д̇и саб̣б̣ам̣. д̇ад̇рааяам̣ ад̇хиббааяо – ахам̣ ид̣̇аани ад̇раж̇аад̣̇ийсу яам̣ гин̃жи буд̇д̇амби на ижчзяяам̣, гуд̇о бана д̇умхаад̣̇исам̣ сахааяам̣. д̇асмаа д̇умхзсуби яо маяаа сад̣̇д̇хим̣ г̇анд̇угаамо маад̣̇исо ваа ход̇ум̣ ижчад̇и, со зго жарз каг̇г̇ависаан̣агаббо. ат̇а ваа д̇зхи ‘‘амхз д̣̇аани, бханд̇з, баж̇ахат̇а, на ижчат̇аа’’д̇и вуд̇д̇з со бажжзгасамб̣уд̣̇д̇хо ‘‘на буд̇д̇амижчзяяа, гуд̇о сахааяа’’нд̇и вад̇ваа ад̇д̇ано яат̇аавуд̇д̇знадтзна згажарияааяа г̇ун̣ам̣ д̣̇исваа бамуд̣̇ид̇о бийд̇исоманассаж̇аад̇о имам̣ уд̣̇аанам̣ уд̣̇аанзси (су. ни. адта. 1.35).

    Ayaṃ pana anusandhi – evaṃ vutte te amaccā āhaṃsu – ‘‘idāni, bhante, kuhiṃ gacchathā’’ti? Tato tena ‘‘pubbapaccekasambuddhā kattha vasantī’’ti āvajjetvā ñatvā ‘‘gandhamādanapabbate’’ti vutte punāhaṃsu – ‘‘amhe dāni, bhante, pajahatha, na icchathā’’ti. Atha paccekabuddho āha – ‘‘na puttamiccheyyā’’ti sabbaṃ. Tatrāyaṃ adhippāyo – ahaṃ idāni atrajādīsu yaṃ kiñci puttampi na iccheyyaṃ, kuto pana tumhādisaṃ sahāyaṃ. Tasmā tumhesupi yo mayā saddhiṃ gantukāmo mādiso vā hotuṃ icchati, so eko care khaggavisāṇakappo. Atha vā tehi ‘‘amhe dāni, bhante, pajahatha, na icchathā’’ti vutte so paccekasambuddho ‘‘na puttamiccheyya, kuto sahāya’’nti vatvā attano yathāvuttenaṭṭhena ekacariyāya guṇaṃ disvā pamudito pītisomanassajāto imaṃ udānaṃ udānesi (su. ni. aṭṭha. 1.35).

    д̇ад̇т̇а д̇асаад̇и вибаасагирияаа. т̇аавараад̇и кийн̣аасаваа. бхаяабхзраваад̇и куд̣̇д̣̇аанукуд̣̇д̣̇агаа жид̇д̇уд̇раасаа. нид̇хааяаад̇и чад̣д̣зд̇ваа. нид̣̇ахид̇ваад̇и табзд̇ваа. оробаяид̇ваад̇и ад̇хогарид̇ваа. саморобаяид̇ваад̇и ад̇хог̇ад̇ам̣ виссаж̇ж̇зд̇ваа. нигкибид̇ваад̇и д̇ад̇о абанзд̇ваа. бадиббассамбхид̇ваад̇и саннисийд̣̇аабзд̇ваа.

    Tattha tasāti vipāsakiriyā. Thāvarāti khīṇāsavā. Bhayabheravāti khuddānukhuddakā cittutrāsā. Nidhāyāti chaḍḍetvā. Nidahitvāti ṭhapetvā. Oropayitvāti adhokaritvā. Samoropayitvāti adhogataṃ vissajjetvā. Nikkhipitvāti tato apanetvā. Paṭippassambhitvāti sannisīdāpetvā.

    аалабананд̇и аад̣̇ид̇о лабанам̣. саллабананд̇и саммаа лабанам̣. уллабананд̇и уд̣̇д̇хам̣ гад̇ваа лабанам̣. самуллабананд̇и бунаббунам̣ уд̣̇д̇хам̣ гад̇ваа лабанам̣.

    Ālapananti ādito lapanaṃ. Sallapananti sammā lapanaṃ. Ullapananti uddhaṃ katvā lapanaṃ. Samullapananti punappunaṃ uddhaṃ katvā lapanaṃ.

    ирияаабат̇ажарияаад̇и ирияаабат̇аанам̣ жарияаа, бавад̇д̇ананд̇и ад̇т̇о. сзсзсуби зсзва наяо. ааяад̇анажарияаа бана ааяад̇анзсу сад̇исамбаж̇ан̃н̃аанам̣ жарияаа. бад̇д̇ийд̇и палаани. д̇аани хи баабун̣ийяанд̇ийд̇и ‘‘бад̇д̇ий’’д̇и вуд̇д̇аани. сад̇д̇алогасса д̣̇идтад̇хаммигасамбарааяигаа ад̇т̇аа логад̇т̇аад̇и аяам̣ висзсо.

    Iriyāpathacariyāti iriyāpathānaṃ cariyā, pavattananti attho. Sesesupi eseva nayo. Āyatanacariyā pana āyatanesu satisampajaññānaṃ cariyā. Pattīti phalāni. Tāni hi pāpuṇīyantīti ‘‘pattī’’ti vuttāni. Sattalokassa diṭṭhadhammikasamparāyikā atthā lokatthāti ayaṃ viseso.

    ид̣̇аани д̇аасам̣ жарияаанам̣ бхуумим̣ д̣̇ассзнд̇о ‘‘жад̇уусу ирияаабат̇зсуу’’д̇иаад̣̇имааха . сад̇ибадтаанзсууд̇и аарамман̣асад̇ибадтаанзсуби вужжамаанзсу сад̇ид̇о анан̃н̃аани, вохааравасзна бана ан̃н̃аани вияа гад̇ваа вуд̇д̇ам̣. арияасажжзсууд̇и буб̣б̣абхааг̇з логияасажжан̃аан̣зна висум̣ висум̣ сажжабариг̇г̇ахавасзна вуд̇д̇ам̣. арияамаг̇г̇зсу сааман̃н̃апалзсууд̇и жа вохааравасзнзва вуд̇д̇ам̣. бад̣̇зсад̇од̇и логад̇т̇ажарияааяа згад̣̇зсз. ниббад̣̇зсад̇о хи логад̇т̇ажарияам̣ б̣уд̣̇д̇хаа зва гаронд̇и. буна д̇аа зва жарияааяо гаарагабуг̇г̇алавасзна д̣̇ассзнд̇о ‘‘бан̣ид̇хисамбаннаана’’нд̇иаад̣̇имааха. д̇ад̇т̇а бан̣ид̇хисамбаннаа наама ирияаабат̇аанам̣ санд̇ад̇д̇аа ирияаабат̇аава тид̇ияаа самбаннаа агамбид̇аирияаабат̇аа бхигкубхааваануруубзна санд̇зна ирияаабат̇зна самбаннаа.

    Idāni tāsaṃ cariyānaṃ bhūmiṃ dassento ‘‘catūsu iriyāpathesū’’tiādimāha . Satipaṭṭhānesūti ārammaṇasatipaṭṭhānesupi vuccamānesu satito anaññāni, vohāravasena pana aññāni viya katvā vuttaṃ. Ariyasaccesūti pubbabhāge lokiyasaccañāṇena visuṃ visuṃ saccapariggahavasena vuttaṃ. Ariyamaggesu sāmaññaphalesūti ca vohāravaseneva vuttaṃ. Padesatoti lokatthacariyāya ekadese. Nippadesato hi lokatthacariyaṃ buddhā eva karonti. Puna tā eva cariyāyo kārakapuggalavasena dassento ‘‘paṇidhisampannāna’’ntiādimāha. Tattha paṇidhisampannā nāma iriyāpathānaṃ santattā iriyāpathāva ṭhitiyā sampannā akampitairiyāpathā bhikkhubhāvānurūpena santena iriyāpathena sampannā.

    инд̣̇риязсу г̇уд̇д̇ад̣̇ваараананд̇и жагкаад̣̇ийсу часу инд̣̇риязсу ад̇д̇ано ад̇д̇ано висаяз бавад̇д̇ам̣ згзгад̣̇вааравасзна г̇уд̇д̇ам̣ д̣̇ваарам̣ зд̇зсанд̇и г̇уд̇д̇ад̣̇ваараа, д̇зсам̣ г̇уд̇д̇ад̣̇ваараанам̣. д̣̇вааранд̇и жзд̇т̇а уббад̇д̇ид̣̇вааравасзна жагкаад̣̇аяо зва. аббамаад̣̇авихаарийнанд̇и сийлаад̣̇ийсу аббамаад̣̇авихааравад̇ам̣. ад̇хижид̇д̇амануяуд̇д̇аананд̇и вибассанааяа баад̣̇агабхаавзна ад̇хижид̇д̇асан̇каад̇ам̣ самаад̇хим̣ ануяуд̇д̇аанам̣. б̣уд̣̇д̇хисамбаннаананд̇и наамаруубававад̇т̇аанам̣ аад̣̇им̣ гад̇ваа яаава г̇од̇рабху, д̇аава бавад̇д̇зна н̃аан̣зна самбаннаанам̣ . саммаа бадибаннаананд̇и жад̇умаг̇г̇агкан̣з. ад̇хиг̇ад̇апалаананд̇и жад̇упалагкан̣з. д̇ат̇ааг̇ад̇аананд̇и д̇ат̇аа ааг̇ад̇аанам̣. араханд̇аананд̇и д̣̇уурагилзсаанам̣. саммаасамб̣уд̣̇д̇хаананд̇и саммаа сааман̃жа саб̣б̣ад̇хаммаб̣уд̣̇д̇хаанам̣. имзсам̣ бад̣̇аанам̣ ад̇т̇о хздтаа багаасид̇о зва.

    Indriyesuguttadvārānanti cakkhādīsu chasu indriyesu attano attano visaye pavattaṃ ekekadvāravasena guttaṃ dvāraṃ etesanti guttadvārā, tesaṃ guttadvārānaṃ. Dvāranti cettha uppattidvāravasena cakkhādayo eva. Appamādavihārīnanti sīlādīsu appamādavihāravataṃ. Adhicittamanuyuttānanti vipassanāya pādakabhāvena adhicittasaṅkhātaṃ samādhiṃ anuyuttānaṃ. Buddhisampannānanti nāmarūpavavatthānaṃ ādiṃ katvā yāva gotrabhu, tāva pavattena ñāṇena sampannānaṃ . Sammā paṭipannānanti catumaggakkhaṇe. Adhigataphalānanti catuphalakkhaṇe. Tathāgatānanti tathā āgatānaṃ. Arahantānanti dūrakilesānaṃ. Sammāsambuddhānanti sammā sāmañca sabbadhammabuddhānaṃ. Imesaṃ padānaṃ attho heṭṭhā pakāsito eva.

    бад̣̇зсад̇о бажжзгаб̣уд̣̇д̇хаананд̇и бажжзгасамб̣уд̣̇д̇хаанам̣ згад̣̇зсад̇о. саавагаананд̇и саавагаанамби згад̣̇зсад̇о. ад̇химужжанд̇од̇и ад̇химогкам̣ гаронд̇о. сад̣̇д̇хааяа жарад̇ийд̇и сад̣̇д̇хаавасзна бавад̇д̇ад̇и. баг̇г̇ан̣ханд̇од̇и жад̇усаммаббад̇хаанавийриязна бад̣̇аханд̇о. убадтабзнд̇од̇и сад̇ияаа аарамман̣ам̣ убадтабзнд̇о. авигкзбам̣ гаронд̇од̇и самаад̇хивасзна вигкзбам̣ агаронд̇о. баж̇аананд̇од̇и жад̇усажжаж̇аананабан̃н̃ааяа багаарзна ж̇аананд̇о. виж̇аананд̇од̇и инд̣̇рияасамбаяуд̇д̇аж̇аванабуб̣б̣ан̇г̇амзна ааваж̇ж̇анавин̃н̃аан̣зна аарамман̣ам̣ виж̇аананд̇о. вин̃н̃аан̣ажарияааяаад̇и ааваж̇ж̇анавин̃н̃аан̣ажарияаавасзна. звам̣ бадибаннассаад̇и сахааваж̇ж̇анааяа инд̣̇рияажарияааяа бадибаннасса. гусалаа д̇хаммаа ааяаабзнд̇ийд̇и самат̇авибассанаавасзна бавад̇д̇аа гусалаа д̇хаммаа бхусам̣ яаабзнд̇и, бавад̇д̇анд̇ийд̇и ад̇т̇о. ааяад̇анажарияааяаад̇и гусалаанам̣ д̇хаммаанам̣ бхусам̣ яад̇анажарияааяа, бавад̇д̇анажарияааяаад̇и вуд̇д̇ам̣ ход̇и. висзсамад̇хиг̇ажчад̇ийд̇и вигкамбханад̇ад̣̇ан̇г̇асамужчзд̣̇абадиббассад̣̇д̇хивасзна висзсам̣ ад̇хиг̇ажчад̇и.

    Padesato paccekabuddhānanti paccekasambuddhānaṃ ekadesato. Sāvakānanti sāvakānampi ekadesato. Adhimuccantoti adhimokkhaṃ karonto. Saddhāya caratīti saddhāvasena pavattati. Paggaṇhantoti catusammappadhānavīriyena padahanto. Upaṭṭhapentoti satiyā ārammaṇaṃ upaṭṭhapento. Avikkhepaṃ karontoti samādhivasena vikkhepaṃ akaronto. Pajānantoti catusaccajānanapaññāya pakārena jānanto. Vijānantoti indriyasampayuttajavanapubbaṅgamena āvajjanaviññāṇena ārammaṇaṃ vijānanto. Viññāṇacariyāyāti āvajjanaviññāṇacariyāvasena. Evaṃ paṭipannassāti sahāvajjanāya indriyacariyāya paṭipannassa. Kusalā dhammā āyāpentīti samathavipassanāvasena pavattā kusalā dhammā bhusaṃ yāpenti, pavattantīti attho. Āyatanacariyāyāti kusalānaṃ dhammānaṃ bhusaṃ yatanacariyāya, pavattanacariyāyāti vuttaṃ hoti. Visesamadhigacchatīti vikkhambhanatadaṅgasamucchedapaṭippassaddhivasena visesaṃ adhigacchati.

    д̣̇ассанажарияаа жа саммаад̣̇идтияаад̇иаад̣̇ийсу саммаа бассад̇и, саммаа ваа д̇ааяа бассанд̇и, басадтаа сунд̣̇араа ваа д̣̇идтийд̇и саммаад̣̇идти, д̇ассаа саммаад̣̇идтияаа ниб̣б̣аанабажжагкагаран̣зна д̣̇ассанажарияаа. саммаа сан̇габбзд̇и, саммаа ваа д̇зна сан̇габбзнд̇и, басадто сунд̣̇аро ваа сан̇габбод̇и саммаасан̇габбо. д̇асса аарамман̣з жид̇д̇асса абхиниробанажарияаа. саммаа вад̣̇ад̇и, саммаа ваа д̇ааяа вад̣̇анд̇и, басадтаа сунд̣̇араа ваа ваажаад̇и саммааваажаа, мижчааваажаавирад̇ияаа зд̇ам̣ наамам̣. д̇ассаа жад̇уб̣б̣ид̇хаважийсам̣варабариг̇г̇ахажарияаа. саммаа гарод̇и, саммаа ваа д̇зна гаронд̇и, басадтам̣ сунд̣̇арам̣ ваа гамманд̇и саммаагаммам̣, саммаагаммамзва саммаагамманд̇о, мижчаагамманд̇авирад̇ияаа зд̇ам̣ наамам̣. д̇асса д̇ивид̇хагааяасам̣варасамудтаанажарияаа. саммаа ааж̇ийвад̇и, саммаа ваа д̇зна ааж̇ийванд̇и, басадто сунд̣̇аро ваа ааж̇ийвод̇и саммааааж̇ийво, мижчааааж̇ийвавирад̇ияаа зд̇ам̣ наамам̣. д̇асса вод̣̇аанажарияаа барисуд̣̇д̇хажарияаа. саммаа вааяамад̇и, саммаа ваа д̇зна вааяаманд̇и, басадто сунд̣̇аро ваа вааяаамод̇и саммаавааяаамо, д̇асса баг̇г̇ахажарияаа. саммаа сарад̇и, саммаа ваа д̇ааяа саранд̇и, басадтаа сунд̣̇араа ваа сад̇ийд̇и саммаасад̇и, д̇ассаа убадтаанажарияаа. саммаа самаад̇хияад̇и, саммаа ваа д̇зна самаад̇хияанд̇и, басадто сунд̣̇аро ваа самаад̇хийд̇и саммаасамаад̇хи, д̇асса авигкзбажарияаа.

    Dassanacariyā ca sammādiṭṭhiyātiādīsu sammā passati, sammā vā tāya passanti, pasaṭṭhā sundarā vā diṭṭhīti sammādiṭṭhi, tassā sammādiṭṭhiyā nibbānapaccakkhakaraṇena dassanacariyā. Sammā saṅkappeti, sammā vā tena saṅkappenti, pasaṭṭho sundaro vā saṅkappoti sammāsaṅkappo. Tassa ārammaṇe cittassa abhiniropanacariyā. Sammā vadati, sammā vā tāya vadanti, pasaṭṭhā sundarā vā vācāti sammāvācā, micchāvācāviratiyā etaṃ nāmaṃ. Tassā catubbidhavacīsaṃvarapariggahacariyā. Sammā karoti, sammā vā tena karonti, pasaṭṭhaṃ sundaraṃ vā kammanti sammākammaṃ, sammākammameva sammākammanto, micchākammantaviratiyā etaṃ nāmaṃ. Tassa tividhakāyasaṃvarasamuṭṭhānacariyā. Sammā ājīvati, sammā vā tena ājīvanti, pasaṭṭho sundaro vā ājīvoti sammāājīvo, micchāājīvaviratiyā etaṃ nāmaṃ. Tassa vodānacariyā parisuddhacariyā. Sammā vāyamati, sammā vā tena vāyamanti, pasaṭṭho sundaro vā vāyāmoti sammāvāyāmo, tassa paggahacariyā. Sammā sarati, sammā vā tāya saranti, pasaṭṭhā sundarā vā satīti sammāsati, tassā upaṭṭhānacariyā. Sammā samādhiyati, sammā vā tena samādhiyanti, pasaṭṭho sundaro vā samādhīti sammāsamādhi, tassa avikkhepacariyā.

    д̇аггаббод̇и д̇зна габбо, зваруубод̇и ад̇т̇о. д̇ассад̣̇исод̇и д̇зна сад̣̇исо, ‘‘д̇ассад̣̇иго’’д̇и ваа баато. д̇аббадибхааг̇од̇и д̇зна бадибхааг̇о д̇аббадибхааг̇о, зд̣̇исод̇и ад̇т̇о. саад̣̇урасам̣ ад̇игганд̇ам̣ лон̣ам̣ ад̇илон̣ам̣. лон̣агаббод̇и лон̣асад̣̇исод̇и вужжад̇и. ад̇ид̇ид̇д̇аганд̇и ад̇игганд̇ад̇ид̇д̇агам̣, бужиманд̣̇аад̣̇игаббо д̇ид̇д̇агасад̣̇исод̇и вужжад̇и. ад̇имад̇хуранд̇и кийрабааяаасаад̣̇игам̣. химагаббод̇и химод̣̇агасад̣̇исо. сад̇т̇угаббод̇и сад̇т̇унаа б̣уд̣̇д̇хзна сад̣̇исо. звамзваад̇и обаммасамбадибаад̣̇анам̣.

    Takkappoti tena kappo, evarūpoti attho. Tassadisoti tena sadiso, ‘‘tassadiko’’ti vā pāṭho. Tappaṭibhāgoti tena paṭibhāgo tappaṭibhāgo, edisoti attho. Sādurasaṃ atikkantaṃ loṇaṃ atiloṇaṃ. Loṇakappoti loṇasadisoti vuccati. Atitittakanti atikkantatittakaṃ, pucimandādikappo tittakasadisoti vuccati. Atimadhuranti khīrapāyāsādikaṃ. Himakappoti himodakasadiso. Satthukappoti satthunā buddhena sadiso. Evamevāti opammasampaṭipādanaṃ.

    д̇ад̇рааяам̣ зд̇асса бажжзгаб̣уд̣̇д̇хасса сан̇кзбзна вибассанаааажигканавид̇хим̣ д̣̇ассзд̇ваа г̇амиссаама. д̇ад̇т̇а наамаруубабариг̇г̇ахам̣ гаад̇угаамо бажжзгаб̣од̇хисад̇д̇о руубааруубаадтасамаабад̇д̇ийсу яам̣ гин̃жи жхаанам̣ самаабаж̇ж̇ид̇ваа вудтааяа вид̇аггаад̣̇ийни жхаанан̇г̇аани жа д̇ам̣самбаяуд̇д̇з жа пассаад̣̇аяо д̇хаммз лагкан̣арасабажжубадтаанабад̣̇адтаанавасзна барижчинд̣̇ид̇ваа ‘‘саб̣б̣амбзд̇ам̣ аарамман̣аабхимукам̣ наманад̇о наманадтзна наама’’нд̇и вавад̇т̇абзд̇и. д̇ад̇о д̇асса бажжаяам̣ бариязсанд̇о ‘‘хад̣̇аяавад̇т̇ум̣ ниссааяа бавад̇д̇ад̇ий’’д̇и бассад̇и. буна вад̇т̇усса бажжаяабхууд̇аани жа убаад̣̇ааруубаани жа бассид̇ваа ‘‘ид̣̇ам̣ саб̣б̣ам̣ руббанад̇о рууба’’нд̇и бариг̇г̇ан̣хаад̇и. буна д̇ад̣̇убхаяам̣ ‘‘наманалагкан̣ам̣ наамам̣, руббаналагкан̣ам̣ рууба’’нд̇и звам̣ сан̇кзбад̇о наамаруубам̣ вавад̇т̇абзд̇и. самат̇аяаанигавасзнзд̇ам̣ вуд̇д̇ам̣. вибассанааяааниго бана жад̇уд̇хаад̇увавад̇т̇аанамукзна бхууд̇убаад̣̇ааяаруубаани барижчинд̣̇ид̇ваа ‘‘саб̣б̣амбзд̇ам̣ руббанад̇о рууба’’нд̇и бассад̇и. д̇ад̇о звам̣ барижчиннаруубасса жагкаад̣̇ийни ниссааяа бавад̇д̇амаанаа аруубад̇хаммаа аабаат̇амааг̇ажчанд̇и. д̇ад̇о саб̣б̣зби д̇з аруубад̇хаммз наманалагкан̣зна згад̇о гад̇ваа ‘‘ид̣̇ам̣ наама’’нд̇и бассад̇и, со ‘‘ид̣̇ам̣ наамам̣, ид̣̇ам̣ рууба’’нд̇и д̣̇взд̇хаа вавад̇т̇абзд̇и. звам̣ вавад̇т̇абзд̇ваа ‘‘наамаруубад̇о уд̣̇д̇хам̣ ан̃н̃о сад̇д̇о ваа буг̇г̇ало ваа д̣̇зво ваа б̣рахмаа ваа над̇т̇ий’’д̇и бассад̇и.

    Tatrāyaṃ etassa paccekabuddhassa saṅkhepena vipassanāācikkhanavidhiṃ dassetvā gamissāma. Tattha nāmarūpapariggahaṃ kātukāmo paccekabodhisatto rūpārūpaaṭṭhasamāpattīsu yaṃ kiñci jhānaṃ samāpajjitvā vuṭṭhāya vitakkādīni jhānaṅgāni ca taṃsampayutte ca phassādayo dhamme lakkhaṇarasapaccupaṭṭhānapadaṭṭhānavasena paricchinditvā ‘‘sabbampetaṃ ārammaṇābhimukhaṃ namanato namanaṭṭhena nāma’’nti vavatthapeti. Tato tassa paccayaṃ pariyesanto ‘‘hadayavatthuṃ nissāya pavattatī’’ti passati. Puna vatthussa paccayabhūtāni ca upādārūpāni ca passitvā ‘‘idaṃ sabbaṃ ruppanato rūpa’’nti pariggaṇhāti. Puna tadubhayaṃ ‘‘namanalakkhaṇaṃ nāmaṃ, ruppanalakkhaṇaṃ rūpa’’nti evaṃ saṅkhepato nāmarūpaṃ vavatthapeti. Samathayānikavasenetaṃ vuttaṃ. Vipassanāyāniko pana catudhātuvavatthānamukhena bhūtupādāyarūpāni paricchinditvā ‘‘sabbampetaṃ ruppanato rūpa’’nti passati. Tato evaṃ paricchinnarūpassa cakkhādīni nissāya pavattamānā arūpadhammā āpāthamāgacchanti. Tato sabbepi te arūpadhamme namanalakkhaṇena ekato katvā ‘‘idaṃ nāma’’nti passati, so ‘‘idaṃ nāmaṃ, idaṃ rūpa’’nti dvedhā vavatthapeti. Evaṃ vavatthapetvā ‘‘nāmarūpato uddhaṃ añño satto vā puggalo vā devo vā brahmā vā natthī’’ti passati.

    яат̇аа хи ан̇г̇асамбхаараа, ход̇и сад̣̇д̣̇о рат̇о ид̇и;

    Yathā hi aṅgasambhārā, hoti saddo ratho iti;

    звам̣ канд̇хзсу санд̇зсу, ход̇и ‘‘сад̇д̇о’’д̇и саммуд̇и. (сам̣. ни. 1.171; ми. ба. 2.1.1; гат̇аа. 233);

    Evaṃ khandhesu santesu, hoti ‘‘satto’’ti sammuti. (saṃ. ni. 1.171; mi. pa. 2.1.1; kathā. 233);

    звамзва бан̃жасу убаад̣̇аанагканд̇хзсу санд̇зсу ‘‘сад̇д̇о буг̇г̇ало’’д̇и вохаарамад̇д̇ам̣ ход̇ийд̇и звамаад̣̇инаа наязна наамаруубаанам̣ яаат̇аавад̣̇ассанасан̇каад̇зна д̣̇идтивисуд̣̇д̇хибхууд̇зна н̃аан̣зна наамаруубам̣ бариг̇г̇ахзд̇ваа буна д̇асса бажжаяамби бариг̇г̇ан̣ханд̇о вуд̇д̇анаязна наамаруубам̣ бариг̇г̇ахзд̇ваа ‘‘го ну ко имасса хзд̇уу’’д̇и бариязсанд̇о ахзд̇уваад̣̇ависамахзд̇уваад̣̇зсу д̣̇осам̣ д̣̇исваа рог̇ам̣ д̣̇исваа д̇асса нид̣̇аанам̣ самудтаанамби бариязсанд̇о взж̇ж̇о вияа д̇асса хзд̇ун̃жа бажжаяан̃жа бариязсанд̇о авиж̇ж̇аа д̇ан̣хаа убаад̣̇аанам̣ гамманд̇и имз жад̇д̇ааро д̇хаммз наамаруубасса уббаад̣̇абажжаяад̇д̇аа ‘‘хзд̇уу’’д̇и . аахаарам̣ убад̇т̇амбханабажжаяад̇д̇аа ‘‘бажжаяо’’д̇и жа бассад̇и. имасса хи гааяасса авиж̇ж̇аад̣̇аяо д̇аяо д̇хаммаа маад̇аа вияа д̣̇аарагасса убаниссаяаа хонд̇и, гаммам̣ бид̇аа вияа буд̇д̇асса ж̇анагам̣, аахааро д̇хаад̇и вияа д̣̇аарагасса санд̇хаарагод̇и. звам̣ руубагааяасса бажжаяабариг̇г̇ахам̣ гад̇ваа буна ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇иаад̣̇инаа (сам̣. ни. 4.60; гат̇аа. 465) наязна наамагааяассаби бажжаяам̣ бариг̇г̇ан̣хаад̇и, звам̣ бариг̇г̇ан̣ханд̇о ‘‘ад̇ийд̇аанааг̇ад̇ааби д̇хаммаа звамзва вад̇д̇анд̇ий’’д̇и саннидтаанам̣ гарод̇и.

    Evameva pañcasu upādānakkhandhesu santesu ‘‘satto puggalo’’ti vohāramattaṃ hotīti evamādinā nayena nāmarūpānaṃ yāthāvadassanasaṅkhātena diṭṭhivisuddhibhūtena ñāṇena nāmarūpaṃ pariggahetvā puna tassa paccayampi pariggaṇhanto vuttanayena nāmarūpaṃ pariggahetvā ‘‘ko nu kho imassa hetū’’ti pariyesanto ahetuvādavisamahetuvādesu dosaṃ disvā rogaṃ disvā tassa nidānaṃ samuṭṭhānampi pariyesanto vejjo viya tassa hetuñca paccayañca pariyesanto avijjā taṇhā upādānaṃ kammanti ime cattāro dhamme nāmarūpassa uppādapaccayattā ‘‘hetū’’ti . Āhāraṃ upatthambhanapaccayattā ‘‘paccayo’’ti ca passati. Imassa hi kāyassa avijjādayo tayo dhammā mātā viya dārakassa upanissayā honti, kammaṃ pitā viya puttassa janakaṃ, āhāro dhāti viya dārakassa sandhārakoti. Evaṃ rūpakāyassa paccayapariggahaṃ katvā puna ‘‘cakkhuñca paṭicca rūpe ca uppajjati cakkhuviññāṇa’’ntiādinā (saṃ. ni. 4.60; kathā. 465) nayena nāmakāyassapi paccayaṃ pariggaṇhāti, evaṃ pariggaṇhanto ‘‘atītānāgatāpi dhammā evameva vattantī’’ti sanniṭṭhānaṃ karoti.

    д̇асса яаа саа буб̣б̣анд̇ам̣ аараб̣бха ‘‘ахосим̣ ну ко ахам̣ ад̇ийд̇амад̣̇д̇хаанам̣, на ну ко ахосим̣, гим̣ ну ко, гат̇ам̣ ну ко, гим̣ худ̇ваа гим̣ ахосим̣ ну ко ахам̣ ад̇ийд̇амад̣̇д̇хаана’’нд̇и бан̃жавид̇хаа вижигижчаа вуд̇д̇аа.

    Tassa yā sā pubbantaṃ ārabbha ‘‘ahosiṃ nu kho ahaṃ atītamaddhānaṃ, na nu kho ahosiṃ, kiṃ nu kho, kathaṃ nu kho, kiṃ hutvā kiṃ ahosiṃ nu kho ahaṃ atītamaddhāna’’nti pañcavidhā vicikicchā vuttā.

    яааби абаранд̇ам̣ аараб̣бха ‘‘бхависсаами ну ко ахам̣ анааг̇ад̇амад̣̇д̇хаанам̣, на ну ко бхависсаами, гим̣ ну ко бхависсаами, гат̇ам̣ ну ко бхависсаами, гим̣ худ̇ваа гим̣ бхависсаами ну ко ахам̣ анааг̇ад̇амад̣̇д̇хаана’’нд̇и (ма. ни. 1.18; сам̣. ни. 2.20) бан̃жавид̇хаа вижигижчаа вуд̇д̇аа.

    Yāpi aparantaṃ ārabbha ‘‘bhavissāmi nu kho ahaṃ anāgatamaddhānaṃ, na nu kho bhavissāmi, kiṃ nu kho bhavissāmi, kathaṃ nu kho bhavissāmi, kiṃ hutvā kiṃ bhavissāmi nu kho ahaṃ anāgatamaddhāna’’nti (ma. ni. 1.18; saṃ. ni. 2.20) pañcavidhā vicikicchā vuttā.

    яааби зд̇арахи ваа бана бажжуббаннам̣ ад̣̇д̇хаанам̣ аараб̣бха гат̇ам̣гат̇ий ход̇и ‘‘ахам̣ ну косми, но ну косми, гим̣ ну косми, гат̇ам̣ ну косми, аяам̣ ну ко сад̇д̇о гуд̇о ааг̇ад̇о, со гухим̣ г̇аамий бхависсад̇ий’’д̇и (ма. ни. 1.18; сам̣. ни. 2.20) чаб̣б̣ид̇хаа вижигижчаа вуд̇д̇аа, саа саб̣б̣ааби бахияяад̇и. звам̣ бажжаяабариг̇г̇ахан̣зна д̇ийсу ад̣̇д̇хаасу ган̇кам̣ вид̇арид̇ваа тид̇ам̣ н̃аан̣ам̣ ‘‘ган̇каавид̇аран̣ависуд̣̇д̇хий’’д̇иби ‘‘д̇хаммадтид̇ин̃аан̣а’’нд̇иби ‘‘яат̇аабхууд̇ан̃аан̣а’’нд̇иби ‘‘саммаад̣̇ассана’’нд̇иби вужжад̇и.

    Yāpi etarahi vā pana paccuppannaṃ addhānaṃ ārabbha kathaṃkathī hoti ‘‘ahaṃ nu khosmi, no nu khosmi, kiṃ nu khosmi, kathaṃ nu khosmi, ayaṃ nu kho satto kuto āgato, so kuhiṃ gāmī bhavissatī’’ti (ma. ni. 1.18; saṃ. ni. 2.20) chabbidhā vicikicchā vuttā, sā sabbāpi pahiyyati. Evaṃ paccayapariggahaṇena tīsu addhāsu kaṅkhaṃ vitaritvā ṭhitaṃ ñāṇaṃ ‘‘kaṅkhāvitaraṇavisuddhī’’tipi ‘‘dhammaṭṭhitiñāṇa’’ntipi ‘‘yathābhūtañāṇa’’ntipi ‘‘sammādassana’’ntipi vuccati.

    зд̇т̇а бана д̇иссо хи логияабарин̃н̃аа н̃аад̇абарин̃н̃аа д̇ийран̣абарин̃н̃аа бахаанабарин̃н̃аад̇и. д̇ад̇т̇а ‘‘руббаналагкан̣ам̣ руубам̣, взд̣̇аяид̇алагкан̣аа взд̣̇анаа’’д̇и звам̣ д̇зсам̣ д̇зсам̣ д̇хаммаанам̣ бажжад̇д̇алагкан̣асаллагкан̣авасзна бавад̇д̇аа бан̃н̃аа н̃аад̇абарин̃н̃аа наама. ‘‘руубам̣ анижжам̣, взд̣̇анаа анижжаа’’д̇иаад̣̇инаа бана наязна д̇зсам̣язва д̇хаммаанам̣ сааман̃н̃алагкан̣ам̣ ааробзд̇ваа бавад̇д̇аа лагкан̣аарамман̣игавибассанаабан̃н̃аа д̇ийран̣абарин̃н̃аа наама. д̇зсу зва бана д̇хаммзсу нижжасан̃н̃аад̣̇ибаж̇аханавасзна бавад̇д̇аа лагкан̣аарамман̣игавибассанаава бан̃н̃аа бахаанабарин̃н̃аа наама.

    Ettha pana tisso hi lokiyapariññā ñātapariññā tīraṇapariññā pahānapariññāti. Tattha ‘‘ruppanalakkhaṇaṃ rūpaṃ, vedayitalakkhaṇā vedanā’’ti evaṃ tesaṃ tesaṃ dhammānaṃ paccattalakkhaṇasallakkhaṇavasena pavattā paññā ñātapariññā nāma. ‘‘Rūpaṃ aniccaṃ, vedanā aniccā’’tiādinā pana nayena tesaṃyeva dhammānaṃ sāmaññalakkhaṇaṃ āropetvā pavattā lakkhaṇārammaṇikavipassanāpaññā tīraṇapariññā nāma. Tesu eva pana dhammesu niccasaññādipajahanavasena pavattā lakkhaṇārammaṇikavipassanāva paññā pahānapariññā nāma.

    д̇ад̇т̇а сан̇каарабарижчзд̣̇ад̇о бадтааяа яаава бажжаяабариг̇г̇ахаа н̃аад̇абарин̃н̃ааяа бхууми. зд̇асмин̃хи анд̇арз д̇хаммаанам̣ бажжад̇д̇алагкан̣абадивзд̇хассзва аад̇хибажжам̣ ход̇и. галаабасаммасанад̇о бадтааяа яаава уд̣̇аяаб̣б̣аяаанубассанаа д̇ийран̣абарин̃н̃ааяа бхууми. зд̇асмин̃хи анд̇арз сааман̃н̃алагкан̣абадивзд̇хассзва аад̇хибажжам̣ ход̇и. бхан̇г̇аанубассанад̇о бадтааяа убари бахаанабарин̃н̃ааяа бхууми. д̇ад̇о жа бадтааяа хи анижжад̇о анубассанд̇о нижжасан̃н̃ам̣ баж̇ахад̇и, д̣̇угкад̇о анубассанд̇о сукасан̃н̃ам̣, анад̇д̇ад̇о анубассанд̇о ад̇д̇асан̃н̃ам̣, ниб̣б̣инд̣̇анд̇о нанд̣̇им̣, вираж̇ж̇анд̇о рааг̇ам̣, нирод̇хзнд̇о самуд̣̇аяам̣, бадиниссаж̇ж̇анд̇о аад̣̇аанам̣ баж̇ахад̇ийд̇и звам̣ нижжасан̃н̃аад̣̇ибахаанасаад̇хигаанам̣ сад̇д̇аннам̣ анубассанаанам̣ аад̇хибажжам̣. ид̇и имаасу д̇ийсу барин̃н̃аасу сан̇каарабарижчзд̣̇асса жзва бажжаяабариг̇г̇ахасса жа саад̇хид̇ад̇д̇аа иминаа яог̇инаа н̃аад̇абарин̃н̃аава ад̇хиг̇ад̇аа.

    Tattha saṅkhāraparicchedato paṭṭhāya yāva paccayapariggahā ñātapariññāya bhūmi. Etasmiñhi antare dhammānaṃ paccattalakkhaṇapaṭivedhasseva ādhipaccaṃ hoti. Kalāpasammasanato paṭṭhāya yāva udayabbayānupassanā tīraṇapariññāya bhūmi. Etasmiñhi antare sāmaññalakkhaṇapaṭivedhasseva ādhipaccaṃ hoti. Bhaṅgānupassanato paṭṭhāya upari pahānapariññāya bhūmi. Tato ca paṭṭhāya hi aniccato anupassanto niccasaññaṃ pajahati, dukkhato anupassanto sukhasaññaṃ, anattato anupassanto attasaññaṃ, nibbindanto nandiṃ, virajjanto rāgaṃ, nirodhento samudayaṃ, paṭinissajjanto ādānaṃ pajahatīti evaṃ niccasaññādipahānasādhikānaṃ sattannaṃ anupassanānaṃ ādhipaccaṃ. Iti imāsu tīsu pariññāsu saṅkhāraparicchedassa ceva paccayapariggahassa ca sādhitattā iminā yoginā ñātapariññāva adhigatā.

    буна ‘‘яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа…бз… яам̣ д̣̇уурз санд̇игз ваа, саб̣б̣ам̣ руубам̣ худ̇ваа абхаавад̇о анижжам̣, уд̣̇аяаб̣б̣аяабадибийл̣ид̇ад̇д̇аа д̣̇угкам̣, авасавад̇д̇ид̇д̇аа анад̇д̇аа. яаа гаажи взд̣̇анаа… сан̃н̃аа… яз гзжи сан̇каараа … яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ худ̇ваа абхаавад̇о анижжам̣, уд̣̇аяаб̣б̣аяабадибийл̣ид̇ад̇д̇аа д̣̇угкам̣, авасавад̇д̇ид̇д̇аа анад̇д̇аа’’д̇и звамаад̣̇инаа (сам̣. ни. 3.48; бади. ма. 1.48) наязна галаабасаммасанам̣ гарод̇и. ид̣̇ам̣ санд̇хааяа вуд̇д̇ам̣ ‘‘д̇илагкан̣ам̣ ааробзд̇ваа’’д̇и.

    Puna ‘‘yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā…pe… yaṃ dūre santike vā, sabbaṃ rūpaṃ hutvā abhāvato aniccaṃ, udayabbayapaṭipīḷitattā dukkhaṃ, avasavattittā anattā. Yā kāci vedanā… saññā… ye keci saṅkhārā … yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ hutvā abhāvato aniccaṃ, udayabbayapaṭipīḷitattā dukkhaṃ, avasavattittā anattā’’ti evamādinā (saṃ. ni. 3.48; paṭi. ma. 1.48) nayena kalāpasammasanaṃ karoti. Idaṃ sandhāya vuttaṃ ‘‘tilakkhaṇaṃ āropetvā’’ti.

    звам̣ сан̇каарз анижжад̣̇угкаанад̇д̇авасзна галаабасаммасанам̣ гад̇ваа буна сан̇каараанам̣ уд̣̇аяаб̣б̣аяамзва бассад̇и. гат̇ам̣ ? ‘‘авиж̇ж̇аасамуд̣̇аяаа руубасамуд̣̇аяо, д̇ан̣хаагаммааахаарасамуд̣̇аяаа руубасамуд̣̇аяо’’д̇и (бади. ма. 1.50). звам̣ руубагканд̇хасса бажжаяааяад̇д̇ад̇аад̣̇ассанзна руубагканд̇хасса уд̣̇аяам̣ бассад̇и, ниб̣б̣ад̇д̇илагкан̣ам̣ бассанд̇оби руубагканд̇хасса уд̣̇аяам̣ бассад̇и. звам̣ бан̃жахаагаарзхи руубагканд̇хасса уд̣̇аяам̣ бассад̇и. ‘‘авиж̇ж̇аанирод̇хаа руубанирод̇хо, д̇ан̣хаагаммааахааранирод̇хаа руубанирод̇хо’’д̇и (бади. ма. 1.50) бажжаяанирод̇хад̣̇ассанзна руубагканд̇хасса ваяам̣ бассад̇и, вибарин̣аамалагкан̣ам̣ бассанд̇оби руубагканд̇хасса ваяам̣ бассад̇ийд̇и звам̣ бан̃жахаагаарзхи руубагканд̇хасса ваяам̣ бассад̇и.

    Evaṃ saṅkhāre aniccadukkhānattavasena kalāpasammasanaṃ katvā puna saṅkhārānaṃ udayabbayameva passati. Kathaṃ ? ‘‘Avijjāsamudayā rūpasamudayo, taṇhākammaāhārasamudayā rūpasamudayo’’ti (paṭi. ma. 1.50). Evaṃ rūpakkhandhassa paccayāyattatādassanena rūpakkhandhassa udayaṃ passati, nibbattilakkhaṇaṃ passantopi rūpakkhandhassa udayaṃ passati. Evaṃ pañcahākārehi rūpakkhandhassa udayaṃ passati. ‘‘Avijjānirodhā rūpanirodho, taṇhākammaāhāranirodhā rūpanirodho’’ti (paṭi. ma. 1.50) paccayanirodhadassanena rūpakkhandhassa vayaṃ passati, vipariṇāmalakkhaṇaṃ passantopi rūpakkhandhassa vayaṃ passatīti evaṃ pañcahākārehi rūpakkhandhassa vayaṃ passati.

    д̇ат̇аа ‘‘авиж̇ж̇аасамуд̣̇аяаа взд̣̇анаасамуд̣̇аяо, д̇ан̣хаагаммапассасамуд̣̇аяаа взд̣̇анаасамуд̣̇аяо’’д̇и (бади. ма. 1.50) бажжаяааяад̇д̇ад̇аад̣̇ассанзна взд̣̇анаагканд̇хасса уд̣̇аяам̣ бассад̇и, ниб̣б̣ад̇д̇илагкан̣ам̣ бассанд̇оби взд̣̇анаагканд̇хасса уд̣̇аяам̣ бассад̇и. ‘‘авиж̇ж̇аанирод̇хаа взд̣̇анаанирод̇хо, д̇ан̣хаагаммапассанирод̇хаа взд̣̇анаанирод̇хо’’д̇и (бади. ма. 1.50) бажжаяанирод̇хад̣̇ассанзна взд̣̇анаагканд̇хасса ваяам̣ бассад̇и, вибарин̣аамалагкан̣ам̣ бассанд̇оби взд̣̇анаагканд̇хасса ваяам̣ бассад̇и. звам̣ сан̃н̃аагканд̇хаад̣̇ийсуби.

    Tathā ‘‘avijjāsamudayā vedanāsamudayo, taṇhākammaphassasamudayā vedanāsamudayo’’ti (paṭi. ma. 1.50) paccayāyattatādassanena vedanākkhandhassa udayaṃ passati, nibbattilakkhaṇaṃ passantopi vedanākkhandhassa udayaṃ passati. ‘‘Avijjānirodhā vedanānirodho, taṇhākammaphassanirodhā vedanānirodho’’ti (paṭi. ma. 1.50) paccayanirodhadassanena vedanākkhandhassa vayaṃ passati, vipariṇāmalakkhaṇaṃ passantopi vedanākkhandhassa vayaṃ passati. Evaṃ saññākkhandhādīsupi.

    аяам̣ бана висзсо – вин̃н̃аан̣агканд̇хасса пассадтаанз ‘‘наамаруубасамуд̣̇аяаа, наамаруубанирод̇хаа’’д̇и яож̇зд̇аб̣б̣ам̣. звам̣ згзгасмим̣ канд̇хз бажжаяасамуд̣̇аяавасзна жа ниб̣б̣ад̇д̇илагкан̣авасзна жа бажжаяанирод̇хавасзна жа вибарин̣аамалагкан̣авасзна жа уд̣̇аяаб̣б̣аяад̣̇ассанзна жа д̣̇аса д̣̇аса гад̇ваа бан̃н̃ааса лагкан̣аани вуд̇д̇аани. д̇зсам̣ васзна ‘‘звамби руубасса уд̣̇аяо, звамби руубасса ваяо’’д̇и бажжаяад̇о жзва кан̣ад̇о жа вид̇т̇аарзна манасигаарам̣ гарод̇и.

    Ayaṃ pana viseso – viññāṇakkhandhassa phassaṭṭhāne ‘‘nāmarūpasamudayā, nāmarūpanirodhā’’ti yojetabbaṃ. Evaṃ ekekasmiṃ khandhe paccayasamudayavasena ca nibbattilakkhaṇavasena ca paccayanirodhavasena ca vipariṇāmalakkhaṇavasena ca udayabbayadassanena ca dasa dasa katvā paññāsa lakkhaṇāni vuttāni. Tesaṃ vasena ‘‘evampi rūpassa udayo, evampi rūpassa vayo’’ti paccayato ceva khaṇato ca vitthārena manasikāraṃ karoti.

    д̇ассзвам̣ гарод̇о ‘‘ид̇и гира имз д̇хаммаа ахуд̇ваа самбхонд̇и, худ̇ваа бадивзнд̇ий’’д̇и н̃аан̣ам̣ висад̣̇ам̣ ход̇и. ‘‘звам̣ гира имз д̇хаммаа ануббаннаа уббаж̇ж̇анд̇и, уббаннаа нируж̇жханд̇ий’’д̇и нижжанаваа худ̇ваа сан̇каараа убадтаханд̇и. на гзвалан̃жа нижжанаваа, суурияуг̇г̇аманз уссааваб̣инд̣̇у вияа уд̣̇агаб̣уб̣б̣ул̣о вияа уд̣̇агз д̣̇ан̣д̣арааж̇и вияа аараг̇г̇з саасабо вияа виж̇ж̇уббаад̣̇о вияа жа барид̇д̇адтааяино, мааяаамарийжисубинаалаад̇ажаггаг̇анд̇хаб̣б̣анаг̇арапзн̣агад̣̇алиаад̣̇аяо вияа асаараа ниссаараа вияа худ̇ваа убадтаханд̇и. зд̇д̇аавад̇аа жа бана анзна ‘‘ваяад̇хаммамзва уббаж̇ж̇ад̇и, уббаннан̃жа ваяам̣ убзд̇ий’’д̇и иминаа аагаарзна саммасанабан̃н̃ааяа лагкан̣аани бадивиж̇жхид̇ваа тид̇ам̣ уд̣̇аяаб̣б̣аяаанубассанам̣ наама батамам̣ д̇арун̣авибассанаан̃аан̣ам̣ ад̇хиг̇ад̇ам̣ ход̇и. яассаад̇хиг̇амаа ‘‘аарад̣̇д̇хавибассаго’’д̇и сан̇кам̣ г̇ажчад̇и.

    Tassevaṃ karoto ‘‘iti kira ime dhammā ahutvā sambhonti, hutvā paṭiventī’’ti ñāṇaṃ visadaṃ hoti. ‘‘Evaṃ kira ime dhammā anuppannā uppajjanti, uppannā nirujjhantī’’ti niccanavā hutvā saṅkhārā upaṭṭhahanti. Na kevalañca niccanavā, sūriyuggamane ussāvabindu viya udakabubbuḷo viya udake daṇḍarāji viya āragge sāsapo viya vijjuppādo viya ca parittaṭṭhāyino, māyāmarīcisupinālātacakkagandhabbanagarapheṇakadaliādayo viya asārā nissārā viya hutvā upaṭṭhahanti. Ettāvatā ca pana anena ‘‘vayadhammameva uppajjati, uppannañca vayaṃ upetī’’ti iminā ākārena sammasanapaññāya lakkhaṇāni paṭivijjhitvā ṭhitaṃ udayabbayānupassanaṃ nāma paṭhamaṃ taruṇavipassanāñāṇaṃ adhigataṃ hoti. Yassādhigamā ‘‘āraddhavipassako’’ti saṅkhaṃ gacchati.

    ат̇асса аарад̣̇д̇хавибассагасса гулабуд̇д̇асса обхаасо н̃аан̣ам̣ бийд̇и бассад̣̇д̇хи сукам̣ ад̇химогко баг̇г̇ахо убадтаанам̣ убзгкаа ниганд̇ийд̇и д̣̇аса вибассанубаггилзсаа уббаж̇ж̇анд̇и. зд̇т̇а обхаасо наама вибассанагкан̣з н̃аан̣асса б̣алавад̇д̇аа лохид̇ам̣ саннисийд̣̇ад̇и, д̇зна жа жид̇д̇обхаасо ниб̣б̣ад̇д̇ад̇и. д̇ам̣ д̣̇исваа агусало яог̇ий ‘‘маг̇г̇о мз бад̇д̇о’’д̇и д̇амзва обхаасам̣ ассаад̣̇зд̇и. н̃аан̣амби вибассанаан̃аан̣амзва. д̇ам̣ сан̇каарз саммасанд̇асса суд̣̇д̇хам̣ басаннам̣ худ̇ваа бавад̇д̇ад̇и. д̇ам̣ д̣̇исваа буб̣б̣з вияа ‘‘маг̇г̇о’’д̇и ассаад̣̇зд̇и. бийд̇иби вибассанаабийд̇и зва. д̇асса хи д̇асмим̣ кан̣з бан̃жавид̇хаа бийд̇и уббаж̇ж̇ад̇и. бассад̣̇д̇хийд̇и вибассанаабассад̣̇д̇хи. д̇асмим̣ самаяз нзва гааяажид̇д̇аанам̣ д̣̇арат̇о, на г̇ааравам̣, на гагкал̣ад̇аа, на агамман̃н̃ад̇аа, на г̇злан̃н̃ад̇аа, на ван̇гад̇аа ход̇и. сукамби вибассанаасукамзва. д̇асса гира д̇асмим̣ самаяз сагаласарийрам̣ абхисанд̣̇аяамаанам̣ ад̇ибан̣ийд̇ам̣ сукам̣ уббаж̇ж̇ад̇и.

    Athassa āraddhavipassakassa kulaputtassa obhāso ñāṇaṃ pīti passaddhi sukhaṃ adhimokkho paggaho upaṭṭhānaṃ upekkhā nikantīti dasa vipassanupakkilesā uppajjanti. Ettha obhāso nāma vipassanakkhaṇe ñāṇassa balavattā lohitaṃ sannisīdati, tena ca cittobhāso nibbattati. Taṃ disvā akusalo yogī ‘‘maggo me patto’’ti tameva obhāsaṃ assādeti. Ñāṇampi vipassanāñāṇameva. Taṃ saṅkhāre sammasantassa suddhaṃ pasannaṃ hutvā pavattati. Taṃ disvā pubbe viya ‘‘maggo’’ti assādeti. Pītipi vipassanāpīti eva. Tassa hi tasmiṃ khaṇe pañcavidhā pīti uppajjati. Passaddhīti vipassanāpassaddhi. Tasmiṃ samaye neva kāyacittānaṃ daratho, na gāravaṃ, na kakkhaḷatā, na akammaññatā, na gelaññatā, na vaṅkatā hoti. Sukhampi vipassanāsukhameva. Tassa kira tasmiṃ samaye sakalasarīraṃ abhisandayamānaṃ atipaṇītaṃ sukhaṃ uppajjati.

    ад̇химогко наама вибассанагкан̣з бавад̇д̇аа сад̣̇д̇хаа. д̇асмин̃хи кан̣з жид̇д̇ажзд̇асигаанам̣ ад̇ивияа басаад̣̇абхууд̇аа б̣алавад̇ий сад̣̇д̇хаа уббаж̇ж̇ад̇и. баг̇г̇ахо наама вибассанаасамбаяуд̇д̇ам̣ вийрияам̣. д̇асмин̃хи кан̣з асит̇илам̣ анажжаарад̣̇д̇хам̣ субаг̇г̇ахид̇ам̣ вийрияам̣ уббаж̇ж̇ад̇и. убадтаананд̇и вибассанаасамбаяуд̇д̇аа сад̇и. д̇асмин̃хи кан̣з субадтид̇аа сад̇и уббаж̇ж̇ад̇и. убзгкаа д̣̇увид̇хаа вибассанааваж̇ж̇анавасзна. д̇асмин̃хи кан̣з саб̣б̣асан̇каараг̇ахан̣з маж̇жхад̇д̇абхууд̇ам̣ вибассанубзгкаасан̇каад̇ам̣ н̃аан̣ам̣ б̣алаванд̇ам̣ худ̇ваа уббаж̇ж̇ад̇и манод̣̇ваарааваж̇ж̇анубзгкаа жа. саа жа д̇ам̣ д̇ам̣ таанам̣ ааваж̇ж̇анд̇асса суураа д̇икин̣аа худ̇ваа вахад̇и. ниганд̇ийд̇и вибассанааниганд̇и. обхаасаад̣̇ийсу хи аалаяам̣ гурумаанаа сукумаа санд̇аагаараа ниганд̇и уббаж̇ж̇ад̇и. зд̇т̇а обхаасаад̣̇аяо гилзсавад̇т̇уд̇ааяа ‘‘убаггилзсаа’’д̇и вуд̇д̇аа на агусалад̇д̇аа. ниганд̇и бана убаггилзсо жзва гилзсавад̇т̇у жа.

    Adhimokkho nāma vipassanakkhaṇe pavattā saddhā. Tasmiñhi khaṇe cittacetasikānaṃ ativiya pasādabhūtā balavatī saddhā uppajjati. Paggaho nāma vipassanāsampayuttaṃ vīriyaṃ. Tasmiñhi khaṇe asithilaṃ anaccāraddhaṃ supaggahitaṃ vīriyaṃ uppajjati. Upaṭṭhānanti vipassanāsampayuttā sati. Tasmiñhi khaṇe supaṭṭhitā sati uppajjati. Upekkhā duvidhā vipassanāvajjanavasena. Tasmiñhi khaṇe sabbasaṅkhāragahaṇe majjhattabhūtaṃ vipassanupekkhāsaṅkhātaṃ ñāṇaṃ balavantaṃ hutvā uppajjati manodvārāvajjanupekkhā ca. Sā ca taṃ taṃ ṭhānaṃ āvajjantassa sūrā tikhiṇā hutvā vahati. Nikantīti vipassanānikanti. Obhāsādīsu hi ālayaṃ kurumānā sukhumā santākārā nikanti uppajjati. Ettha obhāsādayo kilesavatthutāya ‘‘upakkilesā’’ti vuttā na akusalattā. Nikanti pana upakkileso ceva kilesavatthu ca.

    бан̣д̣ид̇о бана бхигку обхаасаад̣̇ийсу уббаннзсу вигкзбам̣ аг̇ажчанд̇о ‘‘обхаасаад̣̇аяо д̇хаммаа на маг̇г̇о, убаггилзсавимуд̇д̇ам̣ бана вийт̇ибадибаннам̣ вибассанаан̃аан̣ам̣ маг̇г̇о’’д̇и маг̇г̇ан̃жа амаг̇г̇ан̃жа вавад̇т̇абзд̇и. д̇ассзвам̣ ‘‘аяам̣ маг̇г̇о, аяам̣ на маг̇г̇о’’д̇и н̃ад̇ваа тид̇ам̣ н̃аан̣ам̣ маг̇г̇аамаг̇г̇ан̃аан̣ад̣̇ассанависуд̣̇д̇хийд̇и вужжад̇и. ид̇о бадтааяа адтаннам̣ вибассанаан̃аан̣аанам̣ васзна сикаабад̇д̇авибассанаан̃аан̣ам̣ наваман̃жа сажжаануломигам̣ н̃аан̣анд̇и аяам̣ бадибад̣̇аан̃аан̣ад̣̇ассанависуд̣̇д̇хи наама ход̇и. уд̣̇аяаб̣б̣аяаанубассанаан̃аан̣ам̣ бхан̇г̇аанубассанаан̃аан̣ам̣ бхаяад̇убадтаанан̃аан̣ам̣ аад̣̇ийнаваанубассанаан̃аан̣ам̣ ниб̣б̣ид̣̇аанубассанаан̃аан̣ам̣ мун̃жид̇угамяад̇аан̃аан̣ам̣ бадисан̇каанубассанаан̃аан̣ам̣ сан̇каарубзгкаан̃аан̣анд̇и имаани адта н̃аан̣аани наама. навамам̣ сажжаануломигам̣ н̃аан̣анд̇и ануломассзд̇ам̣ наамам̣.

    Paṇḍito pana bhikkhu obhāsādīsu uppannesu vikkhepaṃ agacchanto ‘‘obhāsādayo dhammā na maggo, upakkilesavimuttaṃ pana vīthipaṭipannaṃ vipassanāñāṇaṃ maggo’’ti maggañca amaggañca vavatthapeti. Tassevaṃ ‘‘ayaṃ maggo, ayaṃ na maggo’’ti ñatvā ṭhitaṃ ñāṇaṃ maggāmaggañāṇadassanavisuddhīti vuccati. Ito paṭṭhāya aṭṭhannaṃ vipassanāñāṇānaṃ vasena sikhāpattavipassanāñāṇaṃ navamañca saccānulomikaṃ ñāṇanti ayaṃ paṭipadāñāṇadassanavisuddhi nāma hoti. Udayabbayānupassanāñāṇaṃ bhaṅgānupassanāñāṇaṃ bhayatupaṭṭhānañāṇaṃ ādīnavānupassanāñāṇaṃ nibbidānupassanāñāṇaṃ muñcitukamyatāñāṇaṃ paṭisaṅkhānupassanāñāṇaṃ saṅkhārupekkhāñāṇanti imāni aṭṭha ñāṇāni nāma. Navamaṃ saccānulomikaṃ ñāṇanti anulomassetaṃ nāmaṃ.

    д̇асмаа д̇ам̣ самбаад̣̇зд̇угаамзна убаггилзсавимуд̇д̇ам̣ уд̣̇аяаб̣б̣аяан̃аан̣ам̣ аад̣̇им̣гад̇ваа зд̇зсу н̃аан̣зсу яог̇о гаран̣ийяо. уд̣̇аяаб̣б̣аяам̣ бассанд̇асса хи анижжалагкан̣ам̣ яат̇аабхууд̇ам̣ убадтаад̇и, уд̣̇аяаб̣б̣аяабадибийл̣анам̣ бассад̇о д̣̇угкалагкан̣ан̃жа, ‘‘д̣̇угкамзва хи самбход̇и, д̣̇угкам̣ д̇идтад̇и взд̇и жаа’’д̇и (сам̣. ни. 1.171; гат̇аа. 233) бассад̇о анад̇д̇алагкан̣ан̃жа.

    Tasmā taṃ sampādetukāmena upakkilesavimuttaṃ udayabbayañāṇaṃ ādiṃkatvā etesu ñāṇesu yogo karaṇīyo. Udayabbayaṃ passantassa hi aniccalakkhaṇaṃ yathābhūtaṃ upaṭṭhāti, udayabbayapaṭipīḷanaṃ passato dukkhalakkhaṇañca, ‘‘dukkhameva hi sambhoti, dukkhaṃ tiṭṭhati veti cā’’ti (saṃ. ni. 1.171; kathā. 233) passato anattalakkhaṇañca.

    зд̇т̇а жа анижжам̣ анижжалагкан̣ам̣ д̣̇угкам̣ д̣̇угкалагкан̣ам̣ анад̇д̇аа анад̇д̇алагкан̣анд̇и аяам̣ вибхааг̇о взд̣̇ид̇аб̣б̣о. д̇ад̇т̇а анижжанд̇и канд̇хабан̃жагам̣. гасмаа? уббаад̣̇аваяан̃н̃ат̇ад̇д̇абхааваа, худ̇ваа абхаавад̇о ваа. ан̃н̃ат̇ад̇д̇ам̣ наама ж̇араа. уббаад̣̇аваяан̃н̃ат̇ад̇д̇ам̣ анижжалагкан̣ам̣, худ̇ваа абхаавасан̇каад̇о ваа аагааравигааро. ‘‘яад̣̇анижжам̣, д̇ам̣ д̣̇угка’’нд̇и важанад̇о д̇ад̣̇зва канд̇хабан̃жагам̣ д̣̇угкам̣. гасмаа? абхин̣хам̣ бадибийл̣анад̇о. абхин̣хам̣ бадибийл̣анаагааро д̣̇угкалагкан̣ам̣. ‘‘яам̣ д̣̇угкам̣, д̇ад̣̇анад̇д̇аа’’д̇и (сам̣. ни. 3.15-16) важанад̇о д̇ад̣̇зва канд̇хабан̃жагам̣ анад̇д̇аа. гасмаа? авасавад̇д̇анад̇о . авасавад̇д̇анаагааро анад̇д̇алагкан̣ам̣. имаани д̇ийн̣иби лагкан̣аани уд̣̇аяаб̣б̣аяам̣ бассанд̇ассзва аарамман̣аани хонд̇и.

    Ettha ca aniccaṃ aniccalakkhaṇaṃ dukkhaṃ dukkhalakkhaṇaṃ anattā anattalakkhaṇanti ayaṃ vibhāgo veditabbo. Tattha aniccanti khandhapañcakaṃ. Kasmā? Uppādavayaññathattabhāvā, hutvā abhāvato vā. Aññathattaṃ nāma jarā. Uppādavayaññathattaṃ aniccalakkhaṇaṃ, hutvā abhāvasaṅkhāto vā ākāravikāro. ‘‘Yadaniccaṃ, taṃ dukkha’’nti vacanato tadeva khandhapañcakaṃ dukkhaṃ. Kasmā? Abhiṇhaṃ paṭipīḷanato. Abhiṇhaṃ paṭipīḷanākāro dukkhalakkhaṇaṃ. ‘‘Yaṃ dukkhaṃ, tadanattā’’ti (saṃ. ni. 3.15-16) vacanato tadeva khandhapañcakaṃ anattā. Kasmā? Avasavattanato . Avasavattanākāro anattalakkhaṇaṃ. Imāni tīṇipi lakkhaṇāni udayabbayaṃ passantasseva ārammaṇāni honti.

    бунаби со руубааруубад̇хаммз ‘‘звам̣ анижжаа’’д̇иаад̣̇инаа вибассад̇и, д̇асса сан̇каараа лахум̣ лахум̣ аабаат̇ам̣ ааг̇ажчанд̇и, д̇ад̇о уббаад̣̇ам̣ ваа тид̇им̣ ваа бавад̇д̇ам̣ ваа нимид̇д̇ам̣ ваа аарамман̣ам̣ агад̇ваа д̇зсам̣ каяаваяанирод̇хз зва сад̇и санд̇идтад̇и, ид̣̇ам̣ бхан̇г̇ан̃аан̣ам̣ наама. имасса уббаад̣̇ад̇о бадтааяа аяам̣ яог̇ий ‘‘яат̇аа имз сан̇каараа бхиж̇ж̇анд̇и нируж̇жханд̇и, звам̣ ад̇ийд̇зби сан̇каараг̇ад̇ам̣ бхиж̇ж̇и, анааг̇ад̇зби бхиж̇ж̇иссад̇ий’’д̇и нирод̇хамзва бассанд̇о д̇идтад̇и. д̇асса бхан̇г̇аанубассанаан̃аан̣ам̣ аасзванд̇асса б̣ахулийгаронд̇асса саб̣б̣абхаваяони г̇ад̇идтид̇и сад̇д̇ааваасзсу бабхзд̣̇агаа сан̇каараа ж̇алид̇аан̇г̇аарагаасуаад̣̇аяо вияа махаабхаяам̣ худ̇ваа убадтаханд̇и. зд̇ам̣ бхаяад̇убадтаанан̃аан̣ам̣ наама.

    Punapi so rūpārūpadhamme ‘‘evaṃ aniccā’’tiādinā vipassati, tassa saṅkhārā lahuṃ lahuṃ āpāthaṃ āgacchanti, tato uppādaṃ vā ṭhitiṃ vā pavattaṃ vā nimittaṃ vā ārammaṇaṃ akatvā tesaṃ khayavayanirodhe eva sati santiṭṭhati, idaṃ bhaṅgañāṇaṃ nāma. Imassa uppādato paṭṭhāya ayaṃ yogī ‘‘yathā ime saṅkhārā bhijjanti nirujjhanti, evaṃ atītepi saṅkhāragataṃ bhijji, anāgatepi bhijjissatī’’ti nirodhameva passanto tiṭṭhati. Tassa bhaṅgānupassanāñāṇaṃ āsevantassa bahulīkarontassa sabbabhavayoni gatiṭṭhiti sattāvāsesu pabhedakā saṅkhārā jalitaaṅgārakāsuādayo viya mahābhayaṃ hutvā upaṭṭhahanti. Etaṃ bhayatupaṭṭhānañāṇaṃ nāma.

    д̇асса д̇ам̣ бхаяад̇убадтаанан̃аан̣ам̣ аасзванд̇асса саб̣б̣з бхаваад̣̇аяо аад̣̇ид̇д̇аан̇г̇аарам̣ вияа самуссид̇акаг̇г̇о вияа бажжад̇т̇иго аббадисаран̣аа саад̣̇ийнаваа худ̇ваа убадтаханд̇и. ид̣̇ам̣ аад̣̇ийнаваанубассанаан̃аан̣ам̣ наама. д̇асса звам̣ сан̇каарз аад̣̇ийнавад̇о бассанд̇асса бхаваад̣̇ийсуби сан̇каараанам̣ аад̣̇ийнавад̇д̇аа сан̇каарзсу угган̣танаа анабхирад̇и уббаж̇ж̇ад̇и, ид̣̇ам̣ ниб̣б̣ид̣̇аанубассанаан̃аан̣ам̣ наама.

    Tassa taṃ bhayatupaṭṭhānañāṇaṃ āsevantassa sabbe bhavādayo ādittaaṅgāraṃ viya samussitakhaggo viya paccatthiko appaṭisaraṇā sādīnavā hutvā upaṭṭhahanti. Idaṃ ādīnavānupassanāñāṇaṃ nāma. Tassa evaṃ saṅkhāre ādīnavato passantassa bhavādīsupi saṅkhārānaṃ ādīnavattā saṅkhāresu ukkaṇṭhanā anabhirati uppajjati, idaṃ nibbidānupassanāñāṇaṃ nāma.

    саб̣б̣асан̇каарзсу ниб̣б̣инд̣̇анд̇асса угган̣танд̇асса д̇асмаа сан̇каараг̇ад̇аа мун̃жид̇угаамад̇аа ниссарид̇угаамад̇аа ход̇и. ид̣̇ам̣ мун̃жид̇угамяад̇аан̃аан̣ам̣ наама. буна д̇асмаа сан̇каараг̇ад̇аа мун̃жид̇ум̣ бана д̇з зва сан̇каарз бадисан̇каанубассанаан̃аан̣зна д̇илагкан̣ам̣ ааробзд̇ваа д̇ийран̣ам̣ бадисан̇каанубассанаан̃аан̣ам̣ наама.

    Sabbasaṅkhāresu nibbindantassa ukkaṇṭhantassa tasmā saṅkhāragatā muñcitukāmatā nissaritukāmatā hoti. Idaṃ muñcitukamyatāñāṇaṃ nāma. Puna tasmā saṅkhāragatā muñcituṃ pana te eva saṅkhāre paṭisaṅkhānupassanāñāṇena tilakkhaṇaṃ āropetvā tīraṇaṃ paṭisaṅkhānupassanāñāṇaṃ nāma.

    со звам̣ д̇илагкан̣ам̣ ааробзд̇ваа сан̇каарз бариг̇г̇ан̣ханд̇о д̇зсу анад̇д̇алагкан̣асса суд̣̇идтад̇д̇аа ‘‘ад̇д̇аа’’д̇и ваа ‘‘ад̇д̇анияа’’нд̇и ваа аг̇ан̣ханд̇о сан̇каарзсу бхаяан̃жа нанд̣̇ин̃жа бахааяа сан̇каарзсу уд̣̇аасийно ход̇и маж̇жхад̇д̇о, ‘‘аха’’нд̇и ваа ‘‘мама’’нд̇и ваа на г̇ан̣хаад̇и, д̇ийсу бхавзсу убзгкаго, ид̣̇ам̣ сан̇каарубзгкаан̃аан̣ам̣ наама.

    So evaṃ tilakkhaṇaṃ āropetvā saṅkhāre pariggaṇhanto tesu anattalakkhaṇassa sudiṭṭhattā ‘‘attā’’ti vā ‘‘attaniya’’nti vā agaṇhanto saṅkhāresu bhayañca nandiñca pahāya saṅkhāresu udāsīno hoti majjhatto, ‘‘aha’’nti vā ‘‘mama’’nti vā na gaṇhāti, tīsu bhavesu upekkhako, idaṃ saṅkhārupekkhāñāṇaṃ nāma.

    д̇ам̣ банзса жз санд̇ибад̣̇ам̣ ниб̣б̣аанам̣ санд̇ад̇о бассад̇и, саб̣б̣асан̇каарабавад̇д̇ам̣ виссаж̇ж̇зд̇ваа ниб̣б̣аананиннам̣ багканд̣̇ам̣ ход̇и. но жз ниб̣б̣аанам̣ санд̇ад̇о бассад̇и, бунаббунам̣ ‘‘анижжа’’нд̇и ваа ‘‘д̣̇угка’’нд̇и ваа ‘‘анад̇д̇аа’’д̇и ваа д̇ивид̇хаанубассанаавасзна сан̇каараарамман̣амзва худ̇ваа бавад̇д̇ад̇и. звам̣ д̇идтамаанан̃жа зд̇ам̣ д̇ивид̇хавимогкамукабхаавам̣ аабаж̇ж̇ид̇ваа д̇идтад̇и. д̇иссо хи анубассанаа ‘‘д̇ийн̣и вимогкамукааний’’д̇и вужжанд̇и. звам̣ анижжад̇о манасигаронд̇о ад̇химогкаб̣ахуло анимид̇д̇ам̣ вимогкам̣ бадилабхад̇и, д̣̇угкад̇о манасигаронд̇о бассад̣̇д̇хиб̣ахуло аббан̣ихид̇ам̣ вимогкам̣ бадилабхад̇и, анад̇д̇ад̇о манасигаронд̇о взд̣̇аб̣ахуло сун̃н̃ад̇ам̣ вимогкам̣ бадилабхад̇и.

    Taṃ panesa ce santipadaṃ nibbānaṃ santato passati, sabbasaṅkhārapavattaṃ vissajjetvā nibbānaninnaṃ pakkhandaṃ hoti. No ce nibbānaṃ santato passati, punappunaṃ ‘‘anicca’’nti vā ‘‘dukkha’’nti vā ‘‘anattā’’ti vā tividhānupassanāvasena saṅkhārārammaṇameva hutvā pavattati. Evaṃ tiṭṭhamānañca etaṃ tividhavimokkhamukhabhāvaṃ āpajjitvā tiṭṭhati. Tisso hi anupassanā ‘‘tīṇi vimokkhamukhānī’’ti vuccanti. Evaṃ aniccato manasikaronto adhimokkhabahulo animittaṃ vimokkhaṃ paṭilabhati, dukkhato manasikaronto passaddhibahulo appaṇihitaṃ vimokkhaṃ paṭilabhati, anattato manasikaronto vedabahulo suññataṃ vimokkhaṃ paṭilabhati.

    зд̇т̇а жа анимид̇д̇о вимогкод̇и анимид̇д̇аагаарзна ниб̣б̣аанам̣ аарамман̣ам̣ гад̇ваа бавад̇д̇о арияамаг̇г̇о. со хи анимид̇д̇ааяа д̇хаад̇уяаа уббаннад̇д̇аа анимид̇д̇о, гилзсзхи жа вимуд̇д̇ад̇д̇аа вимогко. зд̇знзва наязна аббан̣ихид̇аагаарзна ниб̣б̣аанам̣ аарамман̣ам̣ гад̇ваа бавад̇д̇о аббан̣ихид̇о, сун̃н̃ад̇аагаарзна ниб̣б̣аанам̣ аарамман̣ам̣ гад̇ваа бавад̇д̇о сун̃н̃ад̇од̇и взд̣̇ид̇аб̣б̣о.

    Ettha ca animitto vimokkhoti animittākārena nibbānaṃ ārammaṇaṃ katvā pavatto ariyamaggo. So hi animittāya dhātuyā uppannattā animitto, kilesehi ca vimuttattā vimokkho. Eteneva nayena appaṇihitākārena nibbānaṃ ārammaṇaṃ katvā pavatto appaṇihito, suññatākārena nibbānaṃ ārammaṇaṃ katvā pavatto suññatoti veditabbo.

    звам̣ ад̇хиг̇ад̇асан̇каарубзгкасса гулабуд̇д̇асса вибассанаа сикааббад̇д̇аа ход̇и. вудтаанаг̇ааминивибассанаад̇и зд̇ад̣̇зва. асса д̇ам̣ сан̇каарубзгкаан̃аан̣ам̣ аасзванд̇асса д̇игкад̇араа сан̇каарубзгкаа уббаж̇ж̇ад̇и. д̇асса ‘‘ид̣̇аани маг̇г̇о уббаж̇ж̇иссад̇ий’’д̇и сан̇каарз ‘‘анижжаа’’д̇и ваа ‘‘д̣̇угкаа’’д̇и ваа ‘‘анад̇д̇аа’’д̇и ваа саммасид̇ваа бхаван̇г̇ам̣ од̇арад̇и, бхаван̇г̇аананд̇арам̣ сан̇каарубзгкааяа гат̇ид̇анаязнзва анижжаад̣̇иаагаарзна манасигарид̇ваа уббаж̇ж̇ад̇и манод̣̇ваарааваж̇ж̇анам̣, д̇ат̇зва манасигарод̇о батамам̣ ж̇аванажид̇д̇ам̣ уббаж̇ж̇ад̇и. яам̣ баригамманд̇и вужжад̇и, д̇ад̣̇ананд̇арам̣ д̇ад̣̇зва д̣̇уд̇ияаж̇аванажид̇д̇ам̣ уббаж̇ж̇ад̇и. яам̣ убажааранд̇и вужжад̇и, д̇ад̣̇ананд̇арамби д̇ад̣̇зва уббаж̇ж̇ад̇и д̇ад̇ияам̣ ж̇аванажид̇д̇ам̣. яам̣ ануломанд̇и вужжад̇и, ид̣̇ам̣ д̇зсам̣ баадизггам̣ наама.

    Evaṃ adhigatasaṅkhārupekkhassa kulaputtassa vipassanā sikhāppattā hoti. Vuṭṭhānagāminivipassanāti etadeva. Assa taṃ saṅkhārupekkhāñāṇaṃ āsevantassa tikkhatarā saṅkhārupekkhā uppajjati. Tassa ‘‘idāni maggo uppajjissatī’’ti saṅkhāre ‘‘aniccā’’ti vā ‘‘dukkhā’’ti vā ‘‘anattā’’ti vā sammasitvā bhavaṅgaṃ otarati, bhavaṅgānantaraṃ saṅkhārupekkhāya kathitanayeneva aniccādiākārena manasikaritvā uppajjati manodvārāvajjanaṃ, tatheva manasikaroto paṭhamaṃ javanacittaṃ uppajjati. Yaṃ parikammanti vuccati, tadanantaraṃ tadeva dutiyajavanacittaṃ uppajjati. Yaṃ upacāranti vuccati, tadanantarampi tadeva uppajjati tatiyaṃ javanacittaṃ. Yaṃ anulomanti vuccati, idaṃ tesaṃ pāṭiekkaṃ nāma.

    ависзсзна бана д̇ивид̇хамбзд̇ам̣ ‘‘аасзвана’’нд̇иби ‘‘баригамма’’нд̇иби ‘‘убажаара’’нд̇иби ‘‘анулома’’нд̇иби вужжад̇и. ид̣̇ам̣ бана ануломан̃аан̣ам̣ сан̇каараарамман̣ааяа вудтаанаг̇ааминияаа вибассанааяа барияосаанам̣ ход̇и, ниббарияааязна бана г̇од̇рабхун̃аан̣амзва вибассанааяа барияосаананд̇и вужжад̇и. д̇ад̇о барам̣ ниб̣б̣аанам̣ аарамман̣ам̣ гурумаанам̣ бут̇уж̇ж̇анаг̇од̇д̇ам̣ ад̇иггамамаанам̣ арияаг̇од̇д̇ам̣ оггамамаанам̣ ниб̣б̣аанаарамман̣з батамасаманнаахаарабхууд̇ам̣ абунарааваддагам̣ г̇од̇рабхун̃аан̣ам̣ уббаж̇ж̇ад̇и. ид̣̇ам̣ бана н̃аан̣ам̣ бадибад̣̇аан̃аан̣ад̣̇ассанависуд̣̇д̇хин̃жа н̃аан̣ад̣̇ассанависуд̣̇д̇хин̃жа на бхаж̇ад̇и. анд̇араа аб̣б̣охааригамзва ход̇и. вибассанаасод̇з бад̇ид̇ад̇д̇аа ‘‘бадибад̣̇аан̃аан̣ад̣̇ассанависуд̣̇д̇хий’’д̇и ваа ‘‘вибассанаа’’д̇и ваа сан̇кам̣ г̇ажчад̇и. ниб̣б̣аанам̣ аарамман̣ам̣ гад̇ваа г̇од̇рабхун̃аан̣з нируд̣̇д̇хз д̇зна д̣̇иннасан̃н̃ааяа ниб̣б̣аанам̣ аарамман̣ам̣ гад̇ваа д̣̇идтисам̣яож̇анам̣ сийлаб̣б̣ад̇абараамаасасам̣яож̇анам̣ вижигижчаасам̣яож̇ананд̇и д̇ийн̣и сам̣яож̇анаани вид̣̇д̇хам̣сзнд̇о сод̇аабад̇д̇имаг̇г̇о уббаж̇ж̇ад̇и, д̇ад̣̇ананд̇арам̣ д̇ассзва вибаагабхууд̇аани д̣̇вз д̇ийн̣и ваа палажид̇д̇аани уббаж̇ж̇анд̇и ананд̇аравибаагад̇д̇аа логуд̇д̇арагусалаанам̣, палабарияосаанз банасса уббаннабхаван̇г̇ам̣ вижчинд̣̇ид̇ваа бажжавзгкан̣ад̇т̇ааяа манод̣̇ваарааваж̇ж̇анам̣ уббаж̇ж̇ад̇и. со хи ‘‘иминаа вад̇аахам̣ маг̇г̇зна ааг̇ад̇о’’д̇и маг̇г̇ам̣ бажжавзгкад̇и. д̇ад̇о ‘‘мз аяам̣ аанисам̣со лад̣̇д̇хо’’д̇и палам̣ бажжавзгкад̇и. д̇ад̇о ‘‘имз наама гилзсаа бахийнаа’’д̇и бахийнагилзсз бажжавзгкад̇и. д̇ад̇о ‘‘имз наама гилзсаа авасидтаа’’д̇и убаримаг̇г̇ад̇д̇аяаваж̇жхагилзсз бажжавзгкад̇и. авасаанз жа ‘‘аяам̣ д̇хаммо маяаа бадивид̣̇д̇хо’’д̇и амад̇ам̣ ниб̣б̣аанам̣ бажжавзгкад̇и. ид̇и сод̇аабаннасса арияасаавагасса бан̃жа бажжавзгкан̣аани хонд̇и. д̇ат̇аа сагад̣̇ааг̇аамианааг̇аамипалаавасаанз. арахад̇д̇апалаавасаанз авасидтагилзсабажжавзгкан̣ам̣ наама над̇т̇и. звам̣ саб̣б̣ааниби згуунавийсад̇ибажжавзгкан̣аани хонд̇и.

    Avisesena pana tividhampetaṃ ‘‘āsevana’’ntipi ‘‘parikamma’’ntipi ‘‘upacāra’’ntipi ‘‘anuloma’’ntipi vuccati. Idaṃ pana anulomañāṇaṃ saṅkhārārammaṇāya vuṭṭhānagāminiyā vipassanāya pariyosānaṃ hoti, nippariyāyena pana gotrabhuñāṇameva vipassanāya pariyosānanti vuccati. Tato paraṃ nibbānaṃ ārammaṇaṃ kurumānaṃ puthujjanagottaṃ atikkamamānaṃ ariyagottaṃ okkamamānaṃ nibbānārammaṇe paṭhamasamannāhārabhūtaṃ apunarāvaṭṭakaṃ gotrabhuñāṇaṃ uppajjati. Idaṃ pana ñāṇaṃ paṭipadāñāṇadassanavisuddhiñca ñāṇadassanavisuddhiñca na bhajati. Antarā abbohārikameva hoti. Vipassanāsote patitattā ‘‘paṭipadāñāṇadassanavisuddhī’’ti vā ‘‘vipassanā’’ti vā saṅkhaṃ gacchati. Nibbānaṃ ārammaṇaṃ katvā gotrabhuñāṇe niruddhe tena dinnasaññāya nibbānaṃ ārammaṇaṃ katvā diṭṭhisaṃyojanaṃ sīlabbataparāmāsasaṃyojanaṃ vicikicchāsaṃyojananti tīṇi saṃyojanāni viddhaṃsento sotāpattimaggo uppajjati, tadanantaraṃ tasseva vipākabhūtāni dve tīṇi vā phalacittāni uppajjanti anantaravipākattā lokuttarakusalānaṃ, phalapariyosāne panassa uppannabhavaṅgaṃ vicchinditvā paccavekkhaṇatthāya manodvārāvajjanaṃ uppajjati. So hi ‘‘iminā vatāhaṃ maggena āgato’’ti maggaṃ paccavekkhati. Tato ‘‘me ayaṃ ānisaṃso laddho’’ti phalaṃ paccavekkhati. Tato ‘‘ime nāma kilesā pahīnā’’ti pahīnakilese paccavekkhati. Tato ‘‘ime nāma kilesā avasiṭṭhā’’ti uparimaggattayavajjhakilese paccavekkhati. Avasāne ca ‘‘ayaṃ dhammo mayā paṭividdho’’ti amataṃ nibbānaṃ paccavekkhati. Iti sotāpannassa ariyasāvakassa pañca paccavekkhaṇāni honti. Tathā sakadāgāmianāgāmiphalāvasāne. Arahattaphalāvasāne avasiṭṭhakilesapaccavekkhaṇaṃ nāma natthi. Evaṃ sabbānipi ekūnavīsatipaccavekkhaṇāni honti.

    звам̣ бажжавзгкид̇ваа со яог̇ааважаро д̇асмим̣язва аасанз нисинно вуд̇д̇анаязна вибассид̇ваа гаамарааг̇аб̣яаабаад̣̇аанам̣ д̇анубхаавам̣ гаронд̇о д̣̇уд̇ияамаг̇г̇ам̣ баабун̣аад̇и, д̇ад̣̇ананд̇арам̣ вуд̇д̇анаязнзва палан̃жа. д̇ад̇о вуд̇д̇анаязна вибассид̇ваа гаамарааг̇аб̣яаабаад̣̇аанам̣ анавасзсаббахаанам̣ гаронд̇о д̇ад̇ияамаг̇г̇ам̣ баабун̣аад̇и, вуд̇д̇анаязна палан̃жа. д̇ад̇о д̇асмим̣язваасанз вуд̇д̇анаязна вибассид̇ваа руубарааг̇ааруубарааг̇амаануд̣̇д̇хажжаавиж̇ж̇аанам̣ анавасзсаббахаанам̣ гаронд̇о жад̇уд̇т̇амаг̇г̇ам̣ баабун̣аад̇и, вуд̇д̇анаязна палан̃жа. зд̇д̇аавад̇аа жзса ход̇и арахаа махаакийн̣аасаво бажжзгаб̣уд̣̇д̇хо. ид̇и имзсу жад̇уусу маг̇г̇зсу н̃аан̣ам̣ н̃аан̣ад̣̇ассанависуд̣̇д̇хи наама.

    Evaṃ paccavekkhitvā so yogāvacaro tasmiṃyeva āsane nisinno vuttanayena vipassitvā kāmarāgabyāpādānaṃ tanubhāvaṃ karonto dutiyamaggaṃ pāpuṇāti, tadanantaraṃ vuttanayeneva phalañca. Tato vuttanayena vipassitvā kāmarāgabyāpādānaṃ anavasesappahānaṃ karonto tatiyamaggaṃ pāpuṇāti, vuttanayena phalañca. Tato tasmiṃyevāsane vuttanayena vipassitvā rūparāgārūparāgamānuddhaccāvijjānaṃ anavasesappahānaṃ karonto catutthamaggaṃ pāpuṇāti, vuttanayena phalañca. Ettāvatā cesa hoti arahā mahākhīṇāsavo paccekabuddho. Iti imesu catūsu maggesu ñāṇaṃ ñāṇadassanavisuddhi nāma.

    зд̇д̇аавад̇аа ‘‘саб̣б̣зсу бхууд̇зсу нид̇хааяа д̣̇ан̣д̣ам̣ авихзтаяам̣ ан̃н̃ад̇арамби д̇зса’’нд̇и зд̇зна баад̇имогкасам̣вараад̣̇исийласса вуд̇д̇ад̇д̇аа сийлависуд̣̇д̇хи. ‘‘на буд̇д̇амижчзяяа гуд̇о сахааяа’’нд̇и зд̇зна бадигхаанунаяавиваж̇ж̇анавасзна мзд̇д̇аад̣̇ийнам̣ вуд̇д̇ад̇д̇аа жид̇д̇ависуд̣̇д̇хи. ‘‘зго жарз каг̇г̇ависаан̣агаббо’’д̇и иминаа бана наамаруубабариг̇г̇ахаад̣̇ийнам̣ вуд̇д̇ад̇д̇аа д̣̇идтивисуд̣̇д̇хи ган̇каавид̇аран̣ависуд̣̇д̇хи маг̇г̇аамаг̇г̇ан̃аан̣ад̣̇ассанависуд̣̇д̇хи бадибад̣̇аан̃аан̣ад̣̇ассанависуд̣̇д̇хи н̃аан̣ад̣̇ассанависуд̣̇д̇хийд̇и сад̇д̇а висуд̣̇д̇хияо вуд̇д̇аа хонд̇и. аяамзд̇т̇а мукамад̇д̇анид̣̇ассанам̣, вид̇т̇аарам̣ бана ижчанд̇зна висуд̣̇д̇химаг̇г̇ам̣ (висуд̣̇д̇хи. 2.662, 678, 692, 737, 806 аад̣̇аяо) ологзд̇ваа г̇ахзд̇аб̣б̣ам̣. зд̇д̇аавад̇аа жзсо бажжзгаб̣уд̣̇д̇хо –

    Ettāvatā ‘‘sabbesu bhūtesu nidhāya daṇḍaṃ aviheṭhayaṃ aññatarampi tesa’’nti etena pātimokkhasaṃvarādisīlassa vuttattā sīlavisuddhi. ‘‘Na puttamiccheyya kuto sahāya’’nti etena paṭighānunayavivajjanavasena mettādīnaṃ vuttattā cittavisuddhi. ‘‘Eko care khaggavisāṇakappo’’ti iminā pana nāmarūpapariggahādīnaṃ vuttattā diṭṭhivisuddhi kaṅkhāvitaraṇavisuddhi maggāmaggañāṇadassanavisuddhi paṭipadāñāṇadassanavisuddhi ñāṇadassanavisuddhīti satta visuddhiyo vuttā honti. Ayamettha mukhamattanidassanaṃ, vitthāraṃ pana icchantena visuddhimaggaṃ (visuddhi. 2.662, 678, 692, 737, 806 ādayo) oloketvā gahetabbaṃ. Ettāvatā ceso paccekabuddho –

    ‘‘жаад̇уд̣̇д̣̇исо аббадигхо жа ход̇и, санд̇уссамаано ид̇арийд̇арзна;

    ‘‘Cātuddiso appaṭigho ca hoti, santussamāno itarītarena;

    бариссаяаанам̣ сахид̇аа ачамбхий, зго жарз каг̇г̇ависаан̣агаббо’’д̇и. (су. ни. 42; жуул̣ани. каг̇г̇ависаан̣асуд̇д̇анид̣̇д̣̇зса 128) –

    Parissayānaṃ sahitā achambhī, eko care khaggavisāṇakappo’’ti. (su. ni. 42; cūḷani. khaggavisāṇasuttaniddesa 128) –

    басам̣сияаад̣̇ибхаавам̣ аабаж̇ж̇ид̇ваа г̇анд̇хамаад̣̇анабаб̣б̣ад̇ам̣ убасобхаяамаано вихаасинд̇и звам̣ саб̣б̣ад̇т̇а.

    Pasaṃsiyādibhāvaṃ āpajjitvā gandhamādanapabbataṃ upasobhayamāno vihāsinti evaṃ sabbattha.

    батамаг̇аат̇аанид̣̇д̣̇зсаван̣н̣анаа.

    Paṭhamagāthāniddesavaṇṇanā.

    122. д̣̇уд̇ияз сам̣саг̇г̇аж̇аад̇ассаад̇и ж̇аад̇асам̣саг̇г̇асса. д̇ад̇т̇а д̣̇ассанасаванагааяасамуллабанасамбхог̇авасзна бан̃жавид̇хо сам̣саг̇г̇о. д̇ад̇т̇а ан̃н̃аман̃н̃ам̣ д̣̇исваа жагкувин̃н̃аан̣авийт̇ивасзна уббаннарааг̇о д̣̇ассанасам̣саг̇г̇о наама. д̇ад̇т̇а сийхал̣ад̣̇ийбз гаал̣ад̣̇ийгхаваабийг̇аамз бин̣д̣ааяа жаранд̇ам̣ галяаан̣авихаараваасим̣ д̣̇ахарабхигкум̣ д̣̇исваа бадиб̣ад̣̇д̇хажид̇д̇аа гзнажи убааязна д̇ам̣ алабхид̇ваа гаалагад̇аа гудумб̣ияад̇хийд̇аа д̇ассаа ниваасанажол̣агкан̣д̣ам̣ д̣̇исваа ‘‘зваруубааяа вад̇т̇ад̇хааринияаа наама сад̣̇д̇хим̣ сам̣ваасам̣ наалад̇т̇а’’нд̇и хад̣̇аяам̣ паалзд̇ваа гаалагад̇о со зва жа д̣̇ахаро нид̣̇ассанам̣.

    122. Dutiye saṃsaggajātassāti jātasaṃsaggassa. Tattha dassanasavanakāyasamullapanasambhogavasena pañcavidho saṃsaggo. Tattha aññamaññaṃ disvā cakkhuviññāṇavīthivasena uppannarāgo dassanasaṃsaggo nāma. Tattha sīhaḷadīpe kāḷadīghavāpīgāme piṇḍāya carantaṃ kalyāṇavihāravāsiṃ daharabhikkhuṃ disvā paṭibaddhacittā kenaci upāyena taṃ alabhitvā kālakatā kuṭumbiyadhītā tassā nivāsanacoḷakkhaṇḍaṃ disvā ‘‘evarūpāya vatthadhāriniyā nāma saddhiṃ saṃvāsaṃ nālattha’’nti hadayaṃ phāletvā kālakato so eva ca daharo nidassanaṃ.

    барзхи бана гат̇ияамаанам̣ руубаад̣̇исамбад̇д̇им̣ ад̇д̇анаа ваа хасид̇алабид̇аг̇ийд̇асад̣̇д̣̇ам̣ суд̇ваа сод̇авин̃н̃аан̣авийт̇ивасзна уббанно рааг̇о саванасам̣саг̇г̇о наама. д̇ад̇рааби г̇ириг̇аамаваасийгаммаарад̇хийд̇ааяа бан̃жахи гумаарийхи сад̣̇д̇хим̣ бад̣̇умассарам̣ г̇анд̇ваа нхааяид̇ваа маалам̣ сийсз ааробзд̇ваа ужжаасад̣̇д̣̇зна г̇ааяанд̇ияаа аагаасзна г̇ажчанд̇о сад̣̇д̣̇ам̣ суд̇ваа гаамарааг̇зна жхаанаа барихааяид̇ваа анаяаб̣яасанам̣ бад̇д̇о бан̃жаг̇г̇ал̣алзн̣аваасий д̇иссад̣̇ахаро нид̣̇ассанам̣.

    Parehi pana kathiyamānaṃ rūpādisampattiṃ attanā vā hasitalapitagītasaddaṃ sutvā sotaviññāṇavīthivasena uppanno rāgo savanasaṃsaggo nāma. Tatrāpi girigāmavāsīkammāradhītāya pañcahi kumārīhi saddhiṃ padumassaraṃ gantvā nhāyitvā mālaṃ sīse āropetvā uccāsaddena gāyantiyā ākāsena gacchanto saddaṃ sutvā kāmarāgena jhānā parihāyitvā anayabyasanaṃ patto pañcaggaḷaleṇavāsī tissadaharo nidassanaṃ.

    ан̃н̃аман̃н̃ам̣ ан̇г̇абараамасанзна уббаннарааг̇о гааяасам̣саг̇г̇о наама. д̇хаммаг̇ааяанад̣̇ахарабхигку жзд̇т̇а нид̣̇ассанам̣. махаавихаарз гира д̣̇ахарабхигку д̇хаммам̣ бхаасад̇и, д̇ад̇т̇а махааж̇анз ааг̇ад̇з рааж̇ааби аг̇амааси сад̣̇д̇хим̣ анд̇збурзна. д̇ад̇о рааж̇ад̇хийд̇ааяа д̇асса руубан̃жа сад̣̇д̣̇ан̃жа ааг̇амма б̣алаварааг̇о уббанно д̇асса жа д̣̇ахарассааби. д̇ам̣ д̣̇исваа рааж̇аа саллагкзд̇ваа саан̣ибаагаарзна баригкибаабзси, д̇з ан̃н̃аман̃н̃ам̣ бараамасид̇ваа аалин̇г̇ису. буна саан̣ибаагаарам̣ абанзд̇ваа бассанд̇аа д̣̇взби гаалагад̇зязва ад̣̇д̣̇асам̣сууд̇и.

    Aññamaññaṃ aṅgaparāmasanena uppannarāgo kāyasaṃsaggo nāma. Dhammagāyanadaharabhikkhu cettha nidassanaṃ. Mahāvihāre kira daharabhikkhu dhammaṃ bhāsati, tattha mahājane āgate rājāpi agamāsi saddhiṃ antepurena. Tato rājadhītāya tassa rūpañca saddañca āgamma balavarāgo uppanno tassa ca daharassāpi. Taṃ disvā rājā sallakkhetvā sāṇipākārena parikkhipāpesi, te aññamaññaṃ parāmasitvā āliṅgisu. Puna sāṇipākāraṃ apanetvā passantā dvepi kālakateyeva addasaṃsūti.

    ан̃н̃аман̃н̃ам̣ аалабанасамуллабанз уббаннарааг̇о бана самуллабанасам̣саг̇г̇о наама. бхигкубхигкунийхи сад̣̇д̇хим̣ барибхог̇агаран̣з уббаннарааг̇о самбхог̇асам̣саг̇г̇о наама. д̣̇вийсуби жа зд̇зсу марижаваддивихаарз бхигку жа бхигкуний жа нид̣̇ассанам̣. марижаваддимахаавихаарамахз гира д̣̇удтаг̇ааман̣и абхаяамахаарааж̇аа махаад̣̇аанам̣ бадияаад̣̇зд̇ваа убхад̇осан̇гхам̣ баривисад̇и. д̇ад̇т̇а ун̣хаяааг̇уяаа д̣̇иннааяа сан̇гханавагасааман̣зрий анаад̇хаарагасса сад̇д̇авассигасан̇гханавагасааман̣зрасса д̣̇анд̇авалаяам̣ д̣̇ад̇ваа самуллаабам̣ агааси, д̇з убхоби убасамбаж̇ж̇ид̇ваа садтивассаа худ̇ваа барад̇ийрам̣ г̇ад̇аа ан̃н̃аман̃н̃ам̣ самуллаабзна буб̣б̣асан̃н̃ам̣ бадилабхид̇ваа д̇аавад̣̇зва ж̇аад̇асинзхаа сигкаабад̣̇аани вийд̇иггамид̇ваа баарааж̇игаа ахзсунд̇и.

    Aññamaññaṃ ālapanasamullapane uppannarāgo pana samullapanasaṃsaggo nāma. Bhikkhubhikkhunīhi saddhiṃ paribhogakaraṇe uppannarāgo sambhogasaṃsaggo nāma. Dvīsupi ca etesu maricavaṭṭivihāre bhikkhu ca bhikkhunī ca nidassanaṃ. Maricavaṭṭimahāvihāramahe kira duṭṭhagāmaṇi abhayamahārājā mahādānaṃ paṭiyādetvā ubhatosaṅghaṃ parivisati. Tattha uṇhayāguyā dinnāya saṅghanavakasāmaṇerī anādhārakassa sattavassikasaṅghanavakasāmaṇerassa dantavalayaṃ datvā samullāpaṃ akāsi, te ubhopi upasampajjitvā saṭṭhivassā hutvā paratīraṃ gatā aññamaññaṃ samullāpena pubbasaññaṃ paṭilabhitvā tāvadeva jātasinehā sikkhāpadāni vītikkamitvā pārājikā ahesunti.

    звам̣ бан̃жавид̇хз сам̣саг̇г̇з язна гзнажи сам̣саг̇г̇зна ж̇аад̇асам̣саг̇г̇асса бхаванд̇и снзхаа, буримарааг̇абажжаяаа б̣алаварааг̇о уббаж̇ж̇ад̇и. д̇ад̇о снзханваяам̣ д̣̇угкамид̣̇ам̣ баход̇ийд̇и д̇амзва снзхам̣ ануг̇ажчанд̇ам̣ санд̣̇идтигасамбарааяигасогабарид̣̇зваад̣̇инаанаббагаарагам̣ д̣̇угкамид̣̇ам̣ баход̇и ниб̣б̣ад̇д̇ад̇и бхавад̇и ж̇ааяад̇и. абарз бана ‘‘аарамман̣з жид̇д̇авосаг̇г̇о сам̣саг̇г̇о’’д̇и бхан̣анд̇и. д̇ад̇о снзхо снзхад̣̇угканд̇и.

    Evaṃ pañcavidhe saṃsagge yena kenaci saṃsaggena jātasaṃsaggassa bhavanti snehā, purimarāgapaccayā balavarāgo uppajjati. Tato snehanvayaṃ dukkhamidaṃ pahotīti tameva snehaṃ anugacchantaṃ sandiṭṭhikasamparāyikasokaparidevādinānappakārakaṃ dukkhamidaṃ pahoti nibbattati bhavati jāyati. Apare pana ‘‘ārammaṇe cittavosaggo saṃsaggo’’ti bhaṇanti. Tato sneho snehadukkhanti.

    звамад̇т̇аббабхзд̣̇ам̣ имам̣ ад̣дхаг̇аат̇ам̣ вад̇ваа со бажжзгаб̣уд̣̇д̇хо ааха – ‘‘сваахам̣ яамид̣̇ам̣ снзханваяам̣ согаад̣̇ид̣̇угкам̣ баход̇и, д̇асса д̣̇угкасса муулам̣ кананд̇о бажжзгасамб̣од̇хим̣ ад̇хиг̇ад̇о’’д̇и. звам̣ вуд̇д̇з д̇з амажжаа аахам̣су – ‘‘амхзхи д̣̇аани, бханд̇з, гим̣ гад̇д̇аб̣б̣а’’нд̇и? д̇ад̇о со ааха – ‘‘д̇умхз ваа ан̃н̃з ваа яо имамхаа д̣̇угкаа мужжид̇угаамо, со саб̣б̣оби аад̣̇ийнавам̣ снзхаж̇ам̣ бзгкамаано, зго жарз каг̇г̇ависаан̣агаббод̇и. зд̇т̇а жа яам̣ д̇ам̣ ‘‘снзханваяам̣ д̣̇угкамид̣̇ам̣ баход̇ий’’д̇и вуд̇д̇ам̣, д̇ад̣̇зва санд̇хааяа ‘‘аад̣̇ийнавам̣ снзхаж̇ам̣ бзгкамаано’’д̇и ид̣̇ам̣ вуд̇д̇анд̇и взд̣̇ид̇аб̣б̣ам̣. ат̇а ваа яат̇аавуд̇д̇зна сам̣саг̇г̇зна сам̣саг̇г̇аж̇аад̇асса бхаванд̇и снзхаа, снзханваяам̣ д̣̇угкамид̣̇ам̣ баход̇и, звам̣ яат̇аабхууд̇ам̣ аад̣̇ийнавам̣ снзхаж̇ам̣ бзгкамаано ахам̣ ад̇хиг̇ад̇од̇и звамби абхисамб̣анд̇хид̇ваа жад̇уд̇т̇абаад̣̇о буб̣б̣з вуд̇д̇анаязнзва уд̣̇аанавасзна вуд̇д̇од̇и взд̣̇ид̇аб̣б̣о. д̇ад̇о барам̣ саб̣б̣ам̣ буримаг̇аат̇ааяа вуд̇д̇асад̣̇исамзваад̇и (су. ни. адта. 1.36).

    Evamatthappabhedaṃ imaṃ aḍḍhagāthaṃ vatvā so paccekabuddho āha – ‘‘svāhaṃ yamidaṃ snehanvayaṃ sokādidukkhaṃ pahoti, tassa dukkhassa mūlaṃ khananto paccekasambodhiṃ adhigato’’ti. Evaṃ vutte te amaccā āhaṃsu – ‘‘amhehi dāni, bhante, kiṃ kattabba’’nti? Tato so āha – ‘‘tumhe vā aññe vā yo imamhā dukkhā muccitukāmo, so sabbopi ādīnavaṃ snehajaṃ pekkhamāno, eko care khaggavisāṇakappoti. Ettha ca yaṃ taṃ ‘‘snehanvayaṃ dukkhamidaṃ pahotī’’ti vuttaṃ, tadeva sandhāya ‘‘ādīnavaṃ snehajaṃ pekkhamāno’’ti idaṃ vuttanti veditabbaṃ. Atha vā yathāvuttena saṃsaggena saṃsaggajātassa bhavanti snehā, snehanvayaṃ dukkhamidaṃ pahoti, evaṃ yathābhūtaṃ ādīnavaṃ snehajaṃ pekkhamāno ahaṃ adhigatoti evampi abhisambandhitvā catutthapādo pubbe vuttanayeneva udānavasena vuttoti veditabbo. Tato paraṃ sabbaṃ purimagāthāya vuttasadisamevāti (su. ni. aṭṭha. 1.36).

    нид̣̇д̣̇зсз ануббаад̣̇зд̇ийд̇и руубасмим̣ ануб̣яан̃ж̇анам̣ д̣̇исваа аллийяад̇и. ануб̣анд̇хад̇ийд̇и руубасмим̣ снзхавасзна б̣анд̇хад̇и. бхаванд̇ийд̇и хонд̇и. ж̇ааяанд̇ийд̇и уббаж̇ж̇анд̇и. ниб̣б̣ад̇д̇анд̇ийд̇и вад̇д̇анд̇и. баад̇убхаванд̇ийд̇и баагадаа хонд̇и. самбхаванд̇и сан̃ж̇ааяанд̇и абхиниб̣б̣ад̇д̇анд̇ийд̇и д̇ийн̣и убасаг̇г̇зна вад̣дхид̇аани. ид̇о барам̣ адтагаваг̇г̇з (махаани. 1 аад̣̇аяо) вуд̇д̇анаязнзва взд̣̇ид̇аб̣б̣ам̣.

    Niddese anuppādetīti rūpasmiṃ anubyañjanaṃ disvā allīyati. Anubandhatīti rūpasmiṃ snehavasena bandhati. Bhavantīti honti. Jāyantīti uppajjanti. Nibbattantīti vattanti. Pātubhavantīti pākaṭā honti. Sambhavanti sañjāyanti abhinibbattantīti tīṇi upasaggena vaḍḍhitāni. Ito paraṃ aṭṭhakavagge (mahāni. 1 ādayo) vuttanayeneva veditabbaṃ.

    д̣̇уд̇ияаг̇аат̇аанид̣̇д̣̇зсаван̣н̣анаа.

    Dutiyagāthāniddesavaṇṇanā.

    123. д̇ад̇ияз мзд̇д̇ааяанавасзна мид̇д̇аа. сухад̣̇абхаавзна сухаж̇ж̇аа. гзжи хи зганд̇ахид̇агаамад̇ааяа мид̇д̇аава хонд̇и, на сухаж̇ж̇аа. гзжи г̇аманааг̇аманадтаананисаж̇ж̇аасамуллаабаад̣̇ийсу хад̣̇аяасукаж̇ананзна сухаж̇ж̇аава хонд̇и, на мид̇д̇аа. гзжи д̇ад̣̇убхаяавасзна сухаж̇ж̇аа жзва мид̇д̇аа жа. д̇з д̣̇увид̇хаа хонд̇и аг̇аарияаа жа анаг̇аарияаа жа. д̇ад̇т̇а аг̇аарияаа д̇ивид̇хаа хонд̇и убагаараа самаанасукад̣̇угкаа анугамбагаад̇и. анаг̇аарияаа висзсзна ад̇т̇агкааяино . звам̣ д̇з жад̇уухи жад̇уухи ан̇г̇зхи саманнааг̇ад̇аа хонд̇и.

    123. Tatiye mettāyanavasena mittā. Suhadabhāvena suhajjā. Keci hi ekantahitakāmatāya mittāva honti, na suhajjā. Keci gamanāgamanaṭṭhānanisajjāsamullāpādīsu hadayasukhajananena suhajjāva honti, na mittā. Keci tadubhayavasena suhajjā ceva mittā ca. Te duvidhā honti agāriyā ca anagāriyā ca. Tattha agāriyā tividhā honti upakārā samānasukhadukkhā anukampakāti. Anagāriyā visesena atthakkhāyino . Evaṃ te catūhi catūhi aṅgehi samannāgatā honti.

    яат̇ааха –

    Yathāha –

    ‘‘жад̇уухи ко, г̇ахабад̇ибуд̇д̇а, таанзхи убагааро мид̇д̇о сухад̣̇о взд̣̇ид̇аб̣б̣о. бамад̇д̇ам̣ рагкад̇и, бамад̇д̇асса саабад̇зяяам̣ рагкад̇и, бхийд̇асса саран̣ам̣ ход̇и, уббаннзсу гижжагаран̣ийязсу д̇ад̣̇д̣̇иг̇ун̣ам̣ бхог̇ам̣ ануббад̣̇зд̇и (д̣̇ий. ни. 3.261).

    ‘‘Catūhi kho, gahapatiputta, ṭhānehi upakāro mitto suhado veditabbo. Pamattaṃ rakkhati, pamattassa sāpateyyaṃ rakkhati, bhītassa saraṇaṃ hoti, uppannesu kiccakaraṇīyesu taddiguṇaṃ bhogaṃ anuppadeti (dī. ni. 3.261).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи самаанасукад̣̇угко мид̇д̇о сухад̣̇о взд̣̇ид̇аб̣б̣о. г̇уяхамасса аажигкад̇и, г̇уяхамасса бариг̇уухад̇и, аабад̣̇аасу на виж̇ахад̇и, ж̇ийвид̇амбисса ад̇т̇ааяа барижжад̇д̇ам̣ ход̇и (д̣̇ий. ни. 3.262).

    ‘‘Catūhi kho, gahapatiputta, ṭhānehi samānasukhadukkho mitto suhado veditabbo. Guyhamassa ācikkhati, guyhamassa parigūhati, āpadāsu na vijahati, jīvitampissa atthāya pariccattaṃ hoti (dī. ni. 3.262).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи анугамбаго мид̇д̇о сухад̣̇о взд̣̇ид̇аб̣б̣о. абхавзнасса на нанд̣̇ад̇и, бхавзнасса нанд̣̇ад̇и, аван̣н̣ам̣ бхан̣амаанам̣ ниваарзд̇и, ван̣н̣ам̣ бхан̣амаанам̣ басам̣сад̇и (д̣̇ий. ни. 3.264).

    ‘‘Catūhi kho, gahapatiputta, ṭhānehi anukampako mitto suhado veditabbo. Abhavenassa na nandati, bhavenassa nandati, avaṇṇaṃ bhaṇamānaṃ nivāreti, vaṇṇaṃ bhaṇamānaṃ pasaṃsati (dī. ni. 3.264).

    д̇ат̇аа –

    Tathā –

    ‘‘жад̇уухи ко, г̇ахабад̇ибуд̇д̇а, таанзхи ад̇т̇агкааяий мид̇д̇о сухад̣̇о взд̣̇ид̇аб̣б̣о. баабаа ниваарзд̇и, галяаан̣з нивзсзд̇и, ассуд̇ам̣ саавзд̇и, саг̇г̇асса маг̇г̇ам̣ аажигкад̇ий’’д̇и (д̣̇ий. ни. 3.263).

    ‘‘Catūhi kho, gahapatiputta, ṭhānehi atthakkhāyī mitto suhado veditabbo. Pāpā nivāreti, kalyāṇe niveseti, assutaṃ sāveti, saggassa maggaṃ ācikkhatī’’ti (dī. ni. 3.263).

    д̇зсу ид̇ха аг̇аарияаа ад̇хиббзд̇аа, ад̇т̇ад̇о бана саб̣б̣зби яуж̇ж̇анд̇и. д̇з мид̇д̇з сухаж̇ж̇з. анугамбамаанод̇и ануд̣̇аяамаано, д̇зсам̣ сукам̣ убасам̣харид̇угаамо д̣̇угкам̣ абахарид̇угаамо.

    Tesu idha agāriyā adhippetā, atthato pana sabbepi yujjanti. Te mitte suhajje. Anukampamānoti anudayamāno, tesaṃ sukhaṃ upasaṃharitukāmo dukkhaṃ apaharitukāmo.

    хаабзд̇и ад̇т̇анд̇и д̣̇идтад̇хаммигасамбарааяигабарамад̇т̇авасзна д̇ивид̇хам̣, д̇ат̇аа ад̇д̇ад̇т̇абарад̇т̇аубхаяад̇т̇авасзнааби д̇ивид̇хам̣ ад̇т̇ам̣ лад̣̇д̇хавинаасанзна алад̣̇д̇хаануббаад̣̇анзнаад̇и д̣̇вид̇хааби хаабзд̇и винаасзд̇и. бадиб̣ад̣̇д̇хажид̇д̇од̇и ‘‘ахам̣ имам̣ винаа на ж̇ийваами, зсо мз г̇ад̇и, зсо мз барааяан̣а’’нд̇и звам̣ ад̇д̇аанам̣ нийжз таанз табзнд̇оби бадиб̣ад̣̇д̇хажид̇д̇о ход̇и. ‘‘имз мам̣ винаа на ж̇ийванд̇и, ахам̣ д̇зсам̣ г̇ад̇и, ахам̣ д̇зсам̣ барааяан̣а’’нд̇и звам̣ ад̇д̇аанам̣ ужжз таанз табзнд̇оби бадиб̣ад̣̇д̇хажид̇д̇о ход̇и. ид̇ха бана звам̣ бадиб̣ад̣̇д̇хажид̇д̇о ад̇хиббзд̇о.

    Hāpetiatthanti diṭṭhadhammikasamparāyikaparamatthavasena tividhaṃ, tathā attatthaparatthaubhayatthavasenāpi tividhaṃ atthaṃ laddhavināsanena aladdhānuppādanenāti dvidhāpi hāpeti vināseti. Paṭibaddhacittoti ‘‘ahaṃ imaṃ vinā na jīvāmi, eso me gati, eso me parāyaṇa’’nti evaṃ attānaṃ nīce ṭhāne ṭhapentopi paṭibaddhacitto hoti. ‘‘Ime maṃ vinā na jīvanti, ahaṃ tesaṃ gati, ahaṃ tesaṃ parāyaṇa’’nti evaṃ attānaṃ ucce ṭhāne ṭhapentopi paṭibaddhacitto hoti. Idha pana evaṃ paṭibaddhacitto adhippeto.

    зд̇ам̣ бхаяанд̇и зд̇ам̣ ад̇т̇ахаабанабхаяам̣, ад̇д̇ано самаабад̇д̇ихааним̣ санд̇хааяа бхан̣ад̇и. сант̇авзд̇и д̇ивид̇хо сант̇аво д̇ан̣хаад̣̇идтимид̇д̇асант̇ававасзна. д̇ад̇т̇а адтасад̇аббабхзд̣̇ааби д̇ан̣хаа д̇ан̣хаасант̇аво, д̣̇ваасадтиббабхзд̣̇ааби д̣̇идти д̣̇идтисант̇аво, бадиб̣ад̣̇д̇хажид̇д̇ад̇ааяа мид̇д̇аанугамбанаа мид̇д̇асант̇аво. со ид̇ха ад̇хиббзд̇о . д̇зна хисса самаабад̇д̇и барихийнаа. д̇знааха – ‘‘зд̇ам̣ бхаяам̣ сант̇авз бзгкамаано’’д̇и. сзсам̣ буб̣б̣асад̣̇исамзваад̇и взд̣̇ид̇аб̣б̣ам̣. нид̣̇д̣̇зсз вад̇д̇аб̣б̣ам̣ над̇т̇и (су. ни. адта. 1.37; аба. адта. 1.1.93-94).

    Etaṃ bhayanti etaṃ atthahāpanabhayaṃ, attano samāpattihāniṃ sandhāya bhaṇati. Santhaveti tividho santhavo taṇhādiṭṭhimittasanthavavasena. Tattha aṭṭhasatappabhedāpi taṇhā taṇhāsanthavo, dvāsaṭṭhippabhedāpi diṭṭhi diṭṭhisanthavo, paṭibaddhacittatāya mittānukampanā mittasanthavo. So idha adhippeto . Tena hissa samāpatti parihīnā. Tenāha – ‘‘etaṃ bhayaṃ santhave pekkhamāno’’ti. Sesaṃ pubbasadisamevāti veditabbaṃ. Niddese vattabbaṃ natthi (su. ni. aṭṭha. 1.37; apa. aṭṭha. 1.1.93-94).

    д̇ад̇ияаг̇аат̇аанид̣̇д̣̇зсаван̣н̣анаа.

    Tatiyagāthāniddesavaṇṇanā.

    124. жад̇уд̇т̇з вам̣сод̇и взл̣у. висаалод̇и вид̇т̇ин̣н̣о. ва-гааро авад̇хааран̣ад̇т̇о, звагааро ваа аяам̣. санд̇хивасзнзд̇т̇а з-гааро надто. д̇асса барабад̣̇зна самб̣анд̇хо, д̇ам̣ бажчаа яож̇зссаама. яат̇аад̇и бадибхааг̇з. висад̇д̇од̇и лаг̇г̇о ж̇адид̇о сам̣сиб̣б̣ид̇о. буд̇д̇зсу д̣̇аарзсу жаад̇и буд̇д̇ад̇хийд̇убхарияаасу. яаа абзгкаад̇и яаа д̇ан̣хаа яо снзхо . вам̣саггал̣ийрова асаж̇ж̇амаанод̇и вам̣сагал̣ийро вияа алаг̇г̇амаано. гим̣ вуд̇д̇ам̣ ход̇и? яат̇аа вам̣со висаало висад̇д̇о зва ход̇и, буд̇д̇зсу жа д̣̇аарзсу жа яаа абзгкаа, сааби звам̣ д̇аани вад̇т̇ууни сам̣сиб̣б̣ид̇ваа тид̇ад̇д̇аа висад̇д̇аа зва. сваахам̣ д̇ааяа абзгкааяа абзгкаваа висаало вам̣со вияа висад̇д̇од̇и звам̣ абзгкааяа аад̣̇ийнавам̣ д̣̇исваа д̇ам̣ абзгкам̣ маг̇г̇ан̃аан̣зна чинд̣̇анд̇о аяам̣ вам̣сагал̣ийрова руубаад̣̇ийсу ваа д̣̇идтаад̣̇ийсу ваа лаабхаад̣̇ийсу ваа гаамабхаваад̣̇ийсу ваа д̇ан̣хаамаанад̣̇идтивасзна асаж̇ж̇амаано бажжзгасамб̣од̇хим̣ ад̇хиг̇ад̇од̇и. сзсам̣ буриманаязнзва взд̣̇ид̇аб̣б̣ам̣. имааяаби нид̣̇д̣̇зсз ад̇ирзгам̣ над̇т̇и (су. ни. адта. 1.38).

    124. Catutthe vaṃsoti veḷu. Visāloti vitthiṇṇo. Va-kāro avadhāraṇattho, evakāro vā ayaṃ. Sandhivasenettha e-kāro naṭṭho. Tassa parapadena sambandho, taṃ pacchā yojessāma. Yathāti paṭibhāge. Visattoti laggo jaṭito saṃsibbito. Puttesu dāresu cāti puttadhītubhariyāsu. Yā apekkhāti yā taṇhā yo sneho . Vaṃsakkaḷīrova asajjamānoti vaṃsakaḷīro viya alaggamāno. Kiṃ vuttaṃ hoti? Yathā vaṃso visālo visatto eva hoti, puttesu ca dāresu ca yā apekkhā, sāpi evaṃ tāni vatthūni saṃsibbitvā ṭhitattā visattā eva. Svāhaṃ tāya apekkhāya apekkhavā visālo vaṃso viya visattoti evaṃ apekkhāya ādīnavaṃ disvā taṃ apekkhaṃ maggañāṇena chindanto ayaṃ vaṃsakaḷīrova rūpādīsu vā diṭṭhādīsu vā lābhādīsu vā kāmabhavādīsu vā taṇhāmānadiṭṭhivasena asajjamāno paccekasambodhiṃ adhigatoti. Sesaṃ purimanayeneva veditabbaṃ. Imāyapi niddese atirekaṃ natthi (su. ni. aṭṭha. 1.38).

    жад̇уд̇т̇аг̇аат̇аанид̣̇д̣̇зсаван̣н̣анаа.

    Catutthagāthāniddesavaṇṇanā.

    125. бан̃жамз миг̇од̇и саб̣б̣зсам̣ ааран̃н̃игажад̇уббад̣̇аанам̣ зва зд̇ам̣ ад̇хиважанам̣. ид̇ха бана басад̣̇амиг̇о ад̇хиббзд̇о. аран̃н̃амхийд̇и г̇ааман̃жа г̇аамуубажааран̃жа табзд̇ваа авасзсам̣ аран̃н̃ам̣, ид̇ха бана уяяаанам̣ ад̇хиббзд̇ам̣, д̇асмаа ‘‘уяяаанамхий’’д̇и вуд̇д̇ам̣ ход̇и. яат̇аад̇и бадибхааг̇з. аб̣ад̣̇д̇ход̇и раж̇ж̇уб̣анд̇ханаад̣̇ийсу язна гзнажи аб̣ад̣̇д̇хо. зд̇зна виссадтажарияам̣ д̣̇ийбзд̇и. язнижчагам̣ г̇ажчад̇и г̇ожарааяаад̇и язна д̣̇исаабхааг̇зна г̇анд̇ум̣ ижчад̇и, д̇зна г̇ожарад̇т̇ам̣ г̇ажчад̇и. д̇асмаа д̇ад̇т̇а яад̇д̇агам̣ ижчад̇и г̇анд̇ум̣, д̇ад̇д̇агам̣ г̇ажчад̇и. яам̣ ижчад̇и каад̣̇ид̇ум̣, д̇ам̣ каад̣̇ад̇ийд̇и д̣̇ийбзд̇и. вин̃н̃уу народ̇и бан̣д̣ид̇абурисо. сзрид̇анд̇и сажчанд̣̇авуд̇д̇ид̇ам̣ абарааяад̇д̇абхаавам̣. бзгкамаанод̇и бан̃н̃аажагкунаа ологаяамаано. ат̇а ваа д̇хаммасзрид̇ам̣ буг̇г̇аласзрид̇ан̃жа. логуд̇д̇арад̇хаммаа хи гилзсавасам̣ аг̇аманад̇о сзрино д̇зхи саманнааг̇ад̇аа буг̇г̇алаа жа, д̇зсам̣ бхааванид̣̇д̣̇зсо сзрид̇ам̣ бзгкамаанод̇и. гим̣ вуд̇д̇ам̣ ход̇и? миг̇о аран̃н̃амхи яат̇аа аб̣ад̣̇д̇хо, язнижчагам̣ г̇ажчад̇и г̇ожарааяа. гад̣̇аа ну ко ахамби д̇ан̣хааб̣анд̇ханам̣ чинд̣̇ид̇ваа звам̣ г̇ажчзяяанд̇и ид̇и мз д̇умхзхи ид̇о жид̇о жа бариваарзд̇ваа тид̇зхи б̣ад̣̇д̇хасса язнижчагам̣ г̇анд̇ум̣ алабханд̇асса д̇асмим̣ язнижчагаг̇аманаабхаавз аад̣̇ийнавам̣ язнижчагаг̇аманз аанисам̣сам̣ д̣̇исваа ануггамзна самат̇авибассанаабаарибуурим̣ аг̇амим̣. д̇ад̇о бажжзгаб̣од̇хим̣ ад̇хиг̇ад̇омхи. д̇асмаа ан̃н̃оби вин̃н̃уу наро сзрид̇ам̣ бзгкамаано, зго жарз каг̇г̇ависаан̣агаббод̇и (су. ни. адта. 1.39 аад̣̇аяо).

    125. Pañcame migoti sabbesaṃ āraññikacatuppadānaṃ eva etaṃ adhivacanaṃ. Idha pana pasadamigo adhippeto. Araññamhīti gāmañca gāmūpacārañca ṭhapetvā avasesaṃ araññaṃ, idha pana uyyānaṃ adhippetaṃ, tasmā ‘‘uyyānamhī’’ti vuttaṃ hoti. Yathāti paṭibhāge. Abaddhoti rajjubandhanādīsu yena kenaci abaddho. Etena vissaṭṭhacariyaṃ dīpeti. Yenicchakaṃ gacchati gocarāyāti yena disābhāgena gantuṃ icchati, tena gocaratthaṃ gacchati. Tasmā tattha yattakaṃ icchati gantuṃ, tattakaṃ gacchati. Yaṃ icchati khādituṃ, taṃ khādatīti dīpeti. Viññū naroti paṇḍitapuriso. Seritanti sacchandavuttitaṃ aparāyattabhāvaṃ. Pekkhamānoti paññācakkhunā olokayamāno. Atha vā dhammaseritaṃ puggalaseritañca. Lokuttaradhammā hi kilesavasaṃ agamanato serino tehi samannāgatā puggalā ca, tesaṃ bhāvaniddeso seritaṃ pekkhamānoti. Kiṃ vuttaṃ hoti? Migo araññamhi yathā abaddho, yenicchakaṃ gacchati gocarāya. Kadā nu kho ahampi taṇhābandhanaṃ chinditvā evaṃ gaccheyyanti iti me tumhehi ito cito ca parivāretvā ṭhitehi baddhassa yenicchakaṃ gantuṃ alabhantassa tasmiṃ yenicchakagamanābhāve ādīnavaṃ yenicchakagamane ānisaṃsaṃ disvā anukkamena samathavipassanāpāripūriṃ agamiṃ. Tato paccekabodhiṃ adhigatomhi. Tasmā aññopi viññū naro seritaṃ pekkhamāno, eko care khaggavisāṇakappoti (su. ni. aṭṭha. 1.39 ādayo).

    бан̃жамаг̇аат̇аанид̣̇д̣̇зсаван̣н̣анаа.

    Pañcamagāthāniddesavaṇṇanā.

    126. чадтз аяам̣ бин̣д̣ад̇т̇о – сахааяамаж̇жхз тид̇асса д̣̇иваасзяяасан̇каад̇з ваасз жа махааубадтаанасан̇каад̇з таанз жа уяяаанаг̇аманасан̇каад̇з г̇аманз жа ж̇анабад̣̇ажааригасан̇каад̇ааяа жааригааяа жа ‘‘ид̣̇ам̣ мз сун̣а, ид̣̇ам̣ мз д̣̇зхий’’д̇иаад̣̇инаа наязна д̇ат̇аа д̇ат̇аа ааманд̇анаа ход̇и, д̇асмаа ахам̣ д̇ад̇т̇а д̇ад̇т̇а ниб̣б̣иж̇ж̇ид̇ваа яааяам̣ арияаж̇анасзвид̇аа анзгаанисам̣саа зганд̇асукаа, звам̣ санд̇зби лобхаабхибхууд̇зхи саб̣б̣агаабурисзхи анабхиж̇жхид̇аа абад̇т̇ид̇аа баб̣б̣аж̇ж̇аа, д̇ам̣ анабхиж̇жхид̇ам̣ барзсам̣ авасавад̇д̇анзна бхаб̣б̣абуг̇г̇алавасзнзва жа сзрид̇ам̣ бзгкамаано вибассанам̣ аарабхид̇ваа ануггамзна бажжзгасамб̣од̇хим̣ ад̇хиг̇ад̇од̇и. сзсам̣ вуд̇д̇анаяамзва (су. ни. адта. 1.39-42).

    126. Chaṭṭhe ayaṃ piṇḍattho – sahāyamajjhe ṭhitassa divāseyyasaṅkhāte vāse ca mahāupaṭṭhānasaṅkhāte ṭhāne ca uyyānagamanasaṅkhāte gamane ca janapadacārikasaṅkhātāya cārikāya ca ‘‘idaṃ me suṇa, idaṃ me dehī’’tiādinā nayena tathā tathā āmantanā hoti, tasmā ahaṃ tattha tattha nibbijjitvā yāyaṃ ariyajanasevitā anekānisaṃsā ekantasukhā, evaṃ santepi lobhābhibhūtehi sabbakāpurisehi anabhijjhitā apatthitā pabbajjā, taṃ anabhijjhitaṃ paresaṃ avasavattanena bhabbapuggalavaseneva ca seritaṃ pekkhamāno vipassanaṃ ārabhitvā anukkamena paccekasambodhiṃ adhigatoti. Sesaṃ vuttanayameva (su. ni. aṭṭha. 1.39-42).

    чадтаг̇аат̇аанид̣̇д̣̇зсаван̣н̣анаа.

    Chaṭṭhagāthāniddesavaṇṇanā.

    127. сад̇д̇амз кид̣д̣аад̇и гийл̣анаа. саа д̣̇увид̇хаа ход̇и гааяигаа жа ваажасигаа жа. д̇ад̇т̇а гааяигаа наама хад̇т̇ийхиби гийл̣анд̇и, ассзхиби рат̇зхиби д̇хануухиби т̇аруухибийд̇и звамаад̣̇и. ваажасигаа наама г̇ийд̇ам̣ силогабхан̣анам̣ мукабхзриганд̇и звамаад̣̇и. рад̇ийд̇и бан̃жагаамаг̇ун̣арад̇и. вибуланд̇и яаава адтимин̃ж̇ам̣ аахажжа таанзна сагалад̇д̇абхааваб̣яаабагам̣. сзсам̣ баагадамзва. анусанд̇хияож̇анааби жзд̇т̇а сам̣саг̇г̇аг̇аат̇ааяа вуд̇д̇анаязнзва взд̣̇ид̇аб̣б̣аа (су. ни. адта. 1.41).

    127. Sattame khiḍḍāti kīḷanā. Sā duvidhā hoti kāyikā ca vācasikā ca. Tattha kāyikā nāma hatthīhipi kīḷanti, assehipi rathehipi dhanūhipi tharūhipīti evamādi. Vācasikā nāma gītaṃ silokabhaṇanaṃ mukhabherikanti evamādi. Ratīti pañcakāmaguṇarati. Vipulanti yāva aṭṭhimiñjaṃ āhacca ṭhānena sakalattabhāvabyāpakaṃ. Sesaṃ pākaṭameva. Anusandhiyojanāpi cettha saṃsaggagāthāya vuttanayeneva veditabbā (su. ni. aṭṭha. 1.41).

    сад̇д̇амаг̇аат̇аанид̣̇д̣̇зсаван̣н̣анаа.

    Sattamagāthāniddesavaṇṇanā.

    128. адтамз жаад̇уд̣̇д̣̇исод̇и жад̇уусу д̣̇исаасу яат̇аасукавихаарий, ‘‘згам̣ д̣̇исам̣ парид̇ваа вихарад̇ий’’д̇иаад̣̇инаа (д̣̇ий. ни. 1.556; 3.308; а. ни. 4.125; вибха. 643; жуул̣ани. каг̇г̇ависаан̣асуд̇д̇анид̣̇д̣̇зса 128) ваа наязна б̣рахмавихаарабхааванаапарид̇аа жад̇ассо д̣̇исаа асса санд̇ийд̇иби жаад̇уд̣̇д̣̇исо. д̇аасу д̣̇исаасу гад̇т̇ажи сад̇д̇з ваа сан̇каарз ваа бхаязна на бадихан̃н̃ад̇ийд̇и аббадигхо. санд̇уссамаанод̇и д̣̇ваад̣̇асавид̇хасса санд̇осасса васзна санд̇уссаго. ид̇арийд̇арзнаад̇и ужжааважзна бажжаязна. бариссаяаанам̣ сахид̇аа ачамбхийд̇и зд̇т̇а бариссаяанд̇и гааяажид̇д̇аани, барихаабзнд̇и ваа д̇зсам̣ самбад̇д̇им̣, д̇аани ваа бадижжа саяанд̇ийд̇и бариссаяаа, б̣аахираанам̣ сийхаб̣яаг̇гхаад̣̇ийнам̣ аб̣бханд̇араанан̃жа гаамажчанд̣̇аад̣̇ийнам̣ гааяажид̇д̇убад̣̇д̣̇аваанам̣ зд̇ам̣ ад̇хиважанам̣. д̇з бариссаяз ад̇хиваасанаканд̇ияаа жа вийрияаад̣̇ийхи жа д̇хаммзхи сахад̇ийд̇и бариссаяаанам̣ сахид̇аа. т̇ад̣̇д̇хабхаавагарабхаяаабхаавзна ачамбхий. гим̣ вуд̇д̇ам̣ ход̇и? яат̇аа д̇з жад̇д̇ааро саман̣аа, звам̣ ид̇арийд̇арзна бажжаязна санд̇уссамаано зд̇т̇а бадибад̇д̇ибад̣̇адтаанз санд̇осз тид̇о жад̇уусу д̣̇исаасу мзд̇д̇аад̣̇ибхааванааяа жаад̇уд̣̇д̣̇исо, сад̇д̇асан̇каарзсу бадихананагарабхаяаабхаавзна аббадигхо жа ход̇и. со жаад̇уд̣̇д̣̇исад̇д̇аа вуд̇д̇аббагаараанам̣ бариссаяаанам̣ сахид̇аа, аббадигхад̇д̇аа ачамбхий жа ход̇ийд̇и зд̇ам̣ бадибад̇д̇иг̇ун̣ам̣ д̣̇исваа яонисо бадибаж̇ж̇ид̇ваа бажжзгасамб̣од̇хим̣ ад̇хиг̇ад̇омхийд̇и.

    128. Aṭṭhame cātuddisoti catūsu disāsu yathāsukhavihārī, ‘‘ekaṃ disaṃ pharitvā viharatī’’tiādinā (dī. ni. 1.556; 3.308; a. ni. 4.125; vibha. 643; cūḷani. khaggavisāṇasuttaniddesa 128) vā nayena brahmavihārabhāvanāpharitā catasso disā assa santītipi cātuddiso. Tāsu disāsu katthaci satte vā saṅkhāre vā bhayena na paṭihaññatīti appaṭigho. Santussamānoti dvādasavidhassa santosassa vasena santussako. Itarītarenāti uccāvacena paccayena. Parissayānaṃ sahitā achambhīti ettha parissayanti kāyacittāni, parihāpenti vā tesaṃ sampattiṃ, tāni vā paṭicca sayantīti parissayā, bāhirānaṃ sīhabyagghādīnaṃ abbhantarānañca kāmacchandādīnaṃ kāyacittupaddavānaṃ etaṃ adhivacanaṃ. Te parissaye adhivāsanakhantiyā ca vīriyādīhi ca dhammehi sahatīti parissayānaṃ sahitā. Thaddhabhāvakarabhayābhāvena achambhī. Kiṃ vuttaṃ hoti? Yathā te cattāro samaṇā, evaṃ itarītarena paccayena santussamāno ettha paṭipattipadaṭṭhāne santose ṭhito catūsu disāsu mettādibhāvanāya cātuddiso, sattasaṅkhāresu paṭihananakarabhayābhāvena appaṭigho ca hoti. So cātuddisattā vuttappakārānaṃ parissayānaṃ sahitā, appaṭighattā achambhī ca hotīti etaṃ paṭipattiguṇaṃ disvā yoniso paṭipajjitvā paccekasambodhiṃ adhigatomhīti.

    ат̇а ваа д̇з саман̣аа вияа санд̇уссамаано ид̇арийд̇арзна вуд̇д̇анаязнзва жаад̇уд̣̇д̣̇исо ход̇ийд̇и н̃ад̇ваа звам̣ жаад̇уд̣̇д̣̇исабхаавам̣ бад̇т̇аяанд̇о яонисо бадибаж̇ж̇ид̇ваа ад̇хиг̇ад̇омхи. д̇асмаа ан̃н̃оби ийд̣̇исам̣ таанам̣ бад̇т̇аяамаано жаад̇уд̣̇д̣̇исад̇ааяа бариссаяаанам̣ сахид̇аа аббадигхад̇ааяа жа ачамбхий худ̇ваа зго жарз каг̇г̇ависаан̣агаббод̇и (су. ни. адта. 1.42).

    Atha vā te samaṇā viya santussamāno itarītarena vuttanayeneva cātuddiso hotīti ñatvā evaṃ cātuddisabhāvaṃ patthayanto yoniso paṭipajjitvā adhigatomhi. Tasmā aññopi īdisaṃ ṭhānaṃ patthayamāno cātuddisatāya parissayānaṃ sahitā appaṭighatāya ca achambhī hutvā eko care khaggavisāṇakappoti (su. ni. aṭṭha. 1.42).

    нид̣̇д̣̇зсз мзд̇д̇аад̇и ад̇т̇ад̇о д̇аава миж̇ж̇ад̇ийд̇и мзд̇д̇аа, синзхад̇ийд̇и ад̇т̇о. мид̇д̇з ваа бхаваа, мид̇д̇асса ваа зсаа бавад̇д̇ийд̇иби мзд̇д̇аа. мзд̇д̇аасахаг̇ад̇знаад̇и мзд̇д̇ааяа саманнааг̇ад̇зна. жзд̇асаад̇и жид̇д̇зна. згам̣ д̣̇исанд̇и згиссаа д̣̇исааяа батамабариг̇г̇ахид̇ам̣ сад̇д̇ам̣ убаад̣̇ааяа згам̣ д̣̇исам̣ барияаабаннасад̇д̇апаран̣авасзна вуд̇д̇ам̣. парид̇ваад̇и пусид̇ваа аарамман̣ам̣ гад̇ваа. вихарад̇ийд̇и б̣рахмавихаараад̇хидтид̇ам̣ ирияаабат̇авихаарам̣ бавад̇д̇зд̇и. д̇ат̇аа д̣̇уд̇ияанд̇и яат̇аа бурад̇т̇имаад̣̇ийсу д̣̇исаасу яам̣ гин̃жи згам̣ д̣̇исам̣ парид̇ваа вихарад̇и, д̇ат̇зва д̇ад̣̇ананд̇арам̣ д̣̇уд̇ияам̣ д̇ад̇ияам̣ жад̇уд̇т̇ан̃жаад̇и ад̇т̇о.

    Niddese mettāti atthato tāva mijjatīti mettā, sinehatīti attho. Mitte vā bhavā, mittassa vā esā pavattītipi mettā. Mettāsahagatenāti mettāya samannāgatena. Cetasāti cittena. Ekaṃ disanti ekissā disāya paṭhamapariggahitaṃ sattaṃ upādāya ekaṃ disaṃ pariyāpannasattapharaṇavasena vuttaṃ. Pharitvāti phusitvā ārammaṇaṃ katvā. Viharatīti brahmavihārādhiṭṭhitaṃ iriyāpathavihāraṃ pavatteti. Tathā dutiyanti yathā puratthimādīsu disāsu yaṃ kiñci ekaṃ disaṃ pharitvā viharati, tatheva tadanantaraṃ dutiyaṃ tatiyaṃ catutthañcāti attho.

    ид̇и уд̣̇д̇ханд̇и зд̇знзва жа наязна убаримам̣ д̣̇исанд̇и вуд̇д̇ам̣ ход̇и. ад̇хо д̇ирияанд̇и ад̇ход̣̇исамби д̇ирияам̣ д̣̇исамби звамзва. д̇ад̇т̇а жа ад̇ход̇и хздтаа. д̇ирияанд̇и ануд̣̇исаа. звам̣ саб̣б̣ад̣̇исаасу ассаман̣д̣алз ассамива мзд̇д̇аасахаг̇ад̇ам̣ жид̇д̇ам̣ саарзд̇иби бажжаасаарзд̇ибийд̇и. зд̇д̇аавад̇аа згамзгам̣ д̣̇исам̣ бариг̇г̇ахзд̇ваа од̇хисо мзд̇д̇аапаран̣ам̣ д̣̇ассид̇ам̣. саб̣б̣ад̇хийд̇иаад̣̇и бана анод̇хисо д̣̇ассанад̇т̇ам̣ вуд̇д̇ам̣. д̇ад̇т̇а саб̣б̣ад̇хийд̇и саб̣б̣ад̇т̇а. саб̣б̣ад̇д̇ад̇ааяаад̇и саб̣б̣зсу хийнамаж̇жхимауггадтамид̇д̇асабад̇д̇амаж̇жхад̇д̇ааниббабхзд̣̇зсу ад̇д̇ад̇ааяа, ‘‘аяам̣ барасад̇д̇о’’д̇и вибхааг̇ам̣ агад̇ваа ад̇д̇асамад̇ааяаад̇и вуд̇д̇ам̣ ход̇и.

    Iti uddhanti eteneva ca nayena uparimaṃ disanti vuttaṃ hoti. Adho tiriyanti adhodisampi tiriyaṃ disampi evameva. Tattha ca adhoti heṭṭhā. Tiriyanti anudisā. Evaṃ sabbadisāsu assamaṇḍale assamiva mettāsahagataṃ cittaṃ sāretipi paccāsāretipīti. Ettāvatā ekamekaṃ disaṃ pariggahetvā odhiso mettāpharaṇaṃ dassitaṃ. Sabbadhītiādi pana anodhiso dassanatthaṃ vuttaṃ. Tattha sabbadhīti sabbattha. Sabbattatāyāti sabbesu hīnamajjhimaukkaṭṭhamittasapattamajjhattānippabhedesu attatāya, ‘‘ayaṃ parasatto’’ti vibhāgaṃ akatvā attasamatāyāti vuttaṃ hoti.

    ат̇а ваа саб̣б̣ад̇д̇ад̇ааяаад̇и саб̣б̣зна жид̇д̇абхаавзна, ийсагамби б̣ахи авигкибамаанод̇и вуд̇д̇ам̣ ход̇и. саб̣б̣ааванд̇анд̇и саб̣б̣асад̇д̇аванд̇ам̣, саб̣б̣асад̇д̇аяуд̇д̇анд̇и ад̇т̇о. логанд̇и сад̇д̇алогам̣. вибулзнаад̇и звамаад̣̇ибарияааяад̣̇ассанад̇о банзд̇т̇а буна ‘‘мзд̇д̇аасахаг̇ад̇знаа’’д̇и вуд̇д̇ам̣. яасмаа ваа зд̇т̇а од̇хисо паран̣з вияа буна д̇ат̇аа-сад̣̇д̣̇о ид̇и-сад̣̇д̣̇о ваа на вуд̇д̇о, д̇асмаа буна ‘‘мзд̇д̇аасахаг̇ад̇зна жзд̇асаа’’д̇и вуд̇д̇ам̣. ниг̇аманавасзна ваа зд̇ам̣ вуд̇д̇ам̣. вибулзнаад̇и зд̇т̇а жа паран̣авасзна вибулад̇аа д̣̇адтаб̣б̣аа. бхуумивасзна бана д̇ам̣ махаг̇г̇ад̇ам̣. баг̇ун̣авасзна аббамаан̣асад̇д̇аарамман̣авасзна жа аббамаан̣ам̣. б̣яаабаад̣̇абажжад̇т̇игаббахаанзна авзрам̣. д̣̇оманассаббахаанзна аб̣яаабаж̇ж̇ам̣. нид̣̇д̣̇угканд̇и вуд̇д̇ам̣ ход̇и (висуд̣̇д̇хи. 1.254). гарун̣аа хздтаа вуд̇д̇ад̇т̇ааязва. мод̣̇анд̇и д̇ааяа д̇ам̣саман̇г̇ино, саяам̣ ваа мод̣̇ад̇и, мод̣̇анамад̇д̇амзва ваа саад̇и муд̣̇ид̇аа. ‘‘авзраа хонд̇уу’’д̇иаад̣̇иб̣яаабаад̣̇аббахаанзна маж̇жхад̇д̇абхаавуубаг̇аманзна жа убзгкад̇ийд̇и убзгкаа.

    Atha vā sabbattatāyāti sabbena cittabhāvena, īsakampi bahi avikkhipamānoti vuttaṃ hoti. Sabbāvantanti sabbasattavantaṃ, sabbasattayuttanti attho. Lokanti sattalokaṃ. Vipulenāti evamādipariyāyadassanato panettha puna ‘‘mettāsahagatenā’’ti vuttaṃ. Yasmā vā ettha odhiso pharaṇe viya puna tathā-saddo iti-saddo vā na vutto, tasmā puna ‘‘mettāsahagatena cetasā’’ti vuttaṃ. Nigamanavasena vā etaṃ vuttaṃ. Vipulenāti ettha ca pharaṇavasena vipulatā daṭṭhabbā. Bhūmivasena pana taṃ mahaggataṃ. Paguṇavasena appamāṇasattārammaṇavasena ca appamāṇaṃ. Byāpādapaccatthikappahānena averaṃ. Domanassappahānena abyāpajjaṃ. Niddukkhanti vuttaṃ hoti (visuddhi. 1.254). Karuṇā heṭṭhā vuttatthāyeva. Modanti tāya taṃsamaṅgino, sayaṃ vā modati, modanamattameva vā sāti muditā. ‘‘Averā hontū’’tiādibyāpādappahānena majjhattabhāvūpagamanena ca upekkhatīti upekkhā.

    лагкан̣аад̣̇ид̇о банзд̇т̇а хид̇аагаараббавад̇д̇илагкан̣аа мзд̇д̇аа, хид̇уубасам̣хаарарасаа , аагхаад̇авинаяабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. б̣яаабаад̣̇уубасамо зд̇иссаа самбад̇д̇и, синзхасамбхаво вибад̇д̇и. д̣̇угкаабанаяанаагаараббавад̇д̇илагкан̣аа гарун̣аа, барад̣̇угкаасаханарасаа, авихим̣саабажжубадтаанаа, д̣̇угкаабхибхууд̇аанам̣ анаат̇абхаавад̣̇ассанабад̣̇адтаанаа. вихим̣суубасамо д̇ассаа самбад̇д̇и, согасамбхаво вибад̇д̇и. бамод̣̇алагкан̣аа муд̣̇ид̇аа, аниссааяанарасаа, арад̇ивигхаад̇абажжубадтаанаа, сад̇д̇аанам̣ самбад̇д̇ид̣̇ассанабад̣̇адтаанаа. арад̇ивуубасамо д̇ассаа самбад̇д̇и, бахаанасамбхаво вибад̇д̇и. сад̇д̇зсу маж̇жхад̇д̇аагаараббавад̇д̇илагкан̣аа убзгкаа, сад̇д̇зсу самабхаавад̣̇ассанарасаа, бадигхаанунаяавуубасамабажжубадтаанаа , ‘‘гаммассагаа сад̇д̇аа, д̇з гасса ружияаа сукид̇аа ваа бхависсанд̇и, д̣̇угкад̇о ваа мужжиссанд̇и, бад̇д̇асамбад̇д̇ид̇о ваа на барихааяиссанд̇ий’’д̇и звам̣ бавад̇д̇агаммассагад̇аад̣̇ассанабад̣̇адтаанаа. бадигхаанунаяавуубасамо д̇ассаа самбад̇д̇и, г̇зхассид̇ааяа ан̃н̃аан̣убзгкааяа самбхаво вибад̇д̇и.

    Lakkhaṇādito panettha hitākārappavattilakkhaṇā mettā, hitūpasaṃhārarasā , āghātavinayapaccupaṭṭhānā, sattānaṃ manāpabhāvadassanapadaṭṭhānā. Byāpādūpasamo etissā sampatti, sinehasambhavo vipatti. Dukkhāpanayanākārappavattilakkhaṇā karuṇā, paradukkhāsahanarasā, avihiṃsāpaccupaṭṭhānā, dukkhābhibhūtānaṃ anāthabhāvadassanapadaṭṭhānā. Vihiṃsūpasamo tassā sampatti, sokasambhavo vipatti. Pamodalakkhaṇā muditā, anissāyanarasā, arativighātapaccupaṭṭhānā, sattānaṃ sampattidassanapadaṭṭhānā. Arativūpasamo tassā sampatti, pahānasambhavo vipatti. Sattesu majjhattākārappavattilakkhaṇā upekkhā, sattesu samabhāvadassanarasā, paṭighānunayavūpasamapaccupaṭṭhānā , ‘‘kammassakā sattā, te kassa ruciyā sukhitā vā bhavissanti, dukkhato vā muccissanti, pattasampattito vā na parihāyissantī’’ti evaṃ pavattakammassakatādassanapadaṭṭhānā. Paṭighānunayavūpasamo tassā sampatti, gehassitāya aññāṇupekkhāya sambhavo vipatti.

    д̇ад̇т̇а санд̇удто ход̇ийд̇и бажжаяасанд̇осавасзна санд̇удто ход̇и. ид̇арийд̇арзна жийварзнаад̇и на т̇ууласукумалуукабан̣ийд̇ат̇ираж̇ин̣н̣аанам̣ язна гзнажи жийварзна, ат̇а ко яат̇аалад̣̇д̇хаанам̣ ид̇арийд̇арзна язна гзнажи санд̇удто ход̇ийд̇и ад̇т̇о. жийварасмин̃хи д̇аяо санд̇осаа – яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осод̇и. бин̣д̣абаад̇аад̣̇ийсуби зсзва наяо. ид̇и имз д̇аяо санд̇осз санд̇хааяа ‘‘санд̇удто ход̇и ид̇арийд̇арзна жийварзна. яат̇аалад̣̇д̇хаад̣̇ийсу язна гзнажи жийварзна санд̇удто ход̇ий’’д̇и вуд̇д̇ам̣.

    Tattha santuṭṭho hotīti paccayasantosavasena santuṭṭho hoti. Itarītarena cīvarenāti na thūlasukhumalūkhapaṇītathirajiṇṇānaṃ yena kenaci cīvarena, atha kho yathāladdhānaṃ itarītarena yena kenaci santuṭṭho hotīti attho. Cīvarasmiñhi tayo santosā – yathālābhasantoso, yathābalasantoso, yathāsāruppasantosoti. Piṇḍapātādīsupi eseva nayo. Iti ime tayo santose sandhāya ‘‘santuṭṭho hoti itarītarena cīvarena. Yathāladdhādīsu yena kenaci cīvarena santuṭṭho hotī’’ti vuttaṃ.

    зд̇т̇а жа жийварам̣ ж̇аанид̇аб̣б̣ам̣, жийваракзд̇д̇ам̣ ж̇аанид̇аб̣б̣ам̣, бам̣сугуулам̣ ж̇аанид̇аб̣б̣ам̣, жийварасанд̇осо ж̇аанид̇аб̣б̣о, жийварабадисам̣яуд̇д̇аани д̇худ̇ан̇г̇аани ж̇аанид̇аб̣б̣аани. д̇ад̇т̇а жийварам̣ ж̇аанид̇аб̣б̣анд̇и комаад̣̇ийни ча жийвараани д̣̇угуулаад̣̇ийни ча ануломажийварааниби ж̇аанид̇аб̣б̣аани. имаани д̣̇ваад̣̇аса габбияажийвараани. гусажийрам̣ ваагажийрам̣ палагажийрам̣ гзсагамб̣алам̣ ваал̣агамб̣алам̣ бод̇т̇аго жаммам̣ улуугабагкам̣ ругкад̣̇уссам̣ лад̇аад̣̇уссам̣ зрагад̣̇уссам̣ гад̣̇алид̣̇уссам̣ взл̣уд̣̇уссанд̇и звамаад̣̇ийни бана агаббияажийвараани.

    Ettha ca cīvaraṃ jānitabbaṃ, cīvarakhettaṃ jānitabbaṃ, paṃsukūlaṃ jānitabbaṃ, cīvarasantoso jānitabbo, cīvarapaṭisaṃyuttāni dhutaṅgāni jānitabbāni. Tattha cīvaraṃ jānitabbanti khomādīni cha cīvarāni dukūlādīni cha anulomacīvarānipi jānitabbāni. Imāni dvādasa kappiyacīvarāni. Kusacīraṃ vākacīraṃ phalakacīraṃ kesakambalaṃ vāḷakambalaṃ potthako cammaṃ ulūkapakkhaṃ rukkhadussaṃ latādussaṃ erakadussaṃ kadalidussaṃ veḷudussanti evamādīni pana akappiyacīvarāni.

    жийваракзд̇д̇анд̇и ‘‘сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа ад̇д̇ано ваа д̇ханзна бам̣сугуулам̣ ваа’’д̇и звам̣ уббаж̇ж̇анад̇о ча кзд̇д̇аани, адтаннан̃жа маад̇игаанам̣ васзна адта кзд̇д̇аани ж̇аанид̇аб̣б̣аани.

    Cīvarakhettanti ‘‘saṅghato vā gaṇato vā ñātito vā mittato vā attano vā dhanena paṃsukūlaṃ vā’’ti evaṃ uppajjanato cha khettāni, aṭṭhannañca mātikānaṃ vasena aṭṭha khettāni jānitabbāni.

    бам̣сугууланд̇и сосаанигам̣ баабан̣игам̣ рат̇ияам̣ сан̇гаарагуудам̣ сод̇т̇ияам̣ синаанам̣ д̇ид̇т̇ам̣ г̇ад̇абажжааг̇ад̇ам̣ аг̇г̇ид̣ад̣дхам̣ г̇окааяид̇ам̣ убажигаакааяид̇ам̣ унд̣̇ууракааяид̇ам̣ анд̇ажчиннам̣ д̣̇асажчиннам̣ д̇хаж̇аахадам̣ т̇уубам̣ саман̣ажийварам̣ саамуд̣̇д̣̇ияам̣ аабхисзгияам̣ бант̇игам̣ ваад̇аахадам̣ ид̣̇д̇химаяам̣ д̣̇звад̣̇ад̇д̇ияанд̇и д̇звийсад̇и бам̣сугуулаани взд̣̇ид̇аб̣б̣аани. зд̇т̇а жа сод̇т̇ияанд̇и г̇аб̣бхамалахаран̣ам̣. г̇ад̇абажжааг̇ад̇анд̇и мад̇агасарийрам̣ баарубид̇ваа сусаанам̣ нзд̇ваа аанийд̇ажийварам̣. д̇хаж̇аахаданд̇и д̇хаж̇ам̣ уссаабзд̇ваа д̇ад̇о аанийд̇ам̣. т̇уубанд̇и ваммигз бууж̇ид̇ажийварам̣. саамуд̣̇д̣̇ияанд̇и самуд̣̇д̣̇авийжийхи т̇алам̣ баабид̇ам̣. бант̇иганд̇и бант̇ам̣ г̇ажчанд̇зхи жорабхаязна баасаан̣зхи годдзд̇ваа бааруд̇ажийварам̣. ид̣̇д̇химаяанд̇и зхибхигкужийварам̣. сзсам̣ баагадамзва.

    Paṃsukūlanti sosānikaṃ pāpaṇikaṃ rathiyaṃ saṅkārakūṭaṃ sotthiyaṃ sinānaṃ titthaṃ gatapaccāgataṃ aggiḍaḍḍhaṃ gokhāyitaṃ upacikākhāyitaṃ undūrakhāyitaṃ antacchinnaṃ dasacchinnaṃ dhajāhaṭaṃ thūpaṃ samaṇacīvaraṃ sāmuddiyaṃ ābhisekiyaṃ panthikaṃ vātāhaṭaṃ iddhimayaṃ devadattiyanti tevīsati paṃsukūlāni veditabbāni. Ettha ca sotthiyanti gabbhamalaharaṇaṃ. Gatapaccāgatanti matakasarīraṃ pārupitvā susānaṃ netvā ānītacīvaraṃ. Dhajāhaṭanti dhajaṃ ussāpetvā tato ānītaṃ. Thūpanti vammike pūjitacīvaraṃ. Sāmuddiyanti samuddavīcīhi thalaṃ pāpitaṃ. Panthikanti panthaṃ gacchantehi corabhayena pāsāṇehi koṭṭetvā pārutacīvaraṃ. Iddhimayanti ehibhikkhucīvaraṃ. Sesaṃ pākaṭameva.

    жийварасанд̇осод̇и вийсад̇и жийварасанд̇осаа – жийварз вид̇аггасанд̇осо г̇аманасанд̇осо бариязсанасанд̇осо бадилаабхасанд̇осо мад̇д̇абадиг̇г̇ахан̣асанд̇осо лолуббавиваж̇ж̇анасанд̇осо яат̇аалаабхасанд̇осо яат̇ааб̣аласанд̇осо яат̇аасааруббасанд̇осо уд̣̇агасанд̇осо д̇хованасанд̇осо гаран̣асанд̇осо баримаан̣асанд̇осо суд̇д̇асанд̇осо сиб̣б̣анасанд̇осо раж̇анасанд̇осо габбасанд̇осо барибхог̇асанд̇осо саннид̇хибариваж̇ж̇анасанд̇осо виссаж̇ж̇анасанд̇осод̇и. д̇ад̇т̇а саад̣̇агабхигкуно д̇змаасам̣ ниб̣ад̣̇д̇хаваасам̣ васид̇ваа згамаасамад̇д̇ам̣ вид̇аггид̇ум̣ ваддад̇и. со хи баваарзд̇ваа жийварамаасз жийварам̣ гарод̇и. бам̣сугуулиго ад̣̇д̇хамаасзнзва гарод̇и. ид̣̇ам̣ маасад̣̇д̇хамаасамад̇д̇ам̣ вид̇агганам̣ вид̇аггасанд̇осо. жийварад̇т̇ааяа г̇ажчанд̇асса бана ‘‘гад̇т̇а лабхиссаамий’’д̇и ажинд̇зд̇ваа гаммадтаанасийсзнзва г̇аманам̣ г̇аманасанд̇осо наама. бариязсанд̇асса бана язна ваа д̇зна ваа сад̣̇д̇хим̣ абариязсид̇ваа лаж̇ж̇им̣ бзсалабхигкум̣ г̇ахзд̇ваа бариязсанам̣ бариязсанасанд̇осо наама. звам̣ бариязсанд̇асса аахарияамаанам̣ жийварам̣ д̣̇уурад̇ова д̣̇исваа ‘‘зд̇ам̣ манаабам̣ бхависсад̇и, зд̇ам̣ аманааба’’нд̇и звам̣ авид̇аггзд̇ваа т̇ууласукумаад̣̇ийсу яат̇аалад̣̇д̇хзнзва санд̇уссанам̣ бадилаабхасанд̇осо наама. звам̣ лад̣̇д̇хам̣ г̇ан̣ханд̇ассааби ‘‘зд̇д̇агам̣ д̣̇убаддасса бхависсад̇и, зд̇д̇агам̣ згабаддассаа’’д̇и ад̇д̇ано бахонагамад̇д̇знзва санд̇уссанам̣ мад̇д̇абадиг̇г̇ахан̣асанд̇осо наама. жийварам̣ бариязсанд̇асса бана ‘‘асугасса гхарад̣̇ваарз манаабам̣ лабхиссаамий’’д̇и ажинд̇зд̇ваа д̣̇ваарабадибаадияаа жаран̣ам̣ лолуббавиваж̇ж̇анасанд̇осо наама.

    Cīvarasantosoti vīsati cīvarasantosā – cīvare vitakkasantoso gamanasantoso pariyesanasantoso paṭilābhasantoso mattapaṭiggahaṇasantoso loluppavivajjanasantoso yathālābhasantoso yathābalasantoso yathāsāruppasantoso udakasantoso dhovanasantoso karaṇasantoso parimāṇasantoso suttasantoso sibbanasantoso rajanasantoso kappasantoso paribhogasantoso sannidhiparivajjanasantoso vissajjanasantosoti. Tattha sādakabhikkhuno temāsaṃ nibaddhavāsaṃ vasitvā ekamāsamattaṃ vitakkituṃ vaṭṭati. So hi pavāretvā cīvaramāse cīvaraṃ karoti. Paṃsukūliko addhamāseneva karoti. Idaṃ māsaddhamāsamattaṃ vitakkanaṃ vitakkasantoso. Cīvaratthāya gacchantassa pana ‘‘kattha labhissāmī’’ti acintetvā kammaṭṭhānasīseneva gamanaṃ gamanasantoso nāma. Pariyesantassa pana yena vā tena vā saddhiṃ apariyesitvā lajjiṃ pesalabhikkhuṃ gahetvā pariyesanaṃ pariyesanasantoso nāma. Evaṃ pariyesantassa āhariyamānaṃ cīvaraṃ dūratova disvā ‘‘etaṃ manāpaṃ bhavissati, etaṃ amanāpa’’nti evaṃ avitakketvā thūlasukhumādīsu yathāladdheneva santussanaṃ paṭilābhasantoso nāma. Evaṃ laddhaṃ gaṇhantassāpi ‘‘ettakaṃ dupaṭṭassa bhavissati, ettakaṃ ekapaṭṭassā’’ti attano pahonakamatteneva santussanaṃ mattapaṭiggahaṇasantoso nāma. Cīvaraṃ pariyesantassa pana ‘‘asukassa gharadvāre manāpaṃ labhissāmī’’ti acintetvā dvārapaṭipāṭiyā caraṇaṃ loluppavivajjanasantoso nāma.

    луукабан̣ийд̇зсу язна гзнажи яаабзд̇ум̣ саггонд̇асса яат̇аалад̣̇д̇хзнзва яаабанам̣ яат̇аалаабхасанд̇осо наама. ад̇д̇ано т̇аамам̣ ж̇аанид̇ваа язна яаабзд̇ум̣ саггод̇и, д̇зна яаабанам̣ яат̇ааб̣аласанд̇осо наама. манаабам̣ ан̃н̃асса д̣̇ад̇ваа ад̇д̇анаа язна гзнажи яаабанам̣ яат̇аасааруббасанд̇осо наама. ‘‘гад̇т̇а уд̣̇агам̣ манаабам̣, гад̇т̇а аманааба’’нд̇и авижаарзд̇ваа язна гзнажи д̇хованубаг̇зна уд̣̇агзна д̇хованам̣ уд̣̇агасанд̇осо наама. д̇ат̇аа бан̣д̣умад̇д̇игаг̇зругабууд̇ибан̣н̣арасагилидтаани бана уд̣̇агаани важ̇ж̇зд̇ум̣ ваддад̇и. д̇хованд̇асса бана муг̇г̇араад̣̇ийхи абахарид̇ваа хад̇т̇зхи мад̣̇д̣̇ид̇ваа д̇хованам̣ д̇хованасанд̇осо наама. д̇ат̇аа асуж̇жханд̇ам̣ бан̣н̣аани багкибид̇ваа д̇аабид̇ауд̣̇агзнааби д̇ховид̇ум̣ ваддад̇и. звам̣ д̇ховид̇ваа гаронд̇асса ‘‘ид̣̇ам̣ т̇уулам̣, ид̣̇ам̣ сукума’’нд̇и агобзд̇ваа бахонаганийхаарзнзва гаран̣ам̣ гаран̣асанд̇осо наама. д̇иман̣д̣алабадижчаад̣̇анамад̇д̇ассзва гаран̣ам̣ баримаан̣асанд̇осо наама. жийварагаран̣ад̇т̇ааяа бана ‘‘манаабам̣ суд̇д̇ам̣ бариязсиссаамий’’д̇и авижаарзд̇ваа рат̇игаад̣̇ийсу ваа д̣̇звадтаанз ваа аахарид̇ваа баад̣̇амуулз ваа табид̇ам̣ яам̣ гин̃жид̣̇зва суд̇д̇ам̣ г̇ахзд̇ваа гаран̣ам̣ суд̇д̇асанд̇осо наама.

    Lūkhapaṇītesu yena kenaci yāpetuṃ sakkontassa yathāladdheneva yāpanaṃ yathālābhasantoso nāma. Attano thāmaṃ jānitvā yena yāpetuṃ sakkoti, tena yāpanaṃ yathābalasantoso nāma. Manāpaṃ aññassa datvā attanā yena kenaci yāpanaṃ yathāsāruppasantoso nāma. ‘‘Kattha udakaṃ manāpaṃ, kattha amanāpa’’nti avicāretvā yena kenaci dhovanupagena udakena dhovanaṃ udakasantoso nāma. Tathā paṇḍumattikagerukapūtipaṇṇarasakiliṭṭhāni pana udakāni vajjetuṃ vaṭṭati. Dhovantassa pana muggarādīhi apaharitvā hatthehi madditvā dhovanaṃ dhovanasantoso nāma. Tathā asujjhantaṃ paṇṇāni pakkhipitvā tāpitaudakenāpi dhovituṃ vaṭṭati. Evaṃ dhovitvā karontassa ‘‘idaṃ thūlaṃ, idaṃ sukhuma’’nti akopetvā pahonakanīhāreneva karaṇaṃ karaṇasantoso nāma. Timaṇḍalapaṭicchādanamattasseva karaṇaṃ parimāṇasantoso nāma. Cīvarakaraṇatthāya pana ‘‘manāpaṃ suttaṃ pariyesissāmī’’ti avicāretvā rathikādīsu vā devaṭṭhāne vā āharitvā pādamūle vā ṭhapitaṃ yaṃ kiñcideva suttaṃ gahetvā karaṇaṃ suttasantoso nāma.

    гусиб̣анд̇ханагаалз бана ан̇г̇улимад̇д̇з сад̇д̇аваарз на виж̇жхид̇аб̣б̣ам̣. звам̣ гаронд̇асса хи яо бхигку сахааяо на ход̇и, д̇асса вад̇д̇абхзд̣̇оби над̇т̇и. д̇иван̇г̇уламад̇д̇з бана сад̇д̇аваарз виж̇жхид̇аб̣б̣ам̣. звам̣ гаронд̇асса маг̇г̇абадибаннзнааби сахааязна бхавид̇аб̣б̣ам̣. яо на ход̇и, д̇асса вад̇д̇абхзд̣̇о. аяам̣ сиб̣б̣анасанд̇осо наама. раж̇анд̇зна бана гаал̣агажчагаад̣̇ийни бариязсанд̇зна на раж̇ид̇аб̣б̣ам̣, сомаваггалаад̣̇ийсу яам̣ лабхад̇и, д̇зна раж̇ид̇аб̣б̣ам̣. алабханд̇зна бана мануссзхи аран̃н̃з ваагам̣ г̇ахзд̇ваа чад̣д̣ид̇араж̇анам̣ ваа бхигкуухи бажид̇ваа чад̣д̣ид̇агасадам̣ ваа г̇ахзд̇ваа раж̇ид̇аб̣б̣ам̣. аяам̣ раж̇анасанд̇осо наама. нийлагад̣̇д̣̇амагаал̣асаамзсу яам̣ гин̃жи г̇ахзд̇ваа хад̇т̇ибидтз нисиннасса бан̃н̃ааяамаанагаббагаран̣ам̣ габбасанд̇осо наама.

    Kusibandhanakāle pana aṅgulimatte sattavāre na vijjhitabbaṃ. Evaṃ karontassa hi yo bhikkhu sahāyo na hoti, tassa vattabhedopi natthi. Tivaṅgulamatte pana sattavāre vijjhitabbaṃ. Evaṃ karontassa maggapaṭipannenāpi sahāyena bhavitabbaṃ. Yo na hoti, tassa vattabhedo. Ayaṃ sibbanasantoso nāma. Rajantena pana kāḷakacchakādīni pariyesantena na rajitabbaṃ, somavakkalādīsu yaṃ labhati, tena rajitabbaṃ. Alabhantena pana manussehi araññe vākaṃ gahetvā chaḍḍitarajanaṃ vā bhikkhūhi pacitvā chaḍḍitakasaṭaṃ vā gahetvā rajitabbaṃ. Ayaṃ rajanasantoso nāma. Nīlakaddamakāḷasāmesu yaṃ kiñci gahetvā hatthipiṭṭhe nisinnassa paññāyamānakappakaraṇaṃ kappasantoso nāma.

    хиригобийнабадижчаад̣̇анамад̇д̇авасзна барибхун̃ж̇анам̣ барибхог̇асанд̇осо наама. д̣̇уссам̣ бана лабхид̇ваа суд̇д̇ам̣ ваа суужим̣ ваа гаарагам̣ ваа алабханд̇зна табзд̇ум̣ ваддад̇и, лабханд̇зна на ваддад̇и. гад̇амби жз анд̇зваасигаад̣̇ийнам̣ д̣̇аад̇угаамо ход̇и, д̇з жа асаннихид̇аа, яаава ааг̇аманаа табзд̇ум̣ ваддад̇и, ааг̇ад̇амад̇д̇зсу д̇зсу д̣̇аад̇аб̣б̣ам̣. д̣̇аад̇ум̣ асаггонд̇зна ад̇хидтаад̇аб̣б̣ам̣. ан̃н̃асмим̣ жийварз сад̇и бажжад̇т̇аран̣амби ад̇хидтаад̇ум̣ ваддад̇и. анад̇хидтид̇амзва хи саннид̇хи ход̇и. ад̇хидтид̇ам̣ на ход̇ийд̇и махаасийвад̇т̇зро ааха. аяам̣ саннид̇хибариваж̇ж̇анасанд̇осо наама. виссаж̇ж̇знд̇зна бана мукам̣ ологзд̇ваа на д̣̇аад̇аб̣б̣ам̣, сааран̣ийяад̇хаммз тад̇ваава виссаж̇ж̇зд̇аб̣б̣анд̇и аяам̣ виссаж̇ж̇анасанд̇осо наама.

    Hirikopīnapaṭicchādanamattavasena paribhuñjanaṃ paribhogasantoso nāma. Dussaṃ pana labhitvā suttaṃ vā sūciṃ vā kārakaṃ vā alabhantena ṭhapetuṃ vaṭṭati, labhantena na vaṭṭati. Katampi ce antevāsikādīnaṃ dātukāmo hoti, te ca asannihitā, yāva āgamanā ṭhapetuṃ vaṭṭati, āgatamattesu tesu dātabbaṃ. Dātuṃ asakkontena adhiṭṭhātabbaṃ. Aññasmiṃ cīvare sati paccattharaṇampi adhiṭṭhātuṃ vaṭṭati. Anadhiṭṭhitameva hi sannidhi hoti. Adhiṭṭhitaṃ na hotīti mahāsīvatthero āha. Ayaṃ sannidhiparivajjanasantoso nāma. Vissajjentena pana mukhaṃ oloketvā na dātabbaṃ, sāraṇīyadhamme ṭhatvāva vissajjetabbanti ayaṃ vissajjanasantoso nāma.

    жийварабадисам̣яуд̇д̇аани д̇худ̇ан̇г̇аани наама бам̣сугуулиган̇г̇ан̃жзва д̇зжийвариган̇г̇ан̃жа. ид̇и жийварасанд̇осамахааарияавам̣сам̣ буураяамаано бажжзгасамб̣уд̣̇д̇хо имаани д̣̇вз д̇худ̇ан̇г̇аани г̇обзд̇и, имаани г̇обзнд̇о жийварасанд̇осамахааарияавам̣савасзна санд̇удто ход̇и.

    Cīvarapaṭisaṃyuttāni dhutaṅgāni nāma paṃsukūlikaṅgañceva tecīvarikaṅgañca. Iti cīvarasantosamahāariyavaṃsaṃ pūrayamāno paccekasambuddho imāni dve dhutaṅgāni gopeti, imāni gopento cīvarasantosamahāariyavaṃsavasena santuṭṭho hoti.

    ван̣н̣аваад̣̇ийд̇и зго санд̇удто ход̇и, санд̇осасса ван̣н̣ам̣ на гат̇зд̇и. зго на санд̇удто ход̇и, санд̇осасса ван̣н̣ам̣ гат̇зд̇и . зго нзва санд̇удто ход̇и, на санд̇осасса ван̣н̣ам̣ гат̇зд̇и. зго санд̇удто жа ход̇и, санд̇осасса жа ван̣н̣ам̣ гат̇зд̇и. д̇ат̇ааруубо со бажжзгасамб̣уд̣̇д̇хо д̇ам̣ д̣̇ассзд̇ум̣ ‘‘ид̇арийд̇аражийварасанд̇удтияаа жа ван̣н̣аваад̣̇ий’’д̇и вуд̇д̇ам̣.

    Vaṇṇavādīti eko santuṭṭho hoti, santosassa vaṇṇaṃ na katheti. Eko na santuṭṭho hoti, santosassa vaṇṇaṃ katheti . Eko neva santuṭṭho hoti, na santosassa vaṇṇaṃ katheti. Eko santuṭṭho ca hoti, santosassa ca vaṇṇaṃ katheti. Tathārūpo so paccekasambuddho taṃ dassetuṃ ‘‘itarītaracīvarasantuṭṭhiyā ca vaṇṇavādī’’ti vuttaṃ.

    анзсананд̇и д̣̇ууд̇зяяабахин̣аг̇аманаануяог̇аббабхзд̣̇ам̣ наанаббагаарам̣ анзсанам̣. аббад̇ируубанд̇и аяуд̇д̇ам̣. алад̣̇д̇хаа жаад̇и алабхид̇ваа. яат̇аа згажжо ‘‘гат̇ам̣ ну ко жийварам̣ лабхиссаамий’’д̇и бун̃н̃аванд̇зхи бхигкуухи сад̣̇д̇хим̣ згад̇о худ̇ваа гохан̃н̃ам̣ гаронд̇о уд̇д̇асад̇и барид̇ассад̇и, бажжзгасамб̣уд̣̇д̇хо звам̣ алад̣̇д̇хаа жа жийварам̣ на барид̇ассад̇и. лад̣̇д̇хаа жаад̇и д̇хаммзна самзна лабхид̇ваа. ад̇хиг̇ад̇од̇и виг̇ад̇алобхаг̇ид̣̇д̇хо. амужчид̇од̇и ад̇химад̇д̇ад̇ан̣хааяа мужчанам̣ анаабанно. анаж̇жхаабаннод̇и д̇ан̣хааяа анод̇т̇адо абарияонад̣̇д̇хо. аад̣̇ийнавад̣̇ассаавийд̇и анзсанаабад̇д̇ияан̃жа г̇ад̇хид̇абарибхог̇з жа аад̣̇ийнавам̣ бассамаано. ниссаран̣абан̃н̃од̇и ‘‘яаавад̣̇зва сийд̇асса бадигхаад̇ааяаа’’д̇и (ма. ни. 1.23; а. ни. 6.58) вуд̇д̇ам̣ ниссаран̣амзва баж̇аананд̇о.

    Anesananti dūteyyapahiṇagamanānuyogappabhedaṃ nānappakāraṃ anesanaṃ. Appatirūpanti ayuttaṃ. Aladdhā cāti alabhitvā. Yathā ekacco ‘‘kathaṃ nu kho cīvaraṃ labhissāmī’’ti puññavantehi bhikkhūhi saddhiṃ ekato hutvā kohaññaṃ karonto uttasati paritassati, paccekasambuddho evaṃ aladdhā ca cīvaraṃ na paritassati. Laddhācāti dhammena samena labhitvā. Adhigatoti vigatalobhagiddho. Amucchitoti adhimattataṇhāya mucchanaṃ anāpanno. Anajjhāpannoti taṇhāya anotthaṭo apariyonaddho. Ādīnavadassāvīti anesanāpattiyañca gadhitaparibhoge ca ādīnavaṃ passamāno. Nissaraṇapaññoti ‘‘yāvadeva sītassa paṭighātāyā’’ti (ma. ni. 1.23; a. ni. 6.58) vuttaṃ nissaraṇameva pajānanto.

    ид̇арийд̇аражийварасанд̇удтияаад̇и язна гзнажи жийварзна санд̇удтияаа. нзвад̇д̇аануггам̣сзд̇ийд̇и яат̇аа банид̇хзгажжо ‘‘ахам̣ бам̣сугуулиго, маяаа убасамбад̣̇амаал̣зязва бам̣сугуулиган̇г̇ам̣ г̇ахид̇ам̣, го маяаа сад̣̇исо ад̇т̇ий’’д̇и ад̇д̇уггам̣санам̣ гарод̇и. звам̣ со ад̇д̇уггам̣санам̣ на гарод̇и. на барам̣ вамбхзд̇ийд̇и ‘‘имз банан̃н̃з бхигкуу на бам̣сугуулигаад̇и ваа бам̣сугуулигамад̇д̇амби зд̇зсам̣ над̇т̇ий’’д̇и ваа звам̣ барам̣ на вамбхзд̇и. яо хи д̇ад̇т̇а д̣̇агкод̇и яо д̇асмим̣ жийварасанд̇осз ван̣н̣аваад̣̇ий. д̇аасу ваа д̣̇агко чзго б̣яад̇д̇о. аналасод̇и саад̇ажжагирияааяа ааласияавирахид̇о. самбаж̇аано бад̇иссад̇од̇и самбаж̇аанабан̃н̃ааяа жзва сад̇ияаа жа яуд̇д̇о. арияавам̣сз тид̇од̇и арияавам̣сз бад̇идтид̇о.

    Itarītaracīvarasantuṭṭhiyāti yena kenaci cīvarena santuṭṭhiyā. Nevattānukkaṃsetīti yathā panidhekacco ‘‘ahaṃ paṃsukūliko, mayā upasampadamāḷeyeva paṃsukūlikaṅgaṃ gahitaṃ, ko mayā sadiso atthī’’ti attukkaṃsanaṃ karoti. Evaṃ so attukkaṃsanaṃ na karoti. Na paraṃ vambhetīti ‘‘ime panaññe bhikkhū na paṃsukūlikāti vā paṃsukūlikamattampi etesaṃ natthī’’ti vā evaṃ paraṃ na vambheti. Yo hi tattha dakkhoti yo tasmiṃ cīvarasantose vaṇṇavādī. Tāsu vā dakkho cheko byatto. Analasoti sātaccakiriyāya ālasiyavirahito. Sampajāno patissatoti sampajānapaññāya ceva satiyā ca yutto. Ariyavaṃse ṭhitoti ariyavaṃse patiṭṭhito.

    ид̇арийд̇арзна бин̣д̣абаад̇знаад̇и язна гзнажи бин̣д̣абаад̇зна. зд̇т̇аби бин̣д̣абаад̇о ж̇аанид̇аб̣б̣о, бин̣д̣абаад̇акзд̇д̇ам̣ ж̇аанид̇аб̣б̣ам̣, бин̣д̣абаад̇асанд̇осо ж̇аанид̇аб̣б̣о, бин̣д̣абаад̇абадисам̣яуд̇д̇ам̣ д̇худ̇ан̇г̇ам̣ ж̇аанид̇аб̣б̣ам̣. д̇ад̇т̇а бин̣д̣абаад̇од̇и од̣̇ано гуммаасо сад̇д̇у мажчо мам̣сам̣ кийрам̣ д̣̇ад̇хи сабби наванийд̇ам̣ д̇злам̣ мад̇ху паан̣ид̇ам̣ яааг̇у каад̣̇анийяам̣ сааяанийяам̣ лзханийяанд̇и сол̣аса бин̣д̣абаад̇аа.

    Itarītarena piṇḍapātenāti yena kenaci piṇḍapātena. Etthapi piṇḍapāto jānitabbo, piṇḍapātakhettaṃ jānitabbaṃ, piṇḍapātasantoso jānitabbo, piṇḍapātapaṭisaṃyuttaṃ dhutaṅgaṃ jānitabbaṃ. Tattha piṇḍapātoti odano kummāso sattu maccho maṃsaṃ khīraṃ dadhi sappi navanītaṃ telaṃ madhu phāṇitaṃ yāgu khādanīyaṃ sāyanīyaṃ lehanīyanti soḷasa piṇḍapātā.

    бин̣д̣абаад̇акзд̇д̇анд̇и сан̇гхабхад̇д̇ам̣ уд̣̇д̣̇зсабхад̇д̇ам̣ ниманд̇анам̣ салаагабхад̇д̇ам̣ багкигам̣ убосат̇игам̣ баадибад̣̇игам̣ ааг̇анд̇угабхад̇д̇ам̣ г̇амигабхад̇д̇ам̣ г̇илаанабхад̇д̇ам̣ г̇илаанубадтаагабхад̇д̇ам̣ д̇хурабхад̇д̇ам̣ гудибхад̇д̇ам̣ ваарабхад̇д̇ам̣ вихаарабхад̇д̇анд̇и баннараса бин̣д̣абаад̇акзд̇д̇аани.

    Piṇḍapātakhettanti saṅghabhattaṃ uddesabhattaṃ nimantanaṃ salākabhattaṃ pakkhikaṃ uposathikaṃ pāṭipadikaṃ āgantukabhattaṃ gamikabhattaṃ gilānabhattaṃ gilānupaṭṭhākabhattaṃ dhurabhattaṃ kuṭibhattaṃ vārabhattaṃ vihārabhattanti pannarasa piṇḍapātakhettāni.

    бин̣д̣абаад̇асанд̇осод̇и бин̣д̣абаад̇з вид̇аггасанд̇осо г̇аманасанд̇осо бариязсанасанд̇осо бадилаабхасанд̇осо бадиг̇г̇ахан̣асанд̇осо мад̇д̇абадиг̇г̇ахан̣асанд̇осо лолуббавиваж̇ж̇анасанд̇осо яат̇аалаабхасанд̇осо яат̇ааб̣аласанд̇осо яат̇аасааруббасанд̇осо убагаарасанд̇осо баримаан̣асанд̇осо барибхог̇асанд̇осо саннид̇хибариваж̇ж̇анасанд̇осо виссаж̇ж̇анасанд̇осод̇и баннараса санд̇осаа. д̇ад̇т̇а саад̣̇аго бхигку мукам̣ д̇ховид̇ваа вид̇аггзд̇и. бин̣д̣абаад̇игзна бана г̇ан̣зна сад̣̇д̇хим̣ жарад̇аа сааяам̣ т̇зрубадтаанагаалз ‘‘свз гад̇т̇а бин̣д̣ааяа жариссаамаа’’д̇и ‘‘асугаг̇аамз, бханд̇з’’д̇и зд̇д̇агам̣ жинд̇зд̇ваа д̇ад̇о бадтааяа на вид̇аггзд̇аб̣б̣ам̣. згажааригзна вид̇аггамаал̣агз тад̇ваа вид̇аггзд̇аб̣б̣ам̣. д̇ад̇о бадтааяа вид̇аггзнд̇о бана арияавам̣саа жуд̇о ход̇и бариб̣аахиро. аяам̣ вид̇аггасанд̇осо наама. бин̣д̣ааяа бависанд̇зна бана ‘‘гухим̣ лабхиссаамий’’д̇и ажинд̇зд̇ваа гаммадтаанасийсзна г̇анд̇аб̣б̣ам̣. аяам̣ г̇аманасанд̇осо наама. бариязсанд̇зна яам̣ ваа д̇ам̣ ваа аг̇г̇ахзд̇ваа лаж̇ж̇им̣ бзсаламзва г̇ахзд̇ваа бариязсид̇аб̣б̣ам̣. аяам̣ бариязсанасанд̇осо наама. д̣̇уурад̇ова аахарияамаанам̣ д̣̇исваа ‘‘зд̇ам̣ манаабам̣, зд̇ам̣ аманааба’’нд̇и жид̇д̇ам̣ на уббаад̣̇зд̇аб̣б̣ам̣. аяам̣ бадилаабхасанд̇осо наама. ‘‘ид̣̇ам̣ манаабам̣ г̇ан̣хиссаами, ид̣̇ам̣ аманаабам̣ на г̇ан̣хиссаамий’’д̇и ажинд̇зд̇ваа яам̣ гин̃жи яаабанамад̇д̇ам̣ г̇ахзд̇аб̣б̣амзва. аяам̣ бадиг̇г̇ахан̣асанд̇осо наама.

    Piṇḍapātasantosoti piṇḍapāte vitakkasantoso gamanasantoso pariyesanasantoso paṭilābhasantoso paṭiggahaṇasantoso mattapaṭiggahaṇasantoso loluppavivajjanasantoso yathālābhasantoso yathābalasantoso yathāsāruppasantoso upakārasantoso parimāṇasantoso paribhogasantoso sannidhiparivajjanasantoso vissajjanasantosoti pannarasa santosā. Tattha sādako bhikkhu mukhaṃ dhovitvā vitakketi. Piṇḍapātikena pana gaṇena saddhiṃ caratā sāyaṃ therupaṭṭhānakāle ‘‘sve kattha piṇḍāya carissāmā’’ti ‘‘asukagāme, bhante’’ti ettakaṃ cintetvā tato paṭṭhāya na vitakketabbaṃ. Ekacārikena vitakkamāḷake ṭhatvā vitakketabbaṃ. Tato paṭṭhāya vitakkento pana ariyavaṃsā cuto hoti paribāhiro. Ayaṃ vitakkasantoso nāma. Piṇḍāya pavisantena pana ‘‘kuhiṃ labhissāmī’’ti acintetvā kammaṭṭhānasīsena gantabbaṃ. Ayaṃ gamanasantoso nāma. Pariyesantena yaṃ vā taṃ vā aggahetvā lajjiṃ pesalameva gahetvā pariyesitabbaṃ. Ayaṃ pariyesanasantoso nāma. Dūratova āhariyamānaṃ disvā ‘‘etaṃ manāpaṃ, etaṃ amanāpa’’nti cittaṃ na uppādetabbaṃ. Ayaṃ paṭilābhasantoso nāma. ‘‘Idaṃ manāpaṃ gaṇhissāmi, idaṃ amanāpaṃ na gaṇhissāmī’’ti acintetvā yaṃ kiñci yāpanamattaṃ gahetabbameva. Ayaṃ paṭiggahaṇasantoso nāma.

    зд̇т̇а бана д̣̇зяяад̇хаммо б̣аху, д̣̇ааяаго аббам̣ д̣̇аад̇угаамо, аббам̣ г̇ахзд̇аб̣б̣ам̣. д̣̇зяяад̇хаммо б̣аху, д̣̇ааяагоби б̣ахуд̣̇аад̇угаамо, бамаан̣знзва г̇ахзд̇аб̣б̣ам̣. д̣̇зяяад̇хаммоби на б̣аху, д̣̇ааяагоби аббам̣ д̣̇аад̇угаамо, аббам̣ г̇ахзд̇аб̣б̣ам̣. д̣̇зяяад̇хаммо на б̣аху, д̣̇ааяаго бана б̣ахуд̣̇аад̇угаамо, бамаан̣зна г̇ахзд̇аб̣б̣ам̣. бадиг̇г̇ахан̣асмин̃хи мад̇д̇ам̣ аж̇аананд̇о мануссаанам̣ басаад̣̇ам̣ магкзд̇и, сад̣̇д̇хаад̣̇зяяам̣ винибаад̇зд̇и, саасанам̣ на гарод̇и. виж̇аад̇амаад̇уяаабисса жид̇д̇ам̣ г̇ахзд̇ум̣ на саггод̇и. ид̇и мад̇д̇ам̣ ж̇аанид̇ваава бадиг̇г̇ахзд̇аб̣б̣анд̇и аяам̣ мад̇д̇абадиг̇г̇ахан̣асанд̇осо наама. ад̣дхагулааниязва аг̇анд̇ваа д̣̇ваарабадибаадияаа г̇анд̇аб̣б̣ам̣. аяам̣ лолуббавиваж̇ж̇анасанд̇осо наама. яат̇аалаабхасанд̇осаад̣̇аяо жийварз вуд̇д̇анаяаа зва.

    Ettha pana deyyadhammo bahu, dāyako appaṃ dātukāmo, appaṃ gahetabbaṃ. Deyyadhammo bahu, dāyakopi bahudātukāmo, pamāṇeneva gahetabbaṃ. Deyyadhammopi na bahu, dāyakopi appaṃ dātukāmo, appaṃ gahetabbaṃ. Deyyadhammo na bahu, dāyako pana bahudātukāmo, pamāṇena gahetabbaṃ. Paṭiggahaṇasmiñhi mattaṃ ajānanto manussānaṃ pasādaṃ makkheti, saddhādeyyaṃ vinipāteti, sāsanaṃ na karoti. Vijātamātuyāpissa cittaṃ gahetuṃ na sakkoti. Iti mattaṃ jānitvāva paṭiggahetabbanti ayaṃ mattapaṭiggahaṇasantoso nāma. Aḍḍhakulāniyeva agantvā dvārapaṭipāṭiyā gantabbaṃ. Ayaṃ loluppavivajjanasantoso nāma. Yathālābhasantosādayo cīvare vuttanayā eva.

    бин̣д̣абаад̇ам̣ барибхун̃ж̇ид̇ваа ‘‘саман̣ад̇хаммам̣ анубаалзссаамий’’д̇и звам̣ убагаарам̣ н̃ад̇ваа барибхун̃ж̇анам̣ убагаарасанд̇осо наама. бад̇д̇ам̣ буурзд̇ваа аанийд̇ам̣ на бадиг̇г̇ахзд̇аб̣б̣ам̣. анубасамбаннз сад̇и д̇зна г̇аахаабзд̇аб̣б̣ам̣, асад̇и аахараабзд̇ваа бадиг̇г̇ахан̣абаримаан̣амад̇д̇ам̣ г̇ахзд̇аб̣б̣ам̣. аяам̣ баримаан̣асанд̇осо наама. ж̇игхажчааяа бадивинод̣̇анам̣ ‘‘на ид̣̇амзд̇т̇а ниссаран̣а’’нд̇и звам̣ барибхун̃ж̇анам̣ барибхог̇асанд̇осо наама. нид̣̇ахид̇ваа на барибхун̃ж̇ид̇аб̣б̣ам̣. аяам̣ саннид̇хибариваж̇ж̇анасанд̇осо наама. мукам̣ анологзд̇ваа сааран̣ийяад̇хаммз тид̇зна виссаж̇ж̇зд̇аб̣б̣ам̣. аяам̣ виссаж̇ж̇анасанд̇осо наама.

    Piṇḍapātaṃ paribhuñjitvā ‘‘samaṇadhammaṃ anupālessāmī’’ti evaṃ upakāraṃ ñatvā paribhuñjanaṃ upakārasantoso nāma. Pattaṃ pūretvā ānītaṃ na paṭiggahetabbaṃ. Anupasampanne sati tena gāhāpetabbaṃ, asati āharāpetvā paṭiggahaṇaparimāṇamattaṃ gahetabbaṃ. Ayaṃ parimāṇasantoso nāma. Jighacchāya paṭivinodanaṃ ‘‘na idamettha nissaraṇa’’nti evaṃ paribhuñjanaṃ paribhogasantoso nāma. Nidahitvā na paribhuñjitabbaṃ. Ayaṃ sannidhiparivajjanasantoso nāma. Mukhaṃ anoloketvā sāraṇīyadhamme ṭhitena vissajjetabbaṃ. Ayaṃ vissajjanasantoso nāma.

    бин̣д̣абаад̇абадисам̣яуд̇д̇аани бана бан̃жа д̇худ̇ан̇г̇аани бин̣д̣абаад̇иган̇г̇ам̣ сабад̣̇аанажаариган̇г̇ам̣ згаасаниган̇г̇ам̣ бад̇д̇абин̣д̣иган̇г̇ам̣ калубажчаабхад̇д̇иган̇г̇анд̇и. ид̇и бин̣д̣абаад̇асанд̇осамахааарияавам̣сам̣ буураяамаано бажжзгасамб̣уд̣̇д̇хо имаани бан̃жа д̇худ̇ан̇г̇аани г̇обзд̇и, имаани г̇обзнд̇о бин̣д̣абаад̇асанд̇осамахааарияавам̣савасзна санд̇удто ход̇и. ван̣н̣аваад̣̇ийд̇иаад̣̇ийни вуд̇д̇анаязнзва взд̣̇ид̇аб̣б̣аани.

    Piṇḍapātapaṭisaṃyuttāni pana pañca dhutaṅgāni piṇḍapātikaṅgaṃ sapadānacārikaṅgaṃ ekāsanikaṅgaṃ pattapiṇḍikaṅgaṃ khalupacchābhattikaṅganti. Iti piṇḍapātasantosamahāariyavaṃsaṃ pūrayamāno paccekasambuddho imāni pañca dhutaṅgāni gopeti, imāni gopento piṇḍapātasantosamahāariyavaṃsavasena santuṭṭho hoti. Vaṇṇavādītiādīni vuttanayeneva veditabbāni.

    сзнаасанаанийд̇и ид̇ха сзнаасанам̣ ж̇аанид̇аб̣б̣ам̣, сзнаасанакзд̇д̇ам̣ ж̇аанид̇аб̣б̣ам̣, сзнаасанасанд̇осо ж̇аанид̇аб̣б̣о, сзнаасанабадисам̣яуд̇д̇ад̇худ̇ан̇г̇ам̣ ж̇аанид̇аб̣б̣ам̣. д̇ад̇т̇а сзнаасананд̇и ман̃жо бийтам̣ бхиси б̣имб̣оханам̣ вихааро ад̣дхаяог̇о баасаад̣̇о хаммияам̣ г̇ухаа лзн̣ам̣ аддо маал̣о взл̣уг̇умб̣о ругкамуулам̣ яад̇т̇а ваа бана бхигкуу бадиггаманд̇ийд̇и имаани баннараса сзнаасанаани.

    Senāsanānīti idha senāsanaṃ jānitabbaṃ, senāsanakhettaṃ jānitabbaṃ, senāsanasantoso jānitabbo, senāsanapaṭisaṃyuttadhutaṅgaṃ jānitabbaṃ. Tattha senāsananti mañco pīṭhaṃ bhisi bimbohanaṃ vihāro aḍḍhayogo pāsādo hammiyaṃ guhā leṇaṃ aṭṭo māḷo veḷugumbo rukkhamūlaṃ yattha vā pana bhikkhū paṭikkamantīti imāni pannarasa senāsanāni.

    сзнаасанакзд̇д̇анд̇и сан̇гхад̇о ваа г̇ан̣ад̇о ваа н̃аад̇ид̇о ваа мид̇д̇ад̇о ваа ад̇д̇ано ваа д̇ханзна бам̣сугуулам̣ ваад̇и ча кзд̇д̇аани.

    Senāsanakhettanti saṅghato vā gaṇato vā ñātito vā mittato vā attano vā dhanena paṃsukūlaṃ vāti cha khettāni.

    сзнаасанасанд̇осод̇и сзнаасанз вид̇аггасанд̇осаад̣̇аяо баннараса санд̇осаа. д̇з бин̣д̣абаад̇з вуд̇д̇анаязнзва взд̣̇ид̇аб̣б̣аа. сзнаасанабадисам̣яуд̇д̇аани бана бан̃жа д̇худ̇ан̇г̇аани ааран̃н̃иган̇г̇ам̣ ругкамуулиган̇г̇ам̣ аб̣бхогаасиган̇г̇ам̣ сосааниган̇г̇ам̣ яат̇аасант̇ад̇иган̇г̇анд̇и. ид̇и сзнаасанасанд̇осам̣ махааарияавам̣сам̣ буураяамаано бажжзгасамб̣уд̣̇д̇хо имаани бан̃жа д̇худ̇ан̇г̇аани г̇обзд̇и, имаани г̇обзнд̇о сзнаасанасанд̇осамахааарияавам̣савасзна санд̇удто ход̇и.

    Senāsanasantosoti senāsane vitakkasantosādayo pannarasa santosā. Te piṇḍapāte vuttanayeneva veditabbā. Senāsanapaṭisaṃyuttāni pana pañca dhutaṅgāni āraññikaṅgaṃ rukkhamūlikaṅgaṃ abbhokāsikaṅgaṃ sosānikaṅgaṃ yathāsanthatikaṅganti. Iti senāsanasantosaṃ mahāariyavaṃsaṃ pūrayamāno paccekasambuddho imāni pañca dhutaṅgāni gopeti, imāni gopento senāsanasantosamahāariyavaṃsavasena santuṭṭho hoti.

    ид̇и ааяасмаа д̇хаммасзнаабад̇и саарибуд̇д̇ад̇т̇зро бат̇авим̣ бад̇т̇арамаано вияа сааг̇арагужчим̣ буураяамаано вияа аагаасам̣ вид̇т̇аараяамаано вияа жа батамам̣ жийварасанд̇осам̣ арияавам̣сам̣ гат̇зд̇ваа жанд̣̇ам̣ удтаабзнд̇о вияа суурияам̣ уллан̇гхзнд̇о вияа жа д̣̇уд̇ияабин̣д̣абаад̇асанд̇осам̣ гат̇зд̇ваа синзрум̣ угкибзнд̇о вияа д̇ад̇ияам̣ сзнаасанасанд̇осам̣ арияавам̣сам̣ гат̇зд̇ваа ид̣̇аани г̇илаанабажжаяасанд̇осам̣ арияавам̣сам̣ гат̇зд̇ум̣ ‘‘санд̇удто ход̇и ид̇арийд̇арзна г̇илаанабажжаяабхзсаж̇ж̇абаригкаарзнаа’’д̇иаад̣̇имааха. д̇ам̣ бин̣д̣абаад̇аг̇ад̇игамзва. д̇ад̇т̇а яат̇аалаабхаяат̇ааб̣алаяат̇аасааруббасанд̇осзнзва санд̇уссид̇аб̣б̣ам̣. бхааванаараамаарияавам̣со бана ид̇ха анааг̇ад̇о, нзсаж̇ж̇иган̇г̇ам̣ бхааванаараамаарияавам̣сам̣ бхаж̇ад̇и (д̣̇ий. ни. адта. 3.309; а. ни. адта. 2.4.28). вуд̇д̇амби жзд̇ам̣ –

    Iti āyasmā dhammasenāpati sāriputtatthero pathaviṃ pattharamāno viya sāgarakucchiṃ pūrayamāno viya ākāsaṃ vitthārayamāno viya ca paṭhamaṃ cīvarasantosaṃ ariyavaṃsaṃ kathetvā candaṃ uṭṭhāpento viya sūriyaṃ ullaṅghento viya ca dutiyapiṇḍapātasantosaṃ kathetvā sineruṃ ukkhipento viya tatiyaṃ senāsanasantosaṃ ariyavaṃsaṃ kathetvā idāni gilānapaccayasantosaṃ ariyavaṃsaṃ kathetuṃ ‘‘santuṭṭho hoti itarītarena gilānapaccayabhesajjaparikkhārenā’’tiādimāha. Taṃ piṇḍapātagatikameva. Tattha yathālābhayathābalayathāsāruppasantoseneva santussitabbaṃ. Bhāvanārāmaariyavaṃso pana idha anāgato, nesajjikaṅgaṃ bhāvanārāmaariyavaṃsaṃ bhajati (dī. ni. aṭṭha. 3.309; a. ni. aṭṭha. 2.4.28). Vuttampi cetaṃ –

    ‘‘бан̃жа сзнаасанз вуд̇д̇аа, бан̃жа аахаараниссид̇аа;

    ‘‘Pañca senāsane vuttā, pañca āhāranissitā;

    зго вийрияасам̣яуд̇д̇о, д̣̇вз жа жийвараниссид̇аа’’д̇и. (д̣̇ий. ни. адта. 3.309; а. ни. адта. 2.4.28);

    Eko vīriyasaṃyutto, dve ca cīvaranissitā’’ti. (dī. ni. aṭṭha. 3.309; a. ni. aṭṭha. 2.4.28);

    бораан̣з аг̇г̇ан̃н̃з арияавам̣сз тид̇од̇и зд̇т̇а бораан̣зд̇и на ад̇хунуббад̇д̇игз. аг̇г̇ан̃н̃зд̇и аг̇г̇зхи ж̇аанид̇аб̣б̣з. арияавам̣сзд̇и арияаанам̣ вам̣сз. яат̇аа хи кад̇д̇ияавам̣со б̣раахман̣авам̣со взссавам̣со суд̣̇д̣̇авам̣со саман̣авам̣со гулавам̣со рааж̇авам̣со, звамаяамби адтамо арияавам̣со, арияад̇анд̇и арияабавзн̣и наама ход̇и. со ко банааяам̣ вам̣со имзсам̣ вам̣саанам̣ муулаг̇анд̇хаад̣̇ийнам̣ гаалаанусаариг̇анд̇хаад̣̇аяо вияа аг̇г̇амагкааяад̇и. гз бана д̇з арияаа, язсам̣ зсо вам̣сод̇и? арияаа вужжанд̇и б̣уд̣̇д̇хаа жа бажжзгаб̣уд̣̇д̇хаа жа д̇ат̇ааг̇ад̇асаавагаа жа, зд̇зсам̣ арияаанам̣ вам̣сод̇и арияавам̣со. ид̇о буб̣б̣з хи сад̇асахассагаббаад̇хигаанам̣ жад̇уннам̣ асан̇кязяяаанам̣ мад̇т̇агз д̇ан̣хан̇гаро мзд̇хан̇гаро саран̣ан̇гаро д̣̇ийбан̇гарод̇и жад̇д̇ааро б̣уд̣̇д̇хаа уббаннаа, д̇з арияаа, д̇зсам̣ арияаанам̣ вам̣сод̇и арияавам̣со. д̇зсам̣ б̣уд̣̇д̇хаанам̣ бариниб̣б̣аанад̇о абарабхааг̇з асан̇кязяяам̣ ад̇иггамид̇ваа гон̣д̣ан̃н̃о наама б̣уд̣̇д̇хо уббанно…бз… имасмим̣ габбз гагусанд̇хо гон̣ааг̇амано гассабо амхаагам̣ бхаг̇аваа г̇од̇амод̇и жад̇д̇ааро б̣уд̣̇д̇хаа уббаннаа, д̇зсам̣ арияаанам̣ вам̣сод̇и арияавам̣со. аби жа ад̇ийд̇аанааг̇ад̇абажжуббаннаанам̣ саб̣б̣аб̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ арияаанам̣ вам̣сод̇и арияавам̣со, д̇асмим̣ арияавам̣сз (а. ни. адта. 2.4.28). тид̇од̇и бад̇идтид̇о. сзсам̣ вуд̇д̇анаязнзва взд̣̇ид̇аб̣б̣ам̣.

    Porāṇe aggaññe ariyavaṃse ṭhitoti ettha porāṇeti na adhunuppattike. Aggaññeti aggehi jānitabbe. Ariyavaṃseti ariyānaṃ vaṃse. Yathā hi khattiyavaṃso brāhmaṇavaṃso vessavaṃso suddavaṃso samaṇavaṃso kulavaṃso rājavaṃso, evamayampi aṭṭhamo ariyavaṃso, ariyatanti ariyapaveṇi nāma hoti. So kho panāyaṃ vaṃso imesaṃ vaṃsānaṃ mūlagandhādīnaṃ kālānusārigandhādayo viya aggamakkhāyati. Ke pana te ariyā, yesaṃ eso vaṃsoti? Ariyā vuccanti buddhā ca paccekabuddhā ca tathāgatasāvakā ca, etesaṃ ariyānaṃ vaṃsoti ariyavaṃso. Ito pubbe hi satasahassakappādhikānaṃ catunnaṃ asaṅkhyeyyānaṃ matthake taṇhaṅkaro medhaṅkaro saraṇaṅkaro dīpaṅkaroti cattāro buddhā uppannā, te ariyā, tesaṃ ariyānaṃ vaṃsoti ariyavaṃso. Tesaṃ buddhānaṃ parinibbānato aparabhāge asaṅkhyeyyaṃ atikkamitvā koṇḍañño nāma buddho uppanno…pe… imasmiṃ kappe kakusandho koṇāgamano kassapo amhākaṃ bhagavā gotamoti cattāro buddhā uppannā, tesaṃ ariyānaṃ vaṃsoti ariyavaṃso. Api ca atītānāgatapaccuppannānaṃ sabbabuddhapaccekabuddhabuddhasāvakānaṃ ariyānaṃ vaṃsoti ariyavaṃso, tasmiṃ ariyavaṃse (a. ni. aṭṭha. 2.4.28). Ṭhitoti patiṭṭhito. Sesaṃ vuttanayeneva veditabbaṃ.

    адтамаг̇аат̇аанид̣̇д̣̇зсаван̣н̣анаа.

    Aṭṭhamagāthāniddesavaṇṇanā.

    129. навамз аяам̣ яож̇анаа – д̣̇уссан̇г̇ахаа баб̣б̣аж̇ид̇ааби згз, яз асанд̇осаабхибхууд̇аа, д̇ат̇аавид̇хаа зва жа ат̇о г̇ахадтаа гхарамаавасанд̇аа. зд̇амахам̣ д̣̇уссан̇г̇ахабхаавам̣ ж̇иг̇ужчанд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ буриманаязнзва взд̣̇ид̇аб̣б̣ам̣.

    129. Navame ayaṃ yojanā – dussaṅgahā pabbajitāpi eke, ye asantosābhibhūtā, tathāvidhā eva ca atho gahaṭṭhā gharamāvasantā. Etamahaṃ dussaṅgahabhāvaṃ jigucchanto vipassanaṃ ārabhitvā paccekabodhiṃ adhigatomhīti. Sesaṃ purimanayeneva veditabbaṃ.

    нид̣̇д̣̇зсз анассаваад̇и важанам̣ ассаванагаа. аважанагараад̇и д̣̇уб̣б̣ажаа. бадиломавуд̇д̇инод̇и бажжанийгам̣ гат̇анасийлаа, бадималлаа худ̇ваа бавад̇д̇анд̇ийд̇и ад̇т̇о. ан̃н̃знзва мукам̣ гаронд̇ийд̇и оваад̣̇ад̣̇ааяагз д̣̇исваа мукам̣ баривад̇д̇зд̇ваа ан̃н̃ам̣ д̣̇исаабхааг̇ам̣ ологзнд̇и. аб̣яаавадо худ̇ваад̇и аваавадо худ̇ваа. анабзгко худ̇ваад̇и аналлийно худ̇ваа.

    Niddese anassavāti vacanaṃ assavanakā. Avacanakarāti dubbacā. Paṭilomavuttinoti paccanīkaṃ kathanasīlā, paṭimallā hutvā pavattantīti attho. Aññeneva mukhaṃ karontīti ovādadāyake disvā mukhaṃ parivattetvā aññaṃ disābhāgaṃ olokenti. Abyāvaṭo hutvāti avāvaṭo hutvā. Anapekkho hutvāti anallīno hutvā.

    навамаг̇аат̇аанид̣̇д̣̇зсаван̣н̣анаа.

    Navamagāthāniddesavaṇṇanā.

    130. д̣̇асамз оробаяид̇ваад̇и абанзд̇ваа. г̇ихиб̣яан̃ж̇анаанийд̇и гзсамассуод̣̇аад̇авад̇т̇аалан̇гаарамаалааг̇анд̇хавилзбанаид̇т̇ибуд̇д̇ад̣̇аасид̣̇аасаад̣̇ийни. зд̇аани г̇ихибхаавам̣ б̣яан̃ж̇аяанд̇и, д̇асмаа ‘‘г̇ихиб̣яан̃ж̇анааний’’д̇и вужжанд̇и. сан̃чиннабад̇д̇од̇и бад̇ид̇абад̇д̇о. чзд̇ваанаад̇и маг̇г̇ан̃аан̣зна чинд̣̇ид̇ваа. вийрод̇и маг̇г̇авийрияасаманнааг̇ад̇о. г̇ихиб̣анд̇ханаанийд̇и гаамаб̣анд̇ханаани. гаамаа хи г̇ихийнам̣ б̣анд̇ханаани. аяам̣ д̇аава бад̣̇ад̇т̇о.

    130. Dasame oropayitvāti apanetvā. Gihibyañjanānīti kesamassuodātavatthālaṅkāramālāgandhavilepanaitthiputtadāsidāsādīni. Etāni gihibhāvaṃ byañjayanti, tasmā ‘‘gihibyañjanānī’’ti vuccanti. Sañchinnapattoti patitapatto. Chetvānāti maggañāṇena chinditvā. Vīroti maggavīriyasamannāgato. Gihibandhanānīti kāmabandhanāni. Kāmā hi gihīnaṃ bandhanāni. Ayaṃ tāva padattho.

    аяам̣ бана ад̇хиббааяо – ‘‘ахо вад̇аахамби оробаяид̇ваа г̇ихиб̣яан̃ж̇анаани сан̃чиннабад̇д̇о яат̇аа говил̣ааро бхавзяяа’’нд̇и зван̃хи жинд̇аяамаано вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и (су. ни. адта. 1.44). сзсам̣ буриманаязнзва ж̇аанид̇аб̣б̣ам̣.

    Ayaṃ pana adhippāyo – ‘‘aho vatāhampi oropayitvā gihibyañjanāni sañchinnapatto yathā koviḷāro bhaveyya’’nti evañhi cintayamāno vipassanaṃ ārabhitvā paccekabodhiṃ adhigatomhīti (su. ni. aṭṭha. 1.44). Sesaṃ purimanayeneva jānitabbaṃ.

    нид̣̇д̣̇зсз саараасанан̃жаад̇и саарам̣ аасанам̣. чиннаанийд̇и г̇ал̣ид̇аани. сан̃чиннаанийд̇и нибан̣н̣аани. бад̇ид̇аанийд̇и ван̣дад̇о муд̇д̇аани. барибад̇ид̇аанийд̇и бхуумияам̣ бад̇ид̇аани.

    Niddese sārāsanañcāti sāraṃ āsanaṃ. Chinnānīti gaḷitāni. Sañchinnānīti nipaṇṇāni. Patitānīti vaṇṭato muttāni. Paripatitānīti bhūmiyaṃ patitāni.

    д̣̇асамаг̇аат̇аанид̣̇д̣̇зсаван̣н̣анаа.

    Dasamagāthāniddesavaṇṇanā.

    батамаваг̇г̇аван̣н̣анаа нидтид̇аа.

    Paṭhamavaggavaṇṇanā niṭṭhitā.




    Next: 2. д̣̇уд̇ияаваг̇г̇аван̣н̣анаа • 2. Dutiyavaggavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi / батамаваг̇г̇о • Paṭhamavaggo


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact