| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౯. పఠమవససుత్తం
9. Paṭhamavasasuttaṃ
౪౦. ‘‘సత్తహి , భిక్ఖవే, ధమ్మేహి సమన్నాగతో భిక్ఖు చిత్తం వసే 1 వత్తేతి, నో చ భిక్ఖు చిత్తస్స వసేన వత్తతి. కతమేహి సత్తహి? ఇధ, భిక్ఖవే, భిక్ఖు సమాధికుసలో హోతి, సమాధిస్స సమాపత్తికుసలో హోతి, సమాధిస్స ఠితికుసలో హోతి, సమాధిస్స వుట్ఠానకుసలో హోతి, సమాధిస్స కల్యాణకుసలో హోతి, సమాధిస్స గోచరకుసలో హోతి, సమాధిస్స అభినీహారకుసలో హోతి. ఇమేహి ఖో, భిక్ఖవే, సత్తహి ధమ్మేహి సమన్నాగతో భిక్ఖు చిత్తం వసే వత్తేతి, నో చ భిక్ఖు చిత్తస్స వసేన వత్తతీ’’తి. నవమం.
40. ‘‘Sattahi , bhikkhave, dhammehi samannāgato bhikkhu cittaṃ vase 2 vatteti, no ca bhikkhu cittassa vasena vattati. Katamehi sattahi? Idha, bhikkhave, bhikkhu samādhikusalo hoti, samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, samādhissa kalyāṇakusalo hoti, samādhissa gocarakusalo hoti, samādhissa abhinīhārakusalo hoti. Imehi kho, bhikkhave, sattahi dhammehi samannāgato bhikkhu cittaṃ vase vatteti, no ca bhikkhu cittassa vasena vattatī’’ti. Navamaṃ.
Footnotes:
Related texts:
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౬-౧౧. దుతియమిత్తసుత్తాదివణ్ణనా • 6-11. Dutiyamittasuttādivaṇṇanā
