| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៣. បឋមវេទនាសុត្តំ
3. Paṭhamavedanāsuttaṃ
៥២. វុត្តញ្ហេតំ ភគវតា, វុត្តមរហតាតិ មេ សុតំ –
52. Vuttañhetaṃ bhagavatā, vuttamarahatāti me sutaṃ –
‘‘តិស្សោ ឥមា, ភិក្ខវេ, វេទនា។ កតមា តិស្សោ? សុខា វេទនា, ទុក្ខា វេទនា, អទុក្ខមសុខា វេទនា –
‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā –
ឥមា ខោ, ភិក្ខវេ, តិស្សោ វេទនា’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
Imā kho, bhikkhave, tisso vedanā’’ti. Etamatthaṃ bhagavā avoca. Tatthetaṃ iti vuccati –
‘‘សមាហិតោ សម្បជានោ, សតោ ពុទ្ធស្ស សាវកោ;
‘‘Samāhito sampajāno, sato buddhassa sāvako;
វេទនា ច បជានាតិ, វេទនានញ្ច សម្ភវំ។
Vedanā ca pajānāti, vedanānañca sambhavaṃ.
‘‘យត្ថ ចេតា និរុជ្ឈន្តិ, មគ្គញ្ច ខយគាមិនំ;
‘‘Yattha cetā nirujjhanti, maggañca khayagāminaṃ;
វេទនានំ ខយា ភិក្ខុ, និច្ឆាតោ បរិនិព្ពុតោ’’តិ។
Vedanānaṃ khayā bhikkhu, nicchāto parinibbuto’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ តតិយំ។
Ayampi attho vutto bhagavatā, iti me sutanti. Tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៣. បឋមវេទនាសុត្តវណ្ណនា • 3. Paṭhamavedanāsuttavaṇṇanā
