| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. батамавзд̣̇анаасуд̇д̇аван̣н̣анаа
3. Paṭhamavedanāsuttavaṇṇanā
52. д̇ад̇ияз взд̣̇анаад̇и аарамман̣арасам̣ взд̣̇ияанд̇и анубхаванд̇ийд̇и взд̣̇анаа. д̇аа вибхааг̇ад̇о д̣̇ассзд̇ум̣ ‘‘сукаа взд̣̇анаа’’д̇иаад̣̇и вуд̇д̇ам̣. д̇ад̇т̇а сука-сад̣̇д̣̇о ад̇т̇уд̣̇д̇хааравасзна хздтаа вуд̇д̇оязва. д̣̇угка-сад̣̇д̣̇о бана ‘‘ж̇аад̇иби д̣̇угкаа’’д̇иаад̣̇ийсу (д̣̇ий. ни. 2.387; вибха. 190) д̣̇угкавад̇т̇усмим̣ ааг̇ад̇о. ‘‘яасмаа жа ко, махаали, руубам̣ д̣̇угкам̣ д̣̇угкаанубад̇ид̇ам̣ д̣̇угкаавагганд̇а’’нд̇иаад̣̇ийсу (сам̣. ни. 3.60) д̣̇угкаарамман̣з. ‘‘д̣̇угко баабасса ужжаяо’’д̇иаад̣̇ийсу (д̇ха. ба. 117) д̣̇угкабажжаяз. ‘‘яааван̃жид̣̇ам̣, бхигкавз, на сугараа агкаанзна баабун̣ид̇ум̣, яаава д̣̇угкаа нираяаа’’д̇иаад̣̇ийсу (ма. ни. 3.250) д̣̇угкабажжаяадтаанз. ‘‘сукасса жа бахаанаа д̣̇угкасса жа бахаанаа’’д̇иаад̣̇ийсу (д̣̇ий. ни. 1.232; д̇ха. са. 165) д̣̇угкавзд̣̇анааяам̣. ид̇хааби д̣̇угкавзд̣̇анааяамзва.
52. Tatiye vedanāti ārammaṇarasaṃ vediyanti anubhavantīti vedanā. Tā vibhāgato dassetuṃ ‘‘sukhā vedanā’’tiādi vuttaṃ. Tattha sukha-saddo atthuddhāravasena heṭṭhā vuttoyeva. Dukkha-saddo pana ‘‘jātipi dukkhā’’tiādīsu (dī. ni. 2.387; vibha. 190) dukkhavatthusmiṃ āgato. ‘‘Yasmā ca kho, mahāli, rūpaṃ dukkhaṃ dukkhānupatitaṃ dukkhāvakkanta’’ntiādīsu (saṃ. ni. 3.60) dukkhārammaṇe. ‘‘Dukkho pāpassa uccayo’’tiādīsu (dha. pa. 117) dukkhapaccaye. ‘‘Yāvañcidaṃ, bhikkhave, na sukarā akkhānena pāpuṇituṃ, yāva dukkhā nirayā’’tiādīsu (ma. ni. 3.250) dukkhapaccayaṭṭhāne. ‘‘Sukhassa ca pahānā dukkhassa ca pahānā’’tiādīsu (dī. ni. 1.232; dha. sa. 165) dukkhavedanāyaṃ. Idhāpi dukkhavedanāyameva.
важанад̇т̇ад̇о бана сукаяад̇ийд̇и сукаа. д̣̇угкаяад̇ийд̇и д̣̇угкаа. на д̣̇угкаа на сукаад̇и ад̣̇угкамасукаа, магааро бад̣̇асанд̇хивасзна вуд̇д̇о. д̇аасу идтаанубхаваналагкан̣аа сукаа, анидтаанубхаваналагкан̣аа д̣̇угкаа, убхаяавибарийд̇аанубхаваналагкан̣аа ад̣̇угкамасукаа. д̇асмаа сукад̣̇угкавзд̣̇анаанам̣ уббад̇д̇и баагадаа, на ад̣̇угкамасукааяа. яад̣̇аа хи сукам̣ уббаж̇ж̇ад̇и, сагаласарийрам̣ бхзнд̇ам̣ мад̣̇д̣̇анд̇ам̣ парамаанам̣ сад̇ад̇ход̇асаббим̣ каад̣̇аабзнд̇ам̣ вияа, сад̇абаагад̇злам̣ магкзнд̇ам̣ вияа, гхадасахассзна барил̣аахам̣ ниб̣б̣аабаяамаанам̣ вияа жа ‘‘ахо сукам̣, ахо сука’’нд̇и ваажам̣ нижчаараяамаанамзва уббаж̇ж̇ад̇и. яад̣̇аа д̣̇угкам̣ уббаж̇ж̇ад̇и, сагаласарийрам̣ кобхзнд̇ам̣ мад̣̇д̣̇анд̇ам̣ парамаанам̣ д̇ад̇д̇апаалам̣ бавзсзнд̇ам̣ вияа вилийнад̇амб̣алохам̣ аасин̃жанд̇ам̣ вияа жа ‘‘ахо д̣̇угкам̣, ахо д̣̇угка’’нд̇и виббалаабзнд̇амзва уббаж̇ж̇ад̇и. ид̇и сукад̣̇угкавзд̣̇анаанам̣ уббад̇д̇и баагадаа.
Vacanatthato pana sukhayatīti sukhā. Dukkhayatīti dukkhā. Na dukkhā na sukhāti adukkhamasukhā, makāro padasandhivasena vutto. Tāsu iṭṭhānubhavanalakkhaṇā sukhā, aniṭṭhānubhavanalakkhaṇā dukkhā, ubhayaviparītānubhavanalakkhaṇā adukkhamasukhā. Tasmā sukhadukkhavedanānaṃ uppatti pākaṭā, na adukkhamasukhāya. Yadā hi sukhaṃ uppajjati, sakalasarīraṃ bhentaṃ maddantaṃ pharamānaṃ satadhotasappiṃ khādāpentaṃ viya, satapākatelaṃ makkhentaṃ viya, ghaṭasahassena pariḷāhaṃ nibbāpayamānaṃ viya ca ‘‘aho sukhaṃ, aho sukha’’nti vācaṃ nicchārayamānameva uppajjati. Yadā dukkhaṃ uppajjati, sakalasarīraṃ khobhentaṃ maddantaṃ pharamānaṃ tattaphālaṃ pavesentaṃ viya vilīnatambalohaṃ āsiñcantaṃ viya ca ‘‘aho dukkhaṃ, aho dukkha’’nti vippalāpentameva uppajjati. Iti sukhadukkhavedanānaṃ uppatti pākaṭā.
ад̣̇угкамасукаа бана д̣̇уб̣б̣иж̇аанаа д̣̇уд̣̇д̣̇ийбанаа анд̇хагаараа авибхууд̇аа. саа сукад̣̇угкаанам̣ абаг̇амз саад̇аасаад̇абадибагкавасзна маж̇жхад̇д̇аагаарабхууд̇аа наяад̇о г̇ан̣ханд̇ассзва баагадаа ход̇и. яат̇аа гим̣? яат̇аа буб̣б̣аабарам̣ сабам̣сугз бад̣̇зсз убажарид̇амаг̇г̇авасзна бидтибаасаан̣з миг̇зна г̇ад̇амаг̇г̇о, звам̣ идтаанидтаарамман̣зсу сукад̣̇угкаанубхаванзнаби маж̇жхад̇д̇аарамман̣аанубхаванабхаавзна вин̃н̃ааяад̇и. маж̇жхад̇д̇аарамман̣аг̇г̇ахан̣ам̣ бидтибаасаан̣аг̇аманам̣ вияа идтаанидтаарамман̣аг̇г̇ахан̣аабхаавад̇о . яан̃жа д̇ад̇раанубхаванам̣, саа ад̣̇угкамасукаад̇и.
Adukkhamasukhā pana dubbijānā duddīpanā andhakārā avibhūtā. Sā sukhadukkhānaṃ apagame sātāsātapaṭipakkhavasena majjhattākārabhūtā nayato gaṇhantasseva pākaṭā hoti. Yathā kiṃ? Yathā pubbāparaṃ sapaṃsuke padese upacaritamaggavasena piṭṭhipāsāṇe migena gatamaggo, evaṃ iṭṭhāniṭṭhārammaṇesu sukhadukkhānubhavanenapi majjhattārammaṇānubhavanabhāvena viññāyati. Majjhattārammaṇaggahaṇaṃ piṭṭhipāsāṇagamanaṃ viya iṭṭhāniṭṭhārammaṇaggahaṇābhāvato . Yañca tatrānubhavanaṃ, sā adukkhamasukhāti.
звамзд̇т̇а сукад̣̇угкаад̣̇угкамасукабхаавзна д̇ид̇хаа вуд̇д̇ааби гад̇т̇ажи сукад̣̇угкабхаавзна д̣̇вид̇хаа вуд̇д̇аа. яат̇ааха – ‘‘д̣̇взби маяаа, аананд̣̇а, взд̣̇анаа вуд̇д̇аа, барияааязна сукаа взд̣̇анаа, д̣̇угкаа взд̣̇анаа’’д̇и (ма. ни. 2.89). гад̇т̇ажи д̇иссоби висум̣ висум̣ сукад̣̇угкаад̣̇угкамасукабхаавзна ‘‘сукаа взд̣̇анаа тид̇исукаа вибарин̣аамад̣̇угкаа, д̣̇угкаа взд̣̇анаа тид̇ид̣̇угкаа вибарин̣аамасукаа, ад̣̇угкамасукаа взд̣̇анаа н̃аан̣асукаа ан̃н̃аан̣ад̣̇угкаа’’д̇и (ма. ни. 1.465). гад̇т̇ажи саб̣б̣ааби д̣̇угкабхаавзна. вуд̇д̇ан̃хзд̇ам̣ ‘‘яам̣ гин̃жи взд̣̇аяид̇ам̣, саб̣б̣ам̣ д̇ам̣ д̣̇угкасминд̇и вад̣̇аамий’’д̇и (сам̣. ни. 4.259).
Evamettha sukhadukkhaadukkhamasukhabhāvena tidhā vuttāpi katthaci sukhadukkhabhāvena dvidhā vuttā. Yathāha – ‘‘dvepi mayā, ānanda, vedanā vuttā, pariyāyena sukhā vedanā, dukkhā vedanā’’ti (ma. ni. 2.89). Katthaci tissopi visuṃ visuṃ sukhadukkhaadukkhamasukhabhāvena ‘‘sukhā vedanā ṭhitisukhā vipariṇāmadukkhā, dukkhā vedanā ṭhitidukkhā vipariṇāmasukhā, adukkhamasukhā vedanā ñāṇasukhā aññāṇadukkhā’’ti (ma. ni. 1.465). Katthaci sabbāpi dukkhabhāvena. Vuttañhetaṃ ‘‘yaṃ kiñci vedayitaṃ, sabbaṃ taṃ dukkhasminti vadāmī’’ti (saṃ. ni. 4.259).
д̇ад̇т̇а сияаа – яад̣̇и д̇иссо взд̣̇анаа яат̇аа ид̇ха вуд̇д̇аа, ан̃н̃зсу жа зд̣̇исзсу суд̇д̇зсу абхид̇хаммз жа звам̣ авад̇ваа гасмаа звам̣ вуд̇д̇ам̣ ‘‘яам̣ гин̃жи взд̣̇аяид̇ам̣, саб̣б̣ам̣ д̇ам̣ д̣̇угкасминд̇и вад̣̇аамий’’д̇и, ‘‘д̣̇взби маяаа, аананд̣̇а, взд̣̇анаа вуд̇д̇аа’’д̇и жа? санд̇хааяабхаасид̇амзд̇ам̣, д̇асмаа саа барияааяад̣̇зсанаа. вуд̇д̇ан̃хзд̇ам̣ бхаг̇авад̇аа –
Tattha siyā – yadi tisso vedanā yathā idha vuttā, aññesu ca edisesu suttesu abhidhamme ca evaṃ avatvā kasmā evaṃ vuttaṃ ‘‘yaṃ kiñci vedayitaṃ, sabbaṃ taṃ dukkhasminti vadāmī’’ti, ‘‘dvepi mayā, ānanda, vedanā vuttā’’ti ca? Sandhāyabhāsitametaṃ, tasmā sā pariyāyadesanā. Vuttañhetaṃ bhagavatā –
‘‘сан̇каараанижжад̇ам̣, аананд̣̇а, маяаа санд̇хааяа бхаасид̇ам̣ сан̇кааравибарин̣аамад̇ам̣, ‘яам̣ гин̃жи взд̣̇аяид̇ам̣, саб̣б̣ам̣ д̇ам̣ д̣̇угкасми’’’нд̇и (сам̣. ни. 4.259).
‘‘Saṅkhārāniccataṃ, ānanda, mayā sandhāya bhāsitaṃ saṅkhāravipariṇāmataṃ, ‘yaṃ kiñci vedayitaṃ, sabbaṃ taṃ dukkhasmi’’’nti (saṃ. ni. 4.259).
‘‘д̣̇взби маяаа, аананд̣̇а, взд̣̇анаа вуд̇д̇аа барияааязнаа’’д̇и жа (сам̣. ни. 4.259).
‘‘Dvepi mayā, ānanda, vedanā vuttā pariyāyenā’’ti ca (saṃ. ni. 4.259).
зд̇т̇а хи сукаа ад̣̇угкамасукаад̇и имаасам̣ д̣̇виннам̣ взд̣̇анаанам̣ ниббарияааязна д̣̇угкабхааво над̇т̇и, взнзяяаж̇жхаасаязна бана д̇ад̇т̇а нижчанд̣̇ад̣̇ассанад̇т̇ам̣ барияааязна д̣̇угкабхааво вуд̇д̇од̇и саа д̇аад̣̇исий барияааяад̣̇зсанаа. аяам̣ бана взд̣̇анад̇д̇аяад̣̇зсанаа сабхаавагат̇аад̇и гад̇ваа ниббарияааяад̣̇зсанаад̇и аяамзд̇т̇а аажарияаанам̣ самаанагат̇аа.
Ettha hi sukhā adukkhamasukhāti imāsaṃ dvinnaṃ vedanānaṃ nippariyāyena dukkhabhāvo natthi, veneyyajjhāsayena pana tattha nicchandadassanatthaṃ pariyāyena dukkhabhāvo vuttoti sā tādisī pariyāyadesanā. Ayaṃ pana vedanattayadesanā sabhāvakathāti katvā nippariyāyadesanāti ayamettha ācariyānaṃ samānakathā.
вид̇ан̣д̣аваад̣̇ий банааха ‘‘д̣̇угкад̇аад̣̇ваяаважанад̇о барияааяад̣̇зсанаава взд̣̇анад̇д̇аяад̣̇зсанаа’’д̇и. со ‘‘маа хзва’’нд̇исса важанийяо, яасмаа бхаг̇авад̇аа саб̣б̣аасам̣ взд̣̇анаанам̣ д̣̇угкабхааво ад̇хиббааяавасзна вуд̇д̇о ‘‘сан̇каараанижжад̇ам̣, аананд̣̇а, маяаа санд̇хааяа бхаасид̇ам̣ сан̇кааравибарин̣аамад̇ам̣ ‘яам̣ гин̃жи взд̣̇аяид̇ам̣, саб̣б̣ам̣ д̇ам̣ д̣̇угкасми’’’нд̇и. яад̣̇и банзд̇т̇а взд̣̇анад̇д̇аяад̣̇зсанаа барияааяад̣̇зсанаа сияаа, ‘‘ид̣̇ам̣ маяаа санд̇хааяа бхаасид̇ам̣ д̇иссо взд̣̇анаа’’д̇и вад̇д̇аб̣б̣ам̣ сияаа, на банзд̇ам̣ вуд̇д̇ам̣.
Vitaṇḍavādī panāha ‘‘dukkhatādvayavacanato pariyāyadesanāva vedanattayadesanā’’ti. So ‘‘mā heva’’ntissa vacanīyo, yasmā bhagavatā sabbāsaṃ vedanānaṃ dukkhabhāvo adhippāyavasena vutto ‘‘saṅkhārāniccataṃ, ānanda, mayā sandhāya bhāsitaṃ saṅkhāravipariṇāmataṃ ‘yaṃ kiñci vedayitaṃ, sabbaṃ taṃ dukkhasmi’’’nti. Yadi panettha vedanattayadesanā pariyāyadesanā siyā, ‘‘idaṃ mayā sandhāya bhāsitaṃ tisso vedanā’’ti vattabbaṃ siyā, na panetaṃ vuttaṃ.
абижааяамзва вад̇д̇аб̣б̣о ‘‘го, банаавусо, взд̣̇анад̇д̇аяад̣̇зсанааяа ад̇хиббааяо’’д̇и? сажз вад̣̇зяяа ‘‘муд̣̇угаа д̣̇угкаа взд̣̇анаа сукаа, ад̇химад̇д̇аа д̣̇угкаа, маж̇жхимаа ад̣̇угкамасукаад̇и взнзяяаж̇жхаасаязна вуд̇д̇аа. д̇аасу хи на сад̇д̇аанам̣ сукаад̣̇ивад̣дхий’’д̇и. со вад̇д̇аб̣б̣о – го банаавусо д̣̇угкавзд̣̇анааяа сабхааво, язна ‘‘саб̣б̣аа взд̣̇анаа д̣̇угкаа’’д̇и вужжзяяум̣? яад̣̇и яааяа уббаннааяа сад̇д̇аа вияог̇амзва ижчанд̇и, со д̣̇угкавзд̣̇анааяа сабхааво. яааяа жа бана уббаннааяа сад̇д̇аа авияог̇амзва ижчанд̇и, яааяа на убхаяам̣ ижчанд̇и, саа гат̇ам̣ д̣̇угкавзд̣̇анаа сияаа? ат̇а яаа ад̇д̇ано ниссаяасса убагхаад̇агаарий, саа д̣̇угкаа. яаа ануг̇г̇ахагаарий, саа гат̇ам̣ д̣̇угкаа сияаа. ат̇а бана яад̣̇арияаа д̣̇угкад̇о бассанд̇и, со д̣̇угкавзд̣̇анааяа сабхааво, сан̇каарад̣̇угкад̇ааяа взд̣̇анам̣ арияаа д̣̇угкад̇о бассанд̇и, саа жа абхин̣хасабхааваад̇и гат̇ам̣ д̇аасам̣ взд̣̇анаанам̣ муд̣̇умаж̇жхимаад̇химад̇д̇ад̣̇угкабхааво сияаа? яад̣̇и жа сан̇каарад̣̇угкад̇ааяа зва взд̣̇анаанам̣ д̣̇угкабхааво сияаа, ‘‘д̇иссо имаа, бхигкавз, д̣̇угкад̇ааяо д̣̇угкад̣̇угкад̇аа, вибарин̣аамад̣̇угкад̇аа, сан̇каарад̣̇угкад̇аа’’д̇и (д̣̇ий. ни. 3.305) аяам̣ д̣̇угкад̇аанам̣ вибхааг̇ад̣̇зсанаа ниббаяож̇анаа сияаа. д̇ат̇аа жа сад̇и суд̇д̇амзва бадиб̣аахид̇ам̣ сияаа, буримзсу жа д̇ийсу руубааважараж̇жхаанзсу муд̣̇угаа д̣̇угкаа взд̣̇анаад̇и аабаж̇ж̇ад̇и сукавзд̣̇анааважанад̇о. жад̇уд̇т̇аж̇жхаанз аруубаж̇жхаанзсу жа маж̇жхимаа, ад̣̇угкамасукавзд̣̇анааважанад̇о. звам̣ санд̇з буримаа д̇иссо руубааважарасамаабад̇д̇ияо жад̇уд̇т̇аж̇жхаанасамаабад̇д̇ияаа аруубасамаабад̇д̇ийхи жа санд̇ад̇араад̇и аабаж̇ж̇ад̇и. гат̇ам̣ ваа санд̇ад̇араббан̣ийд̇ад̇араасу самаабад̇д̇ийсу д̣̇угкавзд̣̇анааяа ад̇хигабхааво яуж̇ж̇ад̇и? д̇асмаа взд̣̇анад̇д̇аяад̣̇зсанааяа барияааяад̣̇зсанаабхааво на яуд̇д̇од̇и.
Apicāyameva vattabbo ‘‘ko, panāvuso, vedanattayadesanāya adhippāyo’’ti? Sace vadeyya ‘‘mudukā dukkhā vedanā sukhā, adhimattā dukkhā, majjhimā adukkhamasukhāti veneyyajjhāsayena vuttā. Tāsu hi na sattānaṃ sukhādivaḍḍhī’’ti. So vattabbo – ko panāvuso dukkhavedanāya sabhāvo, yena ‘‘sabbā vedanā dukkhā’’ti vucceyyuṃ? Yadi yāya uppannāya sattā viyogameva icchanti, so dukkhavedanāya sabhāvo. Yāya ca pana uppannāya sattā aviyogameva icchanti, yāya na ubhayaṃ icchanti, sā kathaṃ dukkhavedanā siyā? Atha yā attano nissayassa upaghātakārī, sā dukkhā. Yā anuggahakārī, sā kathaṃ dukkhā siyā. Atha pana yadariyā dukkhato passanti, so dukkhavedanāya sabhāvo, saṅkhāradukkhatāya vedanaṃ ariyā dukkhato passanti, sā ca abhiṇhasabhāvāti kathaṃ tāsaṃ vedanānaṃ mudumajjhimādhimattadukkhabhāvo siyā? Yadi ca saṅkhāradukkhatāya eva vedanānaṃ dukkhabhāvo siyā, ‘‘tisso imā, bhikkhave, dukkhatāyo dukkhadukkhatā, vipariṇāmadukkhatā, saṅkhāradukkhatā’’ti (dī. ni. 3.305) ayaṃ dukkhatānaṃ vibhāgadesanā nippayojanā siyā. Tathā ca sati suttameva paṭibāhitaṃ siyā, purimesu ca tīsu rūpāvacarajjhānesu mudukā dukkhā vedanāti āpajjati sukhavedanāvacanato. Catutthajjhāne arūpajjhānesu ca majjhimā, adukkhamasukhavedanāvacanato. Evaṃ sante purimā tisso rūpāvacarasamāpattiyo catutthajjhānasamāpattiyā arūpasamāpattīhi ca santatarāti āpajjati. Kathaṃ vā santatarappaṇītatarāsu samāpattīsu dukkhavedanāya adhikabhāvo yujjati? Tasmā vedanattayadesanāya pariyāyadesanābhāvo na yuttoti.
яам̣ бана вуд̇д̇ам̣ ‘‘д̣̇угкз суканд̇и сан̃н̃аавибаллаасо’’д̇и (а. ни. 4.49; бади. ма. 1.236), д̇ам̣ гат̇анд̇и? вибарин̣аамад̣̇угкад̇ааяа сан̇каарад̣̇угкад̇ааяа жа яат̇аабхууд̇аанаваб̣од̇хзна яаа зганд̇ад̇о сукасан̃н̃аа, яаа жа д̣̇угканимид̇д̇з суканимид̇д̇асан̃н̃аа, д̇ам̣ санд̇хааяа вуд̇д̇ам̣. звамби ‘‘сукаа, бхигкавз, взд̣̇анаа д̣̇угкад̇о д̣̇адтаб̣б̣аа’’д̇и (ид̇иву. 53) ид̣̇ам̣ бана гат̇анд̇и? ид̣̇ам̣ бана вибарин̣аамад̣̇ассанз саннияож̇анад̇т̇ам̣ вуд̇д̇ам̣ д̇асса д̇ад̇т̇а вирааг̇уббад̇д̇ияаа убааяабхаавад̇о сукавзд̣̇анааяа б̣ахуд̣̇угкаануг̇ад̇абхаавад̇о жа. д̇ат̇аа хи д̣̇угкасса хзд̇убхаавад̇о анзгзхи д̣̇угкад̇хаммзхи ануб̣ад̣̇д̇хад̇д̇аа жа бан̣д̣ид̇аа сукамби д̣̇угкамижжзва бадибаннаа.
Yaṃ pana vuttaṃ ‘‘dukkhe sukhanti saññāvipallāso’’ti (a. ni. 4.49; paṭi. ma. 1.236), taṃ kathanti? Vipariṇāmadukkhatāya saṅkhāradukkhatāya ca yathābhūtānavabodhena yā ekantato sukhasaññā, yā ca dukkhanimitte sukhanimittasaññā, taṃ sandhāya vuttaṃ. Evampi ‘‘sukhā, bhikkhave, vedanā dukkhato daṭṭhabbā’’ti (itivu. 53) idaṃ pana kathanti? Idaṃ pana vipariṇāmadassane sanniyojanatthaṃ vuttaṃ tassa tattha virāguppattiyā upāyabhāvato sukhavedanāya bahudukkhānugatabhāvato ca. Tathā hi dukkhassa hetubhāvato anekehi dukkhadhammehi anubaddhattā ca paṇḍitā sukhampi dukkhamicceva paṭipannā.
звамби над̇т̇зва сукаа взд̣̇анаа, сукахзд̇уунам̣ нияамаабхаавад̇о. яз хи сукавзд̣̇анааяа хзд̇усаммад̇аа гхаасажчаад̣̇анаад̣̇аяо, д̇з зва ад̇химад̇д̇ам̣ агаалз жа бадисзвияамаанаа д̣̇угкавзд̣̇анааяа хзд̇убхаавамаабаж̇ж̇анд̇и. на жа язнзва хзд̇унаа сукам̣, д̇знзва д̣̇угканд̇и яуд̇д̇ам̣ вад̇д̇ум̣. д̇асмаа на д̇з сукахзд̇уу, д̣̇угканд̇араабаг̇амз бана авин̃н̃уунам̣ сукасан̃н̃аа яат̇аа жирад̇арам̣ таанаад̣̇иирияаабат̇асаман̇г̇ий худ̇ваа д̇ад̣̇ан̃н̃аирияаабат̇асамааяог̇з маханд̇ан̃жа бхаарам̣ вахад̇о бхааранигкзбз жзва вуубасамз жа, д̇асмаа над̇т̇зва суканд̇и? д̇аяид̣̇ам̣ саммад̣̇зва сукахзд̇ум̣ абарин̃н̃ааяа д̇асса нияамаабхаавабаригаббанам̣. аарамман̣амад̇д̇амзва хи гзвалам̣ сукахзд̇ум̣ манасигад̇ваа звам̣ вуд̇д̇ам̣, аж̇жхад̇д̇игасарийрасса авад̇т̇аависзсам̣ самуд̣̇ид̇ам̣ бана згаж̇жхам̣ д̇ад̣̇убхаяам̣ сукаад̣̇ихзд̇ууд̇и взд̣̇ид̇аб̣б̣ам̣. яаад̣̇исан̃жа д̇ад̣̇убхаяам̣ сукавзд̣̇анааяа хзд̇у, д̇аад̣̇исам̣ на гад̣̇аажиби д̣̇угкавзд̣̇анааяа хзд̇у ход̇ийд̇и вавад̇т̇ид̇аа зва сукаад̣̇ихзд̇у. яат̇аа наама д̇зж̇од̇хаад̇у саалияавад̣аагасассаад̣̇ийнам̣ яаад̣̇исамавад̇т̇анд̇арам̣ бад̇ваа саад̇амад̇хурабхаавахзд̇у ход̇и, на д̇аад̣̇исамзва бад̇ваа гад̣̇аажиби асаад̇аамад̇хурабхаавахзд̇у ход̇и, звам̣самбад̣̇амид̣̇ам̣ д̣̇адтаб̣б̣ам̣.
Evampi nattheva sukhā vedanā, sukhahetūnaṃ niyamābhāvato. Ye hi sukhavedanāya hetusammatā ghāsacchādanādayo, te eva adhimattaṃ akāle ca paṭiseviyamānā dukkhavedanāya hetubhāvamāpajjanti. Na ca yeneva hetunā sukhaṃ, teneva dukkhanti yuttaṃ vattuṃ. Tasmā na te sukhahetū, dukkhantarāpagame pana aviññūnaṃ sukhasaññā yathā cirataraṃ ṭhānādiiriyāpathasamaṅgī hutvā tadaññairiyāpathasamāyoge mahantañca bhāraṃ vahato bhāranikkhepe ceva vūpasame ca, tasmā nattheva sukhanti? Tayidaṃ sammadeva sukhahetuṃ apariññāya tassa niyamābhāvaparikappanaṃ. Ārammaṇamattameva hi kevalaṃ sukhahetuṃ manasikatvā evaṃ vuttaṃ, ajjhattikasarīrassa avatthāvisesaṃ samuditaṃ pana ekajjhaṃ tadubhayaṃ sukhādihetūti veditabbaṃ. Yādisañca tadubhayaṃ sukhavedanāya hetu, tādisaṃ na kadācipi dukkhavedanāya hetu hotīti vavatthitā eva sukhādihetu. Yathā nāma tejodhātu sāliyavaḍākasassādīnaṃ yādisamavatthantaraṃ patvā sātamadhurabhāvahetu hoti, na tādisameva patvā kadācipi asātaamadhurabhāvahetu hoti, evaṃsampadamidaṃ daṭṭhabbaṃ.
д̣̇угкаабаг̇амзва гад̣̇аажи сукавзд̣̇ананд̇арам̣ убалаб̣бхад̇и. д̇ад̇т̇а сукзязва сукасан̃н̃аа, на д̣̇угкаабаг̇амамад̇д̇з яат̇аа ад̣̇д̇хаанаг̇аманабариссамагиланд̇асса самб̣ааханз ирияаабат̇абаривад̇д̇анз жа, ан̃н̃ат̇аа гааланд̇арзби бариссамаабаг̇амз д̇аад̣̇исий сукасан̃н̃аа сияаа. д̣̇угкаабаг̇амамад̇д̇з бана суканд̇и баригаббанаа взд̣̇анаависзсасса анубалаб̣бхамаанад̇д̇аа. зганд̇знзва жзд̇ам̣ звам̣ самбадижчид̇аб̣б̣ам̣, яад̇о бан̣ийд̇аббан̣ийд̇ааниязва аарамман̣аани махад̇аа ааяаасзна сад̇д̇аа абхибад̇т̇аяанд̇и, на жа нзсам̣ язна гзнажи яат̇аалад̣̇д̇хамад̇д̇зна бажжаязна бад̇игаарам̣ гаад̇ум̣ саггаа д̇ан̣хуббаад̣̇знаад̇и . взд̣̇анаабажжаяаа хи д̇ан̣хааубаад̣̇и, д̇ат̇аабхаавз жа суг̇анд̇хамад̇хурасукасампассаад̣̇ивад̇т̇уунам̣ ид̇арийд̇арабхаавзна сукависзсасан̃н̃аа ж̇ааяамаанаа гад̇амасса д̣̇угкависзсасса абаг̇аманз гхаанаж̇ивхаагааяад̣̇ваарзсу, сод̇ад̣̇ваарз жа д̣̇иб̣б̣асан̇г̇ийд̇асад̣̇исабан̃жан̇г̇игад̇уурияасад̣̇д̣̇аавад̇хааран̣з. д̇асмаа на д̣̇угкавзд̣̇анааяамзва д̣̇угканд̇араабаг̇амз сукасан̃н̃аа, нааби гзвалз д̣̇угкаабаг̇амамад̇д̇зд̇и ааг̇амад̇о яуд̇д̇ид̇оби вавад̇т̇ид̇аа д̇иссо взд̣̇анаад̇и бхаг̇авад̇о взд̣̇анад̇д̇аяад̣̇зсанаа нийд̇ад̇т̇ааязва, на нзяяад̇т̇аад̇и сан̃н̃аабзд̇аб̣б̣ам̣. зван̃жзд̇ам̣ убзд̇и, ижжзд̇ам̣ гусалам̣, но жз, гаммам̣ гад̇ваа уяяож̇зд̇аб̣б̣о ‘‘г̇ажча яат̇аасука’’нд̇и.
Dukkhāpagameva kadāci sukhavedanantaraṃ upalabbhati. Tattha sukheyeva sukhasaññā, na dukkhāpagamamatte yathā addhānagamanaparissamakilantassa sambāhane iriyāpathaparivattane ca, aññathā kālantarepi parissamāpagame tādisī sukhasaññā siyā. Dukkhāpagamamatte pana sukhanti parikappanā vedanāvisesassa anupalabbhamānattā. Ekanteneva cetaṃ evaṃ sampaṭicchitabbaṃ, yato paṇītappaṇītāniyeva ārammaṇāni mahatā āyāsena sattā abhipatthayanti, na ca nesaṃ yena kenaci yathāladdhamattena paccayena patikāraṃ kātuṃ sakkā taṇhuppādenāti . Vedanāpaccayā hi taṇhāupādi, tathābhāve ca sugandhamadhurasukhasamphassādivatthūnaṃ itarītarabhāvena sukhavisesasaññā jāyamānā katamassa dukkhavisesassa apagamane ghānajivhākāyadvāresu, sotadvāre ca dibbasaṅgītasadisapañcaṅgikatūriyasaddāvadhāraṇe. Tasmā na dukkhavedanāyameva dukkhantarāpagame sukhasaññā, nāpi kevale dukkhāpagamamatteti āgamato yuttitopi vavatthitā tisso vedanāti bhagavato vedanattayadesanā nītatthāyeva, na neyyatthāti saññāpetabbaṃ. Evañcetaṃ upeti, iccetaṃ kusalaṃ, no ce, kammaṃ katvā uyyojetabbo ‘‘gaccha yathāsukha’’nti.
звамзд̇аа ан̃н̃аман̃н̃абадибагкасабхаавававад̇т̇ид̇алагкан̣аа зва д̇иссо взд̣̇анаа бхаг̇авад̇аа д̣̇зсид̇аа. д̇ан̃жа ко вибассанаагаммигаанам̣ яог̇ааважараанам̣ взд̣̇анаамукзна аруубагаммадтаанад̣̇ассанад̇т̇ам̣. д̣̇увид̇хан̃хи гаммадтаанам̣ руубагаммадтаанам̣, аруубагаммадтаананд̇и. д̇ад̇т̇а бхаг̇аваа руубагаммадтаанам̣ гат̇знд̇о сан̇кзбаманасигааравасзна ваа вид̇т̇аараманасигааравасзна ваа жад̇уд̇хаад̇увавад̇т̇аанаад̣̇ивасзна ваа гат̇зд̇и. аруубагаммадтаанам̣ бана гат̇знд̇о пассавасзна ваа взд̣̇анаавасзна ваа жид̇д̇авасзна ваа гат̇зд̇и. згажжасса хи аабаат̇аг̇ад̇з аарамман̣з ааваж̇ж̇ад̇о д̇ад̇т̇а жид̇д̇ажзд̇асигаанам̣ батамаабхинибаад̇о пассо д̇ам̣ аарамман̣ам̣ пусанд̇о уббаж̇ж̇амаано баагадо ход̇и, згажжасса д̇ам̣ аарамман̣ам̣ анубхаванд̇ий уббаж̇ж̇амаанаа взд̣̇анаа баагадаа ход̇и, згажжасса д̇ам̣ аарамман̣ам̣ виж̇аананд̇ам̣ уббаж̇ж̇амаанам̣ вин̃н̃аан̣ам̣ баагадам̣ ход̇и. ид̇и д̇зсам̣ д̇зсам̣ буг̇г̇алаанам̣ аж̇жхаасаязна яат̇аабаагадам̣ пассаад̣̇имукзна д̇ид̇хаа аруубагаммадтаанам̣ гат̇зд̇и.
Evametā aññamaññapaṭipakkhasabhāvavavatthitalakkhaṇā eva tisso vedanā bhagavatā desitā. Tañca kho vipassanākammikānaṃ yogāvacarānaṃ vedanāmukhena arūpakammaṭṭhānadassanatthaṃ. Duvidhañhi kammaṭṭhānaṃ rūpakammaṭṭhānaṃ, arūpakammaṭṭhānanti. Tattha bhagavā rūpakammaṭṭhānaṃ kathento saṅkhepamanasikāravasena vā vitthāramanasikāravasena vā catudhātuvavatthānādivasena vā katheti. Arūpakammaṭṭhānaṃ pana kathento phassavasena vā vedanāvasena vā cittavasena vā katheti. Ekaccassa hi āpāthagate ārammaṇe āvajjato tattha cittacetasikānaṃ paṭhamābhinipāto phasso taṃ ārammaṇaṃ phusanto uppajjamāno pākaṭo hoti, ekaccassa taṃ ārammaṇaṃ anubhavantī uppajjamānā vedanā pākaṭā hoti, ekaccassa taṃ ārammaṇaṃ vijānantaṃ uppajjamānaṃ viññāṇaṃ pākaṭaṃ hoti. Iti tesaṃ tesaṃ puggalānaṃ ajjhāsayena yathāpākaṭaṃ phassādimukhena tidhā arūpakammaṭṭhānaṃ katheti.
д̇ад̇т̇а яасса пассо баагадо ход̇и, соби ‘‘на гзвалам̣ пассова уббаж̇ж̇ад̇и, д̇зна сад̣̇д̇хим̣ д̇ад̣̇зва аарамман̣ам̣ анубхавамаанаа взд̣̇анааби уббаж̇ж̇ад̇и, сан̃ж̇аанамаанаа сан̃н̃ааби, жзд̇аяамаанаа жзд̇анааби, виж̇аанамаанам̣ вин̃н̃аан̣амби уббаж̇ж̇ад̇ий’’д̇и пассабан̃жамагзязва бариг̇г̇ан̣хаад̇и. яасса взд̣̇анаа баагадаа ход̇и, соби ‘‘на гзвалам̣ взд̣̇анаава уббаж̇ж̇ад̇и, д̇ааяа сад̣̇д̇хим̣ пусамаано пассоби уббаж̇ж̇ад̇и, сан̃ж̇аанамаанаа сан̃н̃ааби, жзд̇аяамаанаа жзд̇анааби , виж̇аанамаанам̣ вин̃н̃аан̣амби уббаж̇ж̇ад̇ий’’д̇и пассабан̃жамагзязва бариг̇г̇ан̣хаад̇и. яасса вин̃н̃аан̣ам̣ баагадам̣ ход̇и, соби ‘‘на гзвалам̣ вин̃н̃аан̣амзва уббаж̇ж̇ад̇и, д̇зна сад̣̇д̇хим̣ д̇ад̣̇зваарамман̣ам̣ пусамаано пассоби уббаж̇ж̇ад̇и, анубхавамаанаа взд̣̇анааби, сан̃ж̇аанамаанаа сан̃н̃ааби, жзд̇аяамаанаа жзд̇анааби уббаж̇ж̇ад̇ий’’д̇и пассабан̃жамагзязва бариг̇г̇ан̣хаад̇и.
Tattha yassa phasso pākaṭo hoti, sopi ‘‘na kevalaṃ phassova uppajjati, tena saddhiṃ tadeva ārammaṇaṃ anubhavamānā vedanāpi uppajjati, sañjānamānā saññāpi, cetayamānā cetanāpi, vijānamānaṃ viññāṇampi uppajjatī’’ti phassapañcamakeyeva pariggaṇhāti. Yassa vedanā pākaṭā hoti, sopi ‘‘na kevalaṃ vedanāva uppajjati, tāya saddhiṃ phusamāno phassopi uppajjati, sañjānamānā saññāpi, cetayamānā cetanāpi , vijānamānaṃ viññāṇampi uppajjatī’’ti phassapañcamakeyeva pariggaṇhāti. Yassa viññāṇaṃ pākaṭaṃ hoti, sopi ‘‘na kevalaṃ viññāṇameva uppajjati, tena saddhiṃ tadevārammaṇaṃ phusamāno phassopi uppajjati, anubhavamānā vedanāpi, sañjānamānā saññāpi, cetayamānā cetanāpi uppajjatī’’ti phassapañcamakeyeva pariggaṇhāti.
со ‘‘имз пассабан̃жамагаа д̇хаммаа гим̣ниссид̇аа’’д̇и убад̇хаарзнд̇о ‘‘вад̇т̇униссид̇аа’’д̇и баж̇аанаад̇и. вад̇т̇у наама гараж̇агааяо. яам̣ санд̇хааяа вуд̇д̇ам̣ ‘‘ид̣̇ан̃жа бана мз вин̃н̃аан̣ам̣ зд̇т̇асид̇ам̣ зд̇т̇абадиб̣ад̣̇д̇ха’’нд̇и (д̣̇ий. ни. 1.235; ма. ни. 2.252). со ад̇т̇ад̇о бхууд̇аа жзва убаад̣̇ааруубаани жа, звамзд̇т̇а вад̇т̇у руубам̣, пассабан̃жамагаа нааманд̇и наамаруубамад̇д̇амзва бассад̇и. руубан̃жзд̇т̇а руубагканд̇хо, наамам̣ жад̇д̇ааро аруубино канд̇хаад̇и бан̃жагканд̇хамад̇д̇ам̣ ход̇и. наамаруубавинимуд̇д̇аа хи бан̃жагканд̇хаа, бан̃жагканд̇хавинимуд̇д̇ам̣ ваа наамаруубам̣ над̇т̇и. со ‘‘имз бан̃жагканд̇хаа гим̣хзд̇угаа’’д̇и убабаригканд̇о ‘‘авиж̇ж̇аад̣̇ихзд̇угаа’’д̇и, д̇ад̇о ‘‘бажжаяо жзва бажжаяуббаннан̃жа ид̣̇ам̣, ан̃н̃о сад̇д̇о ваа буг̇г̇ало ваа над̇т̇и, суд̣̇д̇хасан̇каарабун̃ж̇амад̇д̇амзваа’’д̇и саббажжаяанаамаруубавасзна д̇илагкан̣ам̣ ааробзд̇ваа вибассанаабадибаадияаа ‘‘анижжам̣ д̣̇угкаманад̇д̇аа’’д̇и саммасанд̇о вижарад̇и. со ‘‘аж̇ж̇а аж̇ж̇аа’’д̇и бадивзд̇хам̣ ааган̇камаано д̇ат̇ааруубз самаяз уд̇усаббааяам̣, буг̇г̇аласаббааяам̣, бхож̇анасаббааяам̣, д̇хаммассаванасаббааяам̣ ваа лабхид̇ваа згабаллан̇гзна нисиннова вибассанам̣ мад̇т̇агам̣ баабзд̇ваа арахад̇д̇з бад̇идтаад̇и. звам̣ имзсам̣ д̇ин̣н̣ам̣ ж̇анаанам̣ яаава арахад̇д̇аа гаммадтаанам̣ взд̣̇ид̇аб̣б̣ам̣. ид̇ха бана бхаг̇аваа взд̣̇анаавасзна б̣уж̇жханагаанам̣ аж̇жхаасаязна аруубагаммадтаанам̣ гат̇знд̇о взд̣̇анаавасзна гат̇зси. д̇ад̇т̇а –
So ‘‘ime phassapañcamakā dhammā kiṃnissitā’’ti upadhārento ‘‘vatthunissitā’’ti pajānāti. Vatthu nāma karajakāyo. Yaṃ sandhāya vuttaṃ ‘‘idañca pana me viññāṇaṃ etthasitaṃ etthapaṭibaddha’’nti (dī. ni. 1.235; ma. ni. 2.252). So atthato bhūtā ceva upādārūpāni ca, evamettha vatthu rūpaṃ, phassapañcamakā nāmanti nāmarūpamattameva passati. Rūpañcettha rūpakkhandho, nāmaṃ cattāro arūpino khandhāti pañcakkhandhamattaṃ hoti. Nāmarūpavinimuttā hi pañcakkhandhā, pañcakkhandhavinimuttaṃ vā nāmarūpaṃ natthi. So ‘‘ime pañcakkhandhā kiṃhetukā’’ti upaparikkhanto ‘‘avijjādihetukā’’ti, tato ‘‘paccayo ceva paccayuppannañca idaṃ, añño satto vā puggalo vā natthi, suddhasaṅkhārapuñjamattamevā’’ti sappaccayanāmarūpavasena tilakkhaṇaṃ āropetvā vipassanāpaṭipāṭiyā ‘‘aniccaṃ dukkhamanattā’’ti sammasanto vicarati. So ‘‘ajja ajjā’’ti paṭivedhaṃ ākaṅkhamāno tathārūpe samaye utusappāyaṃ, puggalasappāyaṃ, bhojanasappāyaṃ, dhammassavanasappāyaṃ vā labhitvā ekapallaṅkena nisinnova vipassanaṃ matthakaṃ pāpetvā arahatte patiṭṭhāti. Evaṃ imesaṃ tiṇṇaṃ janānaṃ yāva arahattā kammaṭṭhānaṃ veditabbaṃ. Idha pana bhagavā vedanāvasena bujjhanakānaṃ ajjhāsayena arūpakammaṭṭhānaṃ kathento vedanāvasena kathesi. Tattha –
‘‘лагкан̣ан̃жа ад̇хидтаанам̣, уббад̇д̇и анусаяо д̇ат̇аа;
‘‘Lakkhaṇañca adhiṭṭhānaṃ, uppatti anusayo tathā;
таанам̣ бавад̇д̇игаало жа, инд̣̇рияан̃жа д̣̇вид̇хаад̣̇ид̇аа’’д̇и. –
Ṭhānaṃ pavattikālo ca, indriyañca dvidhāditā’’ti. –
ид̣̇ам̣ багин̣н̣агам̣ взд̣̇ид̇аб̣б̣ам̣ – д̇ад̇т̇а лагкан̣ам̣ хздтаа вуд̇д̇амзва. ад̇хидтаананд̇и пассо. ‘‘пассабажжаяаа взд̣̇анаа’’д̇и хи важанад̇о пассо взд̣̇анааяа ад̇хидтаанам̣. д̇ат̇аа хи со взд̣̇анаад̇хидтаанабхаавад̇о нижжаммаг̇аавийубамааяа убамид̇о. д̇ад̇т̇а сукавзд̣̇анийяо пассо сукааяа взд̣̇анааяа ад̇хидтаанам̣, д̣̇угкавзд̣̇анийяо пассо д̣̇угкааяа взд̣̇анааяа, ад̣̇угкамасукавзд̣̇анийяо пассо ад̣̇угкамасукааяа взд̣̇анааяа ад̇хидтаанам̣, аасаннагааран̣анд̇и ад̇т̇о. взд̣̇анаа гасса бад̣̇адтаанам̣? ‘‘взд̣̇анаабажжаяаа д̇ан̣хаа’’д̇и важанад̇о д̇ан̣хааяа бад̣̇адтаанам̣ абхибад̇т̇анийяабхаавад̇о. сукаа взд̣̇анаа д̇аава д̇ан̣хааяа бад̣̇адтаанам̣ ход̇у, ид̇араа бана гат̇анд̇и? вужжад̇з сукасаман̇г̇ийби д̇аава д̇ам̣сад̣̇исам̣ д̇ад̇о ваа уд̇д̇арид̇арам̣ сукам̣ абхибад̇т̇зд̇и, гиман̇г̇а бана д̣̇угкасаман̇г̇ийбхууд̇о. ад̣̇угкамасукаа жа санд̇абхаавзна сукамижжзва вужжад̇ийд̇и д̇иссоби взд̣̇анаа д̇ан̣хааяа бад̣̇адтаанам̣.
Idaṃ pakiṇṇakaṃ veditabbaṃ – tattha lakkhaṇaṃ heṭṭhā vuttameva. Adhiṭṭhānanti phasso. ‘‘Phassapaccayā vedanā’’ti hi vacanato phasso vedanāya adhiṭṭhānaṃ. Tathā hi so vedanādhiṭṭhānabhāvato niccammagāvīupamāya upamito. Tattha sukhavedanīyo phasso sukhāya vedanāya adhiṭṭhānaṃ, dukkhavedanīyo phasso dukkhāya vedanāya, adukkhamasukhavedanīyo phasso adukkhamasukhāya vedanāya adhiṭṭhānaṃ, āsannakāraṇanti attho. Vedanā kassa padaṭṭhānaṃ? ‘‘Vedanāpaccayā taṇhā’’ti vacanato taṇhāya padaṭṭhānaṃ abhipatthanīyabhāvato. Sukhā vedanā tāva taṇhāya padaṭṭhānaṃ hotu, itarā pana kathanti? Vuccate sukhasamaṅgīpi tāva taṃsadisaṃ tato vā uttaritaraṃ sukhaṃ abhipattheti, kimaṅga pana dukkhasamaṅgībhūto. Adukkhamasukhā ca santabhāvena sukhamicceva vuccatīti tissopi vedanā taṇhāya padaṭṭhānaṃ.
уббад̇д̇ийд̇и уббад̇д̇игааран̣ам̣. идтаарамман̣абхууд̇аа хи сад̇д̇асан̇каараа сукавзд̣̇анааяа уббад̇д̇игааран̣ам̣, д̇з зва анидтаарамман̣абхууд̇аа д̣̇угкавзд̣̇анааяа, маж̇жхад̇д̇аарамман̣абхууд̇аа ад̣̇угкамасукааяа. вибаагад̇о д̇ад̣̇аагаараг̇г̇ахан̣ад̇о жзд̇т̇а идтаанидтад̇аа взд̣̇ид̇аб̣б̣аа.
Uppattīti uppattikāraṇaṃ. Iṭṭhārammaṇabhūtā hi sattasaṅkhārā sukhavedanāya uppattikāraṇaṃ, te eva aniṭṭhārammaṇabhūtā dukkhavedanāya, majjhattārammaṇabhūtā adukkhamasukhāya. Vipākato tadākāraggahaṇato cettha iṭṭhāniṭṭhatā veditabbā.
анусаяод̇и имаасу д̇ийсу взд̣̇анаасу сукааяа взд̣̇анааяа рааг̇аанусаяо анусзд̇и, д̣̇угкааяа взд̣̇анааяа бадигхаанусаяо, ад̣̇угкамасукааяа взд̣̇анааяа авиж̇ж̇аанусаяо анусзд̇и. вуд̇д̇ан̃хзд̇ам̣ –
Anusayoti imāsu tīsu vedanāsu sukhāya vedanāya rāgānusayo anuseti, dukkhāya vedanāya paṭighānusayo, adukkhamasukhāya vedanāya avijjānusayo anuseti. Vuttañhetaṃ –
‘‘сукааяа ко, аавусо висаака, взд̣̇анааяа рааг̇аанусаяо анусзд̇ий’’д̇иаад̣̇и (ма. ни. 1.465).
‘‘Sukhāya kho, āvuso visākha, vedanāya rāgānusayo anusetī’’tiādi (ma. ni. 1.465).
д̣̇идтимаанаанусаяаа жзд̇т̇а рааг̇абагкияаа гаад̇аб̣б̣аа. сукаабхинанд̣̇анзна хи д̣̇идтиг̇ад̇игаа ‘‘сассад̇а’’нд̇иаад̣̇инаа саггааяз абхинивисанд̇и, маанаж̇аад̇игаа жа маанам̣ ж̇аббзнд̇и ‘‘сзяяохамасмий’’д̇иаад̣̇инаа. вижигижчаанусаяо бана авиж̇ж̇аабагкиго гаад̇аб̣б̣о. д̇ат̇аа хи вуд̇д̇ам̣ бадижжасамуббаад̣̇авибхан̇г̇з (вибха. 288-289) ‘‘взд̣̇анаабажжаяаа вижигижчаа’’д̇и. анусаяаанан̃жа д̇ад̇т̇а д̇ад̇т̇а санд̇аанз аббахийнабхаавзна т̇аамаг̇аманам̣. д̇асмаа ‘‘сукааяа взд̣̇анааяа рааг̇аанусаяо анусзд̇ий’’д̇и маг̇г̇зна аббахийнад̇д̇аа ануруубагааран̣алаабхз уббаж̇ж̇анаарахо рааг̇о, д̇ад̇т̇а саяид̇о вияа ход̇ийд̇и ад̇т̇о. зса наяо сзсзсуби.
Diṭṭhimānānusayā cettha rāgapakkhiyā kātabbā. Sukhābhinandanena hi diṭṭhigatikā ‘‘sassata’’ntiādinā sakkāye abhinivisanti, mānajātikā ca mānaṃ jappenti ‘‘seyyohamasmī’’tiādinā. Vicikicchānusayo pana avijjāpakkhiko kātabbo. Tathā hi vuttaṃ paṭiccasamuppādavibhaṅge (vibha. 288-289) ‘‘vedanāpaccayā vicikicchā’’ti. Anusayānañca tattha tattha santāne appahīnabhāvena thāmagamanaṃ. Tasmā ‘‘sukhāya vedanāya rāgānusayo anusetī’’ti maggena appahīnattā anurūpakāraṇalābhe uppajjanāraho rāgo, tattha sayito viya hotīti attho. Esa nayo sesesupi.
таананд̇и гааяо жид̇д̇ан̃жа взд̣̇анааяа таанам̣. вуд̇д̇ан̃хзд̇ам̣ – ‘‘яам̣ д̇асмим̣ самаяз гааяигам̣ сукам̣ гааяасампассаж̇ам̣ саад̇ам̣ сукам̣ взд̣̇аяид̇ам̣ (д̇ха. са. 449). яам̣ д̇асмим̣ самаяз жзд̇асигам̣ сукам̣ жзд̇осампассаж̇ам̣ саад̇ам̣ сукам̣ взд̣̇аяид̇а’’нд̇и (д̇ха. са. 471) жа.
Ṭhānanti kāyo cittañca vedanāya ṭhānaṃ. Vuttañhetaṃ – ‘‘yaṃ tasmiṃ samaye kāyikaṃ sukhaṃ kāyasamphassajaṃ sātaṃ sukhaṃ vedayitaṃ (dha. sa. 449). Yaṃ tasmiṃ samaye cetasikaṃ sukhaṃ cetosamphassajaṃ sātaṃ sukhaṃ vedayita’’nti (dha. sa. 471) ca.
бавад̇д̇игаалод̇и бавад̇д̇игкан̣о, бавад̇д̇анаагаланан̃жа. бавад̇д̇игкан̣зна хи сукад̣̇угкавзд̣̇анаанам̣ сукад̣̇угкабхааво вавад̇т̇ид̇о. яат̇ааха –
Pavattikāloti pavattikkhaṇo, pavattanākalanañca. Pavattikkhaṇena hi sukhadukkhavedanānaṃ sukhadukkhabhāvo vavatthito. Yathāha –
‘‘сукаа ко, аавусо висаака, взд̣̇анаа тид̇исукаа вибарин̣аамад̣̇угкаа, д̣̇угкаа ко, аавусо висаака, взд̣̇анаа тид̇ид̣̇угкаа вибарин̣аамасукаа’’д̇и (ма. ни. 1.465).
‘‘Sukhā kho, āvuso visākha, vedanā ṭhitisukhā vipariṇāmadukkhā, dukkhā kho, āvuso visākha, vedanā ṭhitidukkhā vipariṇāmasukhā’’ti (ma. ni. 1.465).
сукааяа взд̣̇анааяа ад̇т̇ибхааво сукам̣, над̇т̇ибхааво д̣̇угкам̣. д̣̇угкааяа взд̣̇анааяа ад̇т̇ибхааво д̣̇угкам̣, над̇т̇ибхааво суканд̇и ад̇т̇о. ад̣̇угкамасукааяа взд̣̇анааяа бавад̇д̇анаагаланам̣ бавад̇д̇ияаа аагаланам̣ анаагаланан̃жа ж̇аананам̣ аж̇аананан̃жа сукад̣̇угкабхаавававад̇т̇аанам̣. вуд̇д̇амби жзд̇ам̣ –
Sukhāya vedanāya atthibhāvo sukhaṃ, natthibhāvo dukkhaṃ. Dukkhāya vedanāya atthibhāvo dukkhaṃ, natthibhāvo sukhanti attho. Adukkhamasukhāya vedanāya pavattanākalanaṃ pavattiyā ākalanaṃ anākalanañca jānanaṃ ajānanañca sukhadukkhabhāvavavatthānaṃ. Vuttampi cetaṃ –
‘‘ад̣̇угкамасукаа ко, аавусо висаака, взд̣̇анаа н̃аан̣асукаа ан̃н̃аан̣ад̣̇угкаа’’д̇и.
‘‘Adukkhamasukhā kho, āvuso visākha, vedanā ñāṇasukhā aññāṇadukkhā’’ti.
инд̣̇рияанд̇и зд̇аа хи сукаад̣̇аяо д̇иссо взд̣̇анаа сукинд̣̇рияам̣, д̣̇угкинд̣̇рияам̣, соманассинд̣̇рияам̣, д̣̇оманассинд̣̇рияам̣, убзгкинд̣̇рияанд̇и ад̇хибад̇зяяадтзна инд̣̇рияад̇о бан̃жад̇хаа вибхад̇д̇аа. гааяиган̃хи саад̇ам̣ сукинд̣̇рияанд̇и вуд̇д̇ам̣, асаад̇ам̣ д̣̇угкинд̣̇рияанд̇и. маанасам̣ бана саад̇ам̣ соманассинд̣̇рияанд̇и вуд̇д̇ам̣, асаад̇ам̣ д̣̇оманассинд̣̇рияанд̇и. д̣̇увид̇хамби нзва саад̇ам̣ наасаад̇ам̣ убзгкинд̣̇рияанд̇и. гим̣ банзд̇т̇а гааран̣ам̣ – яат̇аа гааяигажзд̇асигаа сукад̣̇угкавзд̣̇анаа ‘‘сукинд̣̇рияам̣ соманассинд̣̇рияам̣, д̣̇угкинд̣̇рияам̣ д̣̇оманассинд̣̇рияа’’нд̇и вибхаж̇ид̇ваа вуд̇д̇аа, на звам̣ ад̣̇угкамасукаад̇и? бхзд̣̇аабхаавад̇о. яат̇зва хи ануг̇г̇ахасабхааваа б̣аад̇хагасабхааваа жа сукад̣̇угкавзд̣̇анаа ан̃н̃ат̇аа гааяасса ануг̇г̇ахам̣ б̣аад̇хаган̃жа гаронд̇и, жид̇д̇асса жа ан̃н̃ат̇аа, на звам̣ ад̣̇угкамасукаа, д̇асмаа бхзд̣̇аабхаавад̇о вибхаж̇ид̇ваа на вуд̇д̇аа.
Indriyanti etā hi sukhādayo tisso vedanā sukhindriyaṃ, dukkhindriyaṃ, somanassindriyaṃ, domanassindriyaṃ, upekkhindriyanti adhipateyyaṭṭhena indriyato pañcadhā vibhattā. Kāyikañhi sātaṃ sukhindriyanti vuttaṃ, asātaṃ dukkhindriyanti. Mānasaṃ pana sātaṃ somanassindriyanti vuttaṃ, asātaṃ domanassindriyanti. Duvidhampi neva sātaṃ nāsātaṃ upekkhindriyanti. Kiṃ panettha kāraṇaṃ – yathā kāyikacetasikā sukhadukkhavedanā ‘‘sukhindriyaṃ somanassindriyaṃ, dukkhindriyaṃ domanassindriya’’nti vibhajitvā vuttā, na evaṃ adukkhamasukhāti? Bhedābhāvato. Yatheva hi anuggahasabhāvā bādhakasabhāvā ca sukhadukkhavedanā aññathā kāyassa anuggahaṃ bādhakañca karonti, cittassa ca aññathā, na evaṃ adukkhamasukhā, tasmā bhedābhāvato vibhajitvā na vuttā.
д̣̇вид̇хаад̣̇ид̇аад̇и саб̣б̣ааби хи взд̣̇анаа взд̣̇аяид̇адтзна згавид̇хааби ниссаяабхзд̣̇зна д̣̇увид̇хаа – гааяигаа жзд̇асигаад̇и, сукаа, д̣̇угкаа, ад̣̇угкамасукаад̇и д̇ивид̇хаа, жад̇уяонивасзна жад̇уб̣б̣ид̇хаа, инд̣̇рияавасзна, г̇ад̇ивасзна жа бан̃жавид̇хаа, д̣̇вааравасзна жа аарамман̣авасзна жа чаб̣б̣ид̇хаа, сад̇д̇авин̃н̃аан̣ад̇хаад̇уяог̇зна сад̇д̇авид̇хаа, адталогад̇хаммабажжаяад̇ааяа адтавид̇хаа, сукаад̣̇ийнам̣ бажжзгам̣ ад̇ийд̇аад̣̇ивибхааг̇зна нававид̇хаа, д̇аа зва аж̇жхад̇д̇аб̣ахид̣̇д̇хаабхзд̣̇зна адтаарасавид̇хаа, д̇ат̇аа руубаад̣̇ийсу часу аарамман̣зсу згзгасмим̣ сукаад̣̇ивасзна д̇иссо д̇иссо гад̇ваа. руубаарамман̣асмин̃хи сукааби уббаж̇ж̇ад̇и, д̣̇угкааби, ад̣̇угкамасукааби, звам̣ ид̇арзсуби. ат̇а ваа адтаарасаманобавижааравасзна адтаараса. вуд̇д̇ан̃хи –
Dvidhāditāti sabbāpi hi vedanā vedayitaṭṭhena ekavidhāpi nissayabhedena duvidhā – kāyikā cetasikāti, sukhā, dukkhā, adukkhamasukhāti tividhā, catuyonivasena catubbidhā, indriyavasena, gativasena ca pañcavidhā, dvāravasena ca ārammaṇavasena ca chabbidhā, sattaviññāṇadhātuyogena sattavidhā, aṭṭhalokadhammapaccayatāya aṭṭhavidhā, sukhādīnaṃ paccekaṃ atītādivibhāgena navavidhā, tā eva ajjhattabahiddhābhedena aṭṭhārasavidhā, tathā rūpādīsu chasu ārammaṇesu ekekasmiṃ sukhādivasena tisso tisso katvā. Rūpārammaṇasmiñhi sukhāpi uppajjati, dukkhāpi, adukkhamasukhāpi, evaṃ itaresupi. Atha vā aṭṭhārasamanopavicāravasena aṭṭhārasa. Vuttañhi –
‘‘жагкунаа руубам̣ д̣̇исваа соманассадтаанияам̣ руубам̣ убавижарад̇и, д̣̇оманассадтаанияам̣, убзгкаадтаанияам̣ руубам̣ убавижарад̇и, сод̇зна сад̣̇д̣̇ам̣…бз… манасаа д̇хаммам̣ вин̃н̃ааяа соманассадтаанияам̣ д̇хаммам̣ убавижарад̇и, д̣̇оманассадтаанияам̣, убзгкаадтаанияам̣ д̇хаммам̣ убавижарад̇ий’’д̇и (а. ни. 3.62).
‘‘Cakkhunā rūpaṃ disvā somanassaṭṭhāniyaṃ rūpaṃ upavicarati, domanassaṭṭhāniyaṃ, upekkhāṭṭhāniyaṃ rūpaṃ upavicarati, sotena saddaṃ…pe… manasā dhammaṃ viññāya somanassaṭṭhāniyaṃ dhammaṃ upavicarati, domanassaṭṭhāniyaṃ, upekkhāṭṭhāniyaṃ dhammaṃ upavicaratī’’ti (a. ni. 3.62).
звам̣ адтаарасавид̇хаа хонд̇и. д̇ат̇аа ча г̇зхассид̇аани соманассаани, ча г̇зхассид̇аани д̣̇оманассаани, ча г̇зхассид̇аа убзгкаа, д̇ат̇аа нзгкаммассид̇аа соманассаад̣̇аяод̇и звам̣ чад̇д̇им̣савид̇хаа . ад̇ийд̇з чад̇д̇им̣са, анааг̇ад̇з чад̇д̇им̣са, бажжуббаннз чад̇д̇им̣саад̇и адтуд̇д̇арасад̇амби бхаванд̇и. звамзд̇т̇а д̣̇вид̇хаад̣̇ид̇аа взд̣̇ид̇аб̣б̣аад̇и.
Evaṃ aṭṭhārasavidhā honti. Tathā cha gehassitāni somanassāni, cha gehassitāni domanassāni, cha gehassitā upekkhā, tathā nekkhammassitā somanassādayoti evaṃ chattiṃsavidhā . Atīte chattiṃsa, anāgate chattiṃsa, paccuppanne chattiṃsāti aṭṭhuttarasatampi bhavanti. Evamettha dvidhāditā veditabbāti.
багин̣н̣агагат̇аа нидтид̇аа.
Pakiṇṇakakathā niṭṭhitā.
г̇аат̇аасу самаахид̇од̇и убажаараббанаабхзд̣̇зна самаад̇хинаа самаахид̇о. д̇зна самат̇абхааванаануяог̇ам̣ д̣̇ассзд̇и. самбаж̇аанод̇и саад̇т̇агасамбаж̇ан̃н̃аад̣̇инаа жад̇уб̣б̣ид̇хзна самбаж̇ан̃н̃зна самбаж̇аано. д̇зна вибассанаануяог̇ам̣ д̣̇ассзд̇и. сад̇од̇и сад̇огаарий. д̇зна самат̇авибассанаанаязна д̇хаммаа бхааванаабаарибуурим̣ г̇ажчанд̇и. д̇зна саманнааг̇ад̇ад̇д̇ам̣ д̣̇ассзд̇и. взд̣̇анаа жа баж̇аанаад̇ийд̇и ‘‘имаа взд̣̇анаа, зд̇д̇агаа взд̣̇анаа’’д̇и сабхаавад̇о вибхааг̇ад̇о ‘‘анижжаа д̣̇угкаа вибарин̣аамад̇хаммаа’’д̇и анижжаад̣̇илагкан̣ад̇о жа буб̣б̣абхааг̇з д̇ийхи барин̃н̃аахи бариж̇аананд̇о вибассанам̣ вад̣дхзд̇ваа арияамаг̇г̇зна барин̃н̃аабадивзд̇хзна баж̇аанаад̇и. взд̣̇анаанан̃жа самбхаванд̇и самуд̣̇аяасажжам̣. яад̇т̇а жзд̇аа нируж̇жханд̇ийд̇и зд̇д̇аавад̇аа взд̣̇анаа яад̇т̇а нируж̇жханд̇и, д̇ам̣ нирод̇хасажжам̣. каяаг̇ааминанд̇и взд̣̇анаанам̣ каяаг̇ааминам̣ арияамаг̇г̇ан̃жа баж̇аанаад̇ийд̇и самб̣анд̇хо. взд̣̇анаанам̣ каяаад̇и звам̣ жад̇д̇аари сажжаани бадивиж̇жханд̇зна арияамаг̇г̇зна взд̣̇анаанам̣ ануббаад̣̇анирод̇хаа. нижчаад̇о бариниб̣б̣уд̇од̇и нид̇д̇ан̣хо, бахийнад̇ан̣хо, гилзсабариниб̣б̣аанзна, канд̇хабариниб̣б̣аанзна жа бариниб̣б̣уд̇о ход̇и.
Gāthāsu samāhitoti upacārappanābhedena samādhinā samāhito. Tena samathabhāvanānuyogaṃ dasseti. Sampajānoti sātthakasampajaññādinā catubbidhena sampajaññena sampajāno. Tena vipassanānuyogaṃ dasseti. Satoti satokārī. Tena samathavipassanānayena dhammā bhāvanāpāripūriṃ gacchanti. Tena samannāgatattaṃ dasseti. Vedanā ca pajānātīti ‘‘imā vedanā, ettakā vedanā’’ti sabhāvato vibhāgato ‘‘aniccā dukkhā vipariṇāmadhammā’’ti aniccādilakkhaṇato ca pubbabhāge tīhi pariññāhi parijānanto vipassanaṃ vaḍḍhetvā ariyamaggena pariññāpaṭivedhena pajānāti. Vedanānañca sambhavanti samudayasaccaṃ. Yattha cetā nirujjhantīti ettāvatā vedanā yattha nirujjhanti, taṃ nirodhasaccaṃ. Khayagāminanti vedanānaṃ khayagāminaṃ ariyamaggañca pajānātīti sambandho. Vedanānaṃkhayāti evaṃ cattāri saccāni paṭivijjhantena ariyamaggena vedanānaṃ anuppādanirodhā. Nicchāto parinibbutoti nittaṇho, pahīnataṇho, kilesaparinibbānena, khandhaparinibbānena ca parinibbuto hoti.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. батамавзд̣̇анаасуд̇д̇ам̣ • 3. Paṭhamavedanāsuttaṃ
