| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7. батамавзрасуд̇д̇аван̣н̣анаа
7. Paṭhamaverasuttavaṇṇanā
27. сад̇д̇амз (сам̣. ни. дий. 2.241) яад̇од̇и яасмим̣ гаалз. аяан̃хи д̇о-сад̣̇д̣̇о д̣̇аа-сад̣̇д̣̇о вияа ид̇ха гаалависаяо, яад̣̇аад̇и вуд̇д̇ам̣ ход̇и. бхаяаани взраанийд̇и бхийяад̇з бхаяам̣, бхаязна яог̇аа, бхааяид̇аб̣б̣зна ваа бхаяам̣ зва взраббасавадтзна взранд̇и жа лад̣̇д̇ханаамаа жзд̇анаад̣̇аяо. баан̣аад̇ибаад̇аад̣̇аяо хи яасса бавад̇д̇анд̇и, яан̃жа уд̣̇д̣̇исса бавад̇д̇ийяанд̇и, убхаязсан̃жа взраавахаа, д̇ад̇о зва жзд̇з бхааяид̇аб̣б̣аа взрасан̃ж̇анагаа наамаад̇и. сод̇асса арияамаг̇г̇асса аад̣̇ид̇о баж̇ж̇анам̣ бадибад̇д̇и ад̇хиг̇амо сод̇аабад̇д̇и. д̇ад̣̇ад̇т̇ааяа д̇ад̇т̇а бад̇идтид̇асса жа ан̇г̇аани сод̇аабад̇д̇ияан̇г̇аани. д̣̇увид̇хан̃хи (сам̣. ни. адта. 2.2.41) сод̇аабад̇д̇ияан̇г̇ам̣ сод̇аабад̇д̇иад̇т̇ааяа жа ан̇г̇ам̣ гааран̣ам̣, яам̣ сод̇аабад̇д̇имаг̇г̇аббадилаабхад̇о буб̣б̣абхааг̇з сод̇аабад̇д̇иббадилаабхааяа сам̣вад̇д̇ад̇и, ‘‘саббурисасам̣сзво сад̣̇д̇хаммассаванам̣ яонисоманасигааро д̇хаммаануд̇хаммабадибад̇д̇ий’’д̇и (д̣̇ий. ни. 3.311) звам̣ ааг̇ад̇ам̣. бадилад̣̇д̇хаг̇ун̣асса жа сод̇аабад̇д̇им̣ бад̇ваа тид̇асса ан̇г̇ам̣, яам̣ ‘‘сод̇аабаннасса ан̇г̇а’’нд̇иби вужжад̇и ‘‘сод̇аабанно ан̇г̇ийяад̇и н̃ааяад̇и зд̇знаа’’д̇и гад̇ваа, б̣уд̣̇д̇хз авзжжаббасаад̣̇аад̣̇ийнам̣ зд̇ам̣ ад̇хиважанам̣. ид̣̇амид̇хаад̇хиббзд̇ам̣.
27. Sattame (saṃ. ni. ṭī. 2.241) yatoti yasmiṃ kāle. Ayañhi to-saddo dā-saddo viya idha kālavisayo, yadāti vuttaṃ hoti. Bhayāni verānīti bhīyate bhayaṃ, bhayena yogā, bhāyitabbena vā bhayaṃ eva verappasavaṭṭhena veranti ca laddhanāmā cetanādayo. Pāṇātipātādayo hi yassa pavattanti, yañca uddissa pavattīyanti, ubhayesañca verāvahā, tato eva cete bhāyitabbā verasañjanakā nāmāti. Sotassa ariyamaggassa ādito pajjanaṃ paṭipatti adhigamo sotāpatti. Tadatthāya tattha patiṭṭhitassa ca aṅgāni sotāpattiyaṅgāni. Duvidhañhi (saṃ. ni. aṭṭha. 2.2.41) sotāpattiyaṅgaṃ sotāpattiatthāya ca aṅgaṃ kāraṇaṃ, yaṃ sotāpattimaggappaṭilābhato pubbabhāge sotāpattippaṭilābhāya saṃvattati, ‘‘sappurisasaṃsevo saddhammassavanaṃ yonisomanasikāro dhammānudhammapaṭipattī’’ti (dī. ni. 3.311) evaṃ āgataṃ. Paṭiladdhaguṇassa ca sotāpattiṃ patvā ṭhitassa aṅgaṃ, yaṃ ‘‘sotāpannassa aṅga’’ntipi vuccati ‘‘sotāpanno aṅgīyati ñāyati etenā’’ti katvā, buddhe aveccappasādādīnaṃ etaṃ adhivacanaṃ. Idamidhādhippetaṃ.
кийн̣анираяод̇иаад̣̇ийсу ааяад̇им̣ д̇ад̇т̇а ануббаж̇ж̇анад̇ааяа кийн̣о нираяо маяхад̇и, со ахам̣ кийн̣анираяо. зса наяо саб̣б̣ад̇т̇а. сод̇аабаннод̇и маг̇г̇асод̇ам̣ аабанно. авинибаад̇ад̇хаммод̇и на винибаад̇асабхааво. нияад̇од̇и батамамаг̇г̇асан̇каад̇зна саммад̇д̇анияаамзна нияад̇о. самб̣од̇хибарааяан̣од̇и убаримаг̇г̇ад̇д̇аяасан̇каад̇о самб̣од̇хи барам̣ аяанам̣ маяханд̇и сохам̣ самб̣од̇хибарааяан̣о, самб̣од̇хим̣ авассам̣ абхисамб̣уж̇жханагод̇и ад̇т̇о.
Khīṇanirayotiādīsu āyatiṃ tattha anuppajjanatāya khīṇo nirayo mayhati, so ahaṃ khīṇanirayo. Esa nayo sabbattha. Sotāpannoti maggasotaṃ āpanno. Avinipātadhammoti na vinipātasabhāvo. Niyatoti paṭhamamaggasaṅkhātena sammattaniyāmena niyato. Sambodhiparāyaṇoti uparimaggattayasaṅkhāto sambodhi paraṃ ayanaṃ mayhanti sohaṃ sambodhiparāyaṇo, sambodhiṃ avassaṃ abhisambujjhanakoti attho.
баан̣аад̇ибаад̇абажжаяаад̇и баан̣аад̇ибаад̇агаммасса гаран̣ахзд̇у. бхаяам̣ взранд̇и ад̇т̇ад̇о згам̣. взрам̣ вужжад̇и вирод̇хо, д̇ад̣̇зва бхааяид̇аб̣б̣ад̇о ‘‘бхаяа’’нд̇и вужжад̇и. д̇ан̃жа банзд̇ам̣ д̣̇увид̇хам̣ ход̇и – б̣аахирам̣, аж̇жхад̇д̇иганд̇и. згзна хи згасса бид̇аа маарид̇о ход̇и. со жинд̇зд̇и ‘‘зд̇зна гира мз бид̇аа маарид̇о, ахамби д̇ам̣язва маарзссаамий’’д̇и нисид̇ам̣ сад̇т̇ам̣ аад̣̇ааяа жарад̇и. яаа д̇асса аб̣бханд̇арз уббаннаа взражзд̇анаа, ид̣̇ам̣ б̣аахирам̣ взрам̣ наама д̇асса взрасса муулабхууд̇ад̇о взрагаарагабуг̇г̇алад̇о б̣ахибхаавад̇д̇аа. яаа бана ид̇арасса ‘‘аяам̣ гира мам̣ маарзссаамийд̇и жарад̇и, ахамзва нам̣ батамад̇арам̣ маарзссаамий’’д̇и жзд̇анаа уббаж̇ж̇ад̇и, ид̣̇ам̣ аж̇жхад̇д̇игам̣ взрам̣ наама. ид̣̇ам̣ д̇аава убхаяамби д̣̇идтад̇хаммигамзва. яаа бана д̇ам̣ нираяз уббаннам̣ д̣̇исваа ‘‘зд̇ам̣ бахариссаамий’’д̇и ж̇алид̇ам̣ аяамуг̇г̇арам̣ г̇ан̣ханд̇асса нираяабааласса жзд̇анаа уббаж̇ж̇ад̇и, ид̣̇амасса самбарааяигам̣ б̣аахирам̣ взрам̣. яаа жасса ‘‘аяам̣ нид̣̇д̣̇осам̣ мам̣ бахариссаамийд̇и ааг̇ажчад̇и, ахамзва нам̣ батамад̇арам̣ бахариссаамий’’д̇и жзд̇анаа уббаж̇ж̇ад̇и, ид̣̇амасса самбарааяигам̣ аж̇жхад̇д̇ам̣ взрам̣. яам̣ банзд̇ам̣ б̣аахирам̣ взрам̣, д̇ам̣ адтагат̇аасу ‘‘буг̇г̇алавзра’’нд̇и вужжад̇и. д̣̇угкам̣ д̣̇оманассанд̇и ад̇т̇ад̇о згамзва. яат̇аа жзд̇т̇а, звам̣ сзсзсуби ‘‘иминаа мама бхан̣д̣ам̣ хадам̣, маяхам̣ д̣̇аарзсу жаарид̇д̇ам̣ аабаннам̣, мусаа вад̇ваа ад̇т̇о бхаг̇г̇о, сураамад̣̇амад̇д̇зна ид̣̇ам̣ наама гад̇а’’нд̇иаад̣̇инаа наязна взраббавад̇д̇и взд̣̇ид̇аб̣б̣аа.
Pāṇātipātapaccayāti pāṇātipātakammassa karaṇahetu. Bhayaṃ veranti atthato ekaṃ. Veraṃ vuccati virodho, tadeva bhāyitabbato ‘‘bhaya’’nti vuccati. Tañca panetaṃ duvidhaṃ hoti – bāhiraṃ, ajjhattikanti. Ekena hi ekassa pitā mārito hoti. So cinteti ‘‘etena kira me pitā mārito, ahampi taṃyeva māressāmī’’ti nisitaṃ satthaṃ ādāya carati. Yā tassa abbhantare uppannā veracetanā, idaṃ bāhiraṃ veraṃ nāma tassa verassa mūlabhūtato verakārakapuggalato bahibhāvattā. Yā pana itarassa ‘‘ayaṃ kira maṃ māressāmīti carati, ahameva naṃ paṭhamataraṃ māressāmī’’ti cetanā uppajjati, idaṃ ajjhattikaṃ veraṃ nāma. Idaṃ tāva ubhayampi diṭṭhadhammikameva. Yā pana taṃ niraye uppannaṃ disvā ‘‘etaṃ paharissāmī’’ti jalitaṃ ayamuggaraṃ gaṇhantassa nirayapālassa cetanā uppajjati, idamassa samparāyikaṃ bāhiraṃ veraṃ. Yā cassa ‘‘ayaṃ niddosaṃ maṃ paharissāmīti āgacchati, ahameva naṃ paṭhamataraṃ paharissāmī’’ti cetanā uppajjati, idamassa samparāyikaṃ ajjhattaṃ veraṃ. Yaṃ panetaṃ bāhiraṃ veraṃ, taṃ aṭṭhakathāsu ‘‘puggalavera’’nti vuccati. Dukkhaṃ domanassanti atthato ekameva. Yathā cettha, evaṃ sesesupi ‘‘iminā mama bhaṇḍaṃ haṭaṃ, mayhaṃ dāresu cārittaṃ āpannaṃ, musā vatvā attho bhaggo, surāmadamattena idaṃ nāma kata’’ntiādinā nayena verappavatti veditabbā.
авзжжаббасаад̣̇знаад̇и ад̇хиг̇ад̇зна ажалаббасаад̣̇зна. арияаганд̇зхийд̇и бан̃жахи сийлзхи. д̇аани хи арияаанам̣ ганд̇аани бияаани бхаванд̇и, бхаванд̇араг̇ад̇ааби арияаа д̇аани на виж̇аханд̇и, д̇асмаа ‘‘арияаганд̇ааний’’д̇и вужжанд̇и. сзсамзд̇т̇а яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з ануссад̇инид̣̇д̣̇зсз вуд̇д̇анд̇и взд̣̇ид̇аб̣б̣ам̣.
Aveccappasādenāti adhigatena acalappasādena. Ariyakantehīti pañcahi sīlehi. Tāni hi ariyānaṃ kantāni piyāni bhavanti, bhavantaragatāpi ariyā tāni na vijahanti, tasmā ‘‘ariyakantānī’’ti vuccanti. Sesamettha yaṃ vattabbaṃ siyā, taṃ sabbaṃ visuddhimagge anussatiniddese vuttanti veditabbaṃ.
батамавзрасуд̇д̇аван̣н̣анаа нидтид̇аа.
Paṭhamaverasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. батамавзрасуд̇д̇ам̣ • 7. Paṭhamaverasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7-8. взрасуд̇д̇ад̣̇ваяаван̣н̣анаа • 7-8. Verasuttadvayavaṇṇanā
