| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೯-೧೦. ಪಠಮವಿಭಙ್ಗಸುತ್ತಾದಿವಣ್ಣನಾ
9-10. Paṭhamavibhaṅgasuttādivaṇṇanā
೪೭೯-೪೮೦. ನವಮೇ ಸತಿನೇಪಕ್ಕೇನಾತಿ ಏತ್ಥ ನಿಪಕಸ್ಸ ಭಾವೋ ನೇಪಕ್ಕಂ, ಪಞ್ಞಾಯೇತಂ ನಾಮಂ। ಕಸ್ಮಾ ಪನ ಸತಿಭಾಜನೇ ಪಞ್ಞಾ ವುತ್ತಾತಿ? ಸತಿಯಾ ಬಲವಭಾವದಸ್ಸನತ್ಥಂ। ಬಲವಸತಿ ಹಿ ಇಧ ಅಧಿಪ್ಪೇತಾ। ಸಾ ಚ ಪಞ್ಞಾಸಮ್ಪಯುತ್ತಾವ ಬಲವತೀ ಹೋತಿ, ನ ವಿಪ್ಪಯುತ್ತಾತಿ ಪಞ್ಞಾಸಮ್ಪಯುತ್ತಸತಿಂ ದಸ್ಸೇನ್ತೋ ಏವಮಾಹ। ಚಿರಕತನ್ತಿ ಚಿರಕಾಲಂ ಕತಂ ದಾನಂ ವಾ ಸೀಲಂ ವಾ ಉಪೋಸಥಕಮ್ಮಂ ವಾ। ಚಿರಭಾಸಿತನ್ತಿ ‘‘ಅಸುಕಸ್ಮಿಂ ಠಾನೇ ಅಸುಕಂ ನಾಮ ಭಾಸಿತ’’ನ್ತಿ ಏವಂ ಚಿರಕಾಲೇ ಭಾಸಿತಂ। ವೋಸ್ಸಗ್ಗಾರಮ್ಮಣಂ ಕತ್ವಾತಿ ನಿಬ್ಬಾನಾರಮ್ಮಣಂ ಕತ್ವಾ। ಉದಯತ್ಥಗಾಮಿನಿಯಾತಿ ಉದಯಞ್ಚ ಅತ್ಥಞ್ಚ ಗಚ್ಛನ್ತಿಯಾ, ಉದಯಬ್ಬಯಪರಿಗ್ಗಹಿಕಾಯಾತಿ ಅತ್ಥೋ। ಇಮಸ್ಮಿಂ ಸುತ್ತೇ ಸದ್ಧಾಸತಿಪಞ್ಞಿನ್ದ್ರಿಯಾನಿ ಪುಬ್ಬಭಾಗಾನಿ, ವೀರಿಯಿನ್ದ್ರಿಯಂ ಮಿಸ್ಸಕಂ, ಸಮಾಧಿನ್ದ್ರಿಯಂ ನಿಬ್ಬತ್ತಿತಲೋಕುತ್ತರಮೇವ ಕಥಿತಂ। ದಸಮೇಪಿ ಅಯಮೇವ ಧಮ್ಮಪರಿಚ್ಛೇದೋತಿ।
479-480. Navame satinepakkenāti ettha nipakassa bhāvo nepakkaṃ, paññāyetaṃ nāmaṃ. Kasmā pana satibhājane paññā vuttāti? Satiyā balavabhāvadassanatthaṃ. Balavasati hi idha adhippetā. Sā ca paññāsampayuttāva balavatī hoti, na vippayuttāti paññāsampayuttasatiṃ dassento evamāha. Cirakatanti cirakālaṃ kataṃ dānaṃ vā sīlaṃ vā uposathakammaṃ vā. Cirabhāsitanti ‘‘asukasmiṃ ṭhāne asukaṃ nāma bhāsita’’nti evaṃ cirakāle bhāsitaṃ. Vossaggārammaṇaṃ katvāti nibbānārammaṇaṃ katvā. Udayatthagāminiyāti udayañca atthañca gacchantiyā, udayabbayapariggahikāyāti attho. Imasmiṃ sutte saddhāsatipaññindriyāni pubbabhāgāni, vīriyindriyaṃ missakaṃ, samādhindriyaṃ nibbattitalokuttarameva kathitaṃ. Dasamepi ayameva dhammaparicchedoti.
ಸುದ್ಧಿಕವಗ್ಗೋ ಪಠಮೋ।
Suddhikavaggo paṭhamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೯. ಪಠಮವಿಭಙ್ಗಸುತ್ತಂ • 9. Paṭhamavibhaṅgasuttaṃ
೧೦. ದುತಿಯವಿಭಙ್ಗಸುತ್ತಂ • 10. Dutiyavibhaṅgasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೯-೧೦. ಪಠಮವಿಭಙ್ಗಸುತ್ತಾದಿವಣ್ಣನಾ • 9-10. Paṭhamavibhaṅgasuttādivaṇṇanā
