| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೯-೧೦. ಪಠಮವಿಭಙ್ಗಸುತ್ತಾದಿವಣ್ಣನಾ
9-10. Paṭhamavibhaṅgasuttādivaṇṇanā
೪೭೯-೪೮೦. ನೇಪಕ್ಕಂ ವುಚ್ಚತಿ ಪಞ್ಞಾತಿ ಆಹ – ‘‘ಪಞ್ಞಾಯೇತಂ ನಾಮ’’ನ್ತಿ। ನಿಪಾಯತಿ ಸಂಕಿಲೇಸಧಮ್ಮೇ ವಿಸೋಸೇತಿ ನಿಕ್ಖಾಮೇತೀತಿ ನಿಪಕೋ, ಥಿರತಿಕ್ಖಸತಿಪುಗ್ಗಲೋ, ತಸ್ಸ ಭಾವೋ ನೇಪಕ್ಕನ್ತಿ ಸತಿಯಾಪಿ ನೇಪಕ್ಕಭಾವೋ ಯುಜ್ಜತೇವ। ಏವಞ್ಹಿ ‘‘ಸತಿನೇಪಕ್ಕೇನಾ’’ತಿ ಇದಂ ವಚನಂ ಸಮತ್ಥಿತಂ ಹೋತಿ, ಸತಿಯಾ ಚ ನೇಪಕ್ಕೇನಾತಿ ಏವಂ ವುಚ್ಚಮಾನೇನ ಸತಿನಿದ್ದೇಸೋ ನಾಮ ಕತೋ ಹೋತಿಯೇವ। ಅಸುಕಂ ನಾಮ ಸುತ್ತಂ ವಾ ಕಮ್ಮಟ್ಠಾನಂ ವಾ ಮೇ ಭಾಸಿತನ್ತಿ। ವೋಸ್ಸಜ್ಜೀಯತಿ ಸಙ್ಖಾರಗತಂ ಏತಸ್ಮಿಂ ಅಧಿಗತೇತಿ ವೋಸ್ಸಗ್ಗೋ, ನಿಬ್ಬಾನಂ। ತಂ ಆರಮ್ಮಣಂ ಕರಿತ್ವಾತಿ ಆಹ – ‘‘ನಿಬ್ಬಾನಾರಮ್ಮಣಂ ಕತ್ವಾ’’ತಿ। ಗಚ್ಛನ್ತಿಯಾತಿ ಸಙ್ಖಾರಾನಂ ಉದಯಞ್ಚ ವಯಞ್ಚ ಉದಯಬ್ಬಯಂ ಗಚ್ಛನ್ತಿಯಾ ಬುಜ್ಝನ್ತಿಯಾ। ತೇನಾಹ ‘‘ಉದಯಬ್ಬಯಪರಿಗ್ಗಾಹಿಕಾಯಾ’’ತಿ। ಸದ್ಧಾಸತಿಪಞ್ಞಿನ್ದ್ರಿಯಾನಿ ಪುಬ್ಬಭಾಗಾನಿ ‘‘ಇತಿಪಿ ಸೋ ಭಗವಾ ಅರಹಂ, ಚಿರಕತಮ್ಪಿ ಚಿರಭಾಸಿತಮ್ಪಿ ಸರಿತಾ ಅನುಸ್ಸರಿತಾ, ಉದಯತ್ಥಗಾಮಿನಿಯಾ ಪಞ್ಞಾಯಾ’’ತಿ ಚ ವುತ್ತತ್ತಾ। ‘‘ಆರದ್ಧವೀರಿಯೋ ವಿಹರತಿ, ಸೋ ಅನುಪ್ಪನ್ನಾನ’’ನ್ತಿಆದಿನಾ ಚ ವುತ್ತತ್ತಾ ವೀರಿಯಿನ್ದ್ರಿಯಂ ಮಿಸ್ಸಕಂ। ‘‘ವೋಸ್ಸಗ್ಗಾರಮ್ಮಣಂ ಕರಿತ್ವಾ’’ತಿ ವುತ್ತತ್ತಾ ಸಮಾಧಿನ್ದ್ರಿಯಂ ನಿಬ್ಬತ್ತಿತಲೋಕುತ್ತರಮೇವ। ಅಯಮೇವಾತಿ ಯ್ವಾಯಂ ನವಮೇ ವುತ್ತೋ। ಅಯಮೇವ ಪುಬ್ಬಭಾಗಮಿಸ್ಸಕಲೋಕುತ್ತರತ್ತಧಮ್ಮಪರಿಚ್ಛೇದೋ।
479-480. Nepakkaṃ vuccati paññāti āha – ‘‘paññāyetaṃ nāma’’nti. Nipāyati saṃkilesadhamme visoseti nikkhāmetīti nipako, thiratikkhasatipuggalo, tassa bhāvo nepakkanti satiyāpi nepakkabhāvo yujjateva. Evañhi ‘‘satinepakkenā’’ti idaṃ vacanaṃ samatthitaṃ hoti, satiyā ca nepakkenāti evaṃ vuccamānena satiniddeso nāma kato hotiyeva. Asukaṃ nāma suttaṃ vā kammaṭṭhānaṃ vā me bhāsitanti. Vossajjīyati saṅkhāragataṃ etasmiṃ adhigateti vossaggo, nibbānaṃ. Taṃ ārammaṇaṃ karitvāti āha – ‘‘nibbānārammaṇaṃ katvā’’ti. Gacchantiyāti saṅkhārānaṃ udayañca vayañca udayabbayaṃ gacchantiyā bujjhantiyā. Tenāha ‘‘udayabbayapariggāhikāyā’’ti. Saddhāsatipaññindriyāni pubbabhāgāni ‘‘itipi so bhagavā arahaṃ, cirakatampi cirabhāsitampi saritā anussaritā, udayatthagāminiyā paññāyā’’ti ca vuttattā. ‘‘Āraddhavīriyo viharati, so anuppannāna’’ntiādinā ca vuttattā vīriyindriyaṃ missakaṃ. ‘‘Vossaggārammaṇaṃ karitvā’’ti vuttattā samādhindriyaṃ nibbattitalokuttarameva. Ayamevāti yvāyaṃ navame vutto. Ayameva pubbabhāgamissakalokuttarattadhammaparicchedo.
ಸುದ್ಧಿಕವಗ್ಗವಣ್ಣನಾ ನಿಟ್ಠಿತಾ।
Suddhikavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೯. ಪಠಮವಿಭಙ್ಗಸುತ್ತಂ • 9. Paṭhamavibhaṅgasuttaṃ
೧೦. ದುತಿಯವಿಭಙ್ಗಸುತ್ತಂ • 10. Dutiyavibhaṅgasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೯-೧೦. ಪಠಮವಿಭಙ್ಗಸುತ್ತಾದಿವಣ್ಣನಾ • 9-10. Paṭhamavibhaṅgasuttādivaṇṇanā
