| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༩-༡༠. པཋམཝིབྷངྒསུཏྟཱདིཝཎྞནཱ
9-10. Paṭhamavibhaṅgasuttādivaṇṇanā
༤༧༩-༤༨༠. ནཝམེ སཏིནེཔཀྐེནཱཏི ཨེཏྠ ནིཔཀསྶ བྷཱཝོ ནེཔཀྐཾ, པཉྙཱཡེཏཾ ནཱམཾ། ཀསྨཱ པན སཏིབྷཱཛནེ པཉྙཱ ཝུཏྟཱཏི? སཏིཡཱ བལཝབྷཱཝདསྶནཏྠཾ། བལཝསཏི ཧི ཨིདྷ ཨདྷིཔྤེཏཱ། སཱ ཙ པཉྙཱསམྤཡུཏྟཱཝ བལཝཏཱི ཧོཏི, ན ཝིཔྤཡུཏྟཱཏི པཉྙཱསམྤཡུཏྟསཏིཾ དསྶེནྟོ ཨེཝམཱཧ། ཙིརཀཏནྟི ཙིརཀཱལཾ ཀཏཾ དཱནཾ ཝཱ སཱིལཾ ཝཱ ཨུཔོསཐཀམྨཾ ཝཱ། ཙིརབྷཱསིཏནྟི ‘‘ཨསུཀསྨིཾ ཋཱནེ ཨསུཀཾ ནཱམ བྷཱསིཏ’’ནྟི ཨེཝཾ ཙིརཀཱལེ བྷཱསིཏཾ། ཝོསྶགྒཱརམྨཎཾ ཀཏྭཱཏི ནིབྦཱནཱརམྨཎཾ ཀཏྭཱ། ཨུདཡཏྠགཱམིནིཡཱཏི ཨུདཡཉྩ ཨཏྠཉྩ གཙྪནྟིཡཱ, ཨུདཡབྦཡཔརིགྒཧིཀཱཡཱཏི ཨཏྠོ། ཨིམསྨིཾ སུཏྟེ སདྡྷཱསཏིཔཉྙིནྡྲིཡཱནི པུབྦབྷཱགཱནི, ཝཱིརིཡིནྡྲིཡཾ མིསྶཀཾ, སམཱདྷིནྡྲིཡཾ ནིབྦཏྟིཏལོཀུཏྟརམེཝ ཀཐིཏཾ། དསམེཔི ཨཡམེཝ དྷམྨཔརིཙྪེདོཏི།
479-480. Navame satinepakkenāti ettha nipakassa bhāvo nepakkaṃ, paññāyetaṃ nāmaṃ. Kasmā pana satibhājane paññā vuttāti? Satiyā balavabhāvadassanatthaṃ. Balavasati hi idha adhippetā. Sā ca paññāsampayuttāva balavatī hoti, na vippayuttāti paññāsampayuttasatiṃ dassento evamāha. Cirakatanti cirakālaṃ kataṃ dānaṃ vā sīlaṃ vā uposathakammaṃ vā. Cirabhāsitanti ‘‘asukasmiṃ ṭhāne asukaṃ nāma bhāsita’’nti evaṃ cirakāle bhāsitaṃ. Vossaggārammaṇaṃ katvāti nibbānārammaṇaṃ katvā. Udayatthagāminiyāti udayañca atthañca gacchantiyā, udayabbayapariggahikāyāti attho. Imasmiṃ sutte saddhāsatipaññindriyāni pubbabhāgāni, vīriyindriyaṃ missakaṃ, samādhindriyaṃ nibbattitalokuttarameva kathitaṃ. Dasamepi ayameva dhammaparicchedoti.
སུདྡྷིཀཝགྒོ པཋམོ།
Suddhikavaggo paṭhamo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya
༩. པཋམཝིབྷངྒསུཏྟཾ • 9. Paṭhamavibhaṅgasuttaṃ
༡༠. དུཏིཡཝིབྷངྒསུཏྟཾ • 10. Dutiyavibhaṅgasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༩-༡༠. པཋམཝིབྷངྒསུཏྟཱདིཝཎྞནཱ • 9-10. Paṭhamavibhaṅgasuttādivaṇṇanā
