| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. батамавибхан̇г̇асуд̇д̇ам̣
9. Paṭhamavibhaṅgasuttaṃ
479. ‘‘бан̃жимаани, бхигкавз, инд̣̇рияаани. гад̇амаани бан̃жа? сад̣̇д̇хинд̣̇рияам̣…бз… бан̃н̃инд̣̇рияам̣. гад̇аман̃жа, бхигкавз, сад̣̇д̇хинд̣̇рияам̣? ид̇ха, бхигкавз, арияасааваго сад̣̇д̇хо ход̇и, сад̣̇д̣̇ахад̇и д̇ат̇ааг̇ад̇асса б̣од̇хим̣ – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и – ид̣̇ам̣ вужжад̇и, бхигкавз, сад̣̇д̇хинд̣̇рияам̣.
479. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ. Katamañca, bhikkhave, saddhindriyaṃ? Idha, bhikkhave, ariyasāvako saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti – idaṃ vuccati, bhikkhave, saddhindriyaṃ.
‘‘гад̇аман̃жа, бхигкавз, вийрияинд̣̇рияам̣? ид̇ха, бхигкавз, арияасааваго аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу – ид̣̇ам̣ вужжад̇и, бхигкавз, вийрияинд̣̇рияам̣.
‘‘Katamañca, bhikkhave, vīriyindriyaṃ? Idha, bhikkhave, ariyasāvako āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu – idaṃ vuccati, bhikkhave, vīriyindriyaṃ.
‘‘гад̇аман̃жа, бхигкавз, сад̇инд̣̇рияам̣? ид̇ха, бхигкавз, арияасааваго сад̇имаа ход̇и барамзна сад̇инзбаггзна саманнааг̇ад̇о жирагад̇амби жирабхаасид̇амби сарид̇аа ануссарид̇аа – ид̣̇ам̣ вужжад̇и, бхигкавз, сад̇инд̣̇рияам̣.
‘‘Katamañca, bhikkhave, satindriyaṃ? Idha, bhikkhave, ariyasāvako satimā hoti paramena satinepakkena samannāgato cirakatampi cirabhāsitampi saritā anussaritā – idaṃ vuccati, bhikkhave, satindriyaṃ.
‘‘гад̇аман̃жа, бхигкавз, самаад̇хинд̣̇рияам̣? ид̇ха, бхигкавз, арияасааваго воссаг̇г̇аарамман̣ам̣ гарид̇ваа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣ – ид̣̇ам̣ вужжад̇и, бхигкавз, самаад̇хинд̣̇рияам̣.
‘‘Katamañca, bhikkhave, samādhindriyaṃ? Idha, bhikkhave, ariyasāvako vossaggārammaṇaṃ karitvā labhati samādhiṃ, labhati cittassa ekaggataṃ – idaṃ vuccati, bhikkhave, samādhindriyaṃ.
‘‘гад̇аман̃жа, бхигкавз, бан̃н̃инд̣̇рияам̣? ид̇ха, бхигкавз, арияасааваго бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа, саммаа д̣̇угкагкаяаг̇ааминияаа – ид̣̇ам̣ вужжад̇и, бхигкавз, бан̃н̃инд̣̇рияам̣. имаани ко, бхигкавз, бан̃жинд̣̇рияааний’’д̇и. навамам̣.
‘‘Katamañca, bhikkhave, paññindriyaṃ? Idha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya, sammā dukkhakkhayagāminiyā – idaṃ vuccati, bhikkhave, paññindriyaṃ. Imāni kho, bhikkhave, pañcindriyānī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9-10. батамавибхан̇г̇асуд̇д̇аад̣̇иван̣н̣анаа • 9-10. Paṭhamavibhaṅgasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. батамавибхан̇г̇асуд̇д̇аад̣̇иван̣н̣анаа • 9-10. Paṭhamavibhaṅgasuttādivaṇṇanā
