| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. पठमविभङ्गसुत्तवण्णना
6. Paṭhamavibhaṅgasuttavaṇṇanā
५०६. छट्ठे कायिकन्ति कायपसादवत्थुकं। सुखन्ति अयमस्स सरूपनिद्देसो। सातन्ति तस्सेव वेवचनं, मधुरन्ति वुत्तं होति। कायसम्फस्सजन्ति कायसम्फस्सतो जातं। सुखं सातन्ति वुत्तनयमेव। वेदयितन्ति अयमस्स सब्बवेदनासाधारणो अञ्ञधम्मविसिट्ठो सभावनिद्देसो। इमिना नयेन सेसेसुपि अत्थो वेदितब्बो। कायिकं वा चेतसिकं वाति एत्थ पन चक्खादयो चत्तारो पसादकाये वत्थुं कत्वा उप्पत्तिवसेन कायिकन्ति वुत्तं। कायपसादवत्थुकं पन अदुक्खमसुखं नाम नत्थि।
506. Chaṭṭhe kāyikanti kāyapasādavatthukaṃ. Sukhanti ayamassa sarūpaniddeso. Sātanti tasseva vevacanaṃ, madhuranti vuttaṃ hoti. Kāyasamphassajanti kāyasamphassato jātaṃ. Sukhaṃ sātanti vuttanayameva. Vedayitanti ayamassa sabbavedanāsādhāraṇo aññadhammavisiṭṭho sabhāvaniddeso. Iminā nayena sesesupi attho veditabbo. Kāyikaṃ vā cetasikaṃ vāti ettha pana cakkhādayo cattāro pasādakāye vatthuṃ katvā uppattivasena kāyikanti vuttaṃ. Kāyapasādavatthukaṃ pana adukkhamasukhaṃ nāma natthi.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. पठमविभङ्गसुत्तं • 6. Paṭhamavibhaṅgasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. पठमविभङ्गसुत्तवण्णना • 6. Paṭhamavibhaṅgasuttavaṇṇanā
