| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦. បឋមវិភង្គសុត្តវណ្ណនា
6. Paṭhamavibhaṅgasuttavaṇṇanā
៥០៦. ឆដ្ឋេ កាយិកន្តិ កាយបសាទវត្ថុកំ។ សុខន្តិ អយមស្ស សរូបនិទ្ទេសោ។ សាតន្តិ តស្សេវ វេវចនំ, មធុរន្តិ វុត្តំ ហោតិ។ កាយសម្ផស្សជន្តិ កាយសម្ផស្សតោ ជាតំ។ សុខំ សាតន្តិ វុត្តនយមេវ។ វេទយិតន្តិ អយមស្ស សព្ពវេទនាសាធារណោ អញ្ញធម្មវិសិដ្ឋោ សភាវនិទ្ទេសោ។ ឥមិនា នយេន សេសេសុបិ អត្ថោ វេទិតព្ពោ។ កាយិកំ វា ចេតសិកំ វាតិ ឯត្ថ បន ចក្ខាទយោ ចត្តារោ បសាទកាយេ វត្ថុំ កត្វា ឧប្បត្តិវសេន កាយិកន្តិ វុត្តំ។ កាយបសាទវត្ថុកំ បន អទុក្ខមសុខំ នាម នត្ថិ។
506. Chaṭṭhe kāyikanti kāyapasādavatthukaṃ. Sukhanti ayamassa sarūpaniddeso. Sātanti tasseva vevacanaṃ, madhuranti vuttaṃ hoti. Kāyasamphassajanti kāyasamphassato jātaṃ. Sukhaṃ sātanti vuttanayameva. Vedayitanti ayamassa sabbavedanāsādhāraṇo aññadhammavisiṭṭho sabhāvaniddeso. Iminā nayena sesesupi attho veditabbo. Kāyikaṃ vā cetasikaṃ vāti ettha pana cakkhādayo cattāro pasādakāye vatthuṃ katvā uppattivasena kāyikanti vuttaṃ. Kāyapasādavatthukaṃ pana adukkhamasukhaṃ nāma natthi.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. បឋមវិភង្គសុត្តំ • 6. Paṭhamavibhaṅgasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. បឋមវិភង្គសុត្តវណ្ណនា • 6. Paṭhamavibhaṅgasuttavaṇṇanā
