| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. පඨමවිභඞ්‌ගසුත්‌තවණ්‌ණනා
6. Paṭhamavibhaṅgasuttavaṇṇanā
506. කායිකන්‌ති අයමස්‌ස නිස්‌සයවසෙන නිද්‌දෙසොති ආහ – ‘‘කායපසාදවත්‌ථුක’’න්‌ති. සරූපනිද්‌දෙසො සුඛං සුඛින්‌ද්‍රියස්‌ස සරූපන්‌ති. සාදනීයට්‌ඨෙන ධම්‌මපදානි අත්‌තනි අස්‌සාදයතීති සාතං, මධුරං. වෙදයිතන්‌ති වෙදියනං, අනුභවනන්‌ති අත්‌ථො. අඤ්‌ඤධම්‌මවිසිට්‌ඨොති ඵස්‌සාදීහි අඤ්‌ඤෙහි ධම්‌මෙහි විසදිසො. කායිකන්‌ති පසාදකායසන්‌නිස්‌සිතං. චෙතසිකන්‌ති චෙතොසන්‌නිස්‌සිතං, තෙන වුත්‌තං ‘‘එත්‌ථ පනා’’තිආදි. කායපසාද…පෙ.… නත්‌ථි, තස්‌මා ‘‘චත්‌තාරො පසාදකායෙ වත්‌ථුං කත්‌වා’’ති වුත්‌තං.
506.Kāyikanti ayamassa nissayavasena niddesoti āha – ‘‘kāyapasādavatthuka’’nti. Sarūpaniddeso sukhaṃ sukhindriyassa sarūpanti. Sādanīyaṭṭhena dhammapadāni attani assādayatīti sātaṃ, madhuraṃ. Vedayitanti vediyanaṃ, anubhavananti attho. Aññadhammavisiṭṭhoti phassādīhi aññehi dhammehi visadiso. Kāyikanti pasādakāyasannissitaṃ. Cetasikanti cetosannissitaṃ, tena vuttaṃ ‘‘ettha panā’’tiādi. Kāyapasāda…pe… natthi, tasmā ‘‘cattāro pasādakāye vatthuṃ katvā’’ti vuttaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. පඨමවිභඞ්‌ගසුත්‌තං • 6. Paṭhamavibhaṅgasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. පඨමවිභඞ්‌ගසුත්‌තවණ්‌ණනා • 6. Paṭhamavibhaṅgasuttavaṇṇanā
