| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. વਿਹਾਰવਗ੍ਗੋ
2. Vihāravaggo
੧. ਪਠਮવਿਹਾਰਸੁਤ੍ਤવਣ੍ਣਨਾ
1. Paṭhamavihārasuttavaṇṇanā
੧੧. ਦੁਤਿਯવਗ੍ਗਸ੍ਸ ਪਠਮੇ ਇਚ੍ਛਾਮਹਂ, ਭਿਕ੍ਖવੇ, ਅਡ੍ਢਮਾਸਂ ਪਟਿਸਲ੍ਲੀਯਿਤੁਨ੍ਤਿ ਅਹਂ, ਭਿਕ੍ਖવੇ, ਏਕਂ ਅਡ੍ਢਮਾਸਂ ਪਟਿਸਲ੍ਲੀਯਿਤੁਂ ਨਿਲੀਯਿਤੁਂ ਏਕੋવ ਹੁਤ੍વਾ વਿਹਰਿਤੁਂ ਇਚ੍ਛਾਮੀਤਿ ਅਤ੍ਥੋ। ਨਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾਤਿ ਯੋ ਅਤ੍ਤਨਾ ਪਯੁਤ੍ਤવਾਚਂ ਅਕਤ੍વਾ ਮਮਤ੍ਥਾਯ ਸਦ੍ਧੇਸੁ ਕੁਲੇਸੁ ਪਟਿਯਤ੍ਤਂ ਪਿਣ੍ਡਪਾਤਂ ਨੀਹਰਿਤ੍વਾ ਮਯ੍ਹਂ ਉਪਨਾਮੇਯ੍ਯ, ਤਂ ਪਿਣ੍ਡਪਾਤਨੀਹਾਰਕਂ ਏਕਂ ਭਿਕ੍ਖੁਂ ਠਪੇਤ੍વਾ ਨਮ੍ਹਿ ਅਞ੍ਞੇਨ ਕੇਨਚਿ ਭਿਕ੍ਖੁਨਾ વਾ ਗਹਟ੍ਠੇਨ વਾ ਉਪਸਙ੍ਕਮਿਤਬ੍ਬੋਤਿ।
11. Dutiyavaggassa paṭhame icchāmahaṃ, bhikkhave, aḍḍhamāsaṃ paṭisallīyitunti ahaṃ, bhikkhave, ekaṃ aḍḍhamāsaṃ paṭisallīyituṃ nilīyituṃ ekova hutvā viharituṃ icchāmīti attho. Namhi kenaci upasaṅkamitabbo aññatra ekena piṇḍapātanīhārakenāti yo attanā payuttavācaṃ akatvā mamatthāya saddhesu kulesu paṭiyattaṃ piṇḍapātaṃ nīharitvā mayhaṃ upanāmeyya, taṃ piṇḍapātanīhārakaṃ ekaṃ bhikkhuṃ ṭhapetvā namhi aññena kenaci bhikkhunā vā gahaṭṭhena vā upasaṅkamitabboti.
ਕਸ੍ਮਾ ਪਨ ਏવਮਾਹਾਤਿ? ਤਸ੍ਮਿਂ ਕਿਰ ਅਡ੍ਢਮਾਸੇ વਿਨੇਤਬ੍ਬੋ ਸਤ੍ਤੋ ਨਾਹੋਸਿ। ਅਥ ਸਤ੍ਥਾ – ‘‘ਇਮਂ ਅਡ੍ਢਮਾਸਂ ਫਲਸਮਾਪਤ੍ਤਿਸੁਖੇਨੇવ વੀਤਿਨਾਮੇਸ੍ਸਾਮਿ, ਇਤਿ ਮਯ੍ਹਞ੍ਚੇવ ਸੁਖવਿਹਾਰੋ ਭવਿਸ੍ਸਤਿ, ਅਨਾਗਤੇ ਚ ਪਚ੍ਛਿਮਾ ਜਨਤਾ ‘ਸਤ੍ਥਾਪਿ ਗਣਂ વਿਹਾਯ ਏਕਕੋ વਿਹਾਸਿ, ਕਿਮਙ੍ਗਂ ਪਨ ਮਯ’ਨ੍ਤਿ ਦਿਟ੍ਠਾਨੁਗਤਿਂ ਆਪਜ੍ਜਿਸ੍ਸਤਿ, ਤਦਸ੍ਸਾ ਭવਿਸ੍ਸਤਿ ਦੀਘਰਤ੍ਤਂ ਹਿਤਾਯ ਸੁਖਾਯਾ’’ਤਿ ਇਮਿਨਾ ਕਾਰਣੇਨ ਏવਮਾਹ। ਭਿਕ੍ਖੁਸਙ੍ਘੋਪਿ ਸਤ੍ਥੁ વਚਨਂ ਸਮ੍ਪਟਿਚ੍ਛਿਤ੍વਾ ਏਕਂ ਭਿਕ੍ਖੁਂ ਅਦਾਸਿ। ਸੋ ਪਾਤੋવ ਗਨ੍ਧਕੁਟਿਪਰਿવੇਣਸਮ੍ਮਜ੍ਜਨਮੁਖੋਦਕਦਨ੍ਤਕਟ੍ਠਦਾਨਾਦੀਨਿ ਸਬ੍ਬਕਿਚ੍ਚਾਨਿ ਤਸ੍ਮਿਂ ਖਣੇ ਕਤ੍વਾ ਅਪਗਚ੍ਛਤਿ।
Kasmā pana evamāhāti? Tasmiṃ kira aḍḍhamāse vinetabbo satto nāhosi. Atha satthā – ‘‘imaṃ aḍḍhamāsaṃ phalasamāpattisukheneva vītināmessāmi, iti mayhañceva sukhavihāro bhavissati, anāgate ca pacchimā janatā ‘satthāpi gaṇaṃ vihāya ekako vihāsi, kimaṅgaṃ pana maya’nti diṭṭhānugatiṃ āpajjissati, tadassā bhavissati dīgharattaṃ hitāya sukhāyā’’ti iminā kāraṇena evamāha. Bhikkhusaṅghopi satthu vacanaṃ sampaṭicchitvā ekaṃ bhikkhuṃ adāsi. So pātova gandhakuṭipariveṇasammajjanamukhodakadantakaṭṭhadānādīni sabbakiccāni tasmiṃ khaṇe katvā apagacchati.
ਯੇਨ ਸ੍વਾਹਨ੍ਤਿ ਯੇਨ ਸੋ ਅਹਂ। ਪਠਮਾਭਿਸਮ੍ਬੁਦ੍ਧੋਤਿ ਅਭਿਸਮ੍ਬੁਦ੍ਧੋ ਹੁਤ੍વਾ ਪਠਮਂਯੇવ ਏਕੂਨਪਞ੍ਞਾਸਦਿવਸਬ੍ਭਨ੍ਤਰੇ। વਿਹਰਾਮੀਤਿ ਇਦਂ ਅਤੀਤਤ੍ਥੇ વਤ੍ਤਮਾਨવਚਨਂ। ਤਸ੍ਸ ਪਦੇਸੇਨ વਿਹਾਸਿਨ੍ਤਿ ਤਸ੍ਸ ਪਠਮਾਭਿਸਮ੍ਬੁਦ੍ਧવਿਹਾਰਸ੍ਸ ਪਦੇਸੇਨ। ਤਤ੍ਥ ਪਦੇਸੋ ਨਾਮ ਖਨ੍ਧਪਦੇਸੋ ਆਯਤਨਧਾਤੁਸਚ੍ਚਇਨ੍ਦ੍ਰਿਯਪਚ੍ਚਯਾਕਾਰਸਤਿਪਟ੍ਠਾਨਝਾਨਨਾਮਰੂਪਪਦੇਸੋ ਧਮ੍ਮਪਦੇਸੋਤਿ ਨਾਨਾવਿਧੋ। ਤਂ ਸਬ੍ਬਮ੍ਪਿ ਸਨ੍ਧਾਯ – ‘‘ਤਸ੍ਸ ਪਦੇਸੇਨ વਿਹਾਸਿ’’ਨ੍ਤਿ ਆਹ। ਭਗવਾ ਹਿ ਪਠਮਬੋਧਿਯਂ ਏਕੂਨਪਞ੍ਞਾਸਦਿવਸਬ੍ਭਨ੍ਤਰੇ ਯਥਾ ਨਾਮ ਪਤ੍ਤਰਜ੍ਜੋ ਰਾਜਾ ਅਤ੍ਤਨੋ વਿਭવਸਾਰਦਸ੍ਸਨਤ੍ਥਂ ਤਂ ਤਂ ਗਬ੍ਭਂ વਿવਰਾਪੇਤ੍વਾ ਸੁવਣ੍ਣਰਜਤਮੁਤ੍ਤਾਮਣਿਆਦੀਨਿ ਰਤਨਾਨਿ ਪਚ੍ਚવੇਕ੍ਖਨ੍ਤੋ વਿਹਰੇਯ੍ਯ, ਏવਮੇવ ਪਞ੍ਚਕ੍ਖਨ੍ਧੇ ਨਿਪ੍ਪਦੇਸੇ ਕਤ੍વਾ ਸਮ੍ਮਸਨ੍ਤੋ ਪਚ੍ਚવੇਕ੍ਖਨ੍ਤੋ વਿਹਾਸਿ । ਇਮਸ੍ਮਿਂ ਪਨ ਅਡ੍ਢਮਾਸੇ ਤੇਸਂ ਖਨ੍ਧਾਨਂ ਪਦੇਸਂ વੇਦਨਾਕ੍ਖਨ੍ਧਮੇવ ਪਚ੍ਚવੇਕ੍ਖਨ੍ਤੋ વਿਹਾਸਿ। ਤਸ੍ਸ ‘‘ਇਮੇ ਸਤ੍ਤਾ ਏવਰੂਪਂ ਨਾਮ ਸੁਖਂ ਪਟਿਸਂવੇਦੇਨ੍ਤਿ, ਏવਰੂਪਂ ਦੁਕ੍ਖ’’ਨ੍ਤਿ ਓਲੋਕਯਤੋ ਯਾવ ਭવਗ੍ਗਾ ਪવਤ੍ਤਾ ਸੁਖવੇਦਨਾ, ਯਾવ ਅવੀਚਿਤੋ ਪવਤ੍ਤਾ ਦੁਕ੍ਖવੇਦਨਾ, ਸਬ੍ਬਾ ਸਬ੍ਬਾਕਾਰੇਨ ਉਪਟ੍ਠਾਸਿ। ਅਥ ਨਂ ‘‘ਮਿਚ੍ਛਾਦਿਟ੍ਠਿਪਚ੍ਚਯਾਪਿ વੇਦਯਿਤ’’ਨ੍ਤਿਆਦਿਨਾ ਨਯੇਨ ਪਰਿਗ੍ਗਣ੍ਹਨ੍ਤੋ વਿਹਾਸਿ।
Yena svāhanti yena so ahaṃ. Paṭhamābhisambuddhoti abhisambuddho hutvā paṭhamaṃyeva ekūnapaññāsadivasabbhantare. Viharāmīti idaṃ atītatthe vattamānavacanaṃ. Tassa padesena vihāsinti tassa paṭhamābhisambuddhavihārassa padesena. Tattha padeso nāma khandhapadeso āyatanadhātusaccaindriyapaccayākārasatipaṭṭhānajhānanāmarūpapadeso dhammapadesoti nānāvidho. Taṃ sabbampi sandhāya – ‘‘tassa padesena vihāsi’’nti āha. Bhagavā hi paṭhamabodhiyaṃ ekūnapaññāsadivasabbhantare yathā nāma pattarajjo rājā attano vibhavasāradassanatthaṃ taṃ taṃ gabbhaṃ vivarāpetvā suvaṇṇarajatamuttāmaṇiādīni ratanāni paccavekkhanto vihareyya, evameva pañcakkhandhe nippadese katvā sammasanto paccavekkhanto vihāsi . Imasmiṃ pana aḍḍhamāse tesaṃ khandhānaṃ padesaṃ vedanākkhandhameva paccavekkhanto vihāsi. Tassa ‘‘ime sattā evarūpaṃ nāma sukhaṃ paṭisaṃvedenti, evarūpaṃ dukkha’’nti olokayato yāva bhavaggā pavattā sukhavedanā, yāva avīcito pavattā dukkhavedanā, sabbā sabbākārena upaṭṭhāsi. Atha naṃ ‘‘micchādiṭṭhipaccayāpi vedayita’’ntiādinā nayena pariggaṇhanto vihāsi.
ਤਥਾ ਪਠਮਬੋਧਿਯਂ ਦ੍વਾਦਸਾਯਤਨਾਨਿ ਨਿਪ੍ਪਦੇਸਾਨੇવ ਕਤ੍વਾ વਿਹਾਸਿ, ਇਮਸ੍ਮਿਂ ਪਨ ਅਡ੍ਢਮਾਸੇ ਤੇਸਂ ਆਯਤਨਾਨਂ ਪਦੇਸਂ વੇਦਨਾવਸੇਨ ਧਮ੍ਮਾਯਤਨੇਕਦੇਸਂ, ਧਾਤੂਨਂ ਪਦੇਸਂ વੇਦਨਾવਸੇਨ ਧਮ੍ਮਧਾਤੁਏਕਦੇਸਂ, ਸਚ੍ਚਾਨਂ ਪਦੇਸਂ વੇਦਨਾਕ੍ਖਨ੍ਧવਸੇਨੇવ ਦੁਕ੍ਖਸਚ੍ਚੇਕਦੇਸਂ, ਪਚ੍ਚਯਾਨਂ ਪਦੇਸਂ ਫਸ੍ਸਪਚ੍ਚਯਾ વੇਦਨਾવਸੇਨ ਪਚ੍ਚਯੇਕਦੇਸਂ ਝਾਨਾਨਂ ਪਦੇਸਂ વੇਦਨਾવਸੇਨੇવ ਝਾਨਙ੍ਗੇਕਦੇਸਂ, ਨਾਮਰੂਪਾਨਂ ਪਦੇਸਂ વੇਦਨਾવਸੇਨੇવ ਨਾਮੇਕਦੇਸਂ ਪਚ੍ਚવੇਕ੍ਖਨ੍ਤੋ વਿਹਾਸਿ। ਪਠਮਬੋਧਿਯਞ੍ਹਿ ਏਕੂਨਪਞ੍ਞਾਸਦਿવਸਬ੍ਭਨ੍ਤਰੇ ਕੁਸਲਾਦਿਧਮ੍ਮੇ ਨਿਪ੍ਪਦੇਸੇ ਕਤ੍વਾ ਅਨਨ੍ਤਨਯਾਨਿ ਸਤ੍ਤ ਪਕਰਣਾਨਿ ਪਚ੍ਚવੇਕ੍ਖਨ੍ਤੋ વਿਹਾਸਿ। ਇਮਸ੍ਮਿਂ ਪਨ ਅਡ੍ਢਮਾਸੇ ਸਬ੍ਬਧਮ੍ਮਾਨਂ ਪਦੇਸਂ વੇਦਨਾਤ੍ਤਿਕਮੇવ ਪਚ੍ਚવੇਕ੍ਖਨ੍ਤੋ વਿਹਾਸਿ। ਤਸ੍ਮਿਂ ਤਸ੍ਮਿਂ ਠਾਨੇ ਸਾ ਸਾ ਚ વਿਹਾਰਸਮਾਪਤ੍ਤਿ વੇਦਨਾਨੁਭਾવੇਨ ਜਾਤਾ।
Tathā paṭhamabodhiyaṃ dvādasāyatanāni nippadesāneva katvā vihāsi, imasmiṃ pana aḍḍhamāse tesaṃ āyatanānaṃ padesaṃ vedanāvasena dhammāyatanekadesaṃ, dhātūnaṃ padesaṃ vedanāvasena dhammadhātuekadesaṃ, saccānaṃ padesaṃ vedanākkhandhavaseneva dukkhasaccekadesaṃ, paccayānaṃ padesaṃ phassapaccayā vedanāvasena paccayekadesaṃ jhānānaṃ padesaṃ vedanāvaseneva jhānaṅgekadesaṃ, nāmarūpānaṃ padesaṃ vedanāvaseneva nāmekadesaṃ paccavekkhanto vihāsi. Paṭhamabodhiyañhi ekūnapaññāsadivasabbhantare kusalādidhamme nippadese katvā anantanayāni satta pakaraṇāni paccavekkhanto vihāsi. Imasmiṃ pana aḍḍhamāse sabbadhammānaṃ padesaṃ vedanāttikameva paccavekkhanto vihāsi. Tasmiṃ tasmiṃ ṭhāne sā sā ca vihārasamāpatti vedanānubhāvena jātā.
ਇਦਾਨਿ ਯੇਨਾਕਾਰੇਨ વਿਹਾਸਿ, ਤਂ ਦਸ੍ਸੇਨ੍ਤੋ ਮਿਚ੍ਛਾਦਿਟ੍ਠਿਪਚ੍ਚਯਾਪੀਤਿਆਦਿਮਾਹ। ਤਤ੍ਥ ਮਿਚ੍ਛਾਦਿਟ੍ਠਿਪਚ੍ਚਯਾਪੀਤਿ ਦਿਟ੍ਠਿਸਮ੍ਪਯੁਤ੍ਤਾ વੇਦਨਾਪਿ વਟ੍ਟਤਿ। ਦਿਟ੍ਠਿਂ ਉਪਨਿਸ੍ਸਯਂ ਕਤ੍વਾ ਉਪ੍ਪਨ੍ਨਾ ਕੁਸਲਾਕੁਸਲવੇਦਨਾਪਿ વਟ੍ਟਤਿ વਿਪਾਕવੇਦਨਾਪਿ। ਤਤ੍ਥ ਮਿਚ੍ਛਾਦਿਟ੍ਠਿਸਮ੍ਪਯੁਤ੍ਤਾ ਅਕੁਸਲਾવ ਹੋਤਿ, ਦਿਟ੍ਠਿਂ ਪਨ ਉਪਨਿਸ੍ਸਾਯ ਕੁਸਲਾਪਿ ਉਪ੍ਪਜ੍ਜਨ੍ਤਿ ਅਕੁਸਲਾਪਿ। ਮਿਚ੍ਛਾਦਿਟ੍ਠਿਕਾ ਹਿ ਦਿਟ੍ਠਿਂ ਉਪਨਿਸ੍ਸਾਯ ਪਕ੍ਖਦਿવਸੇਸੁ ਯਾਗੁਭਤ੍ਤਾਦੀਨਿ ਦੇਨ੍ਤਿ, ਅਦ੍ਧਿਕਾਦੀਨਂ વਟ੍ਟਂ ਪਟ੍ਠਪੇਨ੍ਤਿ, ਚਤੁਮਹਾਪਥੇ ਸਾਲਂ ਕਰੋਨ੍ਤਿ, ਪੋਕ੍ਖਰਣਿਞ੍ਚ ਖਣਾਪੇਨ੍ਤਿ, ਦੇવਕੁਲਾਦੀਸੁ ਮਾਲਾਗਚ੍ਛਂ ਰੋਪੇਨ੍ਤਿ, ਨਦੀવਿਦੁਗ੍ਗਾਦੀਸੁ ਸੇਤੁਂ ਅਤ੍ਥਰਨ੍ਤਿ, વਿਸਮਂ ਸਮਂ ਕਰੋਨ੍ਤਿ, ਇਤਿ ਨੇਸਂ ਕੁਸਲવੇਦਨਾ ਉਪ੍ਪਜ੍ਜਤਿ। ਮਿਚ੍ਛਾਦਿਟ੍ਠਿਂ ਪਨ ਨਿਸ੍ਸਾਯ ਸਮ੍ਮਾਦਿਟ੍ਠਿਕੇ ਅਕ੍ਕੋਸਨ੍ਤਿ ਪਰਿਭਾਸਨ੍ਤਿ, વਧਬਨ੍ਧਨਾਦੀਨਿ ਕਰੋਨ੍ਤਿ, ਪਾਣਂ વਧਿਤ੍વਾ ਦੇવਤਾਨਂ ਉਪਹਾਰਂ ਉਪਹਰਨ੍ਤਿ , ਇਤਿ ਨੇਸਂ ਅਕੁਸਲવੇਦਨਾ ਉਪ੍ਪਜ੍ਜਤਿ। વਿਪਾਕવੇਦਨਾ ਪਨ ਭવਨ੍ਤਰਗਤਾਨਂਯੇવ ਹੋਤਿ।
Idāni yenākārena vihāsi, taṃ dassento micchādiṭṭhipaccayāpītiādimāha. Tattha micchādiṭṭhipaccayāpīti diṭṭhisampayuttā vedanāpi vaṭṭati. Diṭṭhiṃ upanissayaṃ katvā uppannā kusalākusalavedanāpi vaṭṭati vipākavedanāpi. Tattha micchādiṭṭhisampayuttā akusalāva hoti, diṭṭhiṃ pana upanissāya kusalāpi uppajjanti akusalāpi. Micchādiṭṭhikā hi diṭṭhiṃ upanissāya pakkhadivasesu yāgubhattādīni denti, addhikādīnaṃ vaṭṭaṃ paṭṭhapenti, catumahāpathe sālaṃ karonti, pokkharaṇiñca khaṇāpenti, devakulādīsu mālāgacchaṃ ropenti, nadīviduggādīsu setuṃ attharanti, visamaṃ samaṃ karonti, iti nesaṃ kusalavedanā uppajjati. Micchādiṭṭhiṃ pana nissāya sammādiṭṭhike akkosanti paribhāsanti, vadhabandhanādīni karonti, pāṇaṃ vadhitvā devatānaṃ upahāraṃ upaharanti , iti nesaṃ akusalavedanā uppajjati. Vipākavedanā pana bhavantaragatānaṃyeva hoti.
ਸਮ੍ਮਾਦਿਟ੍ਠਿਪਚ੍ਚਯਾਤਿ ਏਤ੍ਥਾਪਿ ਸਮ੍ਮਾਦਿਟ੍ਠਿਸਮ੍ਪਯੁਤ੍ਤਾ વੇਦਨਾਪਿ વਟ੍ਟਤਿ, ਸਮ੍ਮਾਦਿਟ੍ਠਿਂ ਉਪਨਿਸ੍ਸਯਂ ਕਤ੍વਾ ਉਪ੍ਪਨ੍ਨਾ ਕੁਸਲਾਕੁਸਲવੇਦਨਾਪਿ વਿਪਾਕવੇਦਨਾਪਿ। ਤਤ੍ਥ ਸਮ੍ਮਾਦਿਟ੍ਠਿਸਮ੍ਪਯੁਤ੍ਤਾ ਕੁਸਲਾવ ਹੋਤਿ, ਸਮ੍ਮਾਦਿਟ੍ਠਿਂ ਪਨ ਉਪਨਿਸ੍ਸਾਯ ਬੁਦ੍ਧਪੂਜਂ ਦੀਪਮਾਲਂ ਮਹਾਧਮ੍ਮਸ੍ਸવਨਂ ਅਪ੍ਪਤਿਟ੍ਠਿਤੇ ਦਿਸਾਭਾਗੇ ਚੇਤਿਯਪਤਿਟ੍ਠਾਪਨਨ੍ਤਿ ਏવਮਾਦੀਨਿ ਪੁਞ੍ਞਾਨਿ ਕਰੋਨ੍ਤਿ, ਇਤਿ ਨੇਸਂ ਕੁਸਲਾ વੇਦਨਾ ਉਪ੍ਪਜ੍ਜਤਿ। ਸਮ੍ਮਾਦਿਟ੍ਠਿਂਯੇવ ਨਿਸ੍ਸਾਯ ਮਿਚ੍ਛਾਦਿਟ੍ਠਿਕੇ ਅਕ੍ਕੋਸਨ੍ਤਿ ਪਰਿਭਾਸਨ੍ਤਿ, ਅਤ੍ਤਾਨਂ ਉਕ੍ਕਂਸੇਨ੍ਤਿ, ਪਰਂ વਮ੍ਭੇਨ੍ਤਿ, ਇਤਿ ਨੇਸਂ ਅਕੁਸਲવੇਦਨਾ ਉਪ੍ਪਜ੍ਜਤਿ। વਿਪਾਕવੇਦਨਾ ਪਨ ਭવਨ੍ਤਰਗਤਾਨਂਯੇવ ਹੋਤਿ। ਮਿਚ੍ਛਾਸਙ੍ਕਪ੍ਪਪਚ੍ਚਯਾਤਿਆਦੀਸੁਪਿ ਏਸੇવ ਨਯੋ। ਛਨ੍ਦਪਚ੍ਚਯਾਤਿਆਦੀਸੁ ਪਨ ਛਨ੍ਦਪਚ੍ਚਯਾ ਅਟ੍ਠਲੋਭਸਹਗਤਚਿਤ੍ਤਸਮ੍ਪਯੁਤ੍ਤਾ વੇਦਨਾ વੇਦਿਤਬ੍ਬਾ, વਿਤਕ੍ਕਪਚ੍ਚਯਾ ਪਠਮਜ੍ਝਾਨવੇਦਨਾવ। ਸਞ੍ਞਾ ਪਚ੍ਚਯਾ ਠਪੇਤ੍વਾ ਪਠਮਜ੍ਝਾਨਂ ਸੇਸਾ ਛ ਸਞ੍ਞਾਸਮਾਪਤ੍ਤਿવੇਦਨਾ।
Sammādiṭṭhipaccayāti etthāpi sammādiṭṭhisampayuttā vedanāpi vaṭṭati, sammādiṭṭhiṃ upanissayaṃ katvā uppannā kusalākusalavedanāpi vipākavedanāpi. Tattha sammādiṭṭhisampayuttā kusalāva hoti, sammādiṭṭhiṃ pana upanissāya buddhapūjaṃ dīpamālaṃ mahādhammassavanaṃ appatiṭṭhite disābhāge cetiyapatiṭṭhāpananti evamādīni puññāni karonti, iti nesaṃ kusalā vedanā uppajjati. Sammādiṭṭhiṃyeva nissāya micchādiṭṭhike akkosanti paribhāsanti, attānaṃ ukkaṃsenti, paraṃ vambhenti, iti nesaṃ akusalavedanā uppajjati. Vipākavedanā pana bhavantaragatānaṃyeva hoti. Micchāsaṅkappapaccayātiādīsupi eseva nayo. Chandapaccayātiādīsu pana chandapaccayā aṭṭhalobhasahagatacittasampayuttā vedanā veditabbā, vitakkapaccayā paṭhamajjhānavedanāva. Saññā paccayā ṭhapetvā paṭhamajjhānaṃ sesā cha saññāsamāpattivedanā.
ਛਨ੍ਦੋ ਚ ਅવੂਪਸਨ੍ਤੋਤਿਆਦੀਸੁ ਤਿਣ੍ਣਂ ਅવੂਪਸਮੇ ਅਟ੍ਠਲੋਭਸਹਗਤਚਿਤ੍ਤਸਮ੍ਪਯੁਤ੍ਤਾ વੇਦਨਾ ਹੋਤਿ, ਛਨ੍ਦਮਤ੍ਤਸ੍ਸ વੂਪਸਮੇ ਪਠਮਜ੍ਝਾਨવੇਦਨਾવ। ਛਨ੍ਦવਿਤਕ੍ਕਾਨਂ વੂਪਸਮੇ ਦੁਤਿਯਜ੍ਝਾਨਾਦਿવੇਦਨਾ ਅਧਿਪ੍ਪੇਤਾ, ਤਿਣ੍ਣਮ੍ਪਿ વੂਪਸਮੇ ਨੇવਸਞ੍ਞਾਨਾਸਞ੍ਞਾਯਤਨવੇਦਨਾ। ਅਪ੍ਪਤ੍ਤਸ੍ਸ ਪਤ੍ਤਿਯਾਤਿ ਅਰਹਤ੍ਤਫਲਸ੍ਸ ਪਤ੍ਤਤ੍ਥਾਯ। ਅਤ੍ਥਿ ਆਯਾਮਨ੍ਤਿ ਅਤ੍ਥਿ વੀਰਿਯਂ। ਤਸ੍ਮਿਮ੍ਪਿ ਠਾਨੇ ਅਨੁਪ੍ਪਤ੍ਤੇਤਿ ਤਸ੍ਸ વੀਰਿਯਾਰਮ੍ਭਸ੍ਸ વਸੇਨ ਤਸ੍ਸ ਅਰਹਤ੍ਤਫਲਸ੍ਸ ਕਾਰਣੇ ਅਨੁਪ੍ਪਤ੍ਤੇ। ਤਪ੍ਪਚ੍ਚਯਾਪਿ વੇਦਯਿਤਨ੍ਤਿ ਅਰਹਤ੍ਤਸ੍ਸ ਠਾਨਪਚ੍ਚਯਾ વੇਦਯਿਤਂ। ਏਤੇਨ ਚਤੁਮਗ੍ਗਸਹਜਾਤਾ ਨਿਬ੍ਬਤ੍ਤਿਤਲੋਕੁਤ੍ਤਰવੇਦਨਾવ ਗਹਿਤਾ।
Chando ca avūpasantotiādīsu tiṇṇaṃ avūpasame aṭṭhalobhasahagatacittasampayuttā vedanā hoti, chandamattassa vūpasame paṭhamajjhānavedanāva. Chandavitakkānaṃ vūpasame dutiyajjhānādivedanā adhippetā, tiṇṇampi vūpasame nevasaññānāsaññāyatanavedanā. Appattassa pattiyāti arahattaphalassa pattatthāya. Atthi āyāmanti atthi vīriyaṃ. Tasmimpi ṭhāne anuppatteti tassa vīriyārambhassa vasena tassa arahattaphalassa kāraṇe anuppatte. Tappaccayāpi vedayitanti arahattassa ṭhānapaccayā vedayitaṃ. Etena catumaggasahajātā nibbattitalokuttaravedanāva gahitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਪਠਮવਿਹਾਰਸੁਤ੍ਤਂ • 1. Paṭhamavihārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਪਠਮવਿਹਾਰਸੁਤ੍ਤવਣ੍ਣਨਾ • 1. Paṭhamavihārasuttavaṇṇanā
