| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. வினயவக்³கோ³
8. Vinayavaggo
1-8. பட²மவினயத⁴ரஸுத்தாதி³வண்ணனா
1-8. Paṭhamavinayadharasuttādivaṇṇanā
75-82. அட்ட²மஸ்ஸ பட²மங் து³தியஞ்ச உத்தானத்த²மேவ. ததியே வினயலக்க²ணே பதிட்டி²தோ லஜ்ஜிபா⁴வேன வினயலக்க²ணே டி²தோ ஹோதி. அலஜ்ஜீ (பாரா॰ அட்ட²॰ 1.45) ஹி ப³ஹுஸ்ஸுதோபி ஸமானோ லாப⁴க³ருகதாய தந்திங் விஸங்வாதெ³த்வா உத்³த⁴ம்மங் உப்³பி³னயங் ஸத்து²ஸாஸனங் தீ³பெத்வா ஸாஸனே மஹந்தங் உபத்³த³வங் கரோதி, ஸங்க⁴பே⁴த³ம்பி ஸங்க⁴ராஜிம்பி உப்பாதே³தி. லஜ்ஜீ பன குக்குச்சகோ ஸிக்கா²காமோ ஜீவிதஹேதுபி தந்திங் அவிஸங்வாதெ³த்வா த⁴ம்மமேவ வினயமேவ ச தீ³பேதி, ஸத்து²ஸாஸனங் க³ருங் கத்வா ட²பேதி. ஏவங் யோ லஜ்ஜீ, ஸோ வினயங் அஜஹந்தோ அவோக்கமந்தோவ லஜ்ஜிபா⁴வேன வினயலக்க²ணே டி²தோ ஹோதி பதிட்டி²தோ.
75-82. Aṭṭhamassa paṭhamaṃ dutiyañca uttānatthameva. Tatiye vinayalakkhaṇe patiṭṭhito lajjibhāvena vinayalakkhaṇe ṭhito hoti. Alajjī (pārā. aṭṭha. 1.45) hi bahussutopi samāno lābhagarukatāya tantiṃ visaṃvādetvā uddhammaṃ ubbinayaṃ satthusāsanaṃ dīpetvā sāsane mahantaṃ upaddavaṃ karoti, saṅghabhedampi saṅgharājimpi uppādeti. Lajjī pana kukkuccako sikkhākāmo jīvitahetupi tantiṃ avisaṃvādetvā dhammameva vinayameva ca dīpeti, satthusāsanaṃ garuṃ katvā ṭhapeti. Evaṃ yo lajjī, so vinayaṃ ajahanto avokkamantova lajjibhāvena vinayalakkhaṇe ṭhito hoti patiṭṭhito.
அஸங்ஹீரோதி எத்த² ஸங்ஹீரோ நாம யோ பாளியங் வா அட்ட²கதா²யங் வா ஹெட்டா² வா உபரிதோ வா பத³படிபாடியா வா புச்சி²யமானோ வித்து²னதி விப்ப²ந்த³தி, ஸண்டா²துங் ந ஸக்கோதி, யங் யங் பரேன வுச்சதி, தங் தங் அனுஜானாதி, ஸகவாத³ங் ச²ட்³டெ³த்வா பரவாத³ங் க³ண்ஹாதி. யோ பன பாளியங் வா அட்ட²கதா²யங் வா ஹெட்டு²பரியவஸேன வா பத³படிபாடியா வா புச்சி²யமானோ ந வித்து²னதி ந விப்ப²ந்த³தி, ஏகேகலோமங் ஸண்டா³ஸேன க³ண்ஹந்தோ விய ‘‘ஏவங் மயங் வதா³ம, ஏவங் நோ ஆசரியா வத³ந்தீ’’தி விஸ்ஸஜ்ஜேதி. யம்ஹி பாளி ச பாளிவினிச்ச²யோ ச ஸுவண்ணபா⁴ஜனே பக்கி²த்தஸீஹவஸா விய பரிக்க²யங் பரியாதா³னங் அக³ச்ச²ந்தோ திட்ட²தி, அயங் வுச்சதி அஸங்ஹீரோ. யஸ்மா பன ஏவரூபோ யங் யங் பரேன வுச்சதி, தங் தங் நானுஜானாதி, அத்தனா ஸுவினிச்சி²னிதங் கத்வா க³ஹிதங் அவிபரீதமத்த²ங் ந விஸ்ஸஜ்ஜேதி, தஸ்மா வுத்தங் ‘‘ந ஸக்கோதி க³ஹிதக்³க³ஹணங் விஸ்ஸஜ்ஜாபேது’’ந்தி. சதுத்தா²தீ³னி ஸுவிஞ்ஞெய்யானி.
Asaṃhīroti ettha saṃhīro nāma yo pāḷiyaṃ vā aṭṭhakathāyaṃ vā heṭṭhā vā uparito vā padapaṭipāṭiyā vā pucchiyamāno vitthunati vipphandati, saṇṭhātuṃ na sakkoti, yaṃ yaṃ parena vuccati, taṃ taṃ anujānāti, sakavādaṃ chaḍḍetvā paravādaṃ gaṇhāti. Yo pana pāḷiyaṃ vā aṭṭhakathāyaṃ vā heṭṭhupariyavasena vā padapaṭipāṭiyā vā pucchiyamāno na vitthunati na vipphandati, ekekalomaṃ saṇḍāsena gaṇhanto viya ‘‘evaṃ mayaṃ vadāma, evaṃ no ācariyā vadantī’’ti vissajjeti. Yamhi pāḷi ca pāḷivinicchayo ca suvaṇṇabhājane pakkhittasīhavasā viya parikkhayaṃ pariyādānaṃ agacchanto tiṭṭhati, ayaṃ vuccati asaṃhīro. Yasmā pana evarūpo yaṃ yaṃ parena vuccati, taṃ taṃ nānujānāti, attanā suvinicchinitaṃ katvā gahitaṃ aviparītamatthaṃ na vissajjeti, tasmā vuttaṃ ‘‘na sakkoti gahitaggahaṇaṃ vissajjāpetu’’nti. Catutthādīni suviññeyyāni.
பட²மவினயத⁴ரஸுத்தாதி³வண்ணனா நிட்டி²தா.
Paṭhamavinayadharasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
1. பட²மவினயத⁴ரஸுத்தங் • 1. Paṭhamavinayadharasuttaṃ
2. து³தியவினயத⁴ரஸுத்தங் • 2. Dutiyavinayadharasuttaṃ
3. ததியவினயத⁴ரஸுத்தங் • 3. Tatiyavinayadharasuttaṃ
4. சதுத்த²வினயத⁴ரஸுத்தங் • 4. Catutthavinayadharasuttaṃ
5. பட²மவினயத⁴ரஸோப⁴னஸுத்தங் • 5. Paṭhamavinayadharasobhanasuttaṃ
6. து³தியவினயத⁴ரஸோப⁴னஸுத்தங் • 6. Dutiyavinayadharasobhanasuttaṃ
7. ததியவினயத⁴ரஸோப⁴னஸுத்தங் • 7. Tatiyavinayadharasobhanasuttaṃ
8. சதுத்த²வினயத⁴ரஸோப⁴னஸுத்தங் • 8. Catutthavinayadharasobhanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
1. பட²மவினயத⁴ரஸுத்தவண்ணனா • 1. Paṭhamavinayadharasuttavaṇṇanā
2. து³தியவினயத⁴ரஸுத்தவண்ணனா • 2. Dutiyavinayadharasuttavaṇṇanā
3. ததியவினயத⁴ரஸுத்தவண்ணனா • 3. Tatiyavinayadharasuttavaṇṇanā
