| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৮. ৰিনযৰগ্গো
8. Vinayavaggo
১-৮. পঠমৰিনযধরসুত্তাদিৰণ্ণনা
1-8. Paṭhamavinayadharasuttādivaṇṇanā
৭৫-৮২. অট্ঠমস্স পঠমং দুতিযঞ্চ উত্তানত্থমেৰ। ততিযে ৰিনযলক্খণে পতিট্ঠিতো লজ্জিভাৰেন ৰিনযলক্খণে ঠিতো হোতি। অলজ্জী (পারা॰ অট্ঠ॰ ১.৪৫) হি বহুস্সুতোপি সমানো লাভগরুকতায তন্তিং ৰিসংৰাদেত্ৰা উদ্ধম্মং উব্বিনযং সত্থুসাসনং দীপেত্ৰা সাসনে মহন্তং উপদ্দৰং করোতি, সঙ্ঘভেদম্পি সঙ্ঘরাজিম্পি উপ্পাদেতি। লজ্জী পন কুক্কুচ্চকো সিক্খাকামো জীৰিতহেতুপি তন্তিং অৰিসংৰাদেত্ৰা ধম্মমেৰ ৰিনযমেৰ চ দীপেতি, সত্থুসাসনং গরুং কত্ৰা ঠপেতি। এৰং যো লজ্জী, সো ৰিনযং অজহন্তো অৰোক্কমন্তোৰ লজ্জিভাৰেন ৰিনযলক্খণে ঠিতো হোতি পতিট্ঠিতো।
75-82. Aṭṭhamassa paṭhamaṃ dutiyañca uttānatthameva. Tatiye vinayalakkhaṇe patiṭṭhito lajjibhāvena vinayalakkhaṇe ṭhito hoti. Alajjī (pārā. aṭṭha. 1.45) hi bahussutopi samāno lābhagarukatāya tantiṃ visaṃvādetvā uddhammaṃ ubbinayaṃ satthusāsanaṃ dīpetvā sāsane mahantaṃ upaddavaṃ karoti, saṅghabhedampi saṅgharājimpi uppādeti. Lajjī pana kukkuccako sikkhākāmo jīvitahetupi tantiṃ avisaṃvādetvā dhammameva vinayameva ca dīpeti, satthusāsanaṃ garuṃ katvā ṭhapeti. Evaṃ yo lajjī, so vinayaṃ ajahanto avokkamantova lajjibhāvena vinayalakkhaṇe ṭhito hoti patiṭṭhito.
অসংহীরোতি এত্থ সংহীরো নাম যো পাল়িযং ৰা অট্ঠকথাযং ৰা হেট্ঠা ৰা উপরিতো ৰা পদপটিপাটিযা ৰা পুচ্ছিযমানো ৰিত্থুনতি ৰিপ্ফন্দতি, সণ্ঠাতুং ন সক্কোতি, যং যং পরেন ৰুচ্চতি, তং তং অনুজানাতি, সকৰাদং ছড্ডেত্ৰা পরৰাদং গণ্হাতি। যো পন পাল়িযং ৰা অট্ঠকথাযং ৰা হেট্ঠুপরিযৰসেন ৰা পদপটিপাটিযা ৰা পুচ্ছিযমানো ন ৰিত্থুনতি ন ৰিপ্ফন্দতি, একেকলোমং সণ্ডাসেন গণ্হন্তো ৰিয ‘‘এৰং মযং ৰদাম, এৰং নো আচরিযা ৰদন্তী’’তি ৰিস্সজ্জেতি। যম্হি পাল়ি চ পাল়িৰিনিচ্ছযো চ সুৰণ্ণভাজনে পক্খিত্তসীহৰসা ৰিয পরিক্খযং পরিযাদানং অগচ্ছন্তো তিট্ঠতি, অযং ৰুচ্চতি অসংহীরো। যস্মা পন এৰরূপো যং যং পরেন ৰুচ্চতি, তং তং নানুজানাতি, অত্তনা সুৰিনিচ্ছিনিতং কত্ৰা গহিতং অৰিপরীতমত্থং ন ৰিস্সজ্জেতি, তস্মা ৰুত্তং ‘‘ন সক্কোতি গহিতগ্গহণং ৰিস্সজ্জাপেতু’’ন্তি। চতুত্থাদীনি সুৰিঞ্ঞেয্যানি।
Asaṃhīroti ettha saṃhīro nāma yo pāḷiyaṃ vā aṭṭhakathāyaṃ vā heṭṭhā vā uparito vā padapaṭipāṭiyā vā pucchiyamāno vitthunati vipphandati, saṇṭhātuṃ na sakkoti, yaṃ yaṃ parena vuccati, taṃ taṃ anujānāti, sakavādaṃ chaḍḍetvā paravādaṃ gaṇhāti. Yo pana pāḷiyaṃ vā aṭṭhakathāyaṃ vā heṭṭhupariyavasena vā padapaṭipāṭiyā vā pucchiyamāno na vitthunati na vipphandati, ekekalomaṃ saṇḍāsena gaṇhanto viya ‘‘evaṃ mayaṃ vadāma, evaṃ no ācariyā vadantī’’ti vissajjeti. Yamhi pāḷi ca pāḷivinicchayo ca suvaṇṇabhājane pakkhittasīhavasā viya parikkhayaṃ pariyādānaṃ agacchanto tiṭṭhati, ayaṃ vuccati asaṃhīro. Yasmā pana evarūpo yaṃ yaṃ parena vuccati, taṃ taṃ nānujānāti, attanā suvinicchinitaṃ katvā gahitaṃ aviparītamatthaṃ na vissajjeti, tasmā vuttaṃ ‘‘na sakkoti gahitaggahaṇaṃ vissajjāpetu’’nti. Catutthādīni suviññeyyāni.
পঠমৰিনযধরসুত্তাদিৰণ্ণনা নিট্ঠিতা।
Paṭhamavinayadharasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. পঠমৰিনযধরসুত্তং • 1. Paṭhamavinayadharasuttaṃ
২. দুতিযৰিনযধরসুত্তং • 2. Dutiyavinayadharasuttaṃ
৩. ততিযৰিনযধরসুত্তং • 3. Tatiyavinayadharasuttaṃ
৪. চতুত্থৰিনযধরসুত্তং • 4. Catutthavinayadharasuttaṃ
৫. পঠমৰিনযধরসোভনসুত্তং • 5. Paṭhamavinayadharasobhanasuttaṃ
৬. দুতিযৰিনযধরসোভনসুত্তং • 6. Dutiyavinayadharasobhanasuttaṃ
৭. ততিযৰিনযধরসোভনসুত্তং • 7. Tatiyavinayadharasobhanasuttaṃ
৮. চতুত্থৰিনযধরসোভনসুত্তং • 8. Catutthavinayadharasobhanasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. পঠমৰিনযধরসুত্তৰণ্ণনা • 1. Paṭhamavinayadharasuttavaṇṇanā
২. দুতিযৰিনযধরসুত্তৰণ্ণনা • 2. Dutiyavinayadharasuttavaṇṇanā
৩. ততিযৰিনযধরসুত্তৰণ্ণনা • 3. Tatiyavinayadharasuttavaṇṇanā
