| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
8. විනයවග්‌ගො
8. Vinayavaggo
1-8. පඨමවිනයධරසුත්‌තාදිවණ්‌ණනා
1-8. Paṭhamavinayadharasuttādivaṇṇanā
75-82. අට්‌ඨමස්‌ස පඨමං දුතියඤ්‌ච උත්‌තානත්‌ථමෙව. තතියෙ විනයලක්‌ඛණෙ පතිට්‌ඨිතො ලජ්‌ජිභාවෙන විනයලක්‌ඛණෙ ඨිතො හොති. අලජ්‌ජී (පාරා. අට්‌ඨ. 1.45) හි බහුස්‌සුතොපි සමානො ලාභගරුකතාය තන්‌තිං විසංවාදෙත්‌වා උද්‌ධම්‌මං උබ්‌බිනයං සත්‌ථුසාසනං දීපෙත්‌වා සාසනෙ මහන්‌තං උපද්‌දවං කරොති, සඞ්‌ඝභෙදම්‌පි සඞ්‌ඝරාජිම්‌පි උප්‌පාදෙති. ලජ්‌ජී පන කුක්‌කුච්‌චකො සික්‌ඛාකාමො ජීවිතහෙතුපි තන්‌තිං අවිසංවාදෙත්‌වා ධම්‌මමෙව විනයමෙව ච දීපෙති, සත්‌ථුසාසනං ගරුං කත්‌වා ඨපෙති. එවං යො ලජ්‌ජී, සො විනයං අජහන්‌තො අවොක්‌කමන්‌තොව ලජ්‌ජිභාවෙන විනයලක්‌ඛණෙ ඨිතො හොති පතිට්‌ඨිතො.
75-82. Aṭṭhamassa paṭhamaṃ dutiyañca uttānatthameva. Tatiye vinayalakkhaṇe patiṭṭhito lajjibhāvena vinayalakkhaṇe ṭhito hoti. Alajjī (pārā. aṭṭha. 1.45) hi bahussutopi samāno lābhagarukatāya tantiṃ visaṃvādetvā uddhammaṃ ubbinayaṃ satthusāsanaṃ dīpetvā sāsane mahantaṃ upaddavaṃ karoti, saṅghabhedampi saṅgharājimpi uppādeti. Lajjī pana kukkuccako sikkhākāmo jīvitahetupi tantiṃ avisaṃvādetvā dhammameva vinayameva ca dīpeti, satthusāsanaṃ garuṃ katvā ṭhapeti. Evaṃ yo lajjī, so vinayaṃ ajahanto avokkamantova lajjibhāvena vinayalakkhaṇe ṭhito hoti patiṭṭhito.
අසංහීරොති එත්‌ථ සංහීරො නාම යො පාළියං වා අට්‌ඨකථායං වා හෙට්‌ඨා වා උපරිතො වා පදපටිපාටියා වා පුච්‌ඡියමානො විත්‌ථුනති විප්‌ඵන්‌දති, සණ්‌ඨාතුං න සක්‌කොති, යං යං පරෙන වුච්‌චති, තං තං අනුජානාති, සකවාදං ඡඩ්‌ඩෙත්‌වා පරවාදං ගණ්‌හාති. යො පන පාළියං වා අට්‌ඨකථායං වා හෙට්‌ඨුපරියවසෙන වා පදපටිපාටියා වා පුච්‌ඡියමානො න විත්‌ථුනති න විප්‌ඵන්‌දති, එකෙකලොමං සණ්‌ඩාසෙන ගණ්‌හන්‌තො විය ‘‘එවං මයං වදාම, එවං නො ආචරියා වදන්‌තී’’ති විස්‌සජ්‌ජෙති. යම්‌හි පාළි ච පාළිවිනිච්‌ඡයො ච සුවණ්‌ණභාජනෙ පක්‌ඛිත්‌තසීහවසා විය පරික්‌ඛයං පරියාදානං අගච්‌ඡන්‌තො තිට්‌ඨති, අයං වුච්‌චති අසංහීරො. යස්‌මා පන එවරූපො යං යං පරෙන වුච්‌චති, තං තං නානුජානාති, අත්‌තනා සුවිනිච්‌ඡිනිතං කත්‌වා ගහිතං අවිපරීතමත්‌ථං න විස්‌සජ්‌ජෙති, තස්‌මා වුත්‌තං ‘‘න සක්‌කොති ගහිතග්‌ගහණං විස්‌සජ්‌ජාපෙතු’’න්‌ති. චතුත්‌ථාදීනි සුවිඤ්‌ඤෙය්‍යානි.
Asaṃhīroti ettha saṃhīro nāma yo pāḷiyaṃ vā aṭṭhakathāyaṃ vā heṭṭhā vā uparito vā padapaṭipāṭiyā vā pucchiyamāno vitthunati vipphandati, saṇṭhātuṃ na sakkoti, yaṃ yaṃ parena vuccati, taṃ taṃ anujānāti, sakavādaṃ chaḍḍetvā paravādaṃ gaṇhāti. Yo pana pāḷiyaṃ vā aṭṭhakathāyaṃ vā heṭṭhupariyavasena vā padapaṭipāṭiyā vā pucchiyamāno na vitthunati na vipphandati, ekekalomaṃ saṇḍāsena gaṇhanto viya ‘‘evaṃ mayaṃ vadāma, evaṃ no ācariyā vadantī’’ti vissajjeti. Yamhi pāḷi ca pāḷivinicchayo ca suvaṇṇabhājane pakkhittasīhavasā viya parikkhayaṃ pariyādānaṃ agacchanto tiṭṭhati, ayaṃ vuccati asaṃhīro. Yasmā pana evarūpo yaṃ yaṃ parena vuccati, taṃ taṃ nānujānāti, attanā suvinicchinitaṃ katvā gahitaṃ aviparītamatthaṃ na vissajjeti, tasmā vuttaṃ ‘‘na sakkoti gahitaggahaṇaṃ vissajjāpetu’’nti. Catutthādīni suviññeyyāni.
පඨමවිනයධරසුත්‌තාදිවණ්‌ණනා නිට්‌ඨිතා.
Paṭhamavinayadharasuttādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. පඨමවිනයධරසුත්‌තං • 1. Paṭhamavinayadharasuttaṃ
2. දුතියවිනයධරසුත්‌තං • 2. Dutiyavinayadharasuttaṃ
3. තතියවිනයධරසුත්‌තං • 3. Tatiyavinayadharasuttaṃ
4. චතුත්‌ථවිනයධරසුත්‌තං • 4. Catutthavinayadharasuttaṃ
5. පඨමවිනයධරසොභනසුත්‌තං • 5. Paṭhamavinayadharasobhanasuttaṃ
6. දුතියවිනයධරසොභනසුත්‌තං • 6. Dutiyavinayadharasobhanasuttaṃ
7. තතියවිනයධරසොභනසුත්‌තං • 7. Tatiyavinayadharasobhanasuttaṃ
8. චතුත්‌ථවිනයධරසොභනසුත්‌තං • 8. Catutthavinayadharasobhanasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
1. පඨමවිනයධරසුත්‌තවණ්‌ණනා • 1. Paṭhamavinayadharasuttavaṇṇanā
2. දුතියවිනයධරසුත්‌තවණ්‌ණනා • 2. Dutiyavinayadharasuttavaṇṇanā
3. තතියවිනයධරසුත්‌තවණ්‌ණනා • 3. Tatiyavinayadharasuttavaṇṇanā
