| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5-7. பட²மவித்தா²ரஸுத்தாதி³வண்ணனா
5-7. Paṭhamavitthārasuttādivaṇṇanā
485-487. பஞ்சமே ததோ முது³தரேஹீதி விபஸ்ஸனாவஸேன நிஸ்ஸக்கங் வேதி³தப்³ப³ங். பரிபுண்ணானி ஹி பஞ்சிந்த்³ரியானி அரஹத்தமக்³க³ஸ்ஸ விபஸ்ஸனிந்த்³ரியானி ஹொந்தி, ததோ முது³தரானி அந்தராபரினிப்³பா³யிஸ்ஸ விபஸ்ஸனிந்த்³ரியானி, ததோ முது³தரானி உபஹச்சபரினிப்³பா³யிஸ்ஸ, ததோ முது³தரானி அஸங்கா²ரபரினிப்³பா³யிஸ்ஸ, ததோ முது³தரானி ஸஸங்கா²ரபரினிப்³பா³யிஸ்ஸ, ததோ முது³தரானி உத்³த⁴ங்ஸோதஅகனிட்ட²கா³மிஸ்ஸ விபஸ்ஸனிந்த்³ரியானி நாம ஹொந்தி.
485-487. Pañcame tato mudutarehīti vipassanāvasena nissakkaṃ veditabbaṃ. Paripuṇṇāni hi pañcindriyāni arahattamaggassa vipassanindriyāni honti, tato mudutarāni antarāparinibbāyissa vipassanindriyāni, tato mudutarāni upahaccaparinibbāyissa, tato mudutarāni asaṅkhāraparinibbāyissa, tato mudutarāni sasaṅkhāraparinibbāyissa, tato mudutarāni uddhaṃsotaakaniṭṭhagāmissa vipassanindriyāni nāma honti.
இமஸ்மிங் பன டா²னே அரஹத்தமக்³கே³யேவ ட²த்வா பஞ்ச நிஸ்ஸக்கானி நீஹரிதப்³பா³னி. அரஹத்தமக்³க³ஸ்ஸ ஹி விபஸ்ஸனிந்த்³ரியேஹி முது³தரானி பட²மஅந்தராபரினிப்³பா³யிஸ்ஸ விபஸ்ஸனிந்த்³ரியானி, ததோ முது³தரானி து³தியஅந்தராபரினிப்³பா³யிஸ்ஸ, ததோ முது³தரானி ததியஅந்தராபரினிப்³பா³யிஸ்ஸ, ததோ முது³தரானி உபஹச்சபரினிப்³பா³யிஸ்ஸ, ததோ முது³தரானி உத்³த⁴ங்ஸோதஅகனிட்ட²கா³மிஸ்ஸ விபஸ்ஸனிந்த்³ரியானி. அஸங்கா²ரபரினிப்³பா³யிஸ்ஸ ஸஸங்கா²ரபரினிப்³பா³யினோபி ஏதேவ பஞ்ச ஜனா.
Imasmiṃ pana ṭhāne arahattamaggeyeva ṭhatvā pañca nissakkāni nīharitabbāni. Arahattamaggassa hi vipassanindriyehi mudutarāni paṭhamaantarāparinibbāyissa vipassanindriyāni, tato mudutarāni dutiyaantarāparinibbāyissa, tato mudutarāni tatiyaantarāparinibbāyissa, tato mudutarāni upahaccaparinibbāyissa, tato mudutarāni uddhaṃsotaakaniṭṭhagāmissa vipassanindriyāni. Asaṅkhāraparinibbāyissa sasaṅkhāraparinibbāyinopi eteva pañca janā.
இதா³னி தீணி நிஸ்ஸக்கானி. ஸகதா³கா³மிமக்³க³ஸ்ஸ ஹி இந்த்³ரியேஹி முது³தரானி ஸோதாபத்திமக்³கி³ந்த்³ரியானி, ஸோதாபத்திமக்³கே³யேவ இந்த்³ரியேஹி முது³தரானி த⁴ம்மானுஸாரிமக்³கி³ந்த்³ரியானி. தேஹிபி முது³தரானி ஸத்³தா⁴னுஸாரிமக்³கி³ந்த்³ரியானி. ச²ட்ட²ஸத்தமானி வுத்தனயானேவ. இமேஸு பன தீஸுபி ஸுத்தேஸு புப்³ப³பா⁴க³விபஸ்ஸனிந்த்³ரியானேவ கதி²தானி.
Idāni tīṇi nissakkāni. Sakadāgāmimaggassa hi indriyehi mudutarāni sotāpattimaggindriyāni, sotāpattimaggeyeva indriyehi mudutarāni dhammānusārimaggindriyāni. Tehipi mudutarāni saddhānusārimaggindriyāni. Chaṭṭhasattamāni vuttanayāneva. Imesu pana tīsupi suttesu pubbabhāgavipassanindriyāneva kathitāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
5. பட²மவித்தா²ரஸுத்தங் • 5. Paṭhamavitthārasuttaṃ
6. து³தியவித்தா²ரஸுத்தங் • 6. Dutiyavitthārasuttaṃ
7. ததியவித்தா²ரஸுத்தங் • 7. Tatiyavitthārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5-7. பட²மவித்தா²ரஸுத்தாதி³வண்ணனா • 5-7. Paṭhamavitthārasuttādivaṇṇanā
