| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5-7. батамавид̇т̇аарасуд̇д̇аад̣̇иван̣н̣анаа
5-7. Paṭhamavitthārasuttādivaṇṇanā
485-487. бан̃жамз д̇ад̇о муд̣̇уд̇арзхийд̇и вибассанаавасзна ниссаггам̣ взд̣̇ид̇аб̣б̣ам̣. барибун̣н̣аани хи бан̃жинд̣̇рияаани арахад̇д̇амаг̇г̇асса вибассанинд̣̇рияаани хонд̇и, д̇ад̇о муд̣̇уд̇араани анд̇араабариниб̣б̣ааяисса вибассанинд̣̇рияаани, д̇ад̇о муд̣̇уд̇араани убахажжабариниб̣б̣ааяисса, д̇ад̇о муд̣̇уд̇араани асан̇каарабариниб̣б̣ааяисса, д̇ад̇о муд̣̇уд̇араани сасан̇каарабариниб̣б̣ааяисса, д̇ад̇о муд̣̇уд̇араани уд̣̇д̇хам̣сод̇ааганидтаг̇аамисса вибассанинд̣̇рияаани наама хонд̇и.
485-487. Pañcame tato mudutarehīti vipassanāvasena nissakkaṃ veditabbaṃ. Paripuṇṇāni hi pañcindriyāni arahattamaggassa vipassanindriyāni honti, tato mudutarāni antarāparinibbāyissa vipassanindriyāni, tato mudutarāni upahaccaparinibbāyissa, tato mudutarāni asaṅkhāraparinibbāyissa, tato mudutarāni sasaṅkhāraparinibbāyissa, tato mudutarāni uddhaṃsotaakaniṭṭhagāmissa vipassanindriyāni nāma honti.
имасмим̣ бана таанз арахад̇д̇амаг̇г̇зязва тад̇ваа бан̃жа ниссаггаани нийхарид̇аб̣б̣аани. арахад̇д̇амаг̇г̇асса хи вибассанинд̣̇риязхи муд̣̇уд̇араани батамаанд̇араабариниб̣б̣ааяисса вибассанинд̣̇рияаани, д̇ад̇о муд̣̇уд̇араани д̣̇уд̇ияаанд̇араабариниб̣б̣ааяисса, д̇ад̇о муд̣̇уд̇араани д̇ад̇ияаанд̇араабариниб̣б̣ааяисса, д̇ад̇о муд̣̇уд̇араани убахажжабариниб̣б̣ааяисса, д̇ад̇о муд̣̇уд̇араани уд̣̇д̇хам̣сод̇ааганидтаг̇аамисса вибассанинд̣̇рияаани. асан̇каарабариниб̣б̣ааяисса сасан̇каарабариниб̣б̣ааяиноби зд̇зва бан̃жа ж̇анаа.
Imasmiṃ pana ṭhāne arahattamaggeyeva ṭhatvā pañca nissakkāni nīharitabbāni. Arahattamaggassa hi vipassanindriyehi mudutarāni paṭhamaantarāparinibbāyissa vipassanindriyāni, tato mudutarāni dutiyaantarāparinibbāyissa, tato mudutarāni tatiyaantarāparinibbāyissa, tato mudutarāni upahaccaparinibbāyissa, tato mudutarāni uddhaṃsotaakaniṭṭhagāmissa vipassanindriyāni. Asaṅkhāraparinibbāyissa sasaṅkhāraparinibbāyinopi eteva pañca janā.
ид̣̇аани д̇ийн̣и ниссаггаани. сагад̣̇ааг̇аамимаг̇г̇асса хи инд̣̇риязхи муд̣̇уд̇араани сод̇аабад̇д̇имаг̇г̇инд̣̇рияаани, сод̇аабад̇д̇имаг̇г̇зязва инд̣̇риязхи муд̣̇уд̇араани д̇хаммаанусааримаг̇г̇инд̣̇рияаани. д̇зхиби муд̣̇уд̇араани сад̣̇д̇хаанусааримаг̇г̇инд̣̇рияаани. чадтасад̇д̇амаани вуд̇д̇анаяаанзва. имзсу бана д̇ийсуби суд̇д̇зсу буб̣б̣абхааг̇авибассанинд̣̇рияаанзва гат̇ид̇аани.
Idāni tīṇi nissakkāni. Sakadāgāmimaggassa hi indriyehi mudutarāni sotāpattimaggindriyāni, sotāpattimaggeyeva indriyehi mudutarāni dhammānusārimaggindriyāni. Tehipi mudutarāni saddhānusārimaggindriyāni. Chaṭṭhasattamāni vuttanayāneva. Imesu pana tīsupi suttesu pubbabhāgavipassanindriyāneva kathitāni.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. батамавид̇т̇аарасуд̇д̇ам̣ • 5. Paṭhamavitthārasuttaṃ
6. д̣̇уд̇ияавид̇т̇аарасуд̇д̇ам̣ • 6. Dutiyavitthārasuttaṃ
7. д̇ад̇ияавид̇т̇аарасуд̇д̇ам̣ • 7. Tatiyavitthārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-7. батамавид̇т̇аарасуд̇д̇аад̣̇иван̣н̣анаа • 5-7. Paṭhamavitthārasuttādivaṇṇanā
