| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
5-7. батамавид̇т̇аарасуд̇д̇аад̣̇иван̣н̣анаа
5-7. Paṭhamavitthārasuttādivaṇṇanā
485-487. вибассанаавасзна ниссаггам̣ взд̣̇ид̇аб̣б̣ам̣, на маг̇г̇апалавасзна, имасмим̣ суд̇д̇з саб̣б̣асова вибассанинд̣̇рияаанам̣ зва ад̇хиббзд̇ад̇д̇аа. ид̣̇аани д̇амад̇т̇ам̣ баагадам̣ гаад̇ум̣ ‘‘барибун̣н̣аани хий’’д̇иаад̣̇и вуд̇д̇ам̣. авихаад̣̇ийсу бан̃жасу суд̣̇д̇хааваасзсу д̇ад̇т̇а д̇ад̇т̇а ааяувзмаж̇жхам̣ анад̇иггамид̇ваа анд̇араа гилзсабариниб̣б̣аанзна бариниб̣б̣ааяанад̇о анд̇араабариниб̣б̣ааяий, асан̇каарзна аббаяог̇зна сарасад̇ова бариниб̣б̣ааяанад̇о асан̇каарабариниб̣б̣ааяий, д̇аб̣б̣ибарияааяад̇о сасан̇каарабариниб̣б̣ааяий, уд̣̇д̇хам̣ ваахибхаавзна уд̣̇д̇хамасса д̇ан̣хаасод̇ам̣ ваддасод̇ам̣ ваад̇и уд̣̇д̇хам̣сод̇о, уд̣̇д̇хам̣ ваа г̇анд̇ваа бадилабхид̇аб̣б̣ад̇о уд̣̇д̇хамасса маг̇г̇асод̇анд̇и уд̣̇д̇хам̣сод̇о, аганидтабхавам̣ г̇ажчад̇ийд̇и аганидтаг̇аамийд̇и звамзд̇т̇а сад̣̇д̣̇ад̇т̇о д̣̇адтаб̣б̣о.
485-487.Vipassanāvasena nissakkaṃ veditabbaṃ, na maggaphalavasena, imasmiṃ sutte sabbasova vipassanindriyānaṃ eva adhippetattā. Idāni tamatthaṃ pākaṭaṃ kātuṃ ‘‘paripuṇṇāni hī’’tiādi vuttaṃ. Avihādīsu pañcasu suddhāvāsesu tattha tattha āyuvemajjhaṃ anatikkamitvā antarā kilesaparinibbānena parinibbāyanato antarāparinibbāyī, asaṅkhārena appayogena sarasatova parinibbāyanato asaṅkhāraparinibbāyī, tabbipariyāyato sasaṅkhāraparinibbāyī, uddhaṃ vāhibhāvena uddhamassa taṇhāsotaṃ vaṭṭasotaṃ vāti uddhaṃsoto, uddhaṃ vā gantvā paṭilabhitabbato uddhamassa maggasotanti uddhaṃsoto, akaniṭṭhabhavaṃ gacchatīti akaniṭṭhagāmīti evamettha saddattho daṭṭhabbo.
имасмим̣ бана таанзд̇и ‘‘вибассанаавасзна ниссагга’’нд̇и вуд̇д̇адтаанз. арахад̇д̇амаг̇г̇зязва тад̇ваад̇и имасмим̣язва бхавз арахад̇д̇амаг̇г̇зязва, на вибассанааяа жа тад̇ваа. бан̃жа ниссаггаани нийхарид̇аб̣б̣аанийд̇и ‘‘д̇ад̇о муд̣̇уд̇арзхи анд̇араабариниб̣б̣ааяий ход̇ий’’д̇иаад̣̇ийни бан̃жа ниссаггаани нид̣̇д̇хаарзд̇ваа гат̇зд̇аб̣б̣аани. ид̣̇аани д̇амад̇т̇ам̣ виваранд̇о ‘‘арахад̇д̇амаг̇г̇асса хий’’д̇иаад̣̇имааха. д̇ад̇т̇а авихаад̣̇ийсу уббаж̇ж̇ид̇ваа уббаннасамананд̇арааяа бариниб̣б̣ааяанад̇о батамаанд̇араабариниб̣б̣ааяий. д̇ад̇т̇а ааяуббамаан̣авзмаж̇жхам̣ аббад̇ваава бариниб̣б̣ааяанад̇о д̣̇уд̇ияаанд̇араабариниб̣б̣ааяий, ааяувзмаж̇жхам̣ бад̇ваа бариниб̣б̣ааяанад̇о д̇ад̇о барам̣ д̇ад̇ияаанд̇араабариниб̣б̣ааяий взд̣̇ид̇аб̣б̣о. ‘‘бан̃жа ниссаггааний’’д̇и гасмаа вуд̇д̇ам̣? нану асан̇каарасасан̇каарабариниб̣б̣ааяийд̇и вад̇д̇аб̣б̣анд̇и? на вад̇д̇аб̣б̣анд̇и д̣̇ассзнд̇о ааха ‘‘асан̇каарабариниб̣б̣ааяисса сасан̇каарабариниб̣б̣ааяиноби зд̇зва бан̃жа ж̇анаа’’д̇и.
Imasmiṃ pana ṭhāneti ‘‘vipassanāvasena nissakka’’nti vuttaṭṭhāne. Arahattamaggeyeva ṭhatvāti imasmiṃyeva bhave arahattamaggeyeva, na vipassanāya ca ṭhatvā. Pañca nissakkāni nīharitabbānīti ‘‘tato mudutarehi antarāparinibbāyī hotī’’tiādīni pañca nissakkāni niddhāretvā kathetabbāni. Idāni tamatthaṃ vivaranto ‘‘arahattamaggassa hī’’tiādimāha. Tattha avihādīsu uppajjitvā uppannasamanantarāya parinibbāyanato paṭhamaantarāparinibbāyī. Tattha āyuppamāṇavemajjhaṃ appatvāva parinibbāyanato dutiyaantarāparinibbāyī, āyuvemajjhaṃ patvā parinibbāyanato tato paraṃ tatiyaantarāparinibbāyī veditabbo. ‘‘Pañca nissakkānī’’ti kasmā vuttaṃ? Nanu asaṅkhārasasaṅkhāraparinibbāyīti vattabbanti? Na vattabbanti dassento āha ‘‘asaṅkhāraparinibbāyissa sasaṅkhāraparinibbāyinopi eteva pañca janā’’ti.
д̇ийн̣и ниссаггаанийд̇и ‘‘д̇ад̇о муд̣̇уд̇арзхи сод̇аабанно ход̇ий’’д̇иаад̣̇ийни д̇ийн̣и ниссаггабад̣̇аани. ид̇ха сагад̣̇ааг̇аамий на г̇ахид̇о, со анааг̇аамимаг̇г̇з тад̇ваа нийхарид̇аб̣б̣о, анааг̇аамимаг̇г̇асса вибассанинд̣̇риязхи муд̣̇уд̇арзхи сагад̣̇ааг̇аамий ход̇и. сагад̣̇аа…бз… муд̣̇уд̇араанийд̇и ид̣̇ам̣ сагад̣̇ааг̇аамимаг̇г̇асса вибассанинд̣̇риязхи згаб̣ийж̇исан̇каад̇асод̇аабаннавибассанинд̣̇рияаани муд̣̇уд̇араани хонд̇ийд̇и д̇ийн̣и гад̇ваа вуд̇д̇ам̣. д̇хаммаанусаарийд̇иаад̣̇ид̣̇ваяам̣ голам̣голаад̣̇ид̣̇ваязна г̇ахид̇ам̣ ход̇ийд̇и. сагад̣̇ааг̇аамимаг̇г̇асса хийд̇иаад̣̇и вуд̇д̇ассзва ад̇т̇асса виваран̣ам̣. сзсам̣ хздтаа вуд̇д̇анаяамзва. чадтасад̇д̇амаани вуд̇д̇анаяаанзваад̇и чадтасад̇д̇амаани суд̇д̇аани д̣̇уд̇ияад̇ад̇иязсу вуд̇д̇анаяаанзва. д̇ад̇т̇а бана миссагаани инд̣̇рияаани гат̇ид̇аани, ид̇ха буб̣б̣абхааг̇авибассанинд̣̇рияаани гат̇ид̇аанийд̇и аяамзва висзсо.
Tīṇi nissakkānīti ‘‘tato mudutarehi sotāpanno hotī’’tiādīni tīṇi nissakkapadāni. Idha sakadāgāmī na gahito, so anāgāmimagge ṭhatvā nīharitabbo, anāgāmimaggassa vipassanindriyehi mudutarehi sakadāgāmī hoti. Sakadā…pe… mudutarānīti idaṃ sakadāgāmimaggassa vipassanindriyehi ekabījisaṅkhātasotāpannavipassanindriyāni mudutarāni hontīti tīṇi katvā vuttaṃ. Dhammānusārītiādidvayaṃ kolaṃkolādidvayena gahitaṃ hotīti. Sakadāgāmimaggassa hītiādi vuttasseva atthassa vivaraṇaṃ. Sesaṃ heṭṭhā vuttanayameva. Chaṭṭhasattamāni vuttanayānevāti chaṭṭhasattamāni suttāni dutiyatatiyesu vuttanayāneva. Tattha pana missakāni indriyāni kathitāni, idha pubbabhāgavipassanindriyāni kathitānīti ayameva viseso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
5. батамавид̇т̇аарасуд̇д̇ам̣ • 5. Paṭhamavitthārasuttaṃ
6. д̣̇уд̇ияавид̇т̇аарасуд̇д̇ам̣ • 6. Dutiyavitthārasuttaṃ
7. д̇ад̇ияавид̇т̇аарасуд̇д̇ам̣ • 7. Tatiyavitthārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5-7. батамавид̇т̇аарасуд̇д̇аад̣̇иван̣н̣анаа • 5-7. Paṭhamavitthārasuttādivaṇṇanā
