| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫-੭. ਪਠਮવਿਤ੍ਥਾਰਸੁਤ੍ਤਾਦਿવਣ੍ਣਨਾ
5-7. Paṭhamavitthārasuttādivaṇṇanā
੪੮੫-੪੮੭. ਪਞ੍ਚਮੇ ਤਤੋ ਮੁਦੁਤਰੇਹੀਤਿ વਿਪਸ੍ਸਨਾવਸੇਨ ਨਿਸ੍ਸਕ੍ਕਂ વੇਦਿਤਬ੍ਬਂ। ਪਰਿਪੁਣ੍ਣਾਨਿ ਹਿ ਪਞ੍ਚਿਨ੍ਦ੍ਰਿਯਾਨਿ ਅਰਹਤ੍ਤਮਗ੍ਗਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਹੋਨ੍ਤਿ, ਤਤੋ ਮੁਦੁਤਰਾਨਿ ਅਨ੍ਤਰਾਪਰਿਨਿਬ੍ਬਾਯਿਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ, ਤਤੋ ਮੁਦੁਤਰਾਨਿ ਉਪਹਚ੍ਚਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਅਸਙ੍ਖਾਰਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਸਸਙ੍ਖਾਰਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਉਦ੍ਧਂਸੋਤਅਕਨਿਟ੍ਠਗਾਮਿਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ ਨਾਮ ਹੋਨ੍ਤਿ।
485-487. Pañcame tato mudutarehīti vipassanāvasena nissakkaṃ veditabbaṃ. Paripuṇṇāni hi pañcindriyāni arahattamaggassa vipassanindriyāni honti, tato mudutarāni antarāparinibbāyissa vipassanindriyāni, tato mudutarāni upahaccaparinibbāyissa, tato mudutarāni asaṅkhāraparinibbāyissa, tato mudutarāni sasaṅkhāraparinibbāyissa, tato mudutarāni uddhaṃsotaakaniṭṭhagāmissa vipassanindriyāni nāma honti.
ਇਮਸ੍ਮਿਂ ਪਨ ਠਾਨੇ ਅਰਹਤ੍ਤਮਗ੍ਗੇਯੇવ ਠਤ੍વਾ ਪਞ੍ਚ ਨਿਸ੍ਸਕ੍ਕਾਨਿ ਨੀਹਰਿਤਬ੍ਬਾਨਿ। ਅਰਹਤ੍ਤਮਗ੍ਗਸ੍ਸ ਹਿ વਿਪਸ੍ਸਨਿਨ੍ਦ੍ਰਿਯੇਹਿ ਮੁਦੁਤਰਾਨਿ ਪਠਮਅਨ੍ਤਰਾਪਰਿਨਿਬ੍ਬਾਯਿਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ, ਤਤੋ ਮੁਦੁਤਰਾਨਿ ਦੁਤਿਯਅਨ੍ਤਰਾਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਤਤਿਯਅਨ੍ਤਰਾਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਉਪਹਚ੍ਚਪਰਿਨਿਬ੍ਬਾਯਿਸ੍ਸ, ਤਤੋ ਮੁਦੁਤਰਾਨਿ ਉਦ੍ਧਂਸੋਤਅਕਨਿਟ੍ਠਗਾਮਿਸ੍ਸ વਿਪਸ੍ਸਨਿਨ੍ਦ੍ਰਿਯਾਨਿ। ਅਸਙ੍ਖਾਰਪਰਿਨਿਬ੍ਬਾਯਿਸ੍ਸ ਸਸਙ੍ਖਾਰਪਰਿਨਿਬ੍ਬਾਯਿਨੋਪਿ ਏਤੇવ ਪਞ੍ਚ ਜਨਾ।
Imasmiṃ pana ṭhāne arahattamaggeyeva ṭhatvā pañca nissakkāni nīharitabbāni. Arahattamaggassa hi vipassanindriyehi mudutarāni paṭhamaantarāparinibbāyissa vipassanindriyāni, tato mudutarāni dutiyaantarāparinibbāyissa, tato mudutarāni tatiyaantarāparinibbāyissa, tato mudutarāni upahaccaparinibbāyissa, tato mudutarāni uddhaṃsotaakaniṭṭhagāmissa vipassanindriyāni. Asaṅkhāraparinibbāyissa sasaṅkhāraparinibbāyinopi eteva pañca janā.
ਇਦਾਨਿ ਤੀਣਿ ਨਿਸ੍ਸਕ੍ਕਾਨਿ। ਸਕਦਾਗਾਮਿਮਗ੍ਗਸ੍ਸ ਹਿ ਇਨ੍ਦ੍ਰਿਯੇਹਿ ਮੁਦੁਤਰਾਨਿ ਸੋਤਾਪਤ੍ਤਿਮਗ੍ਗਿਨ੍ਦ੍ਰਿਯਾਨਿ, ਸੋਤਾਪਤ੍ਤਿਮਗ੍ਗੇਯੇવ ਇਨ੍ਦ੍ਰਿਯੇਹਿ ਮੁਦੁਤਰਾਨਿ ਧਮ੍ਮਾਨੁਸਾਰਿਮਗ੍ਗਿਨ੍ਦ੍ਰਿਯਾਨਿ। ਤੇਹਿਪਿ ਮੁਦੁਤਰਾਨਿ ਸਦ੍ਧਾਨੁਸਾਰਿਮਗ੍ਗਿਨ੍ਦ੍ਰਿਯਾਨਿ। ਛਟ੍ਠਸਤ੍ਤਮਾਨਿ વੁਤ੍ਤਨਯਾਨੇવ। ਇਮੇਸੁ ਪਨ ਤੀਸੁਪਿ ਸੁਤ੍ਤੇਸੁ ਪੁਬ੍ਬਭਾਗવਿਪਸ੍ਸਨਿਨ੍ਦ੍ਰਿਯਾਨੇવ ਕਥਿਤਾਨਿ।
Idāni tīṇi nissakkāni. Sakadāgāmimaggassa hi indriyehi mudutarāni sotāpattimaggindriyāni, sotāpattimaggeyeva indriyehi mudutarāni dhammānusārimaggindriyāni. Tehipi mudutarāni saddhānusārimaggindriyāni. Chaṭṭhasattamāni vuttanayāneva. Imesu pana tīsupi suttesu pubbabhāgavipassanindriyāneva kathitāni.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੫. ਪਠਮવਿਤ੍ਥਾਰਸੁਤ੍ਤਂ • 5. Paṭhamavitthārasuttaṃ
੬. ਦੁਤਿਯવਿਤ੍ਥਾਰਸੁਤ੍ਤਂ • 6. Dutiyavitthārasuttaṃ
੭. ਤਤਿਯવਿਤ੍ਥਾਰਸੁਤ੍ਤਂ • 7. Tatiyavitthārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫-੭. ਪਠਮવਿਤ੍ਥਾਰਸੁਤ੍ਤਾਦਿવਣ੍ਣਨਾ • 5-7. Paṭhamavitthārasuttādivaṇṇanā
