| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
2. පඨමවිවාදමූලසුත්‌තං
2. Paṭhamavivādamūlasuttaṃ
42. ‘‘කති නු ඛො, භන්‌තෙ, විවාදමූලානී’’ති? ‘‘දස ඛො, උපාලි, විවාදමූලානි. කතමානි දස? ඉධුපාලි, භික්‌ඛූ අධම්‌මං ධම්‌මොති දීපෙන්‌ති, ධම්‌මං අධම්‌මොති දීපෙන්‌ති, අවිනයං විනයොති දීපෙන්‌ති, විනයං අවිනයොති දීපෙන්‌ති, අභාසිතං අලපිතං තථාගතෙන භාසිතං ලපිතං තථාගතෙනාති දීපෙන්‌ති , භාසිතං ලපිතං තථාගතෙන අභාසිතං අලපිතං තථාගතෙනාති දීපෙන්‌ති, අනාචිණ්‌ණං තථාගතෙන ආචිණ්‌ණං තථාගතෙනාති දීපෙන්‌ති, ආචිණ්‌ණං තථාගතෙන අනාචිණ්‌ණං තථාගතෙනාති දීපෙන්‌ති, අපඤ්‌ඤත්‌තං තථාගතෙන පඤ්‌ඤත්‌තං තථාගතෙනාති දීපෙන්‌ති, පඤ්‌ඤත්‌තං තථාගතෙන අපඤ්‌ඤත්‌තං තථාගතෙනාති දීපෙන්‌ති. ඉමානි ඛො, උපාලි, දස විවාදමූලානී’’ති. දුතියං.
42. ‘‘Kati nu kho, bhante, vivādamūlānī’’ti? ‘‘Dasa kho, upāli, vivādamūlāni. Katamāni dasa? Idhupāli, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti, vinayaṃ avinayoti dīpenti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpenti , bhāsitaṃ lapitaṃ tathāgatena abhāsitaṃ alapitaṃ tathāgatenāti dīpenti, anāciṇṇaṃ tathāgatena āciṇṇaṃ tathāgatenāti dīpenti, āciṇṇaṃ tathāgatena anāciṇṇaṃ tathāgatenāti dīpenti, apaññattaṃ tathāgatena paññattaṃ tathāgatenāti dīpenti, paññattaṃ tathāgatena apaññattaṃ tathāgatenāti dīpenti. Imāni kho, upāli, dasa vivādamūlānī’’ti. Dutiyaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-8. විවාදසුත්‌තාදිවණ්‌ණනා • 1-8. Vivādasuttādivaṇṇanā
