| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. батамаяод̇хааж̇ийвасуд̇д̇аван̣н̣анаа
5. Paṭhamayodhājīvasuttavaṇṇanā
75. бан̃жамз яод̇хааж̇ийваад̇и яуд̣̇д̇хуубаж̇ийвино. раж̇аг̇г̇анд̇и хад̇т̇иассаад̣̇ийнам̣ баад̣̇аббахаарабхиннааяа бхуумияаа уг̇г̇ад̇ам̣ раж̇агканд̇хам̣. на сант̇амбхад̇ийд̇и сант̇амбхид̇ваа таад̇ум̣ на саггод̇и. сахад̇и раж̇аг̇г̇анд̇и раж̇агканд̇хам̣ д̣̇исвааби ад̇хиваасзд̇и. д̇хаж̇аг̇г̇анд̇и хад̇т̇иассад̣̇ийнам̣ бидтзсу ваа рат̇зсу ваа уссаабид̇аанам̣ д̇хаж̇аанам̣ аг̇г̇ам̣. уссааран̣анд̇и хад̇т̇иассарат̇аанан̃жзва б̣алагааяасса жа ужжаасад̣̇д̣̇амахаасад̣̇д̣̇ам̣. самбахаарзд̇и самааг̇ад̇з аббамад̇д̇агзби бахаарз. хан̃н̃ад̇ийд̇и вихан̃н̃ад̇и вигхаад̇ам̣ аабаж̇ж̇ад̇и. б̣яаабаж̇ж̇ад̇ийд̇и вибад̇д̇им̣ аабаж̇ж̇ад̇и, багад̇ибхаавам̣ ж̇ахад̇и. сахад̇и самбахааранд̇и д̣̇вз д̇аяо бахаарз бад̇вааби сахад̇и ад̇хиваасзд̇и. д̇амзва сан̇г̇аамасийсанд̇и д̇ам̣язва ж̇аяагканд̇хааваарадтаанам̣. аж̇жхаавасад̇ийд̇и сад̇д̇аахамад̇д̇ам̣ абхибхавид̇ваа аавасад̇и. гим̣ гааран̣аа ? лад̣̇д̇хабахаараанам̣ бахаараж̇аг̇г̇анад̇т̇ан̃жзва гад̇агаммаанам̣ висзсам̣ н̃ад̇ваа таананд̇арад̣̇аанад̇т̇ан̃жа иссарияасукаанубхаванад̇т̇ан̃жа.
75. Pañcame yodhājīvāti yuddhūpajīvino. Rajagganti hatthiassādīnaṃ pādappahārabhinnāya bhūmiyā uggataṃ rajakkhandhaṃ. Na santhambhatīti santhambhitvā ṭhātuṃ na sakkoti. Sahati rajagganti rajakkhandhaṃ disvāpi adhivāseti. Dhajagganti hatthiassadīnaṃ piṭṭhesu vā rathesu vā ussāpitānaṃ dhajānaṃ aggaṃ. Ussāraṇanti hatthiassarathānañceva balakāyassa ca uccāsaddamahāsaddaṃ. Sampahāreti samāgate appamattakepi pahāre. Haññatīti vihaññati vighātaṃ āpajjati. Byāpajjatīti vipattiṃ āpajjati, pakatibhāvaṃ jahati. Sahati sampahāranti dve tayo pahāre patvāpi sahati adhivāseti. Tamevasaṅgāmasīsanti taṃyeva jayakkhandhāvāraṭṭhānaṃ. Ajjhāvasatīti sattāhamattaṃ abhibhavitvā āvasati. Kiṃ kāraṇā ? Laddhapahārānaṃ pahārajagganatthañceva katakammānaṃ visesaṃ ñatvā ṭhānantaradānatthañca issariyasukhānubhavanatthañca.
ид̣̇аани яасмаа сад̇т̇у яод̇хааж̇ийвзхи гижжам̣ над̇т̇и, имасмим̣ бана саасанз д̇ат̇ааруубз бан̃жа буг̇г̇алз д̣̇ассзд̇ум̣ ид̣̇ам̣ обаммам̣ аабхад̇ам̣. д̇асмаа д̇з буг̇г̇алз д̣̇ассзнд̇о звамзва код̇иаад̣̇имааха. д̇ад̇т̇а сам̣сийд̣̇ад̇ийд̇и мижчаавид̇аггасмим̣ сам̣сийд̣̇ад̇и ануббависад̇и. на саггод̇и б̣рахмажарияам̣ санд̇хаарзд̇унд̇и б̣рахмажарияаваасам̣ анубажчиж̇ж̇амаанам̣ г̇обзд̇ум̣ на саггод̇и. сигкаад̣̇уб̣б̣аляам̣ аавигад̇ваад̇и сигкааяа д̣̇уб̣б̣алабхаавам̣ багаасзд̇ваа. гимасса раж̇аг̇г̇асминд̇и гим̣ д̇асса буг̇г̇аласса раж̇аг̇г̇ам̣ наамаад̇и вад̣̇ад̇и. абхируубаад̇и абхируубавад̇ий. д̣̇ассанийяаад̇и д̣̇ассанаяог̇г̇аа. баасаад̣̇игаад̇и д̣̇ассанзнзва жид̇д̇аббасаад̣̇аавахаа. барамааяаад̇и уд̇д̇амааяа. ван̣н̣абогкарад̇ааяаад̇и сарийраван̣н̣зна жзва ан̇г̇асан̣таанзна жа. уухасад̇ийд̇и авахасад̇и. уллабад̇ийд̇и гат̇зд̇и. уж̇жхаг̇гхад̇ийд̇и баан̣им̣ бахарид̇ваа махаахасид̇ам̣ хасад̇и. уббан̣д̣зд̇ийд̇и уббан̣д̣анагат̇ам̣ гат̇зд̇и. абхинисийд̣̇ад̇ийд̇и абхибхавид̇ваа санд̇игз ваа згаасанз ваа нисийд̣̇ад̇и. д̣̇уд̇ияабад̣̇зби зсзва наяо. аж̇жход̇т̇арад̇ийд̇и авад̇т̇арад̇и. винивзтзд̇ваа виниможзд̇ваад̇и г̇ахид̇адтаанад̇о д̇ассаа хад̇т̇ам̣ виниб̣б̣зтзд̇ваа жзва можзд̇ваа жа. сзсамзд̇т̇а уд̇д̇аанад̇т̇амзваад̇и. имасмим̣ суд̇д̇з ваддавиваддам̣ гат̇ид̇ам̣.
Idāni yasmā satthu yodhājīvehi kiccaṃ natthi, imasmiṃ pana sāsane tathārūpe pañca puggale dassetuṃ idaṃ opammaṃ ābhataṃ. Tasmā te puggale dassento evameva khotiādimāha. Tattha saṃsīdatīti micchāvitakkasmiṃ saṃsīdati anuppavisati. Na sakkoti brahmacariyaṃ sandhāretunti brahmacariyavāsaṃ anupacchijjamānaṃ gopetuṃ na sakkoti. Sikkhādubbalyaṃ āvikatvāti sikkhāya dubbalabhāvaṃ pakāsetvā. Kimassa rajaggasminti kiṃ tassa puggalassa rajaggaṃ nāmāti vadati. Abhirūpāti abhirūpavatī. Dassanīyāti dassanayoggā. Pāsādikāti dassaneneva cittappasādāvahā. Paramāyāti uttamāya. Vaṇṇapokkharatāyāti sarīravaṇṇena ceva aṅgasaṇṭhānena ca. Ūhasatīti avahasati. Ullapatīti katheti. Ujjhagghatīti pāṇiṃ paharitvā mahāhasitaṃ hasati. Uppaṇḍetīti uppaṇḍanakathaṃ katheti. Abhinisīdatīti abhibhavitvā santike vā ekāsane vā nisīdati. Dutiyapadepi eseva nayo. Ajjhottharatīti avattharati. Viniveṭhetvā vinimocetvāti gahitaṭṭhānato tassā hatthaṃ vinibbeṭhetvā ceva mocetvā ca. Sesamettha uttānatthamevāti. Imasmiṃ sutte vaṭṭavivaṭṭaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. батамаяод̇хааж̇ийвасуд̇д̇ам̣ • 5. Paṭhamayodhājīvasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. батамаяод̇хааж̇ийвасуд̇д̇аван̣н̣анаа • 5. Paṭhamayodhājīvasuttavaṇṇanā
