| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫. ಪಠಮಯೋಧಾಜೀವಸುತ್ತವಣ್ಣನಾ
5. Paṭhamayodhājīvasuttavaṇṇanā
೭೫. ಪಞ್ಚಮೇ ಯುಜ್ಝನಂ ಯೋಧೋ, ಸೋ ಆಜೀವೋ ಏತೇಸನ್ತಿ ಯೋಧಾಜೀವಾ। ತೇನಾಹ ‘‘ಯುದ್ಧೂಪಜೀವಿನೋ’’ತಿ। ಸನ್ಥಮ್ಭಿತ್ವಾ ಠಾತುಂ ನ ಸಕ್ಕೋತೀತಿ ಬದ್ಧೋ ಧಿತಿಸಮ್ಪನ್ನೋ ಠಾತುಂ ನ ಸಕ್ಕೋತಿ। ಸಮಾಗತೇತಿ ಸಮ್ಪತ್ತೇ। ಬ್ಯಾಪಜ್ಜತೀತಿ ವಿಕಾರಮಾಪಜ್ಜತಿ। ತೇನಾಹ ‘‘ಪಕತಿಭಾವಂ ಜಹತೀ’’ತಿ।
75. Pañcame yujjhanaṃ yodho, so ājīvo etesanti yodhājīvā. Tenāha ‘‘yuddhūpajīvino’’ti. Santhambhitvā ṭhātuṃ na sakkotīti baddho dhitisampanno ṭhātuṃ na sakkoti. Samāgateti sampatte. Byāpajjatīti vikāramāpajjati. Tenāha ‘‘pakatibhāvaṃ jahatī’’ti.
ರಜಗ್ಗಸ್ಮಿನ್ತಿ ಪಚ್ಚತ್ತೇ ಭುಮ್ಮವಚನನ್ತಿ ಆಹ ‘‘ಕಿಂ ತಸ್ಸ ಪುಗ್ಗಲಸ್ಸ ರಜಗ್ಗಂ ನಾಮಾ’’ತಿ। ವಿನಿಬ್ಬೇಠೇತ್ವಾತಿ ಗಹಿತಗ್ಗಹಣಂ ವಿಸ್ಸಜ್ಜಾಪೇತ್ವಾ। ಮೋಚೇತ್ವಾತಿ ಸರೀರತೋ ಅಪನೇತ್ವಾ।
Rajaggasminti paccatte bhummavacananti āha ‘‘kiṃ tassa puggalassa rajaggaṃ nāmā’’ti. Vinibbeṭhetvāti gahitaggahaṇaṃ vissajjāpetvā. Mocetvāti sarīrato apanetvā.
ಪಠಮಯೋಧಾಜೀವಸುತ್ತವಣ್ಣನಾ ನಿಟ್ಠಿತಾ।
Paṭhamayodhājīvasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೫. ಪಠಮಯೋಧಾಜೀವಸುತ್ತಂ • 5. Paṭhamayodhājīvasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೫. ಪಠಮಯೋಧಾಜೀವಸುತ್ತವಣ್ಣನಾ • 5. Paṭhamayodhājīvasuttavaṇṇanā
