| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5. පඨමයොධාජීවසුත්‌තවණ්‌ණනා
5. Paṭhamayodhājīvasuttavaṇṇanā
75. පඤ්‌චමෙ යුජ්‌ඣනං යොධො, සො ආජීවො එතෙසන්‌ති යොධාජීවා. තෙනාහ ‘‘යුද්‌ධූපජීවිනො’’ති. සන්‌ථම්‌භිත්‌වා ඨාතුං න සක්‌කොතීති බද්‌ධො ධිතිසම්‌පන්‌නො ඨාතුං න සක්‌කොති. සමාගතෙති සම්‌පත්‌තෙ. බ්‍යාපජ්‌ජතීති විකාරමාපජ්‌ජති. තෙනාහ ‘‘පකතිභාවං ජහතී’’ති.
75. Pañcame yujjhanaṃ yodho, so ājīvo etesanti yodhājīvā. Tenāha ‘‘yuddhūpajīvino’’ti. Santhambhitvā ṭhātuṃ na sakkotīti baddho dhitisampanno ṭhātuṃ na sakkoti. Samāgateti sampatte. Byāpajjatīti vikāramāpajjati. Tenāha ‘‘pakatibhāvaṃ jahatī’’ti.
රජග්‌ගස්‌මින්‌ති පච්‌චත්‌තෙ භුම්‌මවචනන්‌ති ආහ ‘‘කිං තස්‌ස පුග්‌ගලස්‌ස රජග්‌ගං නාමා’’ති. විනිබ්‌බෙඨෙත්‌වාති ගහිතග්‌ගහණං විස්‌සජ්‌ජාපෙත්‌වා. මොචෙත්‌වාති සරීරතො අපනෙත්‌වා.
Rajaggasminti paccatte bhummavacananti āha ‘‘kiṃ tassa puggalassa rajaggaṃ nāmā’’ti. Vinibbeṭhetvāti gahitaggahaṇaṃ vissajjāpetvā. Mocetvāti sarīrato apanetvā.
පඨමයොධාජීවසුත්‌තවණ්‌ණනා නිට්‌ඨිතා.
Paṭhamayodhājīvasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. පඨමයොධාජීවසුත්‌තං • 5. Paṭhamayodhājīvasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. පඨමයොධාජීවසුත්‌තවණ්‌ණනා • 5. Paṭhamayodhājīvasuttavaṇṇanā
