| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
7. ஸத்தமவக்³கோ³
7. Sattamavaggo
(69) 7. பத²வீ கம்மவிபாகோதிகதா²
(69) 7. Pathavī kammavipākotikathā
492. பத²வீ கம்மவிபாகோதி? ஆமந்தா. ஸுக²வேத³னியா து³க்க²வேத³னியா அது³க்க²மஸுக²வேத³னியா, ஸுகா²ய வேத³னாய ஸம்பயுத்தா, து³க்கா²ய வேத³னாய ஸம்பயுத்தா, அது³க்க²மஸுகா²ய வேத³னாய ஸம்பயுத்தா, ப²ஸ்ஸேன ஸம்பயுத்தா, வேத³னாய ஸம்பயுத்தா, ஸஞ்ஞாய ஸம்பயுத்தா, சேதனாய ஸம்பயுத்தா, சித்தேன ஸம்பயுத்தா, ஸாரம்மணா; அத்தி² தாய ஆவட்டனா 1 ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவங் வத்தப்³பே³…பே॰… நனு ந ஸுக²வேத³னியா ந து³க்க²வேத³னியா ந அது³க்க²மஸுக²வேத³னியா, ந ஸுகா²ய வேத³னாய ஸம்பயுத்தா, ந து³க்கா²ய வேத³னாய ஸம்பயுத்தா, ந அது³க்க²மஸுகா²ய வேத³னாய ஸம்பயுத்தா, ந ப²ஸ்ஸேன ஸம்பயுத்தா, ந வேத³னாய ஸம்பயுத்தா, ந ஸஞ்ஞாய ஸம்பயுத்தா, ந சேதனாய ஸம்பயுத்தா, ந சித்தேன ஸம்பயுத்தா, அனாரம்மணா; நத்தி² தாய ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ஆமந்தா. ஹஞ்சி ந ஸுக²வேத³னியா ந து³க்க²வேத³னியா…பே॰… அனாரம்மணா; நத்தி² தாய ஆவட்டனா…பே॰… பணிதி⁴, நோ ச வத ரே வத்தப்³பே³ – ‘‘பத²வீ கம்மவிபாகோ’’தி.
492. Pathavī kammavipākoti? Āmantā. Sukhavedaniyā dukkhavedaniyā adukkhamasukhavedaniyā, sukhāya vedanāya sampayuttā, dukkhāya vedanāya sampayuttā, adukkhamasukhāya vedanāya sampayuttā, phassena sampayuttā, vedanāya sampayuttā, saññāya sampayuttā, cetanāya sampayuttā, cittena sampayuttā, sārammaṇā; atthi tāya āvaṭṭanā 2 ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyā na dukkhavedaniyā na adukkhamasukhavedaniyā, na sukhāya vedanāya sampayuttā, na dukkhāya vedanāya sampayuttā, na adukkhamasukhāya vedanāya sampayuttā, na phassena sampayuttā, na vedanāya sampayuttā, na saññāya sampayuttā, na cetanāya sampayuttā, na cittena sampayuttā, anārammaṇā; natthi tāya āvaṭṭanā ābhogo samannāhāro manasikāro cetanā patthanā paṇidhīti? Āmantā. Hañci na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhi, no ca vata re vattabbe – ‘‘pathavī kammavipāko’’ti.
ப²ஸ்ஸோ கம்மவிபாகோ, ப²ஸ்ஸோ ஸுக²வேத³னியோ து³க்க²வேத³னியோ அது³க்க²மஸுக²வேத³னியோ ஸுகா²ய வேத³னாய ஸம்பயுத்தோ து³க்கா²ய…பே॰… அது³க்க²மஸுகா²ய வேத³னாய ஸம்பயுத்தோ ப²ஸ்ஸேன ஸம்பயுத்தோ வேத³னாய ஸம்பயுத்தோ ஸஞ்ஞாய ஸம்பயுத்தோ சேதனாய ஸம்பயுத்தோ சித்தேன ஸம்பயுத்தோ ஸாரம்மணோ; அத்தி² தஸ்ஸ ஆவட்டனா…பே॰… பணிதீ⁴தி? ஆமந்தா. பத²வீ கம்மவிபாகோ, பத²வீ ஸுக²வேத³னியா து³க்க²வேத³னியா அது³க்க²மஸுக²வேத³னியா ஸுகா²ய வேத³னாய ஸம்பயுத்தா து³க்கா²ய…பே॰… அது³க்க²மஸுகா²ய வேத³னாய ஸம்பயுத்தா ப²ஸ்ஸேன ஸம்பயுத்தா வேத³னாய ஸம்பயுத்தா ஸஞ்ஞாய ஸம்பயுத்தா சேதனாய ஸம்பயுத்தா சித்தேன ஸம்பயுத்தா ஸாரம்மணா; அத்தி² தாய ஆவட்டனா ஆபோ⁴கோ³ ஸமன்னாஹாரோ மனஸிகாரோ சேதனா பத்த²னா பணிதீ⁴தி? ந ஹேவங் வத்தப்³பே³ …பே॰… பத²வீ கம்மவிபாகோ, பத²வீ ந ஸுக²வேத³னியா ந து³க்க²வேத³னியா…பே॰… அனாரம்மணா; நத்தி² தாய ஆவட்டனா…பே॰… பணிதீ⁴தி? ஆமந்தா. ப²ஸ்ஸோ கம்மவிபாகோ, ப²ஸ்ஸோ ந ஸுக²வேத³னியோ ந து³க்க²வேத³னியோ …பே॰… அனாரம்மணோ; நத்தி² தஸ்ஸ ஆவட்டனா…பே॰… பணிதீ⁴தி? ந ஹேவங் வத்தப்³பே³…பே॰….
Phasso kammavipāko, phasso sukhavedaniyo dukkhavedaniyo adukkhamasukhavedaniyo sukhāya vedanāya sampayutto dukkhāya…pe… adukkhamasukhāya vedanāya sampayutto phassena sampayutto vedanāya sampayutto saññāya sampayutto cetanāya sampayutto cittena sampayutto sārammaṇo; atthi tassa āvaṭṭanā…pe… paṇidhīti? Āmantā. Pathavī kammavipāko, pathavī sukhavedaniyā dukkhavedaniyā adukkhamasukhavedaniyā sukhāya vedanāya sampayuttā dukkhāya…pe… adukkhamasukhāya vedanāya sampayuttā phassena sampayuttā vedanāya sampayuttā saññāya sampayuttā cetanāya sampayuttā cittena sampayuttā sārammaṇā; atthi tāya āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe …pe… pathavī kammavipāko, pathavī na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhīti? Āmantā. Phasso kammavipāko, phasso na sukhavedaniyo na dukkhavedaniyo …pe… anārammaṇo; natthi tassa āvaṭṭanā…pe… paṇidhīti? Na hevaṃ vattabbe…pe….
பத²வீ கம்மவிபாகோதி? ஆமந்தா. பத²வீ பக்³க³ஹனிக்³க³ஹுபகா³ சே²த³னபே⁴த³னுபகா³தி? ஆமந்தா . கம்மவிபாகோ பக்³க³ஹனிக்³க³ஹுபகோ³ சே²த³னபே⁴த³னுபகோ³தி? ந ஹேவங் வத்தப்³பே³…பே॰….
Pathavī kammavipākoti? Āmantā. Pathavī paggahaniggahupagā chedanabhedanupagāti? Āmantā . Kammavipāko paggahaniggahupago chedanabhedanupagoti? Na hevaṃ vattabbe…pe….
லப்³பா⁴ பத²வீ கேதுங் விக்கேதுங் ஆட²பேதுங் ஓசினிதுங் விசினிதுந்தி? ஆமந்தா. லப்³பா⁴ கம்மவிபாகோ கேதுங் விக்கேதுங் ஆட²பேதுங் ஓசினிதுங் விசினிதுந்தி? ந ஹேவங் வத்தப்³பே³…பே॰….
Labbhā pathavī ketuṃ vikketuṃ āṭhapetuṃ ocinituṃ vicinitunti? Āmantā. Labbhā kammavipāko ketuṃ vikketuṃ āṭhapetuṃ ocinituṃ vicinitunti? Na hevaṃ vattabbe…pe….
493. பத²வீ பரேஸங் ஸாதா⁴ரணாதி? ஆமந்தா. கம்மவிபாகோ பரேஸங் ஸாதா⁴ரணோதி? ந ஹேவங் வத்தப்³பே³…பே॰….
493. Pathavī paresaṃ sādhāraṇāti? Āmantā. Kammavipāko paresaṃ sādhāraṇoti? Na hevaṃ vattabbe…pe….
கம்மவிபாகோ பரேஸங் ஸாதா⁴ரணோதி? ஆமந்தா. நனு வுத்தங் ப⁴க³வதா –
Kammavipāko paresaṃ sādhāraṇoti? Āmantā. Nanu vuttaṃ bhagavatā –
‘‘அஸாதா⁴ரணமஞ்ஞேஸங், அசோரஹரணோ நிதி⁴;
‘‘Asādhāraṇamaññesaṃ, acoraharaṇo nidhi;
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘கம்மவிபாகோ பரேஸங் ஸாதா⁴ரணோ’’தி.
Attheva suttantoti? Āmantā. Tena hi na vattabbaṃ – ‘‘kammavipāko paresaṃ sādhāraṇo’’ti.
பத²வீ கம்மவிபாகோதி? ஆமந்தா. பட²மங் பத²வீ ஸண்டா²தி, பச்சா² ஸத்தா உப்பஜ்ஜந்தீதி? ஆமந்தா. பட²மங் விபாகோ உப்பஜ்ஜதி, பச்சா² விபாகபடிலாபா⁴ய கம்மங் கரொந்தீதி? ந ஹேவங் வத்தப்³பே³…பே॰….
Pathavī kammavipākoti? Āmantā. Paṭhamaṃ pathavī saṇṭhāti, pacchā sattā uppajjantīti? Āmantā. Paṭhamaṃ vipāko uppajjati, pacchā vipākapaṭilābhāya kammaṃ karontīti? Na hevaṃ vattabbe…pe….
பத²வீ ஸப்³ப³ஸத்தானங் கம்மவிபாகோதி? ஆமந்தா . ஸப்³பே³ ஸத்தா பத²விங் பரிபு⁴ஞ்ஜந்தீதி? ந ஹேவங் வத்தப்³பே³…பே॰… ஸப்³பே³ ஸத்தா பத²விங் பரிபு⁴ஞ்ஜந்தீதி? ஆமந்தா. அத்தி² கேசி பத²விங் அபரிபு⁴ஞ்ஜித்வா பரினிப்³பா³யந்தீதி? ஆமந்தா. அத்தி² கேசி கம்மவிபாகங் அகே²பெத்வா பரினிப்³பா³யந்தீதி? ந ஹேவங் வத்தப்³பே³…பே॰….
Pathavī sabbasattānaṃ kammavipākoti? Āmantā . Sabbe sattā pathaviṃ paribhuñjantīti? Na hevaṃ vattabbe…pe… sabbe sattā pathaviṃ paribhuñjantīti? Āmantā. Atthi keci pathaviṃ aparibhuñjitvā parinibbāyantīti? Āmantā. Atthi keci kammavipākaṃ akhepetvā parinibbāyantīti? Na hevaṃ vattabbe…pe….
பத²வீ சக்கவத்திஸத்தஸ்ஸ கம்மவிபாகோதி? ஆமந்தா. அஞ்ஞே ஸத்தா பத²விங் பரிபு⁴ஞ்ஜந்தீதி? ஆமந்தா. சக்கவத்திஸத்தஸ்ஸ கம்மவிபாகங் அஞ்ஞே ஸத்தா பரிபு⁴ஞ்ஜந்தீதி? ந ஹேவங் வத்தப்³பே³…பே॰… சக்கவத்திஸத்தஸ்ஸ கம்மவிபாகங் அஞ்ஞே ஸத்தா பரிபு⁴ஞ்ஜந்தீதி? ஆமந்தா . சக்கவத்திஸத்தஸ்ஸ ப²ஸ்ஸங் வேத³னங் ஸஞ்ஞங் சேதனங் சித்தங் ஸத்³த⁴ங் வீரியங் ஸதிங் ஸமாதி⁴ங் பஞ்ஞங் அஞ்ஞே ஸத்தா பரிபு⁴ஞ்ஜந்தீதி? ந ஹேவங் வத்தப்³பே³…பே॰….
Pathavī cakkavattisattassa kammavipākoti? Āmantā. Aññe sattā pathaviṃ paribhuñjantīti? Āmantā. Cakkavattisattassa kammavipākaṃ aññe sattā paribhuñjantīti? Na hevaṃ vattabbe…pe… cakkavattisattassa kammavipākaṃ aññe sattā paribhuñjantīti? Āmantā . Cakkavattisattassa phassaṃ vedanaṃ saññaṃ cetanaṃ cittaṃ saddhaṃ vīriyaṃ satiṃ samādhiṃ paññaṃ aññe sattā paribhuñjantīti? Na hevaṃ vattabbe…pe….
494. ந வத்தப்³ப³ங் – ‘‘பத²வீ கம்மவிபாகோ’’தி? ஆமந்தா. நனு அத்தி² இஸ்ஸரியஸங்வத்தனியங் கம்மங் அதி⁴பச்சஸங்வத்தனியங் கம்மந்தி? ஆமந்தா. ஹஞ்சி அத்தி² இஸ்ஸரியஸங்வத்தனியங் கம்மங் அதி⁴பச்சஸங்வத்தனியங் கம்மங், தேன வத ரே வத்தப்³பே³ – ‘‘பத²வீ கம்மவிபாகோ’’தி.
494. Na vattabbaṃ – ‘‘pathavī kammavipāko’’ti? Āmantā. Nanu atthi issariyasaṃvattaniyaṃ kammaṃ adhipaccasaṃvattaniyaṃ kammanti? Āmantā. Hañci atthi issariyasaṃvattaniyaṃ kammaṃ adhipaccasaṃvattaniyaṃ kammaṃ, tena vata re vattabbe – ‘‘pathavī kammavipāko’’ti.
பத²வீ கம்மவிபாகோதிகதா² நிட்டி²தா.
Pathavī kammavipākotikathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. பத²வீகம்மவிபாகோதிகதா²வண்ணனா • 7. Pathavīkammavipākotikathāvaṇṇanā
