| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৭. সত্তমৰগ্গো
7. Sattamavaggo
(৬৯) ৭. পথৰী কম্মৰিপাকোতিকথা
(69) 7. Pathavī kammavipākotikathā
৪৯২. পথৰী কম্মৰিপাকোতি? আমন্তা। সুখৰেদনিযা দুক্খৰেদনিযা অদুক্খমসুখৰেদনিযা, সুখায ৰেদনায সম্পযুত্তা, দুক্খায ৰেদনায সম্পযুত্তা, অদুক্খমসুখায ৰেদনায সম্পযুত্তা, ফস্সেন সম্পযুত্তা, ৰেদনায সম্পযুত্তা, সঞ্ঞায সম্পযুত্তা, চেতনায সম্পযুত্তা, চিত্তেন সম্পযুত্তা, সারম্মণা; অত্থি তায আৰট্টনা 1 আভোগো সমন্নাহারো মনসিকারো চেতনা পত্থনা পণিধীতি? ন হেৰং ৰত্তব্বে…পে॰… ননু ন সুখৰেদনিযা ন দুক্খৰেদনিযা ন অদুক্খমসুখৰেদনিযা, ন সুখায ৰেদনায সম্পযুত্তা, ন দুক্খায ৰেদনায সম্পযুত্তা, ন অদুক্খমসুখায ৰেদনায সম্পযুত্তা, ন ফস্সেন সম্পযুত্তা, ন ৰেদনায সম্পযুত্তা, ন সঞ্ঞায সম্পযুত্তা, ন চেতনায সম্পযুত্তা, ন চিত্তেন সম্পযুত্তা, অনারম্মণা; নত্থি তায আৰট্টনা আভোগো সমন্নাহারো মনসিকারো চেতনা পত্থনা পণিধীতি? আমন্তা। হঞ্চি ন সুখৰেদনিযা ন দুক্খৰেদনিযা…পে॰… অনারম্মণা; নত্থি তায আৰট্টনা…পে॰… পণিধি, নো চ ৰত রে ৰত্তব্বে – ‘‘পথৰী কম্মৰিপাকো’’তি।
492. Pathavī kammavipākoti? Āmantā. Sukhavedaniyā dukkhavedaniyā adukkhamasukhavedaniyā, sukhāya vedanāya sampayuttā, dukkhāya vedanāya sampayuttā, adukkhamasukhāya vedanāya sampayuttā, phassena sampayuttā, vedanāya sampayuttā, saññāya sampayuttā, cetanāya sampayuttā, cittena sampayuttā, sārammaṇā; atthi tāya āvaṭṭanā 2 ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyā na dukkhavedaniyā na adukkhamasukhavedaniyā, na sukhāya vedanāya sampayuttā, na dukkhāya vedanāya sampayuttā, na adukkhamasukhāya vedanāya sampayuttā, na phassena sampayuttā, na vedanāya sampayuttā, na saññāya sampayuttā, na cetanāya sampayuttā, na cittena sampayuttā, anārammaṇā; natthi tāya āvaṭṭanā ābhogo samannāhāro manasikāro cetanā patthanā paṇidhīti? Āmantā. Hañci na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhi, no ca vata re vattabbe – ‘‘pathavī kammavipāko’’ti.
ফস্সো কম্মৰিপাকো, ফস্সো সুখৰেদনিযো দুক্খৰেদনিযো অদুক্খমসুখৰেদনিযো সুখায ৰেদনায সম্পযুত্তো দুক্খায…পে॰… অদুক্খমসুখায ৰেদনায সম্পযুত্তো ফস্সেন সম্পযুত্তো ৰেদনায সম্পযুত্তো সঞ্ঞায সম্পযুত্তো চেতনায সম্পযুত্তো চিত্তেন সম্পযুত্তো সারম্মণো; অত্থি তস্স আৰট্টনা…পে॰… পণিধীতি? আমন্তা। পথৰী কম্মৰিপাকো, পথৰী সুখৰেদনিযা দুক্খৰেদনিযা অদুক্খমসুখৰেদনিযা সুখায ৰেদনায সম্পযুত্তা দুক্খায…পে॰… অদুক্খমসুখায ৰেদনায সম্পযুত্তা ফস্সেন সম্পযুত্তা ৰেদনায সম্পযুত্তা সঞ্ঞায সম্পযুত্তা চেতনায সম্পযুত্তা চিত্তেন সম্পযুত্তা সারম্মণা; অত্থি তায আৰট্টনা আভোগো সমন্নাহারো মনসিকারো চেতনা পত্থনা পণিধীতি? ন হেৰং ৰত্তব্বে …পে॰… পথৰী কম্মৰিপাকো, পথৰী ন সুখৰেদনিযা ন দুক্খৰেদনিযা…পে॰… অনারম্মণা; নত্থি তায আৰট্টনা…পে॰… পণিধীতি? আমন্তা। ফস্সো কম্মৰিপাকো, ফস্সো ন সুখৰেদনিযো ন দুক্খৰেদনিযো …পে॰… অনারম্মণো; নত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰…।
Phasso kammavipāko, phasso sukhavedaniyo dukkhavedaniyo adukkhamasukhavedaniyo sukhāya vedanāya sampayutto dukkhāya…pe… adukkhamasukhāya vedanāya sampayutto phassena sampayutto vedanāya sampayutto saññāya sampayutto cetanāya sampayutto cittena sampayutto sārammaṇo; atthi tassa āvaṭṭanā…pe… paṇidhīti? Āmantā. Pathavī kammavipāko, pathavī sukhavedaniyā dukkhavedaniyā adukkhamasukhavedaniyā sukhāya vedanāya sampayuttā dukkhāya…pe… adukkhamasukhāya vedanāya sampayuttā phassena sampayuttā vedanāya sampayuttā saññāya sampayuttā cetanāya sampayuttā cittena sampayuttā sārammaṇā; atthi tāya āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe …pe… pathavī kammavipāko, pathavī na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhīti? Āmantā. Phasso kammavipāko, phasso na sukhavedaniyo na dukkhavedaniyo …pe… anārammaṇo; natthi tassa āvaṭṭanā…pe… paṇidhīti? Na hevaṃ vattabbe…pe….
পথৰী কম্মৰিপাকোতি? আমন্তা। পথৰী পগ্গহনিগ্গহুপগা ছেদনভেদনুপগাতি? আমন্তা । কম্মৰিপাকো পগ্গহনিগ্গহুপগো ছেদনভেদনুপগোতি? ন হেৰং ৰত্তব্বে…পে॰…।
Pathavī kammavipākoti? Āmantā. Pathavī paggahaniggahupagā chedanabhedanupagāti? Āmantā . Kammavipāko paggahaniggahupago chedanabhedanupagoti? Na hevaṃ vattabbe…pe….
লব্ভা পথৰী কেতুং ৰিক্কেতুং আঠপেতুং ওচিনিতুং ৰিচিনিতুন্তি? আমন্তা। লব্ভা কম্মৰিপাকো কেতুং ৰিক্কেতুং আঠপেতুং ওচিনিতুং ৰিচিনিতুন্তি? ন হেৰং ৰত্তব্বে…পে॰…।
Labbhā pathavī ketuṃ vikketuṃ āṭhapetuṃ ocinituṃ vicinitunti? Āmantā. Labbhā kammavipāko ketuṃ vikketuṃ āṭhapetuṃ ocinituṃ vicinitunti? Na hevaṃ vattabbe…pe….
৪৯৩. পথৰী পরেসং সাধারণাতি? আমন্তা। কম্মৰিপাকো পরেসং সাধারণোতি? ন হেৰং ৰত্তব্বে…পে॰…।
493. Pathavī paresaṃ sādhāraṇāti? Āmantā. Kammavipāko paresaṃ sādhāraṇoti? Na hevaṃ vattabbe…pe….
কম্মৰিপাকো পরেসং সাধারণোতি? আমন্তা। ননু ৰুত্তং ভগৰতা –
Kammavipāko paresaṃ sādhāraṇoti? Āmantā. Nanu vuttaṃ bhagavatā –
‘‘অসাধারণমঞ্ঞেসং, অচোরহরণো নিধি।
‘‘Asādhāraṇamaññesaṃ, acoraharaṇo nidhi;
অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘কম্মৰিপাকো পরেসং সাধারণো’’তি।
Attheva suttantoti? Āmantā. Tena hi na vattabbaṃ – ‘‘kammavipāko paresaṃ sādhāraṇo’’ti.
পথৰী কম্মৰিপাকোতি? আমন্তা। পঠমং পথৰী সণ্ঠাতি, পচ্ছা সত্তা উপ্পজ্জন্তীতি? আমন্তা। পঠমং ৰিপাকো উপ্পজ্জতি, পচ্ছা ৰিপাকপটিলাভায কম্মং করোন্তীতি? ন হেৰং ৰত্তব্বে…পে॰…।
Pathavī kammavipākoti? Āmantā. Paṭhamaṃ pathavī saṇṭhāti, pacchā sattā uppajjantīti? Āmantā. Paṭhamaṃ vipāko uppajjati, pacchā vipākapaṭilābhāya kammaṃ karontīti? Na hevaṃ vattabbe…pe….
পথৰী সব্বসত্তানং কম্মৰিপাকোতি? আমন্তা । সব্বে সত্তা পথৰিং পরিভুঞ্জন্তীতি? ন হেৰং ৰত্তব্বে…পে॰… সব্বে সত্তা পথৰিং পরিভুঞ্জন্তীতি? আমন্তা। অত্থি কেচি পথৰিং অপরিভুঞ্জিত্ৰা পরিনিব্বাযন্তীতি? আমন্তা। অত্থি কেচি কম্মৰিপাকং অখেপেত্ৰা পরিনিব্বাযন্তীতি? ন হেৰং ৰত্তব্বে…পে॰…।
Pathavī sabbasattānaṃ kammavipākoti? Āmantā . Sabbe sattā pathaviṃ paribhuñjantīti? Na hevaṃ vattabbe…pe… sabbe sattā pathaviṃ paribhuñjantīti? Āmantā. Atthi keci pathaviṃ aparibhuñjitvā parinibbāyantīti? Āmantā. Atthi keci kammavipākaṃ akhepetvā parinibbāyantīti? Na hevaṃ vattabbe…pe….
পথৰী চক্কৰত্তিসত্তস্স কম্মৰিপাকোতি? আমন্তা। অঞ্ঞে সত্তা পথৰিং পরিভুঞ্জন্তীতি? আমন্তা। চক্কৰত্তিসত্তস্স কম্মৰিপাকং অঞ্ঞে সত্তা পরিভুঞ্জন্তীতি? ন হেৰং ৰত্তব্বে…পে॰… চক্কৰত্তিসত্তস্স কম্মৰিপাকং অঞ্ঞে সত্তা পরিভুঞ্জন্তীতি? আমন্তা । চক্কৰত্তিসত্তস্স ফস্সং ৰেদনং সঞ্ঞং চেতনং চিত্তং সদ্ধং ৰীরিযং সতিং সমাধিং পঞ্ঞং অঞ্ঞে সত্তা পরিভুঞ্জন্তীতি? ন হেৰং ৰত্তব্বে…পে॰…।
Pathavī cakkavattisattassa kammavipākoti? Āmantā. Aññe sattā pathaviṃ paribhuñjantīti? Āmantā. Cakkavattisattassa kammavipākaṃ aññe sattā paribhuñjantīti? Na hevaṃ vattabbe…pe… cakkavattisattassa kammavipākaṃ aññe sattā paribhuñjantīti? Āmantā . Cakkavattisattassa phassaṃ vedanaṃ saññaṃ cetanaṃ cittaṃ saddhaṃ vīriyaṃ satiṃ samādhiṃ paññaṃ aññe sattā paribhuñjantīti? Na hevaṃ vattabbe…pe….
৪৯৪. ন ৰত্তব্বং – ‘‘পথৰী কম্মৰিপাকো’’তি? আমন্তা। ননু অত্থি ইস্সরিযসংৰত্তনিযং কম্মং অধিপচ্চসংৰত্তনিযং কম্মন্তি? আমন্তা। হঞ্চি অত্থি ইস্সরিযসংৰত্তনিযং কম্মং অধিপচ্চসংৰত্তনিযং কম্মং, তেন ৰত রে ৰত্তব্বে – ‘‘পথৰী কম্মৰিপাকো’’তি।
494. Na vattabbaṃ – ‘‘pathavī kammavipāko’’ti? Āmantā. Nanu atthi issariyasaṃvattaniyaṃ kammaṃ adhipaccasaṃvattaniyaṃ kammanti? Āmantā. Hañci atthi issariyasaṃvattaniyaṃ kammaṃ adhipaccasaṃvattaniyaṃ kammaṃ, tena vata re vattabbe – ‘‘pathavī kammavipāko’’ti.
পথৰী কম্মৰিপাকোতিকথা নিট্ঠিতা।
Pathavī kammavipākotikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৭. পথৰীকম্মৰিপাকোতিকথাৰণ্ণনা • 7. Pathavīkammavipākotikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. পথৰীকম্মৰিপাকোতিকথাৰণ্ণনা • 7. Pathavīkammavipākotikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. পথৰীকম্মৰিপাকোতিকথাৰণ্ণনা • 7. Pathavīkammavipākotikathāvaṇṇanā
