| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੭. ਸਤ੍ਤਮવਗ੍ਗੋ
7. Sattamavaggo
(੬੯) ੭. ਪਥવੀ ਕਮ੍ਮવਿਪਾਕੋਤਿਕਥਾ
(69) 7. Pathavī kammavipākotikathā
੪੯੨. ਪਥવੀ ਕਮ੍ਮવਿਪਾਕੋਤਿ? ਆਮਨ੍ਤਾ। ਸੁਖવੇਦਨਿਯਾ ਦੁਕ੍ਖવੇਦਨਿਯਾ ਅਦੁਕ੍ਖਮਸੁਖવੇਦਨਿਯਾ, ਸੁਖਾਯ વੇਦਨਾਯ ਸਮ੍ਪਯੁਤ੍ਤਾ, ਦੁਕ੍ਖਾਯ વੇਦਨਾਯ ਸਮ੍ਪਯੁਤ੍ਤਾ, ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤਾ, ਫਸ੍ਸੇਨ ਸਮ੍ਪਯੁਤ੍ਤਾ, વੇਦਨਾਯ ਸਮ੍ਪਯੁਤ੍ਤਾ, ਸਞ੍ਞਾਯ ਸਮ੍ਪਯੁਤ੍ਤਾ, ਚੇਤਨਾਯ ਸਮ੍ਪਯੁਤ੍ਤਾ, ਚਿਤ੍ਤੇਨ ਸਮ੍ਪਯੁਤ੍ਤਾ, ਸਾਰਮ੍ਮਣਾ; ਅਤ੍ਥਿ ਤਾਯ ਆવਟ੍ਟਨਾ 1 ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਨ ਸੁਖવੇਦਨਿਯਾ ਨ ਦੁਕ੍ਖવੇਦਨਿਯਾ ਨ ਅਦੁਕ੍ਖਮਸੁਖવੇਦਨਿਯਾ, ਨ ਸੁਖਾਯ વੇਦਨਾਯ ਸਮ੍ਪਯੁਤ੍ਤਾ, ਨ ਦੁਕ੍ਖਾਯ વੇਦਨਾਯ ਸਮ੍ਪਯੁਤ੍ਤਾ, ਨ ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤਾ, ਨ ਫਸ੍ਸੇਨ ਸਮ੍ਪਯੁਤ੍ਤਾ, ਨ વੇਦਨਾਯ ਸਮ੍ਪਯੁਤ੍ਤਾ, ਨ ਸਞ੍ਞਾਯ ਸਮ੍ਪਯੁਤ੍ਤਾ, ਨ ਚੇਤਨਾਯ ਸਮ੍ਪਯੁਤ੍ਤਾ, ਨ ਚਿਤ੍ਤੇਨ ਸਮ੍ਪਯੁਤ੍ਤਾ, ਅਨਾਰਮ੍ਮਣਾ; ਨਤ੍ਥਿ ਤਾਯ ਆવਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਆਮਨ੍ਤਾ। ਹਞ੍ਚਿ ਨ ਸੁਖવੇਦਨਿਯਾ ਨ ਦੁਕ੍ਖવੇਦਨਿਯਾ…ਪੇ॰… ਅਨਾਰਮ੍ਮਣਾ; ਨਤ੍ਥਿ ਤਾਯ ਆવਟ੍ਟਨਾ…ਪੇ॰… ਪਣਿਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਥવੀ ਕਮ੍ਮવਿਪਾਕੋ’’ਤਿ।
492. Pathavī kammavipākoti? Āmantā. Sukhavedaniyā dukkhavedaniyā adukkhamasukhavedaniyā, sukhāya vedanāya sampayuttā, dukkhāya vedanāya sampayuttā, adukkhamasukhāya vedanāya sampayuttā, phassena sampayuttā, vedanāya sampayuttā, saññāya sampayuttā, cetanāya sampayuttā, cittena sampayuttā, sārammaṇā; atthi tāya āvaṭṭanā 2 ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyā na dukkhavedaniyā na adukkhamasukhavedaniyā, na sukhāya vedanāya sampayuttā, na dukkhāya vedanāya sampayuttā, na adukkhamasukhāya vedanāya sampayuttā, na phassena sampayuttā, na vedanāya sampayuttā, na saññāya sampayuttā, na cetanāya sampayuttā, na cittena sampayuttā, anārammaṇā; natthi tāya āvaṭṭanā ābhogo samannāhāro manasikāro cetanā patthanā paṇidhīti? Āmantā. Hañci na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhi, no ca vata re vattabbe – ‘‘pathavī kammavipāko’’ti.
ਫਸ੍ਸੋ ਕਮ੍ਮવਿਪਾਕੋ, ਫਸ੍ਸੋ ਸੁਖવੇਦਨਿਯੋ ਦੁਕ੍ਖવੇਦਨਿਯੋ ਅਦੁਕ੍ਖਮਸੁਖવੇਦਨਿਯੋ ਸੁਖਾਯ વੇਦਨਾਯ ਸਮ੍ਪਯੁਤ੍ਤੋ ਦੁਕ੍ਖਾਯ…ਪੇ॰… ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤੋ ਫਸ੍ਸੇਨ ਸਮ੍ਪਯੁਤ੍ਤੋ વੇਦਨਾਯ ਸਮ੍ਪਯੁਤ੍ਤੋ ਸਞ੍ਞਾਯ ਸਮ੍ਪਯੁਤ੍ਤੋ ਚੇਤਨਾਯ ਸਮ੍ਪਯੁਤ੍ਤੋ ਚਿਤ੍ਤੇਨ ਸਮ੍ਪਯੁਤ੍ਤੋ ਸਾਰਮ੍ਮਣੋ; ਅਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਪਥવੀ ਕਮ੍ਮવਿਪਾਕੋ, ਪਥવੀ ਸੁਖવੇਦਨਿਯਾ ਦੁਕ੍ਖવੇਦਨਿਯਾ ਅਦੁਕ੍ਖਮਸੁਖવੇਦਨਿਯਾ ਸੁਖਾਯ વੇਦਨਾਯ ਸਮ੍ਪਯੁਤ੍ਤਾ ਦੁਕ੍ਖਾਯ…ਪੇ॰… ਅਦੁਕ੍ਖਮਸੁਖਾਯ વੇਦਨਾਯ ਸਮ੍ਪਯੁਤ੍ਤਾ ਫਸ੍ਸੇਨ ਸਮ੍ਪਯੁਤ੍ਤਾ વੇਦਨਾਯ ਸਮ੍ਪਯੁਤ੍ਤਾ ਸਞ੍ਞਾਯ ਸਮ੍ਪਯੁਤ੍ਤਾ ਚੇਤਨਾਯ ਸਮ੍ਪਯੁਤ੍ਤਾ ਚਿਤ੍ਤੇਨ ਸਮ੍ਪਯੁਤ੍ਤਾ ਸਾਰਮ੍ਮਣਾ; ਅਤ੍ਥਿ ਤਾਯ ਆવਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਪਥવੀ ਕਮ੍ਮવਿਪਾਕੋ, ਪਥવੀ ਨ ਸੁਖવੇਦਨਿਯਾ ਨ ਦੁਕ੍ਖવੇਦਨਿਯਾ…ਪੇ॰… ਅਨਾਰਮ੍ਮਣਾ; ਨਤ੍ਥਿ ਤਾਯ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਫਸ੍ਸੋ ਕਮ੍ਮવਿਪਾਕੋ, ਫਸ੍ਸੋ ਨ ਸੁਖવੇਦਨਿਯੋ ਨ ਦੁਕ੍ਖવੇਦਨਿਯੋ …ਪੇ॰… ਅਨਾਰਮ੍ਮਣੋ; ਨਤ੍ਥਿ ਤਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Phasso kammavipāko, phasso sukhavedaniyo dukkhavedaniyo adukkhamasukhavedaniyo sukhāya vedanāya sampayutto dukkhāya…pe… adukkhamasukhāya vedanāya sampayutto phassena sampayutto vedanāya sampayutto saññāya sampayutto cetanāya sampayutto cittena sampayutto sārammaṇo; atthi tassa āvaṭṭanā…pe… paṇidhīti? Āmantā. Pathavī kammavipāko, pathavī sukhavedaniyā dukkhavedaniyā adukkhamasukhavedaniyā sukhāya vedanāya sampayuttā dukkhāya…pe… adukkhamasukhāya vedanāya sampayuttā phassena sampayuttā vedanāya sampayuttā saññāya sampayuttā cetanāya sampayuttā cittena sampayuttā sārammaṇā; atthi tāya āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe …pe… pathavī kammavipāko, pathavī na sukhavedaniyā na dukkhavedaniyā…pe… anārammaṇā; natthi tāya āvaṭṭanā…pe… paṇidhīti? Āmantā. Phasso kammavipāko, phasso na sukhavedaniyo na dukkhavedaniyo …pe… anārammaṇo; natthi tassa āvaṭṭanā…pe… paṇidhīti? Na hevaṃ vattabbe…pe….
ਪਥવੀ ਕਮ੍ਮવਿਪਾਕੋਤਿ? ਆਮਨ੍ਤਾ। ਪਥવੀ ਪਗ੍ਗਹਨਿਗ੍ਗਹੁਪਗਾ ਛੇਦਨਭੇਦਨੁਪਗਾਤਿ? ਆਮਨ੍ਤਾ । ਕਮ੍ਮવਿਪਾਕੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pathavī kammavipākoti? Āmantā. Pathavī paggahaniggahupagā chedanabhedanupagāti? Āmantā . Kammavipāko paggahaniggahupago chedanabhedanupagoti? Na hevaṃ vattabbe…pe….
ਲਬ੍ਭਾ ਪਥવੀ ਕੇਤੁਂ વਿਕ੍ਕੇਤੁਂ ਆਠਪੇਤੁਂ ਓਚਿਨਿਤੁਂ વਿਚਿਨਿਤੁਨ੍ਤਿ? ਆਮਨ੍ਤਾ। ਲਬ੍ਭਾ ਕਮ੍ਮવਿਪਾਕੋ ਕੇਤੁਂ વਿਕ੍ਕੇਤੁਂ ਆਠਪੇਤੁਂ ਓਚਿਨਿਤੁਂ વਿਚਿਨਿਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Labbhā pathavī ketuṃ vikketuṃ āṭhapetuṃ ocinituṃ vicinitunti? Āmantā. Labbhā kammavipāko ketuṃ vikketuṃ āṭhapetuṃ ocinituṃ vicinitunti? Na hevaṃ vattabbe…pe….
੪੯੩. ਪਥવੀ ਪਰੇਸਂ ਸਾਧਾਰਣਾਤਿ? ਆਮਨ੍ਤਾ। ਕਮ੍ਮવਿਪਾਕੋ ਪਰੇਸਂ ਸਾਧਾਰਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
493. Pathavī paresaṃ sādhāraṇāti? Āmantā. Kammavipāko paresaṃ sādhāraṇoti? Na hevaṃ vattabbe…pe….
ਕਮ੍ਮવਿਪਾਕੋ ਪਰੇਸਂ ਸਾਧਾਰਣੋਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ –
Kammavipāko paresaṃ sādhāraṇoti? Āmantā. Nanu vuttaṃ bhagavatā –
‘‘ਅਸਾਧਾਰਣਮਞ੍ਞੇਸਂ, ਅਚੋਰਹਰਣੋ ਨਿਧਿ।
‘‘Asādhāraṇamaññesaṃ, acoraharaṇo nidhi;
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਕਮ੍ਮવਿਪਾਕੋ ਪਰੇਸਂ ਸਾਧਾਰਣੋ’’ਤਿ।
Attheva suttantoti? Āmantā. Tena hi na vattabbaṃ – ‘‘kammavipāko paresaṃ sādhāraṇo’’ti.
ਪਥવੀ ਕਮ੍ਮવਿਪਾਕੋਤਿ? ਆਮਨ੍ਤਾ। ਪਠਮਂ ਪਥવੀ ਸਣ੍ਠਾਤਿ, ਪਚ੍ਛਾ ਸਤ੍ਤਾ ਉਪ੍ਪਜ੍ਜਨ੍ਤੀਤਿ? ਆਮਨ੍ਤਾ। ਪਠਮਂ વਿਪਾਕੋ ਉਪ੍ਪਜ੍ਜਤਿ, ਪਚ੍ਛਾ વਿਪਾਕਪਟਿਲਾਭਾਯ ਕਮ੍ਮਂ ਕਰੋਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pathavī kammavipākoti? Āmantā. Paṭhamaṃ pathavī saṇṭhāti, pacchā sattā uppajjantīti? Āmantā. Paṭhamaṃ vipāko uppajjati, pacchā vipākapaṭilābhāya kammaṃ karontīti? Na hevaṃ vattabbe…pe….
ਪਥવੀ ਸਬ੍ਬਸਤ੍ਤਾਨਂ ਕਮ੍ਮવਿਪਾਕੋਤਿ? ਆਮਨ੍ਤਾ । ਸਬ੍ਬੇ ਸਤ੍ਤਾ ਪਥવਿਂ ਪਰਿਭੁਞ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਸਬ੍ਬੇ ਸਤ੍ਤਾ ਪਥવਿਂ ਪਰਿਭੁਞ੍ਜਨ੍ਤੀਤਿ? ਆਮਨ੍ਤਾ। ਅਤ੍ਥਿ ਕੇਚਿ ਪਥવਿਂ ਅਪਰਿਭੁਞ੍ਜਿਤ੍વਾ ਪਰਿਨਿਬ੍ਬਾਯਨ੍ਤੀਤਿ? ਆਮਨ੍ਤਾ। ਅਤ੍ਥਿ ਕੇਚਿ ਕਮ੍ਮવਿਪਾਕਂ ਅਖੇਪੇਤ੍વਾ ਪਰਿਨਿਬ੍ਬਾਯਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pathavī sabbasattānaṃ kammavipākoti? Āmantā . Sabbe sattā pathaviṃ paribhuñjantīti? Na hevaṃ vattabbe…pe… sabbe sattā pathaviṃ paribhuñjantīti? Āmantā. Atthi keci pathaviṃ aparibhuñjitvā parinibbāyantīti? Āmantā. Atthi keci kammavipākaṃ akhepetvā parinibbāyantīti? Na hevaṃ vattabbe…pe….
ਪਥવੀ ਚਕ੍ਕવਤ੍ਤਿਸਤ੍ਤਸ੍ਸ ਕਮ੍ਮવਿਪਾਕੋਤਿ? ਆਮਨ੍ਤਾ। ਅਞ੍ਞੇ ਸਤ੍ਤਾ ਪਥવਿਂ ਪਰਿਭੁਞ੍ਜਨ੍ਤੀਤਿ? ਆਮਨ੍ਤਾ। ਚਕ੍ਕવਤ੍ਤਿਸਤ੍ਤਸ੍ਸ ਕਮ੍ਮવਿਪਾਕਂ ਅਞ੍ਞੇ ਸਤ੍ਤਾ ਪਰਿਭੁਞ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਚਕ੍ਕવਤ੍ਤਿਸਤ੍ਤਸ੍ਸ ਕਮ੍ਮવਿਪਾਕਂ ਅਞ੍ਞੇ ਸਤ੍ਤਾ ਪਰਿਭੁਞ੍ਜਨ੍ਤੀਤਿ? ਆਮਨ੍ਤਾ । ਚਕ੍ਕવਤ੍ਤਿਸਤ੍ਤਸ੍ਸ ਫਸ੍ਸਂ વੇਦਨਂ ਸਞ੍ਞਂ ਚੇਤਨਂ ਚਿਤ੍ਤਂ ਸਦ੍ਧਂ વੀਰਿਯਂ ਸਤਿਂ ਸਮਾਧਿਂ ਪਞ੍ਞਂ ਅਞ੍ਞੇ ਸਤ੍ਤਾ ਪਰਿਭੁਞ੍ਜਨ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pathavī cakkavattisattassa kammavipākoti? Āmantā. Aññe sattā pathaviṃ paribhuñjantīti? Āmantā. Cakkavattisattassa kammavipākaṃ aññe sattā paribhuñjantīti? Na hevaṃ vattabbe…pe… cakkavattisattassa kammavipākaṃ aññe sattā paribhuñjantīti? Āmantā . Cakkavattisattassa phassaṃ vedanaṃ saññaṃ cetanaṃ cittaṃ saddhaṃ vīriyaṃ satiṃ samādhiṃ paññaṃ aññe sattā paribhuñjantīti? Na hevaṃ vattabbe…pe….
੪੯੪. ਨ વਤ੍ਤਬ੍ਬਂ – ‘‘ਪਥવੀ ਕਮ੍ਮવਿਪਾਕੋ’’ਤਿ? ਆਮਨ੍ਤਾ। ਨਨੁ ਅਤ੍ਥਿ ਇਸ੍ਸਰਿਯਸਂવਤ੍ਤਨਿਯਂ ਕਮ੍ਮਂ ਅਧਿਪਚ੍ਚਸਂવਤ੍ਤਨਿਯਂ ਕਮ੍ਮਨ੍ਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਇਸ੍ਸਰਿਯਸਂવਤ੍ਤਨਿਯਂ ਕਮ੍ਮਂ ਅਧਿਪਚ੍ਚਸਂવਤ੍ਤਨਿਯਂ ਕਮ੍ਮਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਪਥવੀ ਕਮ੍ਮવਿਪਾਕੋ’’ਤਿ।
494. Na vattabbaṃ – ‘‘pathavī kammavipāko’’ti? Āmantā. Nanu atthi issariyasaṃvattaniyaṃ kammaṃ adhipaccasaṃvattaniyaṃ kammanti? Āmantā. Hañci atthi issariyasaṃvattaniyaṃ kammaṃ adhipaccasaṃvattaniyaṃ kammaṃ, tena vata re vattabbe – ‘‘pathavī kammavipāko’’ti.
ਪਥવੀ ਕਮ੍ਮવਿਪਾਕੋਤਿਕਥਾ ਨਿਟ੍ਠਿਤਾ।
Pathavī kammavipākotikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ • 7. Pathavīkammavipākotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ • 7. Pathavīkammavipākotikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਪਥવੀਕਮ੍ਮવਿਪਾਕੋਤਿਕਥਾવਣ੍ਣਨਾ • 7. Pathavīkammavipākotikathāvaṇṇanā
