| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. бат̇авийваг̇г̇о
3. Pathavīvaggo
1. бат̇авийан̇г̇абан̃хо
1. Pathavīaṅgapañho
1. ‘‘бханд̇з нааг̇асзна, ‘бат̇авияаа бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, бат̇авий идтаанидтаани габбуурааг̇аруд̇аг̇аражанд̣̇анагун̇гумаад̣̇ийни аагиранд̇зби бид̇д̇асзмхабуб̣б̣арухирасзд̣̇амзд̣̇акзл̣асин̇гхаан̣игаласига- муд̇д̇агарийсаад̣̇ийни аагиранд̇зби д̇аад̣̇исаа язва, звамзва ко, махаарааж̇а, яог̇инаа яог̇ааважарзна идтаанидтз лаабхаалаабхз яасааяасз нинд̣̇аабасам̣сааяа сукад̣̇угкз саб̣б̣ад̇т̇а д̇аад̣̇инаа язва бхавид̇аб̣б̣ам̣. ид̣̇ам̣, махаарааж̇а, бат̇авияаа батамам̣ ан̇г̇ам̣ г̇ахзд̇аб̣б̣ам̣.
1. ‘‘Bhante nāgasena, ‘pathaviyā pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, pathavī iṭṭhāniṭṭhāni kappūrāgarutagaracandanakuṅkumādīni ākirantepi pittasemhapubbaruhirasedamedakheḷasiṅghāṇikalasika- muttakarīsādīni ākirantepi tādisā yeva, evameva kho, mahārāja, yoginā yogāvacarena iṭṭhāniṭṭhe lābhālābhe yasāyase nindāpasaṃsāya sukhadukkhe sabbattha tādinā yeva bhavitabbaṃ. Idaṃ, mahārāja, pathaviyā paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, бат̇авий ман̣д̣анавибхуусанаабаг̇ад̇аа сагаг̇анд̇хабарибхаавид̇аа, звамзва ко, махаарааж̇а, яог̇инаа яог̇ааважарзна вибхуусанаабаг̇ад̇зна сагасийлаг̇анд̇хабарибхаавид̇зна бхавид̇аб̣б̣ам̣. ид̣̇ам̣, махаарааж̇а, бат̇авияаа д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, pathavī maṇḍanavibhūsanāpagatā sakagandhaparibhāvitā, evameva kho, mahārāja, yoginā yogāvacarena vibhūsanāpagatena sakasīlagandhaparibhāvitena bhavitabbaṃ. Idaṃ, mahārāja, pathaviyā dutiyaṃ aṅgaṃ gahetabbaṃ.
‘‘буна жабарам̣, махаарааж̇а, бат̇авий ниранд̇араа акан̣д̣ажчид̣̇д̣̇аа асусираа б̣ахалаа гханаа вид̇т̇ин̣н̣аа, звамзва ко, махаарааж̇а, яог̇инаа яог̇ааважарзна ниранд̇арамакан̣д̣ажчид̣̇д̣̇амасусираб̣ахалагханавид̇т̇ин̣н̣асийлзна бхавид̇аб̣б̣ам̣. ид̣̇ам̣, махаарааж̇а, бат̇авияаа д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, pathavī nirantarā akhaṇḍacchiddā asusirā bahalā ghanā vitthiṇṇā, evameva kho, mahārāja, yoginā yogāvacarena nirantaramakhaṇḍacchiddamasusirabahalaghanavitthiṇṇasīlena bhavitabbaṃ. Idaṃ, mahārāja, pathaviyā tatiyaṃ aṅgaṃ gahetabbaṃ.
‘‘буна жабарам̣, махаарааж̇а, бат̇авий г̇ааманиг̇аманаг̇араж̇анабад̣̇аругкабаб̣б̣ад̇анад̣̇ийд̇ал̣аагабогкаран̣иймиг̇абагкимануж̇анаранаариг̇ан̣ам̣ д̇хаарзнд̇ийби агилаасу ход̇и, звамзва ко, махаарааж̇а, яог̇инаа яог̇ааважарзна овад̣̇анд̇знаби анусаасанд̇знаби вин̃н̃аабзнд̇знаби санд̣̇ассзнд̇знаби самаад̣̇абзнд̇знаби самуд̇д̇зж̇знд̇знаби самбахам̣сзнд̇знаби д̇хаммад̣̇зсанаасу агилаасунаа бхавид̇аб̣б̣ам̣. ид̣̇ам̣, махаарааж̇а, бат̇авияаа жад̇уд̇т̇ам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, pathavī gāmanigamanagarajanapadarukkhapabbatanadītaḷākapokkharaṇīmigapakkhimanujanaranārigaṇaṃ dhārentīpi akilāsu hoti, evameva kho, mahārāja, yoginā yogāvacarena ovadantenapi anusāsantenapi viññāpentenapi sandassentenapi samādapentenapi samuttejentenapi sampahaṃsentenapi dhammadesanāsu akilāsunā bhavitabbaṃ. Idaṃ, mahārāja, pathaviyā catutthaṃ aṅgaṃ gahetabbaṃ.
‘‘буна жабарам̣, махаарааж̇а, бат̇авий анунаяаббадигхавиббамуд̇д̇аа, звамзва ко, махаарааж̇а, яог̇инаа яог̇ааважарзна анунаяаббадигхавиббамуд̇д̇зна бат̇ависамзна жзд̇асаа вихарид̇аб̣б̣ам̣. ид̣̇ам̣, махаарааж̇а, бат̇авияаа бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣ , махаарааж̇а, убаасигааяа жуул̣асубхад̣̇д̣̇ааяа сагасаман̣з баригид̇д̇аяамаанааяа –
‘‘Puna caparaṃ, mahārāja, pathavī anunayappaṭighavippamuttā, evameva kho, mahārāja, yoginā yogāvacarena anunayappaṭighavippamuttena pathavisamena cetasā viharitabbaṃ. Idaṃ, mahārāja, pathaviyā pañcamaṃ aṅgaṃ gahetabbaṃ. Bhāsitampetaṃ , mahārāja, upāsikāya cūḷasubhaddāya sakasamaṇe parikittayamānāya –
‘‘‘зган̃жз б̣аахам̣ ваасияаа, д̇ажчз губид̇амаанасаа 1;
‘‘‘Ekañce bāhaṃ vāsiyā, tacche kupitamānasā 2;
‘‘‘амусмим̣ бадигхо над̇т̇и, рааг̇о асмим̣ на виж̇ж̇ад̇и;
‘‘‘Amusmiṃ paṭigho natthi, rāgo asmiṃ na vijjati;
бат̇авийсамажид̇д̇аа д̇з, д̇аад̣̇исаа саман̣аа мамаа’’’д̇и.
Pathavīsamacittā te, tādisā samaṇā mamā’’’ti.
бат̇авийан̇г̇абан̃хо батамо.
Pathavīaṅgapañho paṭhamo.
Footnotes:
