| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. бат̇авижаланабан̃хо
4. Pathavicalanapañho
4. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа – ‘адтимз, бхигкавз 1, хзд̇уу адта бажжаяаа махад̇о бхуумижааласса баад̇убхаавааяаа’д̇и. асзсаважанам̣ ид̣̇ам̣, ниссзсаважанам̣ ид̣̇ам̣, ниббарияааяаважанам̣ ид̣̇ам̣, над̇т̇ан̃н̃о навамо хзд̇у махад̇о бхуумижааласса баад̇убхаавааяа. яад̣̇и, бханд̇з нааг̇асзна, ан̃н̃о навамо хзд̇у бхавзяяа махад̇о бхуумижааласса баад̇убхаавааяа, д̇амби хзд̇ум̣ бхаг̇аваа гат̇зяяа. яасмаа жа ко, бханд̇з нааг̇асзна, над̇т̇ан̃н̃о навамо хзд̇у махад̇о бхуумижааласса баад̇убхаавааяа, д̇асмаа анаажигкид̇о бхаг̇авад̇аа, аяан̃жа навамо хзд̇у д̣̇иссад̇и махад̇о бхуумижааласса баад̇убхаавааяа, яам̣ взссанд̇арзна ран̃н̃аа махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аад̇и. яад̣̇и, бханд̇з нааг̇асзна, адтзва хзд̇уу адта бажжаяаа махад̇о бхуумижааласса баад̇убхаавааяа, д̇зна хи взссанд̇арзна ран̃н̃аа махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аад̇и яам̣ важанам̣, д̇ам̣ мижчаа. яад̣̇и взссанд̇арзна ран̃н̃аа махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аа, д̇зна хи адтзва хзд̇уу адта бажжаяаа махад̇о бхуумижааласса баад̇убхаавааяаад̇и д̇амби важанам̣ мижчаа. аяамби убхад̇о годиго бан̃хо сукумо д̣̇уннивзтияо анд̇хагаран̣о жзва г̇амбхийро жа, со д̇аваануббад̇д̇о, нзсо ан̃н̃зна ид̇д̇арабан̃н̃зна саггаа висаж̇ж̇зд̇ум̣ ан̃н̃ад̇ра д̇аваад̣̇исзна б̣уд̣̇д̇химад̇аа’’д̇и.
4. ‘‘Bhante nāgasena, bhāsitampetaṃ bhagavatā – ‘aṭṭhime, bhikkhave 2, hetū aṭṭha paccayā mahato bhūmicālassa pātubhāvāyā’ti. Asesavacanaṃ idaṃ, nissesavacanaṃ idaṃ, nippariyāyavacanaṃ idaṃ, natthañño navamo hetu mahato bhūmicālassa pātubhāvāya. Yadi, bhante nāgasena, añño navamo hetu bhaveyya mahato bhūmicālassa pātubhāvāya, tampi hetuṃ bhagavā katheyya. Yasmā ca kho, bhante nāgasena, natthañño navamo hetu mahato bhūmicālassa pātubhāvāya, tasmā anācikkhito bhagavatā, ayañca navamo hetu dissati mahato bhūmicālassa pātubhāvāya, yaṃ vessantarena raññā mahādāne dīyamāne sattakkhattuṃ mahāpathavī kampitāti. Yadi, bhante nāgasena, aṭṭheva hetū aṭṭha paccayā mahato bhūmicālassa pātubhāvāya, tena hi vessantarena raññā mahādāne dīyamāne sattakkhattuṃ mahāpathavī kampitāti yaṃ vacanaṃ, taṃ micchā. Yadi vessantarena raññā mahādāne dīyamāne sattakkhattuṃ mahāpathavī kampitā, tena hi aṭṭheva hetū aṭṭha paccayā mahato bhūmicālassa pātubhāvāyāti tampi vacanaṃ micchā. Ayampi ubhato koṭiko pañho sukhumo dunniveṭhiyo andhakaraṇo ceva gambhīro ca, so tavānuppatto, neso aññena ittarapaññena sakkā visajjetuṃ aññatra tavādisena buddhimatā’’ti.
‘‘бхаасид̇амбзд̇ам̣, махаарааж̇а, бхаг̇авад̇аа – ‘адтимз, бхигкавз, хзд̇уу адта бажжаяаа махад̇о бхуумижааласса баад̇убхаавааяаа’д̇и. яам̣ взссанд̇арзна ран̃н̃аа махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аа, д̇ан̃жа бана агаалигам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, д̇асмаа аг̇ан̣ид̇ам̣ адтахи хзд̇уухи.
‘‘Bhāsitampetaṃ, mahārāja, bhagavatā – ‘aṭṭhime, bhikkhave, hetū aṭṭha paccayā mahato bhūmicālassa pātubhāvāyā’ti. Yaṃ vessantarena raññā mahādāne dīyamāne sattakkhattuṃ mahāpathavī kampitā, tañca pana akālikaṃ kadācuppattikaṃ aṭṭhahi hetūhi vippamuttaṃ, tasmā agaṇitaṃ aṭṭhahi hetūhi.
‘‘яат̇аа, махаарааж̇а, логз д̇аяо язва мзгхаа г̇ан̣ийяанд̇и вассиго хзманд̇иго баавусагод̇и. яад̣̇и д̇з мун̃жид̇ваа ан̃н̃о мзгхо бавассад̇и, на со мзгхо г̇ан̣ийяад̇и саммад̇зхи мзгхзхи, агааламзгход̇взва сан̇кам̣ г̇ажчад̇и. звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухи.
‘‘Yathā, mahārāja, loke tayo yeva meghā gaṇīyanti vassiko hemantiko pāvusakoti. Yadi te muñcitvā añño megho pavassati, na so megho gaṇīyati sammatehi meghehi, akālameghotveva saṅkhaṃ gacchati. Evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhi.
‘‘яат̇аа ваа бана, махаарааж̇а, химаванд̇аа баб̣б̣ад̇аа бан̃жа над̣̇исад̇аани санд̣̇анд̇и, д̇зсам̣, махаарааж̇а, бан̃жаннам̣ над̣̇исад̇аанам̣ д̣̇асзва над̣̇ияо над̣̇иг̇ан̣анааяа г̇ан̣ийяанд̇и. сзяяат̇ийд̣̇ам̣, г̇ан̇г̇аа яамунаа ажиравад̇ий сарабхуу махий синд̇ху сарассад̇ий взд̇равад̇ий вийд̇ам̣саа жанд̣̇абхааг̇аад̇и, авасзсаа над̣̇ияо над̣̇иг̇ан̣анааяа аг̇ан̣ид̇аа. гим̣ гааран̣аа? на д̇аа над̣̇ияо д̇хувасалилаа. звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухи.
‘‘Yathā vā pana, mahārāja, himavantā pabbatā pañca nadisatāni sandanti, tesaṃ, mahārāja, pañcannaṃ nadisatānaṃ daseva nadiyo nadigaṇanāya gaṇīyanti. Seyyathīdaṃ, gaṅgā yamunā aciravatī sarabhū mahī sindhu sarassatī vetravatī vītaṃsā candabhāgāti, avasesā nadiyo nadigaṇanāya agaṇitā. Kiṃ kāraṇā? Na tā nadiyo dhuvasalilā. Evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhi.
‘‘яат̇аа ваа бана, махаарааж̇а, ран̃н̃о сад̇амби д̣̇висад̇амби д̇исад̇амби амажжаа хонд̇и, д̇зсам̣ ча язва ж̇анаа амажжаг̇ан̣анааяа г̇ан̣ийяанд̇и. сзяяат̇ийд̣̇ам̣, сзнаабад̇и бурохид̇о агкад̣̇ассо бхан̣д̣ааг̇аариго чад̇д̇аг̇г̇аахаго каг̇г̇аг̇г̇аахаго. зд̇з язва амажжаг̇ан̣анааяа г̇ан̣ийяанд̇и. гим̣ гааран̣аа? яуд̇д̇ад̇д̇аа рааж̇аг̇ун̣зхи, авасзсаа аг̇ан̣ид̇аа, саб̣б̣з амажжаад̇взва сан̇кам̣ г̇ажчанд̇и . звамзва ко, махаарааж̇а, взссанд̇арзна ран̃н̃аа махаад̣̇аанз д̣̇ийяамаанз яам̣ сад̇д̇агкад̇д̇ум̣ махаабат̇авий гамбид̇аа, агаалигам̣ зд̇ам̣ гад̣̇аажуббад̇д̇игам̣ адтахи хзд̇уухи виббамуд̇д̇ам̣, на д̇ам̣ г̇ан̣ийяад̇и адтахи хзд̇уухи.
‘‘Yathā vā pana, mahārāja, rañño satampi dvisatampi tisatampi amaccā honti, tesaṃ cha yeva janā amaccagaṇanāya gaṇīyanti. Seyyathīdaṃ, senāpati purohito akkhadasso bhaṇḍāgāriko chattaggāhako khaggaggāhako. Ete yeva amaccagaṇanāya gaṇīyanti. Kiṃ kāraṇā? Yuttattā rājaguṇehi, avasesā agaṇitā, sabbe amaccātveva saṅkhaṃ gacchanti . Evameva kho, mahārāja, vessantarena raññā mahādāne dīyamāne yaṃ sattakkhattuṃ mahāpathavī kampitā, akālikaṃ etaṃ kadācuppattikaṃ aṭṭhahi hetūhi vippamuttaṃ, na taṃ gaṇīyati aṭṭhahi hetūhi.
‘‘суяяад̇и ну ко, махаарааж̇а, зд̇арахи ж̇инасаасанз гад̇аад̇хигаараанам̣ д̣̇идтад̇хаммасукавзд̣̇анийяагаммам̣, гид̇д̇и жа язсам̣ аб̣бхуг̇г̇ад̇аа д̣̇звамануссзсуу’’д̇и? ‘‘аама, бханд̇з, суяяад̇и зд̇арахи ж̇инасаасанз гад̇аад̇хигаараанам̣ д̣̇идтад̇хаммасукавзд̣̇анийяагаммам̣, гид̇д̇и жа язсам̣ аб̣бхуг̇г̇ад̇аа д̣̇звамануссзсу сад̇д̇а ж̇анаад̇и’’. ‘‘гз жа д̇з, махаарааж̇аа’’д̇и? ‘‘сумано жа, бханд̇з, маалаагааро, згасаадаго жа б̣раахман̣о, бун̣н̣о жа бхад̇аго, маллигаа жа д̣̇звий, г̇обааламаад̇аа жа д̣̇звий, суббияаа жа убаасигаа, бун̣н̣аа жа д̣̇аасийд̇и имз сад̇д̇а д̣̇идтад̇хаммасукавзд̣̇анийяаа сад̇д̇аа, гид̇д̇и жа имзсам̣ аб̣бхуг̇г̇ад̇аа д̣̇звамануссзсуу’’д̇и.
‘‘Suyyati nu kho, mahārāja, etarahi jinasāsane katādhikārānaṃ diṭṭhadhammasukhavedanīyakammaṃ, kitti ca yesaṃ abbhuggatā devamanussesū’’ti? ‘‘Āma, bhante, suyyati etarahi jinasāsane katādhikārānaṃ diṭṭhadhammasukhavedanīyakammaṃ, kitti ca yesaṃ abbhuggatā devamanussesu satta janāti’’. ‘‘Ke ca te, mahārājā’’ti? ‘‘Sumano ca, bhante, mālākāro, ekasāṭako ca brāhmaṇo, puṇṇo ca bhatako, mallikā ca devī, gopālamātā ca devī, suppiyā ca upāsikā, puṇṇā ca dāsīti ime satta diṭṭhadhammasukhavedanīyā sattā, kitti ca imesaṃ abbhuggatā devamanussesū’’ti.
‘‘абарзби суяяанд̇и ну ко ад̇ийд̇з маанусагзнзва сарийрад̣̇зхзна д̇ид̣̇асабхаванам̣ г̇ад̇аа’’д̇и? ‘‘аама, бханд̇з, суяяанд̇ий’’д̇и. ‘‘гз жа д̇з, махаарааж̇аа’’д̇и? ‘‘г̇уд̇д̇ило жа г̇анд̇хаб̣б̣о, саад̇хийно жа рааж̇аа, ними жа рааж̇аа, манд̇хаад̇аа жа рааж̇аад̇и имз жад̇уро ж̇анаа суяяанд̇и, д̇знзва маанусагзна сарийрад̣̇зхзна д̇ид̣̇асабхаванам̣ г̇ад̇аа’’д̇и. ‘‘сужирамби гад̇ам̣ суяяад̇и сугад̇ад̣̇уггаданд̇и? суд̇абуб̣б̣ам̣ бана д̇аяаа, махаарааж̇а, ад̇ийд̇з ваа ад̣̇д̇хаанз вад̇д̇амаанз ваа ад̣̇д̇хаанз ид̇т̇аннаамасса д̣̇аанз д̣̇ийяамаанз сагим̣ ваа д̣̇вигкад̇д̇ум̣ ваа д̇игкад̇д̇ум̣ ваа махаабат̇авий гамбид̇аа’’д̇и? ‘‘на хи бханд̇з’’д̇и. ‘‘ад̇т̇и мз, махаарааж̇а, ааг̇амо ад̇хиг̇амо барияад̇д̇и саванам̣ сигкааб̣алам̣ суссуусаа барибужчаа аажарияубаасанам̣, маяааби на суд̇абуб̣б̣ам̣ ‘ид̇т̇аннаамасса д̣̇аанз д̣̇ийяамаанз сагим̣ ваа д̣̇вигкад̇д̇ум̣ ваа д̇игкад̇д̇ум̣ ваа махаабат̇авий гамбид̇аа’д̇и табзд̇ваа взссанд̇арасса рааж̇авасабхасса д̣̇аанаварам̣ . бхаг̇авад̇о жа, махаарааж̇а, гассабасса, бхаг̇авад̇о жа сагяамунинод̇и д̣̇виннам̣ б̣уд̣̇д̇хаанам̣ анд̇арз г̇ан̣анабат̇ам̣ вийд̇ивад̇д̇аа вассагодияо ад̇игганд̇аа, д̇ад̇т̇аби мз саванам̣ над̇т̇и ‘ид̇т̇аннаамасса д̣̇аанз д̣̇ийяамаанз сагим̣ ваа д̣̇вигкад̇д̇ум̣ ваа д̇игкад̇д̇ум̣ ваа махаабат̇авий гамбид̇аа’д̇и. на, махаарааж̇а, д̇аавад̇агзна вийриязна д̇аавад̇агзна бараггамзна махаабат̇авий гамбад̇и, г̇ун̣абхаарабхарид̇аа, махаарааж̇а, саб̣б̣асожзяяагирияаг̇ун̣абхаарабхарид̇аа д̇хаарзд̇ум̣ на висаханд̇ий махаабат̇авий жалад̇и гамбад̇и бавзд̇хад̇и.
‘‘Aparepi suyyanti nu kho atīte mānusakeneva sarīradehena tidasabhavanaṃ gatā’’ti? ‘‘Āma, bhante, suyyantī’’ti. ‘‘Ke ca te, mahārājā’’ti? ‘‘Guttilo ca gandhabbo, sādhīno ca rājā, nimi ca rājā, mandhātā ca rājāti ime caturo janā suyyanti, teneva mānusakena sarīradehena tidasabhavanaṃ gatā’’ti. ‘‘Sucirampi kataṃ suyyati sukatadukkaṭanti? Sutapubbaṃ pana tayā, mahārāja, atīte vā addhāne vattamāne vā addhāne itthannāmassa dāne dīyamāne sakiṃ vā dvikkhattuṃ vā tikkhattuṃ vā mahāpathavī kampitā’’ti? ‘‘Na hi bhante’’ti. ‘‘Atthi me, mahārāja, āgamo adhigamo pariyatti savanaṃ sikkhābalaṃ sussūsā paripucchā ācariyupāsanaṃ, mayāpi na sutapubbaṃ ‘itthannāmassa dāne dīyamāne sakiṃ vā dvikkhattuṃ vā tikkhattuṃ vā mahāpathavī kampitā’ti ṭhapetvā vessantarassa rājavasabhassa dānavaraṃ . Bhagavato ca, mahārāja, kassapassa, bhagavato ca sakyamuninoti dvinnaṃ buddhānaṃ antare gaṇanapathaṃ vītivattā vassakoṭiyo atikkantā, tatthapi me savanaṃ natthi ‘itthannāmassa dāne dīyamāne sakiṃ vā dvikkhattuṃ vā tikkhattuṃ vā mahāpathavī kampitā’ti. Na, mahārāja, tāvatakena vīriyena tāvatakena parakkamena mahāpathavī kampati, guṇabhārabharitā, mahārāja, sabbasoceyyakiriyaguṇabhārabharitā dhāretuṃ na visahantī mahāpathavī calati kampati pavedhati.
‘‘яат̇аа, махаарааж̇а, сагадасса ад̇ибхаарабхарид̇асса наабхияо жа нзмияо жа паланд̇и агко бхиж̇ж̇ад̇и, звамзва ко, махаарааж̇а, саб̣б̣асожзяяагирияаг̇ун̣абхаарабхарид̇аа махаабат̇авий д̇хаарзд̇ум̣ на висаханд̇ий жалад̇и гамбад̇и бавзд̇хад̇и.
‘‘Yathā, mahārāja, sakaṭassa atibhārabharitassa nābhiyo ca nemiyo ca phalanti akkho bhijjati, evameva kho, mahārāja, sabbasoceyyakiriyaguṇabhārabharitā mahāpathavī dhāretuṃ na visahantī calati kampati pavedhati.
‘‘яат̇аа ваа бана, махаарааж̇а, г̇аг̇анам̣ анилаж̇алавзг̇асан̃чаад̣̇ид̇ам̣ уссаннаж̇алабхаарабхарид̇ам̣ ад̇иваад̇зна пудид̇ад̇д̇аа над̣̇ад̇и равад̇и г̇ал̣аг̇ал̣ааяад̇и, звамзва ко, махаарааж̇а, махаабат̇авий ран̃н̃о взссанд̇арасса д̣̇аанаб̣алавибулауссаннабхаарабхарид̇аа д̇хаарзд̇ум̣ на висаханд̇ий жалад̇и гамбад̇и бавзд̇хад̇и. на хи, махаарааж̇а, ран̃н̃о взссанд̇арасса жид̇д̇ам̣ рааг̇авасзна бавад̇д̇ад̇и, на д̣̇осавасзна бавад̇д̇ад̇и, на мохавасзна бавад̇д̇ад̇и, на маанавасзна бавад̇д̇ад̇и, на д̣̇идтивасзна бавад̇д̇ад̇и, на гилзсавасзна бавад̇д̇ад̇и, на вид̇аггавасзна бавад̇д̇ад̇и, на арад̇ивасзна бавад̇д̇ад̇и, ат̇а ко д̣̇аанавасзна б̣ахулам̣ бавад̇д̇ад̇и ‘гинд̇и анааг̇ад̇аа яаажагаа мама санд̇игз ааг̇ажчзяяум̣, ааг̇ад̇аа жа яаажагаа яат̇аагаамам̣ лабхид̇ваа ад̇д̇аманаа бхавзяяу’нд̇и сад̇ад̇ам̣ самид̇ам̣ д̣̇аанам̣ бад̇и маанасам̣ табид̇ам̣ ход̇и. ран̃н̃о, махаарааж̇а, взссанд̇арасса сад̇ад̇ам̣ самид̇ам̣ д̣̇асасу таанзсу маанасам̣ табид̇ам̣ ход̇и д̣̇амз самз канд̇ияам̣ сам̣варз яамз нияамз аггод̇хз авихим̣сааяам̣ сажжз сожзяяз. ран̃н̃о, махаарааж̇а, взссанд̇арасса гаамзсанаа бахийнаа, бхавзсанаа бадиббассад̣̇д̇хаа, б̣рахмажариязсанааяа язва уссуггам̣ аабанно, ран̃н̃о, махаарааж̇а, взссанд̇арасса ад̇д̇арагкаа 3 бахийнаа, саб̣б̣асад̇д̇арагкааяа уссуггам̣ аабанно ‘гинд̇и имз сад̇д̇аа самаг̇г̇аа ассу арог̇аа сад̇ханаа д̣̇ийгхааяугаа’д̇и б̣ахулам̣ язва маанасам̣ бавад̇д̇ад̇и. д̣̇ад̣̇амаано жа, махаарааж̇а, взссанд̇аро рааж̇аа д̇ам̣ д̣̇аанам̣ на бхавасамбад̇д̇ихзд̇у д̣̇зд̇и, на д̇ханахзд̇у д̣̇зд̇и, на бадид̣̇аанахзд̇у д̣̇зд̇и, на убалаабанахзд̇у д̣̇зд̇и, на ааяухзд̇у д̣̇зд̇и, на ван̣н̣ахзд̇у д̣̇зд̇и, на сукахзд̇у д̣̇зд̇и, на б̣алахзд̇у д̣̇зд̇и, на яасахзд̇у д̣̇зд̇и, на буд̇д̇ахзд̇у д̣̇зд̇и, на д̇хийд̇ухзд̇у д̣̇зд̇и, ат̇а ко саб̣б̣ан̃н̃уд̇ан̃аан̣ахзд̇у саб̣б̣ан̃н̃уд̇ан̃аан̣арад̇анасса гааран̣аа зваруубз ад̇улавибулаануд̇д̇арз д̣̇аанаварз ад̣̇ааси, саб̣б̣ан̃н̃уд̇ам̣ бад̇д̇о жа имам̣ г̇аат̇ам̣ абхааси –
‘‘Yathā vā pana, mahārāja, gaganaṃ anilajalavegasañchāditaṃ ussannajalabhārabharitaṃ ativātena phuṭitattā nadati ravati gaḷagaḷāyati, evameva kho, mahārāja, mahāpathavī rañño vessantarassa dānabalavipulaussannabhārabharitā dhāretuṃ na visahantī calati kampati pavedhati. Na hi, mahārāja, rañño vessantarassa cittaṃ rāgavasena pavattati, na dosavasena pavattati, na mohavasena pavattati, na mānavasena pavattati, na diṭṭhivasena pavattati, na kilesavasena pavattati, na vitakkavasena pavattati, na arativasena pavattati, atha kho dānavasena bahulaṃ pavattati ‘kinti anāgatā yācakā mama santike āgaccheyyuṃ, āgatā ca yācakā yathākāmaṃ labhitvā attamanā bhaveyyu’nti satataṃ samitaṃ dānaṃ pati mānasaṃ ṭhapitaṃ hoti. Rañño, mahārāja, vessantarassa satataṃ samitaṃ dasasu ṭhānesu mānasaṃ ṭhapitaṃ hoti dame same khantiyaṃ saṃvare yame niyame akkodhe avihiṃsāyaṃ sacce soceyye. Rañño, mahārāja, vessantarassa kāmesanā pahīnā, bhavesanā paṭippassaddhā, brahmacariyesanāya yeva ussukkaṃ āpanno, rañño, mahārāja, vessantarassa attarakkhā 4 pahīnā, sabbasattarakkhāya ussukkaṃ āpanno ‘kinti ime sattā samaggā assu arogā sadhanā dīghāyukā’ti bahulaṃ yeva mānasaṃ pavattati. Dadamāno ca, mahārāja, vessantaro rājā taṃ dānaṃ na bhavasampattihetu deti, na dhanahetu deti, na paṭidānahetu deti, na upalāpanahetu deti, na āyuhetu deti, na vaṇṇahetu deti, na sukhahetu deti, na balahetu deti, na yasahetu deti, na puttahetu deti, na dhītuhetu deti, atha kho sabbaññutañāṇahetu sabbaññutañāṇaratanassa kāraṇā evarūpe atulavipulānuttare dānavare adāsi, sabbaññutaṃ patto ca imaṃ gāthaṃ abhāsi –
‘‘‘ж̇аалим̣ ган̣хааж̇инам̣ д̇хийд̇ам̣, мад̣̇д̣̇ид̣̇звим̣ бад̇иб̣б̣ад̇ам̣;
‘‘‘Jāliṃ kaṇhājinaṃ dhītaṃ, maddideviṃ patibbataṃ;
жаж̇амаано на жинд̇зсим̣, б̣од̇хияаа язва гааран̣аа’д̇и.
Cajamāno na cintesiṃ, bodhiyā yeva kāraṇā’ti.
‘‘взссанд̇аро, махаарааж̇а, рааж̇аа аггод̇хзна год̇хам̣ ж̇инаад̇и, асаад̇хум̣ саад̇хунаа ж̇инаад̇и, гад̣̇арияам̣ д̣̇аанзна ж̇инаад̇и, алигаваад̣̇инам̣ сажжзна ж̇инаад̇и, саб̣б̣ам̣ агусалам̣ гусалзна ж̇инаад̇и. д̇асса звам̣ д̣̇ад̣̇амаанасса д̇хаммаануг̇ад̇асса д̇хаммасийсагасса 5 д̣̇аананиссанд̣̇аб̣алава 6 вийрияавибулавибпаарзна хздтаа махааваад̇аа сан̃жаланд̇и сан̣игам̣ сан̣игам̣ сагим̣ сагим̣ аагулаагулаа вааяанд̇и онаманд̇и уннаманд̇и винаманд̇и, чиннабад̇д̇абаад̣̇абаа 7 бабад̇анд̇и, г̇умб̣ам̣ г̇умб̣ам̣ валаахагаа г̇аг̇анз санд̇хааванд̇и, раж̇осан̃жид̇аа ваад̇аа д̣̇аарун̣аа хонд̇и, г̇аг̇анам̣ уббийл̣ид̇аа ваад̇аа вааяанд̇и, сахасаа д̇хамад̇хамааяанд̇и, махаабхиймо сад̣̇д̣̇о нижчарад̇и, д̇зсу ваад̇зсу губид̇зсу уд̣̇агам̣ сан̣игам̣ сан̣игам̣ жалад̇и, уд̣̇агз жалид̇з куб̣бханд̇и мажчагажчабаа, яамагаяамагаа уумияо ж̇ааяанд̇и, ж̇алажараа сад̇д̇аа д̇асанд̇и, ж̇алавийжи яуг̇анад̣̇д̇хо вад̇д̇ад̇и, вийжинаад̣̇о бавад̇д̇ад̇и, гхораа б̣уб̣б̣ул̣аа 8 удтаханд̇и, пзн̣амаалаа бхаванд̇и, уд̇д̇арад̇и махаасамуд̣̇д̣̇о, д̣̇исаавид̣̇исам̣ д̇хаавад̇и уд̣̇агам̣, уд̣̇д̇хам̣сод̇абадисод̇амукаа санд̣̇анд̇и салилад̇хаараа, д̇асанд̇и асураа г̇арул̣аа нааг̇аа яагкаа, уб̣б̣иж̇ж̇анд̇и ‘гим̣ ну ко, гат̇ам̣ ну ко, сааг̇аро вибаривад̇д̇ад̇ий’д̇и, г̇аманабат̇амзсанд̇и бхийд̇ажид̇д̇аа, кубхид̇з лул̣ид̇з ж̇алад̇хаарз багамбад̇и махаабат̇авий санаг̇аа сасааг̇араа , баривад̇д̇ад̇и синзруг̇ири гуудасзласикаро винамамаано ход̇и, виманаа хонд̇и ахинагулаб̣ил̣аарагодтугасуугарамиг̇абагкино, руд̣̇анд̇и яагкаа аббзсагкаа, хасанд̇и яагкаа махзсагкаа гамбамаанааяа махаабат̇авияаа.
‘‘Vessantaro, mahārāja, rājā akkodhena kodhaṃ jināti, asādhuṃ sādhunā jināti, kadariyaṃ dānena jināti, alikavādinaṃ saccena jināti, sabbaṃ akusalaṃ kusalena jināti. Tassa evaṃ dadamānassa dhammānugatassa dhammasīsakassa 9 dānanissandabalava 10 vīriyavipulavipphārena heṭṭhā mahāvātā sañcalanti saṇikaṃ saṇikaṃ sakiṃ sakiṃ ākulākulā vāyanti onamanti unnamanti vinamanti, chinnapattapādapā 11 papatanti, gumbaṃ gumbaṃ valāhakā gagane sandhāvanti, rajosañcitā vātā dāruṇā honti, gaganaṃ uppīḷitā vātā vāyanti, sahasā dhamadhamāyanti, mahābhīmo saddo niccharati, tesu vātesu kupitesu udakaṃ saṇikaṃ saṇikaṃ calati, udake calite khubbhanti macchakacchapā, yamakayamakā ūmiyo jāyanti, jalacarā sattā tasanti, jalavīci yuganaddho vattati, vīcinādo pavattati, ghorā bubbuḷā 12 uṭṭhahanti, pheṇamālā bhavanti, uttarati mahāsamuddo, disāvidisaṃ dhāvati udakaṃ, uddhaṃsotapaṭisotamukhā sandanti saliladhārā, tasanti asurā garuḷā nāgā yakkhā, ubbijjanti ‘kiṃ nu kho, kathaṃ nu kho, sāgaro viparivattatī’ti, gamanapathamesanti bhītacittā, khubhite luḷite jaladhāre pakampati mahāpathavī sanagā sasāgarā , parivattati sinerugiri kūṭaselasikharo vinamamāno hoti, vimanā honti ahinakulabiḷārakoṭṭhukasūkaramigapakkhino, rudanti yakkhā appesakkhā, hasanti yakkhā mahesakkhā kampamānāya mahāpathaviyā.
‘‘яат̇аа, махаарааж̇а, махад̇и махаабарияог̇з уд̣̇д̇ханаг̇ад̇з уд̣̇агасамбун̣н̣з аагин̣н̣ад̇ан̣д̣улз хздтад̇о аг̇г̇и ж̇аламаано батамам̣ д̇аава барияог̇ам̣ санд̇аабзд̇и, барияог̇о санд̇ад̇д̇о уд̣̇агам̣ санд̇аабзд̇и, уд̣̇агам̣ санд̇ад̇д̇ам̣ д̇ан̣д̣улам̣ санд̇аабзд̇и, д̇ан̣д̣улам̣ санд̇ад̇д̇ам̣ уммуж̇ж̇ад̇и нимуж̇ж̇ад̇и, б̣уб̣б̣ул̣агаж̇аад̇ам̣ ход̇и, пзн̣амаалаа уд̇д̇арад̇и; звамзва ко, махаарааж̇а, взссанд̇аро рааж̇аа яам̣ логз д̣̇ужжаж̇ам̣, д̇ам̣ жаж̇и, д̇асса д̇ам̣ д̣̇ужжаж̇ам̣ жаж̇анд̇асса д̣̇аанасса сабхааваниссанд̣̇зна хздтаа махааваад̇аа д̇хаарзд̇ум̣ на висаханд̇аа баригуббим̣су 13, махааваад̇зсу баригубид̇зсу 14 уд̣̇агам̣ гамби, уд̣̇агз гамбид̇з махаабат̇авий гамби, ид̇и д̇ад̣̇аа махааваад̇аа жа уд̣̇аган̃жа махаабат̇авий жаад̇и имз д̇аяо згаманаа вияа ахзсум̣ махаад̣̇аананиссанд̣̇зна вибулаб̣алавийриязна над̇т̇зд̣̇исо, махаарааж̇а, ан̃н̃асса д̣̇аанаанубхааво, яат̇аа взссанд̇арасса ран̃н̃о махаад̣̇аанаанубхааво. яат̇аа, махаарааж̇а, махияаа б̣ахувид̇хаа ман̣аяо виж̇ж̇анд̇и. сзяяат̇ийд̣̇ам̣, инд̣̇анийло махаанийло ж̇од̇ирасо взл̣урияо уммаабубпо сирийсабубпо манохаро суурияаганд̇о жанд̣̇аганд̇о важ̇иро каж̇ж̇обанаго пуссарааг̇о лохид̇ан̇г̇о масаараг̇аллод̇и, зд̇з саб̣б̣з ад̇иггамма жаггавад̇д̇иман̣и аг̇г̇амагкааяад̇и, жаггавад̇д̇иман̣и, махаарааж̇а, саманд̇аа яож̇анам̣ обхаасзд̇и. звамзва ко, махаарааж̇а, яам̣ гин̃жи махияаа д̣̇аанам̣ виж̇ж̇ад̇и аби асад̣̇исад̣̇аанам̣ барамам̣, д̇ам̣ саб̣б̣ам̣ ад̇иггамма взссанд̇арасса ран̃н̃о махаад̣̇аанам̣ аг̇г̇амагкааяад̇и, взссанд̇арасса, махаарааж̇а, ран̃н̃о махаад̣̇аанз д̣̇ийяамаанз сад̇д̇агкад̇д̇ум̣ махаабат̇авий гамбид̇аа’’д̇и.
‘‘Yathā, mahārāja, mahati mahāpariyoge uddhanagate udakasampuṇṇe ākiṇṇataṇḍule heṭṭhato aggi jalamāno paṭhamaṃ tāva pariyogaṃ santāpeti, pariyogo santatto udakaṃ santāpeti, udakaṃ santattaṃ taṇḍulaṃ santāpeti, taṇḍulaṃ santattaṃ ummujjati nimujjati, bubbuḷakajātaṃ hoti, pheṇamālā uttarati; evameva kho, mahārāja, vessantaro rājā yaṃ loke duccajaṃ, taṃ caji, tassa taṃ duccajaṃ cajantassa dānassa sabhāvanissandena heṭṭhā mahāvātā dhāretuṃ na visahantā parikuppiṃsu 15, mahāvātesu parikupitesu 16 udakaṃ kampi, udake kampite mahāpathavī kampi, iti tadā mahāvātā ca udakañca mahāpathavī cāti ime tayo ekamanā viya ahesuṃ mahādānanissandena vipulabalavīriyena natthediso, mahārāja, aññassa dānānubhāvo, yathā vessantarassa rañño mahādānānubhāvo. Yathā, mahārāja, mahiyā bahuvidhā maṇayo vijjanti. Seyyathīdaṃ, indanīlo mahānīlo jotiraso veḷuriyo ummāpuppho sirīsapuppho manoharo sūriyakanto candakanto vajiro khajjopanako phussarāgo lohitaṅgo masāragalloti, ete sabbe atikkamma cakkavattimaṇi aggamakkhāyati, cakkavattimaṇi, mahārāja, samantā yojanaṃ obhāseti. Evameva kho, mahārāja, yaṃ kiñci mahiyā dānaṃ vijjati api asadisadānaṃ paramaṃ, taṃ sabbaṃ atikkamma vessantarassa rañño mahādānaṃ aggamakkhāyati, vessantarassa, mahārāja, rañño mahādāne dīyamāne sattakkhattuṃ mahāpathavī kampitā’’ti.
‘‘ажчарияам̣, бханд̇з нааг̇асзна, б̣уд̣̇д̇хаанам̣, аб̣бхуд̇ам̣, бханд̇з нааг̇асзна, б̣уд̣̇д̇хаанам̣, яам̣ д̇ат̇ааг̇ад̇о б̣од̇хисад̇д̇о самаано асамо логзна звам̣канд̇и звам̣жид̇д̇о звам̣ад̇химуд̇д̇и звам̣ад̇хиббааяо, б̣од̇хисад̇д̇аанам̣, бханд̇з нааг̇асзна, бараггамо д̣̇агкаабид̇о, баарамий жа ж̇инаанам̣ бхияяо обхаасид̇аа, жарияам̣ жарад̇оби д̇аава д̇ат̇ааг̇ад̇асса сад̣̇звагз логз сздтабхааво ануд̣̇ассид̇о. саад̇ху, бханд̇з нааг̇асзна, т̇омид̇ам̣ ж̇инасаасанам̣, ж̇од̇ид̇аа ж̇инабаарамий, чинно д̇ид̇т̇ияаанам̣ ваад̣̇аг̇ан̣ти, бхинно бараабаваад̣̇агумбхо 17, бан̃хо г̇амбхийро уд̇д̇аанийгад̇о, г̇аханам̣ аг̇аханам̣ гад̇ам̣, саммаа лад̣̇д̇хам̣ ж̇инабуд̇д̇аанам̣ ниб̣б̣ааханам̣ 18, звамзд̇ам̣ г̇ан̣иварабавара д̇ат̇аа самбадижчаамаа’’д̇и.
‘‘Acchariyaṃ, bhante nāgasena, buddhānaṃ, abbhutaṃ, bhante nāgasena, buddhānaṃ, yaṃ tathāgato bodhisatto samāno asamo lokena evaṃkhanti evaṃcitto evaṃadhimutti evaṃadhippāyo, bodhisattānaṃ, bhante nāgasena, parakkamo dakkhāpito, pāramī ca jinānaṃ bhiyyo obhāsitā, cariyaṃ caratopi tāva tathāgatassa sadevake loke seṭṭhabhāvo anudassito. Sādhu, bhante nāgasena, thomitaṃ jinasāsanaṃ, jotitā jinapāramī, chinno titthiyānaṃ vādagaṇṭhi, bhinno parāpavādakumbho 19, pañho gambhīro uttānīkato, gahanaṃ agahanaṃ kataṃ, sammā laddhaṃ jinaputtānaṃ nibbāhanaṃ 20, evametaṃ gaṇivarapavara tathā sampaṭicchāmā’’ti.
бат̇авижаланабан̃хо жад̇уд̇т̇о.
Pathavicalanapañho catuttho.
Footnotes:
