| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੬੦) ੮. ਪਥવੀਧਾਤੁ ਸਨਿਦਸ੍ਸਨਾਤਿਆਦਿਕਥਾ
(60) 8. Pathavīdhātu sanidassanātiādikathā
੪੬੫. ਪਥવੀਧਾਤੁ ਸਨਿਦਸ੍ਸਨਾਤਿ? ਆਮਨ੍ਤਾ। ਰੂਪਂ ਰੂਪਾਯਤਨਂ ਰੂਪਧਾਤੁ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਚਕ੍ਖੁવਿਞ੍ਞੇਯ੍ਯਂ ਚਕ੍ਖੁਸ੍ਮਿਂ ਪਟਿਹਞ੍ਞਤਿ ਚਕ੍ਖੁਸ੍ਸ ਆਪਾਥਂ ਆਗਚ੍ਛਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
465. Pathavīdhātu sanidassanāti? Āmantā. Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti? Na hevaṃ vattabbe…pe….
ਪਥવੀਧਾਤੁ ਸਨਿਦਸ੍ਸਨਾਤਿ? ਆਮਨ੍ਤਾ। ਚਕ੍ਖੁਞ੍ਚ ਪਟਿਚ੍ਚ ਪਥવੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pathavīdhātu sanidassanāti? Āmantā. Cakkhuñca paṭicca pathavīdhātuñca uppajjati cakkhuviññāṇanti? Na hevaṃ vattabbe…pe….
ਚਕ੍ਖੁਞ੍ਚ ਪਟਿਚ੍ਚ ਪਥવੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਆਮਨ੍ਤਾ। ‘‘ਚਕ੍ਖੁਞ੍ਚ ਪਟਿਚ੍ਚ ਪਥવੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋਤਿ? ਨਤ੍ਥਿ। ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਪਥવੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ।
Cakkhuñca paṭicca pathavīdhātuñca uppajjati cakkhuviññāṇanti? Āmantā. ‘‘Cakkhuñca paṭicca pathavīdhātuñca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca pathavīdhātuñca uppajjati cakkhuviññāṇa’’nti.
੪੬੬. ਨ વਤ੍ਤਬ੍ਬਂ – ‘‘ਪਥવੀਧਾਤੁ ਸਨਿਦਸ੍ਸਨਾ’’ਤਿ? ਆਮਨ੍ਤਾ। ਨਨੁ ਪਸ੍ਸਤਿ ਭੂਮਿਂ ਪਾਸਾਣਂ ਪਬ੍ਬਤਨ੍ਤਿ? ਆਮਨ੍ਤਾ। ਹਞ੍ਚਿ ਪਸ੍ਸਤਿ 1 ਭੂਮਿਂ ਪਾਸਾਣਂ ਪਬ੍ਬਤਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਪਥવੀਧਾਤੁ ਸਨਿਦਸ੍ਸਨਾ’’ਤਿ…ਪੇ॰…।
466. Na vattabbaṃ – ‘‘pathavīdhātu sanidassanā’’ti? Āmantā. Nanu passati bhūmiṃ pāsāṇaṃ pabbatanti? Āmantā. Hañci passati 2 bhūmiṃ pāsāṇaṃ pabbataṃ, tena vata re vattabbe – ‘‘pathavīdhātu sanidassanā’’ti…pe….
ਨ વਤ੍ਤਬ੍ਬਂ – ‘‘ਆਪੋਧਾਤੁ ਸਨਿਦਸ੍ਸਨਾ’’ਤਿ? ਆਮਨ੍ਤਾ। ਨਨੁ ਪਸ੍ਸਤਿ ਉਦਕਨ੍ਤਿ? ਆਮਨ੍ਤਾ। ਹਞ੍ਚਿ ਪਸ੍ਸਤਿ ਉਦਕਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਆਪੋਧਾਤੁ ਸਨਿਦਸ੍ਸਨਾਤਿ…ਪੇ॰…।
Na vattabbaṃ – ‘‘āpodhātu sanidassanā’’ti? Āmantā. Nanu passati udakanti? Āmantā. Hañci passati udakaṃ, tena vata re vattabbe – ‘‘āpodhātu sanidassanāti…pe….
ਨ વਤ੍ਤਬ੍ਬਂ – ਤੇਜੋਧਾਤੁ ਸਨਿਦਸ੍ਸਨਾਤਿ? ਆਮਨ੍ਤਾ। ਨਨੁ ਪਸ੍ਸਤਿ ਅਗ੍ਗਿਂ ਜਲਨ੍ਤਨ੍ਤਿ? ਆਮਨ੍ਤਾ। ਹਞ੍ਚਿ ਪਸ੍ਸਤਿ ਅਗ੍ਗਿਂ ਜਲਨ੍ਤਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਤੇਜੋਧਾਤੁ ਸਨਿਦਸ੍ਸਨਾ’’ਤਿ…ਪੇ॰…।
Na vattabbaṃ – tejodhātu sanidassanāti? Āmantā. Nanu passati aggiṃ jalantanti? Āmantā. Hañci passati aggiṃ jalantaṃ, tena vata re vattabbe – ‘‘tejodhātu sanidassanā’’ti…pe….
ਨ વਤ੍ਤਬ੍ਬਂ – ‘‘વਾਯੋਧਾਤੁ ਸਨਿਦਸ੍ਸਨਾ’’ਤਿ? ਆਮਨ੍ਤਾ। ਨਨੁ ਪਸ੍ਸਤਿ વਾਤੇਨ ਰੁਕ੍ਖੇ ਸਞ੍ਚਾਲਿਯਮਾਨੇਤਿ? ਆਮਨ੍ਤਾ। ਹਞ੍ਚਿ ਪਸ੍ਸਤਿ વਾਤੇਨ ਰੁਕ੍ਖੇ ਸਞ੍ਚਾਲਿਯਮਾਨੇ, ਤੇਨ વਤ ਰੇ વਤ੍ਤਬ੍ਬੇ – ‘‘વਾਯੋਧਾਤੁ ਸਨਿਦਸ੍ਸਨਾ’’ਤਿ…ਪੇ॰…।
Na vattabbaṃ – ‘‘vāyodhātu sanidassanā’’ti? Āmantā. Nanu passati vātena rukkhe sañcāliyamāneti? Āmantā. Hañci passati vātena rukkhe sañcāliyamāne, tena vata re vattabbe – ‘‘vāyodhātu sanidassanā’’ti…pe….
ਪਥવੀਧਾਤੁ ਸਨਿਦਸ੍ਸਨਾਤਿਆਦਿਕਥਾ ਨਿਟ੍ਠਿਤਾ।
Pathavīdhātu sanidassanātiādikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੦. ਪਥવੀਧਾਤੁਸਨਿਦਸ੍ਸਨਾਤਿਆਦਿਕਥਾવਣ੍ਣਨਾ • 10. Pathavīdhātusanidassanātiādikathāvaṇṇanā
